Şuşa Rayon Məhkəməsi Qərar — İş №3(077)-47/2025

Azərbaycan Respublikası adından QƏRAR Şuşa rayonu İş № 3(077)-47/2025 08.07.2025 ŞUŞA RAYON MƏHKƏMƏSİ X2 Sahib oğlunun sədrliyi, Məhkəmə iclasının katibi Mehdiyeva Aynur Yasən qızının katibliyi ilə, Şuşa Rayon Polis Şöbəsi tərəfindən Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi üzrə tərtib olunmuş xx.xx.2025-ci il tarixli, İXP ******* saylı inzibati xəta haqqında protokolu və ona əlavə edilmiş sənədləri məhkəmə iclasında baxılmağa hazırlayarkən M Ü Ə Y Y Ə N E T D İ M: Şəxs barəsində xx.xx.2025-ci il tarixli, EQ 25552777 saylı inzibati xəta haqqında iş üzrə qərara əsasən o, İnzibati Xətalar Məcəlləsinin 469.3-cü maddəsində nəzərdə tutulmuş əməli törətməkdə təqsirli bilinərək 50 manat məbləğində cərimə edilmişdir. Qeyd olunan cəriməni Şəxs tərəfindən qanunvericiliklə müəyyən edilmiş müddətdə ödəməməsi əsas tutularaq onun barəsində xx.xx.2025-ci il tarixdə İnzibati Xətalar Məcəlləsinin 529.3-cü maddəsi üzrə inzibati xəta haqqında protokol tərtib edilmişdir. Məhkəmə iş materiallarını nəzərdən keçirərək hesab edir ki, hazırkı iş üzrə inzibati xəta hadisəsi olmadığından Şəxs barəsində başlanılmış iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 529.3-cü maddəsi yol hərəkəti qaydaları əleyhinə olan inzibati xətaların, yaxud bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə inzibati məsuliyyət nəzərdə tutur. Yol hərəkəti qaydaları əleyhinə olan inzibati xətalar İnzibati Xətalar Məcəlləsinin 29cu fəslində göstərilmişdir. Bu fəsilə həmin Məcəllənin yalnız 327-348-ci maddələri daxil edilmişdir. İnzibati xətalar qanunvericiliyinin tələblərini nəzərə alaraq məhkəmə belə hesab edir ki, İnzibati Xətalar Məcəlləsinin 529.3-cü maddəsində nəzərdə tutulmuş xəta yalnız sözügedən Məcəllənin 327-348-ci və 353.2-ci maddələrinə münasibətdə törədilir. Başqa sözlə, İnzibati Xətalar Məcəlləsinin 36-cı fəslinə (vergilərin, rüsumların ödənilməsi, maliyyə və sığorta qaydaları əleyhinə olan inzibati xətalar) aid olan 469.3-cü maddəsində nəzərdə tutulmuş əməlin törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində icra edilməməsi adıçəkilən Məcəllənin 529.3-cü maddəsi ilə inzibati məsuliyyətə səbəb olmur. İnzibati Xətalar Məcəlləsinin 114.2.1-ci maddəsinə əsasən inzibati xəta haqqında işə baxılarkən 53-cü maddəsində nəzərdə tutulan hallardan biri mövcud olduqda qərar çıxarılır Bu Məcəllənin 53.1.1-ci maddəsinin tələbinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114.2.1-cı maddəsini rəhbər tutaraq Q Ə R A R A A L D İ M: Şəxs barəsində xx.xx.2025-ci il tarixli, İXP ******* saylı inzibati xəta haqqında protokol əsasında Azərbaycan Respublikası İnzibati Xətalar Məcəlləsinin 529.3-cü maddəsi ilə başlanılmış inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Şuşa Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti verilə bilər İş № 3(006)-263/2024 PROTOKOL 12 yanvar 2024-cü il Bakı şəhəri Bakı şəhəri Nəsimi Rayon Məhkəməsinin binasında Mən, Bakı şəhəri Nəsimi Rayon Məhkəməsinin hakimi X1, Şəxs barəsində xx.xx.2023 il tarixli, İXP ******* saylı inzibati xəta haqqında protokol əsasında Azərbaycan Respublikası İnzibati Xətalar Məcəlləsinin 529.3-cü maddəsi ilə başlanılmış inzibati xəta haqqında iş üzrə icraata xitam verilməsinə dair qərar qəbul etdim. Prosessual hərəkət saat 14:35-də başlandı. Prosessual hərəkət saat 14:40-da başa çatdı. Protokol 12 yanvar 2024-cü il tarixdə tərtib olundu. Hakim Babək Pənahov BAKİ ŞƏHƏRİ NƏSİMİ RAYON MƏHKƏMƏSİ ______________________________________________________________________________________ ___ AZ 1102, Bakı şəhəri Tel.: (+99412) 431-26-53 A.Məhərrəmov küçəsi, 15 Faks: (+99412) 431-26-53 https://courts.gov.az/az/nasimi Elektron ünvan 12 yanvar 2024-cü il № 3(006)-263/2024 Şəxsna (Bakı şəhəri, Nəsimi rayonu, S.Rəhman küçəsi, ev 01) Bakı şəhəri Nəsimi Rayon Polis İdarəsinə Bakı şəhəri Nəsimi Rayon Məhkəməsinin 12 yanvar 2024-cü il tarixli, 3(006)- 263/2024 saylı qərarının surəti məlumat üçün göndərilir. Qoşma: 01 vərəq, 01 nüsxə Hakim Babək Pənahov