Naxçıvan MR Naxçıvan Şəhər Məhkəməsi Qərar — İş №3(078)-127/2021

Azərbaycan Respublikası adından QƏRAR Naxçıvan şəhəri İş № 3(078)-127/2021 02.11.2021 NAXÇIVAN MR NAXÇIVAN ŞƏHƏR MƏHKƏMƏSİ Naxçıvan Şəhər Məhkəməsinin hakimi Əliyeva Gülsüm Kamal qızının sədrliyi, X1 məhkəmə iclas katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, 06.12.1969-cu ildə Babək rayonu Aşağı Buzqov kəndində doğulmuş, Azərbaycan Respublikasının vətəndaşı (FİN kod: xxxxxxx), orta təhsilli, işsiz, evli, 3 uşaq atası, deməsinə görə əvvəllər məhkum olunmayan, Babək rayonu Aşağı Buzqov kəndində qeydiyyatda olmaqla Bakı şəhəri Yeni Suraxanı qəsəbəsində yaşayan Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirləndirilməsinə dair Naxçıvan MR Daxili İşlər Nazirliyinin Naxçıvan Şəhər Polis İdarəsindən daxil olmuş inzibati xəta haqqında materiala baxaraq müəyyən etdi: Naxçıvan MR Daxili İşlər Nazirliyinin Naxçıvan Şəhər Polis İdarəsinin 02 noyabr 2021ci il tarixli, 4/4201 nömrəli məktubu ilə Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirləndirilməsinə dair 02 noyabr 2021-ci il tarixli, 009905 nömrəli inzibati xəta haqqında protokol və ona əlavə olunmuş sənədlər məhkəməyə daxil olmuşdur. 02 noyabr 2021-ci il tarixli, 009905 nömrəli inzibati xəta haqqında protokoldan aydın olur ki, Şəxs 02 noyabr 2021-ci il tarixdə saat 09 radələrində Əliabad qəsəbəsində ictimai yerdə yüksək səslə səs-küy salaraq nalayiq ifadələr işlədərək ictimai qaydanı pozmuşdur. Bununla da Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs məhkəməyə verdiyi izahatında Babək rayonu, Aşağı Buzqov kəndində qeydiyyatda olmaqla, Bakı şəhəri, Yeni Suraxanı qəsəbəsində yaşadığını, 02.11.2021-ci il tarixdə Naxçıvan Şəhər Əliabad qəsəbəsində yaşayan qohumugilə gedən zaman ona borclu olan bir nəfər şəxslə telefonla danışdığını, ondan özünə borclu olduğu pulu istədiyini, onun da hər zamanki kimi verməmək üçün yalandan bəhanələr gətirdiyini, o da əsəbi olduğundan özünü saxlaya bilmədiyini və ona qarşı uca səslə nalayiq ifadələr işlətdiyini, Əliabad qəsəbəsində qəbiristanlığın yanında polis əməkdaşlarının ona yaxınlaşaraq uca səslə nalayiq ifadələr işlətdiyini bildirib onu sakitləşdirərək polis idarəsinə gətirdiyini, 02 noyabr 2021-ci il tarixdən inzibati qaydada tutulduğunu, əməlindən peşman olduğunu bildirərək məhkəmədən ona yüngül tənbeh təyin edilməsini xahiş etdi. Məhkəmə iclasında izahat verən şahid X6 məhkəməyə verdiyi izahatında 02.11.2021ci il tarixdə Əliabad qəsəbəsində xalasıgilə getdiyini, qəbiristanlığın yanından keçəndə bir nəfərin ucadan səs-küy saldığını, həmin şəxsin telefonla danışdığını, onun nalayiq ifadələr işlətdiyini, bu zaman həmin şəxsə polis əməkdaşının yaxınlaşdığını, sonra onu apardığını gördüyünü bildirdi. İş materiallarına əlavə olunmuş Babək Rayon Mərkəzi Xəstəxanası tərəfindən verilmiş 02.11.2021-ci il tarixli, 4496 nömrəli tibbi yoxlama vərəqəsinin təsdiq olunmuş surətinə əsasən, Şəxs xəstəxanada ambulator olaraq tibbi müayinədən keçmiş və ona sağlam diaqnozu qoyulmuşdur. İş materiallarına əlavə edilmiş Naxçıvan MR Əmək və Əhalinin Sosial Müdafiəsi Nazirliyinin Babək Rayon Əhalinin Sosial Müdafiəsi Mərkəzi tərəfindən verilmiş 02 noyabr 2021-ci il tarixli, 03/1351 nömrəli arayışa əsasən Novruzov X2 qeydiyyatda durmur, ona heç bir növ sosial müavinət və təqaüd ödənilmir. İş materiallarına əlavə edilmiş Naxçıvan MR Əmək və Əhalinin Sosial Müdafiəsi Nazirliyinin Dövlət Məşğulluq X5 Şəxs Babək Rayon Məşğulluq Mərkəzi tərəfindən verilmiş 02 noyabr 2021-ci il tarixli, 95 nömrəli arayışa əsasən Şəxs Babək Rayon Məşğulluq Mərkəzində iş axtaran kimi qeydiyyatda durmur və heç bir növ müavinət almır. İş materiallarına əlavə edilmiş Naxçıvan Muxtar Respublikası Babək Rayon İcra Hakimiyyəti Aşağı Buzqov kənd inzibati ərazi dairəsi üzrə nümayəndəlik tərəfindən verilmiş 02 noyabr 2021-ci il tarixli 327 nömrəli arayışdan görünür ki, Şəxs Babək rayonu Aşağı Buzqov kənd icra nümayəndəliyinin qeydiyyatında durur. İş materiallarına əlavə edilmiş Naxçıvan Muxtar Respublikası Babək Rayon İcra Hakimiyyəti Aşağı Buzqov kənd inzibati ərazi dairəsi üzrə nümayəndəlik tərəfindən verilmiş 02 noyabr 2021-ci il tarixli 328 nömrəli arayışdan görünür ki, Şəxs ailəsində özündən başqa bir kimsə yoxdur. İş materiallarına əlavə olunmuş 02 noyabr 2021-ci il tarixli inzibati qaydada tutma haqqında protokola əsasən Şəxs 02 noyabr 2021-ci il tarixdə, saat 08:40-da inzibati qaydada tutulmuşdur. Məhkəmə barəsində inzibati xəta haqqında iş üzrə icraat aparılan şəxsin izahatını, şahidin izahatını dinləyib, inzibati materialı araşdırıb, bütün hallara hərtərəfli, tam və obyektiv qiymət verərək belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir, həmin inzibati xətanın törədilməsində təqsirlidir. Şəxs əməli düzgün olaraq Azərbaycan Respublikası İnzibati Xətalar Məcəlləsinin 510-cu maddəsi ilə tövsif olunmuşdur. Belə ki, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməsi inzibati xəta haqqında protokolla, protokola əlavə edilmiş materiallarla, özünün etiraf edici izahatı və şahidin izahatı ilə tam sübuta yetirilmişdir. Ona inzibati həbs növündə tənbeh tətbiq edilməlidir. Azərbaycan Respublikası İnzibati Xətalar Məcəlləsinin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlindən səmimi peşmançılığını məsuliyyəti yüngülləşdirən hal kimi nəzərə alır. İş üzrə məsuliyyəti ağırlaşdıran hal isə yoxdur. Məhkəmə Şəxs inzibati həbs tənbeh növünü tətbiq edərkən törədilmiş inzibati xətanın xarakterini, onun şəxsiyyətini, təqsirinin dərəcəsini, məsuliyyəti yüngülləşdirən halı, məsuliyyəti ağırlaşdıran halın olmamasını nəzərə alır. İş üzrə icraata xitam verilməsi və ya dayandırılması üçün əsas yoxdur. Azərbaycan Respublikasının İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Ona görə də inzibati həbsin əvvəli 24 iyun 2021-ci il tarixdən saat 08:40-dan hesablanmalıdır. Azərbaycan Respublikasının İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 31.4-cü maddəsinə görə İXM-in Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə inzibati xəta törətmiş şəxsə inzibati tənbeh tətbiq etmə ilə bağlı məsələni müzakirə edərək işin hallarına görə, pozuntunu törədənin şəxsiyyətini nəzərə alaraq belə nəticəyə gəlir ki, cərimə növündə inzibati tənbehin tətbiq edilməsi kifayət sayılmır ona görə də onun barəsində inzibati həbs tətbiq olunmalıdır. Məhkəmə cərimə növündə inzibati tənbehi tətbiq etməyərkən Şəxs heç bir yerdə işləməməsini, heç bir növ pensiya almamasını da nəzərə alır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114,115, 128-130-cu maddələrini rəhbər tutaraq, qərara aldı : Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib, 12 (on iki) gün müddətinə inzibati qaydada həbs edilsin. İnzibati həbsin əvvəli 02 noyabr 2021-ci il tarixdən, saat 08:40-dan hesablansın. Qərarın icrası Naxçıvan MR Daxili İşlər Nazirliyinin X4 həvalə olunsun. Qərarın surəti rəsmi qaydada verildiyi vaxtdan 10 (on) gün müddətinə Naxçıvan Şəhər Məhkəməsi vasitəsilə və ya birbaşa Naxçıvan Muxtar Respublikası Ali Məhkəməsinə şikayət verilə bilər. Hakim: Gülsüm Əliyeva.