Şəmkir Rayon Məhkəməsi Qərar — İş №3(076)-1318/2023

Azərbaycan Respublikası adından QƏRAR Şəmkir rayon İş № 3(076)-1318/2023 24.10.2023 ŞƏMKİR RAYON MƏHKƏMƏSİ Hakim Mustafayev Rəşad Mustafa oğlunun sədrliyi, X3 iclas katibliyi, Şəmkir RPŞnin Kür PB-nin sahə rəisi, polis baş leytenantı X1, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1958-ci il tarixdə Şəmkir rayonu, Təzəkənd kəndində anadan olmuş, Azərbaycan Respublikasının vətəndaşı, evli, orta təhsilli, məhkum olunmamış, fərdi əməklə məşğul olan, Şəmkir rayonu, S.Vurğun kəndində qeydiyyatda olan və yaşayan, Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsi ilə tərtib edilmiş inzibati xəta haqqında protokol üzrə inzibati xəta haqqında işə açıq məhkəmə iclasında baxaraq, məhkəmə müəyyənetdi: Şəmkir RPŞ-nin Kür PB-nin sahə rəisi, polis baş leytenantı X4 tərəfindən Şəxs barəsində Azərbaycan Respublikası İnzibati Xətalar Məcəlləsinin 590.2–ci maddəsi ilə nəzərdə tutulmuş inzibati xətanın törədilməsinə dair xx.xx.2023-cü il tarixli MN ******* nömrəli protokol tərtib edilərək baxılması üçün Şəmkir Rayon Məhkəməsinə göndərilmişdir. Protokol tərtib etmiş Şəmkir RPŞ-nin Kür PB-nin sahə rəisi, polis baş leytenantı X4 göstərdi ki, xx.xx.2023-cü il tarixdə Şəmkir RPŞ-nin Kür PB-nin polis sahə rəisi, polis baş leytenantı Elsevər İbrahimov raportla Kür PB-nə müraciət edərək Şəmkir rayonu Səməd Vurğun kəndində yaşayan Şəxs yaşadığı kəndin kənarında özünə məxsus bağ sahəsinin qarşısında əlində bir ədəd tək lüləli, 16 kalibrli, yivsiz ov silahının olduğunu aşkar etdiyini bildirmişdir. Daxil olmuş məlumat əsasında Şəmkir rayonu, S.Vurğun kəndində yaşayan Şəxs bir ədəd məxsus İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəli ov silahını təqdim etdi. Şəxs təqdim etdiyi ov silahına baxış keçirilmiş, baxış zamanı ov silahının qundaq və lülə hissəsini açılıb bağlanan yerindən açıb silahın içərisinə baxılmış, silahın hər hansı hissəsində sonradan kəsilmə və konstruksiyasında dəyişiklik müəyyən edilməmişdir. Həmin ov silahı maddi sübut əhəmiyyəti kəsb etdiyindən maddi sübut qismində götürülmüşdür. Bu barədə protokol tərtib edilərək materiala əlavə edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs tərtib olunmuş inzibati xəta haqqında protokol üzrə özünü təqsirli bilərək izahatında göstərdi ki, rəsmi olaraq heç bir yerdə işləmir, işsizdir. Mərhum atası X2 məxsus İJ markalı, 16 kalibrli, yivsiz, tək lüləli, lülək və əlcək nömrəsi 88925 olan, heç bir qeydiyyatı olmayan öv tüfəngi vardır və atası rəhmətə getdikdən sonra həmin silah ona qalmışdır. O, həmin silahı Şəmkir rayonu, S.Vurğun kəndində yaşadığı evdə saxlamışdır. Həmin silahı heç bir yerdə istifadə etməmişdir. xx.xx.2023-cü il tarixdə mərhum atası X2 məxsus İJ markalı, 16 kalibrli, yivsiz, tək lüləli, lülək və əlcək nömrəsi 88925 olan, heç bir qeydiyyatı olmayan öv tüfəngini saxlanılması üçün müvafiq icra hakimiyyəti orqanından xüsusi icazə almamışdır və tüfəngin heç bir sənədi yoxdur. Hazırda əməlindən peşimandır və barəsində qərar qəbul edilərkən maddi imkanının olmamasını nəzərə alınmasını xahiş edir. Məhkəmə barəsində inzibati xəta haqqında iş üzrə icraat aparılan şəxsi dinləyib iş üzrə toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, barəsində inzibati xəta haqqında icraat aparılan Şəxs Azərbaycan Respublikası İXM-in 590.2-ci maddəsində nəzərdə tutulan inzibati xətanı törətməsi onun özünün etirafı və işin digər materialları ilə tam sübuta yetirilir. İşdə olan xx.xx.2023-cü il tarixli baxış protokolundan görünür ki, İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəli ov silahına baxış keçirildi, silaha baxış keçirilən zaman Coşqun Dilənçiyev ov silahının qundaq və lülə hissəsini açılıb bağlanan yerindən açıb silahın içərisinə baxdı, silahın hər hansı hissəsində sonradan kəsilmə və konstruksiyasında dəyişiklik müəyyən edilmədi. Çoşqun Dilənçiyev həmin silahın yivsiz ov silahı olduğunu bildirdi. Daha sonra İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəli ov silahına baxış keçirildi, silaha baxış keçirilən zaman Coşqun Dilənçiyev ov silahının qundaq və lülə hissəsini açılıb bağlanan yerindən açıb silahın içərisinə baxdı, silahın hər hansı hissəsində sonradan kəsilmə və konstruksiyasında dəyişiklik müəyyən edilmədi Çoşqun Dilənçiyev həmin silahın yivsiz ov silahı olduğunu bildirilmişdir. Belə ki, Şəxs etirafı ilə yanaşı, iş materialları ilə də müəyyən olunur ki, o, Şəmkir rayonu ərazisində müvafiq icra hakimiyyəti orqanından xüsusi icazə almadan 1 ədəd İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəsi həkk olunmuş ov silahı saxlamışdır. Qeyd edilən əmələ görə Şəmkir RPŞ-nin TB-nin təhqiqatçısının xx.xx.2023-cü il tarixli qərarı ilə cinayət işinin başlanılması rədd edilmiş, Şəxs əməlində Azərbaycan Respublikası İnzibati Xətalar Məcəlləsinin 590.2-ci maddəsinin tərkibi olduğundan barəsində inzibati qaydada tədbir görülməsi üçün protokol tərtib edilərək məhkəməyə təqdim edilmişdir. Azərbaycan Respublikasının İnzibati Xətalar Məcəlləsinin: 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir; 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 590.2-ci maddəsinə əsasən müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə-silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Azərbaycan Respublikasının İnzibati Xətalar Məcəlləsinin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati tənbeh növünü tətbiq edərkən məhkəmə xətanın xarakterini, inzibati xətaya görə məsuliyyəti yüngülləşdirən və ağırlaşdıran halların, habelə inzibati xəta törətmiş şəxsin şəxsiyyətini nəzərə alır. Şəxs Azərbaycan Respublikası İnzibati Xətalar Məcəlləsinin 32 və 33-cü maddələrində nəzərdə tutulan məsuliyyətini yüngülləşdirən və ağırlaşdıran hallar müyyən edilməmişdir. Beləliklə, yuxarıda qeyd olunanları və işin digər hallarını nəzərə alaraq, barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikasının İnzibati Xətalar Məcəlləsinin 590.2-ci maddəsinin sanksiyasında nəzərdə tutulmuş inzibati cərimə növündə tənbeh tədbirini tətbiq edilməsi mümkündür. Məhkəmə həmçinin əlavə tənbeh tədbiri kimi Şəxs müvafiq icra hakimiyyəti orqanından xüsusi icazə almadan saxladığı 1 ədəd İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəsi həkk olunmuş ov silahı qərar qanuni qüvvəsini aldıqdan sonra müsadirə edilməli olmasını zəruri hesab edir. Şərh olunanlara əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-115, 117, 128-130-cu maddələrini rəhbər tutaraq, qərara aldı: Şəxs Azərbaycan Respublikası İnzibati Xətalar Məcəlləsinin 590.2–ci maddəsində nəzərdə tutulmuş inzibati xətanı törətməkdə təqsirli bilinərək 100 (bir yüz) manat məbləğində cərimə edilsin. İş üzrə maddi sübut olan Şəmkir RPŞ-nə saxlanca verilmiş, 1 ədəd İJ markalı, 16 kalibrli, yivsiz, tək lüləli, lülək və əlcək nömrəsi 88925 nömrəsi həkk olunmuş ov silahı dövlət nəfinə müsadirə olunsun və qərar qanuni qüvvəsini aldıqdan sonra Azərbaycan Respublikası Daxili İşlər Nazirliyinin Təchizat İdarəsinə təhvil verilsin. Qərаrın icrаsı Şəmkir Rayon İcra və Probasiya Şöbəsinə və Şəmkir rayon Polis Şöbəsinə həvаlə edilsin. Qərardan alındığı və ya təqdim olunduğu gündən 10 (on) gün müddətində Gəncə Apellyasiya Məhkəməsinə şikayət və ya protest verilə bilər. Sədrlik edən: Rəşad Mustafayev