Şəmkir Rayon Məhkəməsi Qərardad — İş №3(076)-1471/2023

Azərbaycan Respublikası adından QƏRARDAD Şəmkir rayon İş № 3(076)-1471/2023 08.12.2023 ŞƏMKİR RAYON MƏHKƏMƏSİ Hakim Musayev Taleh Valeh oğlunun sədrliyi Kazımova Şəhanə Namiq qızının katibliyi ilə Azərbaycan Respublikası DİN Baş Dövlət Yol Polisi idarəsinin BDYPİ-nin Yol Patrul Xidməti Alayının 9-cu taqımın vəzifəli şəxsinin, fiziki şəxs X2 barəsində tərtib edilmiş inzibati xəta haqqında iş üzrə protokolundan, X4 tərəfindən verilmiş şikayət ərizəsinə açıq məhkəmə iclasına baxaraq MÜƏYYƏNETDİ: X4 şikayət ərizəsi ilə Şəmkir Rayon Məhkəməsinə müraciət edərək, Bakı-Ələt-Qazax- Gürcüstan yolunun 402-ci km-də səhvən yazılmış protokolun ləğv edilməsi barədə qərar qəbul edilməsini xahiş etmişdir. Məhkəmə, şikayət ərizəsini və ona əlavə olunmuş sənədləri nəzərdən keçirərək hesab edir ki, ərizə və ona əlavə olunmuş sənədlər baxılmadan X3 qaytarılmalıdır. Belə ki, Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında işlər üzrə qərardan şikayət, prokuror isə protest verə bilər. Həmin Məcəllənin 128.2.3-cü maddəsinə əsasən inzibati xəta haqqında iş üzrə səlahiyyətli orqanın (vəzifəli şəxsin) qərarından şikayət yuxarı səlahiyyətli orqana (vəzifəli şəxsə) və ya məhkəməyə verilir. Göründüyü kimi qeyd olunan qanun normalarında inzibati xətalar haqqında işlər üzrə qərarlardan, barəsində qərar çıxarılmış şəxs tərəfindən yuxarı səlahiyyətli orqana (vəzifəli şəxsə) və ya məhkəməyə şikayət verilməsi nəzərdə tutulmuşdur. Bundan başqa Azərbaycan Respublikası İXM-nin 134.1.5-ci maddəsində göstərilmişdir ki, inzibati xəta haqqında iş üzrə qərardan verilən şikayətə baxılarkən bu Məcəllənin 135.1.5-2-ci maddəsində nəzərdə tutulan hallar müəyyən olundudqa, qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzfəli şəxsə) göndərilməsi haqqında qərar qəbul edilir. Qanunun bu tələbinə baxmayaraq, X1 orqanın qərarından şikayət verməmiş, yalnız “inzibati xəta haqında protokol”dan şikayət vermişdir ki, məhkəmə göstərilənlərə əsasən hesab edir ki, ərizəçinin həmin müraciəti ilə prosessual qaydalara əməl edilməmişdir. Bundan başqa məhkəmə qeyd edir ki, X4 şikayətini qanunvericilikdə nəzərdə tutulmayan iddia şəklində məhkəməyə təqdim etmişdir. Bu da məhkəməyə belə nəticəyə gəlməyə əsas verir ki, şikayət ərizəsi qeyri-müəyyən şəkildə məhkəməyə verilmişdir. Ona görə də məhkəmə hesab edir ki, ərizənin icraata qəbul edilməsindən imtina edilməli, ərizə onu vermiş şəxsə qaytarılmalı və ərizəçiyə qeyd olunan nöqsanları aradan qaldırıldıqdan sonra şikayət ərizəsi ilə yenidən məhkəməyə müraciət etmək hüququnun olması izah edilməlidir. Qeyd olunanlara əsasən və Azərbaycan Respublikası İXM-nin 128 və 135-ci maddələrini rəhbər tutaraq, məhkəmə QƏRARAALDİ: Azərbaycan Respublikası DİN Baş Dövlət Yol Polisi idarəsinin BDYPİ-nin Yol Patrul Xidməti Alayının 9-cu taqımın inzibati xəta haqqında protokolunun ləğv olunması barədə X4 tərəfindən verilmiş şikayət ərizəsinin icraata qəbul edilməsindən imtina edilsin, ərizə və ona əlavə olunmuş sənədlər X3 geri qaytarılsın. X3 inzibati xəta haqqında iş üzrə qərardan şikayət vermək hüququnun olması izah edilsin. Hakim Taleh Musayev