Şəmkir Rayon Məhkəməsi Qərar — İş №3(076)-517/2024

Azərbaycan Respublikası adından QƏRAR Şəmkir rayon İş № 3(076)-517/2024 06.05.2024 ŞƏMKİR RAYON MƏHKƏMƏSİ Hakim Məmmədova Şəfəq Ənvər qızının sədrliyi, Niftalıyev Kənan Nazim oğlunun katibliyi ilə, İnzibati xəta haqqında protokol tərtib etmiş X3, zərərçəkmiş şəxs X1, barəsində inzibati xəta haqqında icraat aparılan Şəxs iştirakları ilə, xx.xx.1990-cı il tarixdə Şəmkir rayonu, Dəllər- Daşbulaq kəndində anadan olmuş, Azərbaycan Respublikasının vətəndaşı, ali təhsilli, evli, Şəmkir rayonu, Dəllər-Daşbulaq kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə inzibati məsuliyyətə cəlb edilməsinə dair Şəmkir rayon Polis şöbəsindən daxil olmuş materiala açıq məhkəmə iclasında baxaraq, Müəyyənetdi: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə inzibati məsuliyyətə cəlb edilməsinə dair Şəmkir rayon Polis şöbəsində tərtib olunmuş material baxılması üçün Şəmkir Rayon Məhkəməsinə göndərilmişdir. Materiala əlavə edilmiş xx.xx.2024-cü il tarixli, MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs xx.xx.2024-cü il tarixdə X2 vuraraq sağlamlığına zərər vurmayan xəsarətlər yetirmişdir. Beləliklə də, Şəxs İnzibati Xətalar Məcəlləsinin 157-ci maddələrində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş şəxs X6 izahatında göstərdi ki, Şəxs xx.xx.2024-cü il tarixdə X2 vuraraq sağlamlığına zərər vurmayan xəsarətlər yetirmişdir. Bu fakt üzrə təhqiqat araşdırması aparılmış və onun əməlində cinayət tərkibi olmadığına görə cinayət işinin başlanması rədd edilmişdir. Lakin, Şəxs əməlində İnzibati Xətalar Məcəlləsinin 157-ci maddəsinin əlamətləri olduğundan barəsində inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iclasında barəsində inzibati xəta haqqında icraat aparılan şəxs Şəxs İnzibati Xətalar Məcəlləsinin 157-ci maddəsi ilə nəzərdə tutulan inzibati xəta törətməkdə özünü qismən təqsirli bilərək izahatında bildirmişdir ki, xx.xx.2024-cü il tarixdə yaşadığı evdə olan zaman Həmidli Kənan evlərinə gəlmişdir, bu zaman borc pul məsələsinə görə aralarında mübahisə yaranmışdır, Həmidli Kənan onun göz nahiyəsinə yumruq zərbəsi vurmuşdur, buna görə də Şəxs də Həmidli Kənanın göz nahiyəsinə yumruq zərbəsi vurmuşdur. İstəməzdi ki, aralarında belə bir hadisə baş versin. Həmidli Kənandan üzr istəyir və bir daha oxşar hərəkətlər etməyəcəyinə söz vermişdir. Məhkəmə iclasında zərərçəkmiş şəxs X4 izahatında bildirdi ki, Şəxs onun mağazasından inşaat malları almışdır, lakin borclu olduğu 600 manat pulu qaytarmamışdır, xx.xx.2024-cü il tarixdə Şaiqin yaşadığı evə getmişdir, bu zaman aralarında mübahisə yaranmışdır və Şaiq əli ilə onun sifət nahiyəsinə zərbə endirmişdir, bundan sonra o, həmin yerdən uzaqlaşmışdır. Şəxs üzrünü qəbul edir, bir də belə hadisə etməyəcəyinə inanır və barəsində inzibati işin icraatına xitam verilməsinə etiraz etmədiyini bildirir. Məhkəmə iclasında şahid X7 izahat verərək bildirdi ki, Kənan Həmidli ilə iş yoldaşıdır, xx.xx.2024-cü il tarixdə Kənan ilə birlikdə Şəxs yaşadığı evə getmişlər, həmin vaxt Həmidli Kənan ilə Şəxs mübahisə edərək bir-biri ilə əlbəyaxa olmuşlar, daha sonra Kənan Həmidli ilə Yusif Əzizov oradan uzaqlaşıb getmişlər. İş materiallarında olan məhkəmə-tibbi ekspertizasının xx.xx.2024-cü il tarixli, 83 saylı rəyindən görünür ki, X1 bədəni üzərində ağırlıq dərəcəsi təyin edilməyən, sağlamlığa zərər vurmayan, xx.xx.2024-cü il tarixə uyğun gələn xəsarətlər müəyyən edilmişdir. İş materiallarından görünür ki, zərərçəkmiş şəxs X1 şikayət ərizəsi əsasında təhqiqat araşdırması aparılmış və sonunda 03 fevral 2024-cü il tarixli “cinayət işinin başlanmasının rədd edilməsi haqqında” qərarla Şəxs əməlində cinayət tərkibi olmadığından cinayət işinin başlanması rədd edilmiş, onun əməlində İnzibati Xətalar Məcəlləsinin 157-ci maddəsinin tərkibi olduğu müəyyən edildiyindən qərarın surəti Şəmkir RPŞ-in İTB-in sahə rəisinə göndərilmişdir. İşdə olan xx.xx.2024-cü il tarixli qərardaddan görünür ki, Şəxs barəsində AR İXM-in 157-ci maddəsi ilə protokol tərtib edilərək baxılması üçün Şəmkir Rayon Məhkəməsinə göndərilmişdir. Məhkəmə, inzibati xəta haqqında tərtib edilmiş protokolu və ona əlavə edilmiş sənədləri tədqiq edib, proses iştirakçılarının izahatlarını dinləyərək hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulan inzibati xətanın törədilməsi özünün izahatı ilə yanaşı, zərər çəkmiş şəxsin izahatı, inzibati xəta haqqında protokol və işdə olan digər sənədlərlə tam sübuta yetirilir. Yuxarıda qeyd olunanlarla yanaşı, məhkəmə iclası zamanı zərərçəkmiş şəxs X4 ərizə ilə məhkəməyə müraciət edərək Şəxs ilə barışdığına görə Şəxs barəsində aparılan icraata xitam verilməsini xahiş etmişdir. Belə olan vəziyyətdə məhkəmə hesab edir ki, X1 döyülməsi hadisəsi ilə bağlı, Şəxs təqsirli olması sübuta yetirilsə də, inzibati xətanı törətmiş şəxsin, zərər çəkmiş şəxslə barışması əsası ilə, AR İXM-in 157-ci maddəsi ilə tərtib olunmuş protokol üzrə Kənan Həmidlinin barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 53.1.9-cu maddəsinə əsasən inzibati xətanı törətmiş şəxs zərər çəkmiş şəxslə barışdıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2.1-ci maddəsinə əsasən Azərbaycan Respublikasının İXMnin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanmış inzibati xəta haqqında iş üzrə icraata xitam verilməlidir. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 53, 114 və 115-ci maddələrini rəhbər tutaraq, məhkəmə Qəraraaldı: Şəxs barəsində, xx.xx.2024-cü il tarixli, MN ******* nömrəli, inzibati xəta haqqında protokol əsasında Azərbaycan Respublikasın İnzibati Xətalar Məcəlləsinin 157-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi vaxtdan 10 gün müddətində Şəmkir Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Hakim Şəfəq Məmmədova