Şəmkir Rayon Məhkəməsi Qərar — İş №3(076)-476/2024

Azərbaycan Respublikası adından QƏRAR Şəmkir rayon İş № 3(076)-476/2024 29.04.2024 ŞƏMKİR RAYON MƏHKƏMƏSİ Hakim Məmmədova Şəfəq Ənvər qızının sədrliyi, X1 oğlunun katibliyi ilə, Şəmkir rayon İcra və Probasiya Şöbəsinin rəisi Xəyal Əlizadənin və şöbənin icra məmuru X2, tələbkar Zərərçəkmiş şəxs və barəsində inzibati xəta haqqında icraat aparılan şəxs Şəxs iştirakları ilə, xx.xx.1981-ci il tarixdə Kəlbəcər rayonu Vəng kəndində doğulmuş, Azərbaycan Respublikasının vətəndaşı, evli, Kəlbəcər rayonu Vəng kəndində qeydiyyatda olmaqla, Şəmkir rayonu Kür qəsəbəsində yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Şəmkir rayon İcra və Probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, Müəyyənetdi: Şəxs Azərbaycan Respublikası İXM-in 528.1-ci maddəsi ilə inzibati məsuliyyətə cəlb edilməsi ilə bağlı Şəmkir rayon İcra və Probasiya şöbəsində tərtib edilmiş inzibati xəta haqqında protokol və ona əlavə edilmiş sənədlər baxılması üçün 29 aprel 2024-cü il tarixdə Şəmkir Rayon Məhkəməsinə göndərilmişdir. Materiala əlavə edilmiş Şəmkir rayon İcra və Probasiya şöbəsinin icra məmuru X6 tərəfindən tərtib edilmiş, xx.xx.2024-cü il tarixli, MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəmkir Rayon məhkəməsi tərəfindən verilmiş, 2(076)-433/2018 saylı, xx.xx.2018-ci il tarixli icra sənədinə əsasən, Zərərçəkmiş şəxs mülkiyyətinə verilmiş və Şəmkir rayonu Qaracəmirli kəndində yerləşən, 0.1547 ha kənd təsərrüfatı təyinatlı torpaq sahəsi cavabadehlər, X4, X3, X7, X5 və Şəxs zəbtindən azad edilməsi və Zərərçəkmiş şəxs faktiki sahibliyinə qaytarılması, borcululardan 100 manat məbləğində məhkəmə xərcinin müştərək qaydada alınaraq Məhkəmə Ekspertiza Mərkəzinin hesabına ödənilməsi qərara alınmışdır. İcra sənədinin icrasını təmin etmək məqsədi ilə borcluya tələbin könüllü icrası üçün bildiriş və inzibati məsuliyyətə veriləcəyi barədə xəbərdarlıqlar təqdim edilmişdir. Borclu icra sənədi üzrə icra məmurunun qanuni tələblərini yerinə yetirməmişdir. Məhkəmə iclasında Şəmkir rayon İcra və Probasiya Şöbəsinin rəisi Xəyal Əlizadə və şöbənin icra məmuru X6 izahatlarında bildirdilər ki, icra sənədinin icrasını təmin etmək məqsədi ilə borcluya tələbin könüllü icrası barədə bildiriş və inzibati məsuliyyətə cəlb olunacağı barədə xəbərdarlıq təqdim edilmiş, lakin borclu icra sənədinə əsasən indiyə qədər tələbi icra etməmişdir. Borclunun əməli Azərbaycan Respublikası İnzibati Xətalar Məcəlləsində 528.1-ci maddəsi ilə nəzərdə tutulan inzibati məsuliyyət yaratdığından, onun barəsində müvafiq protokol tərtib edilərək baxılması üçün məhkəməyə göndərilmişdir. Məhkəmə iclasında barəsində inzibati xəta haqqında icraat aparılan Şəxs izahatında bildirmişdir ki, o, qeyd edilən torpaq sahəsində kənd təsərrüfatına aid işlər görərək dolanır, başqa heç bir yerdən gəliri yoxdur, qanunla torpaq sahəsi onun mülkiyyətində deyil və icra məmurlarını qanuni tələblərinə əməl edəcəkdir. Məhkəmədən onu nəzərə alınmasını xahiş etdi. Məhkəmə iclasında tələbkar Zərərçəkmiş şəxs izahat verərək bildirdi ki, borclu Şəxs Şəmkir Rayon Məhkəməsinin qərarını və icra məmurunun həmin qərara əsasən tələb etdiyi qanuni göstərişlərini yerinə yetirmir, ona görə də məhkəmədən borclunun barəsində qanuna müvafiq tənbeh tətbiq edilməsini xahiş etmişdir. İş materiallarına əlavə edilmiş, Şəmkir Rayon məhkəməsinin 2(076)-433/2018 saylı, xx.xx.2018-ci il tarixli icra sənədinə əsasən, Zərərçəkmiş şəxs mülkiyyətinə verilmiş və Şəmkir rayonu Qaracəmirli kəndində yerləşən, 0.1547 ha kənd təsərrüfatı təyinatlı torpaq sahəsi cavabadehlər, X4, X3, X7, X5 və Şəxs zəbtindən azad edilməsi və Zərərçəkmiş şəxs faktiki sahibliyinə qaytarılması, borcululardan 100 manat məbləğində məhkəmə xərcinin müştərək qaydada alınaraq Məhkəmə Ekspertiza Mərkəzinin hesabına ödənilməsi qərara alınmışdır. İş materiallarından görünür ki, xx.xx.2024-cü il tarixli icraata başlamaq haqqında qərar qəbul edilərək, qərarın surəti bildirişlə icra sənədi üzrə borclunun icra sənədində qeyd olunmuş ünvanına göndərilmişdir. İş materiallarına əlavə edilmiş tələbin könüllü icrası haqqında bildirişlərdən görünür ki, Şəmkir Rayon Məhkəməsinin 2(076)-433/2018 saylı, xx.xx.2018-ci il tarixli icra sənədi üzrə tələbi könüllü icra etməsi üçün borclu Şəxs 10 gün müddətində vaxt verilmişdir. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra rəisinin, icra məmurunun, tələbkarın və barəsində inzibati xəta haqqında icraat aparılan şəxsin izahatları, habelə inzibati materialda olan digər sənədlərlə sübuta yetirilmişdir ki, Şəxs məhkəmə qərarının icrası ilə bağlı icra məmurunun qanuni tələblərini üzrsüz səbəbdən yerinə yetirməyərək, icra məmuru tərəfindən müəyyən olunmuş müddətdə icra sənədinin icrasını təmin etməmişdir. Hal-hazıradək edilmiş xəbərdarlıqlara baxmayaraq, onun tərəfindən icra sənədinin icrasına səhlənkar yanaşılmış, tələbkarın qanuni mülkiyyətində olan torpaq sahəsini tələbkarın faktiki sahibliyinə qaytarmamışdır. İş materiallarından görünür ki, icra məmuru tərəfindən tələbin könüllü icrası barədə bildiriş ona xx.xx.2024-cü il tarixdə təqdim edilmiş və ona tələbin könüllü icrası üçün 10 gün vaxt verilmişdir. Lakin, həmin vaxtdan keçən müddət ərzində borclu icra sənədinin icrasına laqeyd yanaşmışdır. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, törədilmiş inzibati xətanın xarakterini, inzibati xətanı törətmiş şəxsin şəxsiyyətini, onun məsuliyyətini yüngülləşdirən və ağırlaşdıran halların müəyyən edilməməsini, tələbkarın qanuni mülkiyyətində olan torpaq sahəsini tələbkarın faktiki sahibliyinə qaytarmamasını nəzərə alıb, iş üzrə toplanmış sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və barəsində həmin maddənin sanksiyasının hədləri daxilində inzibati həbs tənbeh növü tətbiq edilməlidir. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək, 08 (səkkiz) gün müddətinə inzibati qaydada həbs edilsin. Həbs etmənin əvvəli 29 aprel 2024-cü il tarixdən saat 15:00-dan hesablansın. Qərarın icrası Şəmkir Rayon Polis Şöbəsinə həvalə olunsun. Qərardan rəsmi qaydada verildiyi vaxtdan 10 gün müddətində Şəmkir Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Hakim Şəfəq Məmmədova