Şəmkir Rayon Məhkəməsi Qərar — İş №3(076)-570/2023

Azərbaycan Respublikası adından QƏRAR Şəmkir rayon İş № 3(076)-570/2023 24.04.2023 ŞƏMKİR RAYON MƏHKƏMƏSİ Hakim Məmmədova Şəfəq Ənvər qızının sədrliyi, Şərifova Səbinə Səvayuş qızının katibliyi ilə, İnzibati xəta haqqında protokol tərtib etmiş şəxs Şəmkir RPŞ-nin İTB-nin polis sahə rəisi X3, Barəsində inzibati xəta haqqında icraat aparılan şəxs Şəxs iştirakları ilə, xx.xx.1988-ci ildə Şəmkir rayonunun Atabəy kəndində doğulmuş, Azərbaycan Respublikasının vətəndaşı, orta təhsilli, evli, işləməyən, ünvan 1 ünvanında yaşayan Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə inzibati məsuliyyətə cəlb edilməsinə dair Azərbaycan Respublikası Daxili İşlər Nazirliyi Şəmkir rayon Polis Şöbəsindən daxil olmuş inzibati xəta haqqında materiala məhkəmə iclasında baxaraq, Müəyyən etdi: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə inzibati məsuliyyətə cəlb edilməsi ilə bağlı Şəmkir rayon Polis Şöbəsində tərtib olunmuş materiallar baxılması üçün 24 aprel 2023-cü il tarixdə Şəmkir Rayon Məhkəməsinə göndərilmişdir. xx.xx.2023-cü il tarixli MN ******* nömrəli və xx.xx.2023-cü il tarixli MN ******* nömrəli inzibati xəta haqqında protokollardan görünür ki, Şəxs 24 aprel 2023-cü il tarixdə saat 12-radələrində Şəmkir şəhəri, Vətən küçəsində ucadan ünvansız nalayiq ifadələr işlətmiş və onu nizam-intizama dəvət edən polis əməkdaşlarının qanuni tələbinə qəsdən tabe olmamışdır. Beləliklə də, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətaları törətmişdir. Şəmkir Rayon Məhkəməsinin xx.xx.2023-cü il tarixli qərardadı ilə Şəxs barəsində MN ******* saylı protokol üzrə 3(076)-570/2023 saylı və MN ******* saylı protokol üzrə 3(076)-571/2023 saylı inzibati işlərə baxılması, Şəxs tərəfindən eyni vaxtda törədildiyindən və eyni orqanın səlahiyyətinə aid olduğundan Azərbaycan Respublikası İnzibati Xətalar Məcəlləsinin 34.2-ci maddəsinə əsasən bir icraatda 3(076)-571/2023 sayla birləşdirilmişdir. Məhkəmə iclasında inzibati xəta haqqında protokolu tərtib etmiş şəxs Şəmkir RPŞnin İTB-nin polis sahə rəisi izahatında göstərmişdir ki, Şəmkir şəhər sakini X1 RPŞ-nə ərizə ilə müraciət edərək yaşadığı Şəmkir şəhəri, Vətən küçəsində yerləşən evinin həyətinə tanımadığı şəxsin qanunsuz daxil olmasını bildirmişdir. Rəna Həsənovanın müraciəti əsasında 24 aprel 2023-cü il tarixdə saat 12 radələrində Şəmkir şəhəri, Vətən küçəsində, həmin küçədə yaşayan Şəxs Şəmkir RPŞ-nə dəvət etmişlər. Lakin sonuncu Şəmkir RPŞ-nə getməkdən imtina edərək ucadan ünvansız nalayiq ifadələr işlətmişdir. Həmin vaxt polis əməkdaşları Şəxs nizam-intizama dəvət edərkən, sonuncu onların qanuni tələbinə tabe olmamışdır. Beləliklə də, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətmişdir. Odur ki, Şəxs barəsində qanunamüvafiq qərar qəbul edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirmişdir ki, o, Şəmkir şəhəri, Vətən küçəsi, ev-39 ünvanında ailəsi ilə birgə yaşayır. xx.xx.2023-cü il tarixində saat 23 radələrində yaşadığı Vətən küçəsi ilə evə gedərkən it ona hücum etmiş, bu zaman yaxınlıqda olan qonşusu Rənanın evinə girmişdir. Rəna Həsənova onu görüb qışqıraraq, evinə icazəsiz daxil olmasının səbəbini soruşaraq, onu polisə verəcəyini bildirmişdir. Bundan sonra o, qorxaraq dərhal evin hasarından küçəyə çıxmış və öz evinə getmişdir. xx.xx.2023-cü il tarixində, saat 12 radələrində bir qrup polis əməkdaşları gələrək onu Şəmkir RPŞ-nə dəvət etmiş, o, polis əməkdaşlarına tabesizlik göstərməmiş və nalayiq ifadələr işlətməmişdir. O, polis əməkdaşlarına tabe olaraq Şəmkir RPŞ-nə getmişdir. Odur ki, məhkəmədən qeyd etdiklərinin nəzərə alınmasını xahiş etmişdir. Məhkəmə iclasında şahid qismində dindirilmiş Şəmkir RPŞ-nin CAB-nin əməliyyat müvəkkili izahatında göstərmişdir ki, Şəmkir şəhər sakini X2 müraciəti əsasında, Şəmkir RPŞ-nin CAB-nin əməliyyat müvəkkili X7 ilə birlikdə Şəmkir şəhəri, Vətən küçəsində yaşayan Şəxs 24 aprel 2023-cü il tarixdə, saat 12 radələrində həmin küçədə saxlayaraq Şəmkir RPŞ-nə dəvət etmişlər. Lakin sonuncu RPŞ-nə getməktən imtina edərək, nalayiq ifadələr işlətmişdir. Şəxs nizam-intizama dəvət etsələr də, sonuncu məhəl qoymayaraq hərəkətlərini davam etdirmiş və şöbəyə getməyəcəyini bildirdiyi üçün, onu zorla RPŞ-nə gətirmişlər. Həmin vaxt ətrafda başqa şəxslər olmadığı üçün hadisənin onlardan başqa əlavə şahidləri yoxdur. Məhkəmə iclasında şahid qismində dindirilmiş Şəmkir RPŞ-nin CAB-nin əməliyyat müvəkkili X7 şahid X5 ilə eyni məzmunlu izahat vermişdir. İş materiallarında olan inzibati qaydada tutma haqqında protokoldan görünür ki, Şəxs 24 aprel 2023-cü il tarixdə saat 12:00-da inzibati qaydada tutulmuşdur. Azərbaycan Respublikası İnzibati Xətalar Məcəlləsinin 510-cu maddəsində göstərilir ki, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Şəxs barəsində İXM-in 510-cu maddəsi (xırda xuliqanlıq) ilə inzibati xəta haqqında protokol tərtib olunsa da məhkəmə hesab edir ki, Şəxs hərəkətlərində İXM-in 510-cu maddəsində nəzərdə tutulmuş xırda xuliqanlıq inzibati xətasının tərkib əlamətləri olmadığından bu maddə ilə başlanmış icraata xitam verilməlidir. Belə ki, maddənin sanksiyasında da göstərildiyi kimi xırda xuliqanlıq ictimai qaydanı pozan hərəkətlərin edilməsində ifadə olunur. Protokoldan və şahid ifadələrindən belə məlum olur ki, Şəxs polis əməkdaşları yaxınlaşdıqdan sonra onlar arasında mübahisə olmuşdur. Yəni Şəxs əvvəlcədən ictimai qaydanın pozulmasına yönəlmiş hərəkətlər etməmişdir. Yalnız polis işçiləri onu şöbəyə dəvət edərkən onların tələblərinə tabe olmamışdır. Bu zaman ətrafda hər hansı kənar şəxs olmadığından Şəxs hərəkətləri ictimai qaydanın pozulmasına yönələn hərəkətlər kimi qiymətləndirilməməlidir. Bu hərəkətlər İXM-in 535.1-ci maddəsi ilə əhatə olunduğundan və ictimai qaydanı pozacaq həddə çatmadığından əlavə olaraq İXMin 510-cu maddəsi ilə tövsif oluna bilməz. Şəxs polis işçisi ictimai qaydanı mühafizə edərkən onun qanuni tələblərinə qəsdən tabe olmaması və beləliklə İXM-in 535.1-ci maddəsi ilə nəzərdə tutulmuş inzibati xətanı törətməsi barəsində tərtib edilmiş protokol və şahid ifadələri ilə tam şəkildə sübuta yetirilir. Azərbaycan Respublikası İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə hesab edir ki, Şəxs İXM-in 535.1-ci maddəsi ilə nəzərdə tutulmuş inzibati xətanın törədilməsində təqsirli bilinməklə ona həmin maddə ilə nəzərdə tutulmuş inzibati xətanın sanksiyası çərçivəsində tənbeh tətbiq ediliməlidir. Azərbaycan Respublikası İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə baxışında Şəxs əməlində inzibati xətaya görə məsuliyyəti yüngülləşdirən və ağırlaşdıran hallar müəyyən edilmədi. Məhkəmə inzibati xətanın xarakterini, barəsində icraat aparılan şəxsin şəxsiyyətini, onun təqsirinin dərəcəsini nəzərə alır və onun barəsində həbs növündə inzibati tənbeh tədbirinin tətbiq edilməsini məqsədə müvafiq hesab edir. Azərbaycan Respublikasının İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə əlavə edilməlidir. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 40, 43, 48-51, 114-115, 128-130-cu maddələrini rəhbər tutaraq, məhkəmə Qərara aldı: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə inzibati xəta haqqında iş üzrə icraata xitam verilsin. Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək 10 (on) gün müddətinə inzibati həbs növündə tənbeh tətbiq edilsin. Həbsetmənin əvvəli 24 aprel 2023-cü il tarixdən saat 12:00-dan hesablansın. Qərarın icrası Şəmkir rayon Polis Şöbəsinə həvalə edilsin. Qərardan surəti təqdim edildiyi və ya alındığı gündən 10 (on) gün müddətində Gəncə Apelyasiya Məhkəməsinə şikayət və ya protest verilə bilər. Hakim: Şəfəq Məmmədova