Şəmkir Rayon Məhkəməsi Qərar — İş №3(076)-16/2023

Azərbaycan Respublikası adından QƏRAR Şəmkir rayon İş № 3(076)-16/2023 06.02.2023 ŞƏMKİR RAYON MƏHKƏMƏSİ Hakim Məmmədova Şəfəq Ənvər qızının sədrliyi Heydarov Cəmil Elxan oğlunun katibliyi ilə Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair Şəmkir Rayon İcra və Probasiya Şöbəsindən daxil olmuş inzibati xəta haqqında protokola açıq məhkəmə iclasında baxaraq, Müəyyən etdi: Şəmkir Rayon Məhkəməsinə Şəxs barəsində Azərbaycan Respublikası İXM-nin 528.1-ci maddəsi ilə inzibati xəta haqqında protokol daxil olmuşdur. İnzibati xəta haqqında protokola görə, Şəxs xx.xx.2020-ci il təvəllüdlü Ömürcan adlı uşağın yetkinlik yaşına çatanadək saxlanması üçün iddiaçı X1 xeyrinə hər ay 130 manat sabit pul məbləğində alimentin ödənilməsini nəzərdə tutan icra sənədinin icrası ilə əlaqədar Şəmkir rayon İcra və Probasiya Şöbəsinin icra məmurunun qanuni tələblərinə qəsdən tabe olmamış, qətnamənin tələblərinə məhəl qoymaraq alimentin ödənilməsindən boyun qaçırmış, bununla da aliment borcunu ödəməkdən yayınmışdır. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs qanunda nəzərdə tutulmuş qaydada çağırılmış, habelə onun məhkəmə iclasına gətirilməsi barədə qərarlar qəbul edilmiş, bundan əlavə qanunvericilikdə nəzərdə tutulmuş digər zəruri tədbirlər görülmüş, lakin barəsində inzibati xəta haqqında iş üzrə icraat aparılan şəxsin olduğu yer müəyyən edilməmişdir. Məhkəmə barəsində inzibati xəta haqqında iş üzrə icraat aparılan Şəxs olduğu yer müəyyən edilənədək, yəni bir ildən artıq olmayan müddətə inzibati xəta haqqında iş üzrə icraatın dayandırılmasını məqsədə müvafiq hesab etmişdir. Belə ki, məhkəmənin xx.xx.2022-ci il tarixli qərarı ilə Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair Şəmkir Rayon İcra və Probasiya Şöbəsindən daxil olmuş inzibati xəta haqqında xx.xx.2021-ci il tarixli MN ******* nömrəli protokol əsasında başlanmış inzibati xəta haqqında iş üzrə icraat, Şəxs olduğu yer müəyyən edilənədək bir ildən artıq olmayan müddətə dayandırılmışdır. Hazırda məhkəmə hesab edir ki, inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 104.8-ci maddəsinə əsasən bu Məcəllənin 38-ci maddəsində nəzərdə tutulmuş müddətlər keçdikdə inzibati xəta haqqında iş üzrə dayandırılmış icraata xitam verilir. Göründüyü kimi hazırki iş üzrə icraat xx.xx.2022-ci il tarixli qərardadla dayandırılmış və həmin vaxtan artıq 1 il müddət keçmişdir. Ona görə də Şəxs Azərbaycan Respublikası İXM–nin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilməlidir. Qeyd olunanlara əsasən və Azərbaycan Respublikası İXM-nin 104.8-ci maddəsini rəhbər tutaraq, Qərara aldı: Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilsin. Qərardan 10 (on) gün müddətində Şəmkir Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və ya protesti verilə bilər. Hakim Şəfəq Məmmədova