Naxçıvan MR Naxçıvan Şəhər Məhkəməsi Qərar — İş №3(078)-118/2021

Azərbaycan Respublikası adından QƏRAR Naxçıvan şəhəri İş № 3(078)-118/2021 04.10.2021 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, X1 məhkəmə iclas katibliyi ilə, Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə Naxçıvan Şəhər Polis İdarəsindən daxil olmuş inzibati xəta haqqında materiala baxaraq müəyyən etdim: xx xxxx 1987-ci il tarixdə Şərur rayonu, Vərməziyar kəndində doğulmuş, Azərbaycan Respublikasının vətəndaşı, azərbaycanlı, orta təhsilli, işsiz, subay, Şərur rayonu, Vərməziyar kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xəta əməlini törətdiyindən həmin materiallar baxılması üçün məhkəməyə təqdim olunmuşdur. Belə ki, vətəndaş Şəxs 04 oktyabr 2021-ci il tarixdə İstiqlal küçəsində, Hüseyn Cavid məqbərəsinin önündə ucadan səs-küy salaraq, nalayiq ifadələr işlədərək xırda xuliqanlıq hərəkətləri etmiş, bununla ictimai qaydanı pozmuş və xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər törətmiş, bununla da o, Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xəta əməlini törətmişdir. Məhkəmədə Şəxs əməli iş materialına əlavə olunmuş sənədlər və özünün və şahidin məhkəmədə verdiyi izahatlar ilə tam sübuta yetirilmişdir. Belə ki, barəsində inzibati material olan Şəxs məhkəməyə verdiyi izahatında, axşam şəhərdə bacısıgildə qaldığını, tezdən yuxudan tez durduğunu, bekarçılıq olduğunu, şəhərə gəzməyə çıxdığını, saat 10 radələrində Hüseyn Cavid məqbərəsinin qarşısında durub məqbərəyə baxarkən telefonuna zəng gəldiyini, zəng edənin dostu Allahverdi olduğunu, telefonu açdığını, Allahverdinin ondan pulunu istədiyini, ona pulunu verəcəyini dediyini, Allahverdinin də telefonda hirslənərək “pulumu qaytar” dediyini, əsəbləşdiyini, telefonda çığıraraq onu söyməyə başladığını, bu zaman bir nəfər polis əməkdaşının ona yaxınlaşaraq ictimai yerdə ictimai qaydaları pozduğunu bildirdiyini, onu Şəhər Polis İdarəsinə dəvət etdiyini, etdiyi hərəkətə görə peşman olduğunu, bir də belə hərəkətlərə yol verməyəcəyini bildirdi. X2 məhkəmədə şahid qismində verdiyi izahatında, 04 oktyabr 2021-ci il tarixdə Hüseyn Cavid məqbərəsinin yanından keçdiyini, bir nəfər şəxsin ucadan səs-küy salaraq, nalayiq ifadələr işlətdiyini, bu zaman polis əməkdaşının ona yaxınlaşaraq nəsə dediyini, daha sonra maşına mindirərək apardığını gördüyünü bildirdi. Məhkəmə toplanmış sübutlara qiymət verərək belə nəticəyə gəlir ki, Şəxs əməli düzgün olaraq Azərbaycan Respublikası İnzibati Xətalar Məcəlləsinin 510-cu maddəsi ilə tövsif olunmuşdur. Belə ki, Şəxs ictimai qaydanı pozmuş, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər etməklə, Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xəta əməlini törətmişdir. Ona görə də, Şəxs həmin maddə ilə təqsirli bilinərək tənbeh olunmalıdır. İş materiallarına əlavə olunmuş: Şərur Rayon Mərkəzi Xəstəxanası tərəfindən verilmiş 04 oktyabr 2021-ci il tarixli, 894 nömrəli tibbi arayışa əsasən, Şəxs 04 oktyabr 2021-ci il tarixdə xəstəxanada tibbi müayinədən keçmiş və onda “sağlam” diaqnozu müəyyən olunmuşdur. 04 oktyabr 2021-ci il tarixli inzibati qaydada tutma haqqında protokola əsasən, Şəxs 04 oktyabr 2021-ci il tarixdə, saat 10:10-da inzibati qaydada tutulmuşdur. Məhkəmə inzibati tənbeh tədbiq edərkən Azərbaycan Respublikası İnzibati Xətalar Məcəlləsinin 31.2-ci maddəsinə əsasən, xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, habelə məsuliyyəti ağırlaşdıran və yüngülləşdirən halları nəzərə alır. Şəxs səmimi etirafı və əməlindən peşman olması məsuliyyəti yüngülləşdirən hal kimi nəzərə alınmalıdır. İş üzrə məsuliyyəti ağırlaşdıran hal, icraata xitam verilməsi və ya dayandırılması üçün əsas yoxdur. Məhkəmə inzibati xəta törətmiş şəxsə inzibati tənbeh tətbiq etmə ilə bağlı məsələni müzakirə edərək işin hallarına görə, pozuntunu törədənin şəxsiyyətini, xətanın xarakterini, inzibati məsuliyyətini yüngülləşdirən və ağırlaşdıran halları və şəxsin əmlak vəziyyətini nəzərə alaraq belə nəticəyə gəlir ki, Şəxs barəsində inzibati həbs tətbiq olunmalıdır. Azərbaycan Respublikası İnzibati Xətalar Məcəlləsinin 30.3-cü maddəsinə əsasən, inzibati qaydada tutma müddəti inzibati həbs müddətinə daxil edilir. Ona görə də, inzibati həbsin əvvəli 04 oktyabr 2021-ci il tarixdən, saat 10:10-dan hesablanmalıdır. Azərbaycan Respublikası İnzibati Xətalar Məcəlləsinin 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114,115, 128-130-cu maddələrini rəhbər tutaraq qərara aldım: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 10 (on) gün müddətinə inzibati qaydada həbs edilsin. İnzibati həbsin əvvəli 04 oktyabr 2021-ci il tarixdən, saat 10:10-dan hesablansın. Qərarın surəti təqdim edildiyi və alındığı gündən 10 (on) gün müddətinə Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər. Hakim Qabil Məmmədov