Şəmkir Rayon Məhkəməsi Qərar — İş №3(076)-172/2025

Azərbaycan Respublikası adından QƏRAR Şəmkir rayon İş № 3(076)-172/2025 19.02.2025 ŞƏMKİR RAYON MƏHKƏMƏSİ Hakim Məhəmmədi Həvayət Kəmaləddin qızının sədrliyi, Niftalıyev Kənan Nazim oğlunun katibliyi, Şəmkir Rayon Polis Şöbəsinin İTB-nin polis sahə rəisi X3, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1978-ci ildə Şəmkir rayonu Seyfəli kəndində doğulmuş, subay, orta təhsilli, məhkumluğu olmayan, Şəmkir rayonu, Seyfəli kəndində qeydiyyatda olmaqla həmin ünvanda yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsinə dair Şəmkir Rayon Polis Şöbəsindən daxil olmuş inzibati xəta haqqında iş materiallarına baxaraq, məhkəmə müəyyən etdi: Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsi ilə bağlı Şəmkir rayon Polis Şöbəsində tərtib olunmuş material baxılması üçün 19 fevral 2025-ci il tarixdə Şəmkir Rayon Məhkəməsinə göndərilmişdir. Materiala əlavə edilmiş Şəmkir Rayon Polis Şöbəsinin İTB-nin polis sahə rəisi X6 tərəfindən tərtib olunmuş xx.xx.2025-ci il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs xx.xx.2024-cü il tarixdə Zərərçəkmiş şəxs ilə aralarında baş vermiş mübahisə zamanı Zərərçəkmiş şəxs döymüşdür. Beləliklə də, Namazova X5 Xətalar Məcəlləsinin 157-ci maddəsində nəzərdə tutulan inzibati xətanı törətmişdir. Məhkəmə iclasında Şəmkir Rayon Polis Şöbəsi İTB-nin polis sahə rəisi X6 izahat verərək bildirdi ki, 16 dekabr 2024-cü il tarixdə Şəxs Zərərçəkmiş şəxs döymüşdür. Zərərçəkmiş şəxs müraciəti əsasında toplanmış material üzrə əməldə cinayət tərkibi olmadığından material üzrə cinayət işinin başlanılması rədd edilmiş və onun tərəfindən Şəxs barəsində inzibati icraat başlanılmışdır. Odur ki, Şəxs barəsində inzibati tənbeh tətbiq olunmasını məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Şəmkir rayon Əliyaqublu kəndində İlahə Məmmədovaya məxsus istilikxanada işləyir. X1 şəbəkəsinə borcu olduğu üçün, bir neçə dəfə elektrik enerjisini kəsməyə gəlmişlər. xx.xx.2024-cü il tarixdə saat 15:00 radələrində Şəmkir Elektrik şəbəkəsinin işçiləri yenidən istilikxanaya gələrək, elektrik enerjisini kəsəcəklərini bildirdilər. Həmin vaxtı, onlarla birlikdə gələn, qeyd edilən idarənin işçisi Kəmalə adlı qadın elektrik enerjisini kəsdirəcəyini söylədi. O da elektrik enerjisinin kəsiləcəyi təqdirdə, məhsulun məhv olacağını söyləmişdir. Kəmalə adlı qadın onunla sözlə mübahisə edərək nalayiq ifadələr işlətməyə başlamışdır. O qardaşının vəfat etməsini bildirərək, onun goruna and içib, elektrik enerjisinin kəsiləcəyi təqdirdə məhsulun məhv olacağını söylədilər. Kəmalə adlı qadın isə onun qardaşının ölüsü barəsində nalayiq ifadələr işlətdi. Onun qardaşının şəhid olmasını barədə ətrafdakı qadınlar Kəmalə adlı qadına bildirdikdə, Kəmalə şəhidin də ünvanına nalayiq ifadələr işlətdi. Daha sonra isə Kəmalə onun saçından çəkərək baş nahiyəsinə əl zərbəsi ilə vurmağa başladı. O isə özünü müdafiə etməsi üçün Kəmalə adlı xanımı vurmuşdur. Məhkəmə iclasında Zərərçəkmiş şəxs izahat verərək bildirdi ki, Şəmkir Elektrik şəbəkəsində sahə rəisi şləyir. Şəmkir rayon Əliyaqublu kəndində Vüsal adlı şəxsə məxsus istilikxanada elektrik sayğacından kənar elektrik enerjisi istifadə edildiyi üçün, istilikxanaya cərimə yazılıbdır. Eyni zamanda istilikxanada istifadə edilmiş elektrik enerjisinin pulu da ödənilmir. Bu səbəbdən xx.xx.2024-cü il tarixdə Şəmkir Elektik şəbəkəsinin işçiləri Şəmkir rayon Əliyaqublu kəndində yerləşən Vüsal adlı şəxsə məxsus istilikxanaya gedərək, elektrik xəttini şəbəkədən ayırmaq istədilər. Həmin vaxtı o da elektrik şəbəkəsinin işçilərinin yanında idi, mantyor elektrik xəttini şəbəkədən ayırmaq istədikdə, adının daha sonra Şəxs olduğunu bildiyi qadın heç bir səbəb olmadan onu təhqir etməyə başladı və elektrik xəttini kəsməyə imkan vermədi. Bu səbəbdən elektrik şəbəkəsinin işçiləri, kənar tərəfdən elektrik xəttini kəsmək üçün istilikxananın yanından uzaqlaşıb, bir qədər kənara getdikden sonra Vüsal və digər şəxslər başqa şəxslərin elektrik enerjisinin kəsilməməsi üçün onların xəttini kəsməyi təklif etdilər. Bu mövzuda söhbət edən vaxtı Şəxs yenidən onun üzərinə gələrək, təhqir etməyə və nalayiq ifadələr işlətməyə başladı. Onun dediklərinə əhəmiyyət verməyərək avtomobildə əyləşmişdir. Şəxs isə avtomobilin qapısını fiziki güc tətbiq edərək, qapını açıb onu avtomobilin içərisində döydü. Vüsal adlı istilikxananın işçisi isə avtomobildə gəlib əyləşərək başqa şəxslərin avtomobilə yaxınlaşmasına imkan verməyib, onun işçisi Saran adlı qadın tərəfindən döyülməyinə şərait yaratdı. İş materiallarına əlavə edilmiş 10 dekabr 2024-cü il tarixli “Cinayət işinin başlanmasının rədd edilməsi haqqında” qərardan görünür ki, Şəmkir Rayon Polis X2 təhqiqatçısı, polis kapitanı X7 tərəfindən Zərərçəkmiş şəxs DİN-nin 102 xidmətinə zəng edərək vermiş olduğu məlumat əsasında toplanmış materialda cinayət tərkibi olmadığından material üzrə cinayət işinin başlanılması rədd edilmiş, Şəxs barəsində İXMin 157-ci maddəsi ilə inzibati qaydada tədbir görülməsi üçün Şəmkir Rayon Şöbəsinin İTBnin polis sahə rəisinə göndərilməsi qərara alınmışdır. İş materiallarına əlavə edilmiş məhkəmə-tibbi-ekspertizasının xx.xx.2024-cü il tarixli 1214 saylı rəyindən məlum olur ki, Şəxs bədəni üzərində müəyyən edilən xəsarətlər-alın nahiyəsinin sol yarsının, döş qəfəsinin arxa səthinin qançırları və sol said nahiyəsinin yuxarı üçdə birinin ön səthinin sıyrığı KÜT əşyaların təsirindən törənmişlər, törənmə müddətləri xx.xx.2024-cü il tarixə uyğun gəlir. Sağlamlığa zərər vurmayan xəsarət olduğu üçün ağırlıq dərəcəsi təyin edilmir. İş materiallarına əlavə edilmiş məhkəmə-tibbi-ekspertizasının xx.xx.2024-cü il tarixli 1215 saylı rəyindən məlum olur ki, Zərərçəkmiş şəxs bədəni üzərində müəyyən edilən xəsarətlər-başın tüklü hissəsində ənsə nahiyəsinin şişkinlik fonunda və sağ bazu oynağının bayır səthinin qançırları KÜT əşyaların təsirindən törənmişlər, törənmə müddətləri xx.xx.2024-cü il tarixə uyğun gəlir. Sağlamlığa zərər vurmayan xəsarət olduğu üçün ağırlıq dərəcəsi təyin edilmir. Məhkəmə proses iştirakçılarını dinləyib, toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, barəsində inzibati xəta haqqında iş üzrə icraat aparılan Şəxs Azərbaycan Respublikası İXM-in 157-ci maddəsində nəzərdə tutulan inzibati xətanı törətməsi zərərçəkmiş şəxsin izahatı, özünün etirafedici izahatı, eyni zamanda məhkəmə prosesi zamanı elan edilmiş məhkəmə-tibbi-ekspertizasının rəyi və iş materiallarındakı sübutlarla tam təsdiq edilir. Məhkəmə hesab edir ki, Şəxs hərəkəti düzgün olaraq Azərbaycan Respublikası İXM-in 157-ci maddəsi ilə tövsif edilmişdir və o, həmin maddə ilə təqsirli bilinib inzibati tənbeh edilməlidir. Azərbaycan Repubilkası İXM-in 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. İnzibati məsuliyyəti istisna edən və icraatı rədd edən halların mövcud olması məhkəmə iclasında aşkar edilməmişdir. Buna görə də Şəxs təqsirli bilindiyi maddənin sanksiyası həddində inzibati tənbeh edilməlidir. Azərbaycan Respublikası İnzibati Xətalar Məcəlləsinin 30.2-ci maddəsinə əsasən amilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, orqanizmin funksiyalarının 61-80 faiz və ya 81-100 faiz pozulmasına görə əlilliyi müəyyən edilmiş şəxslər, 18 yaşınadək əlilliyi müəyyən edilmiş şəxslər, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında barəsində inzibati xəta haqqında icraat aparılan şəxsin məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə Şəxs ilk dəfə inzibati məsuliyyətə cəlb olunmasını, inzibati xətanın xarakterini, törədilməsi hallarını, onun təqsirinin dərəcəsini və əmlak vəziyyətini nəzərə alaraq hesab edir ki, Şəxs qanunlara hörmət ruhunda tərbiyələndirilməsi və onun tərəfindən yeni inzibati xətaların törədilməsinin qarşısının alınması məqsədləri üçün inzibati cərimə növündə inzibati tənbeh tətbiq edilməsi kifayət edir. Şərh olunanlara əsasən və Azərbaycan Respublikası İXM-in 43, 115, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsində təqsirli bilinərək 400 (dörd yüz) manat məbləğində inzibati cərimə edilsin. Qərarın icrası Şəmkir Rayon İcra və Probasiya Şöbəsinə həvalə edilsin. Qərardan surəti təqdim edildiyi və ya alındığı gündən 10 gün müddətində Şəmkir Rayon Məhkəməsi vasitəsilə və ya bilavasitə Gəncə Apellyasiya Məhkəməsinə şikayət və ya protest verilə bilər. Hakim Həvayət Məhəmmədi