Naxçıvan MR Naxçıvan Şəhər Məhkəməsi Qərar — İş №3(078)-188/2024

Azərbaycan Respublikası adından QƏRAR Naxçıvan şəhəri İş № 3(078)-188/2024 20.04.2024 NAXÇIVAN MR NAXÇIVAN ŞƏHƏR MƏHKƏMƏSİ Naxçıvan Şəhər Məhkəməsinin hakimi Məmmədov Qabil Neymət oğlunun sədrliyi, X2 məhkəmə iclas katibliyi, Azərbaycan Respublikası Dövlət Sərhəd Xidmətinin Sərhəd Qoşunları “Naxçıvan” X6 hüquqşünası, baş leytenant Orxan Sadiqovun, barəsində inzibati xəta haqqında icraat aparılan şəxs X3, müdafiəçi X9 və tərcüməçi X8 iştirakı ilə, Deməsinə görə İran İslam Respublikasının Poldəşt qəsəbəsinin Mirzəkənd kəndində anadan olmuş X3 barəsində Azərbaycan Respublikası Dövlət Sərhəd Xidmətinin Sərhəd Qoşunları “Naxçıvan” X4 daxil olmuş inzibati qaydada tutma protokoluna və toplanmış materiallara baxaraq müəyyənetdi: Sərhəd pozucusu kimi saxlanılmış və özünü İran İslam Respublikasının Poldəşt qəsəbəsinin Mirzəkənd kəndində anadan olmuş X1 təqdim edən şəxs barəsində inzibati qaydada tutulmaya dair tərtib olunmuş inzibati qaydada tutma haqqında 19 aprel 2024-cü il tarixli protokol və toplanmış materiallar Naxçıvan Şəhər Məhkəməsinə daxil olmuşdur. Məhkəmə iclasında Azərbaycan Respublikası Dövlət Sərhəd Xidmətinin Sərhəd Qoşunları “Naxçıvan” X6 hüquqşünası, baş leytenant Orxan Sadiqov verdiyi izahatında göstərdi ki, özünü İran İslam Respublikasının Poldəşt qəsəbəsinin Mirzəkənd kəndində anadan olmuş X1 təqdim edən şəxs 19 aprel 2024-cü il tarixdə, saat 04:50 radələrində Azərbaycan Respublikası Dövlət Sərhəd Xidmətinin Sərhəd Qoşunları “Naxçıvan” X6 13cü sərhəd zastavasının xidməti ərazisində Azərbaycan Respublikasının dövlət sərhədini pozarkən saxlanılmışdır. Həmin şəxsin şəxsiyyətini müəyyənləşdirmək mümkün olmamışdır. Odur ki, həmin şəxsin 3 gün müddətinə inzibati qaydada tutulması barədə qərar qəbul edilməsini xahiş etdi. Məhkəmə iclasında inzibati qaydada tutulmuş, sərhəd pozucusu kimi saxlanılmış və özünü 28 iyun 2000-ci il tarixdə İran İslam Respublikasının Poldəşt qəsəbəsinin Mirzəkənd kəndində anadan olmuş X1 təqdim edən şəxs verdiyi izahatında göstərdi ki, o, digər yoldaşları ilə balıq tutarkən bilmədən Araz çayının Azərbaycan hissəsinə keçərək dövlət sərhədini pozmuşdur. Əməlindən peşmandır. Məhkəmə iclasında müdafiəçi X12, qanuni qərar qəbul edilməsini məhkəmədən xahiş etdi. Məhkəmə özünü 28 iyun 2000-ci il tarixdə İran İslam Respublikasının Poldəşt qəsəbəsinin Mirzəkənd kəndində anadan olmuş X1 təqdim edən şəxsin izahatını dinləyib, iş üzrə toplanmış materialları araşdırıb hesab edir ki, deməsinə görə 28 iyun 2000-ci il tarixdə İran İslam Respublikasının Poldəşt qəsəbəsinin Mirzəkənd kəndində anadan olmuş X3 üzərində şəxsiyyətini təsdiq edən sənəd olmadığından onun şəxsiyyətini və törədilən hadisənin hallarını araşdırmaq üçün o, inzibati qaydada tutulmalıdır. Belə ki, Azərbaycan Respublikası İnzibati Xətalar Məcəlləsinin 89.2-ci maddəsinə əsasən, sərhəd rejimini, sərhəd boyu (sərhədboyu zolaq) rejimini və ya Azərbaycan Respublikasının dövlət sərhədinin buraxılış məntəqələrində rejimi pozduğuna, avaralıqla məşğul olduğuna, əcnəbilərin və ya vətəndaşlığı olmayan şəxslərin Azərbaycan Respublikasında qanunsuz qalmalarına, habelə ölkədə olma qaydalarını pozmalarına görə barəsində inzibati xəta haqqında iş üzrə icraat aparılan şəxs törətdiyi xətanın hallarını, habelə, onun şəxsiyyətini müəyyən etmək üçün, yaxud əcnəbilər və vətəndaşlığı olmayan şəxslər Azərbaycan Respublikasının hüdudlarından kənara inzibati qaydada çıxarma haqqında qərarın icrasından boyun qaçırdıqda və ya belə boyun qaçırmanı ehtimal etməyə kifayət qədər əsaslar olduqda, inzibati qaydada tutma 24 saatadək müddətə və ya inzibati xəta törədənin şəxsiyyətini təsdiq edən sənədlər olmadıqda, hakimin qərarı ilə üç günədək müddətə tutula bilər. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51,89, 114, 128-130-cu maddələrini rəhbər tutaraq məhkəmə qərara aldı: Deməsinə görə 28 iyun 2000-ci il tarixdə İran İslam Respublikasının Poldəşt qəsəbəsinin Mirzəkənd kəndində doğulmuş X5 3 (üç) gün müddətə inzibati qaydada tutulsun. Tutmanın əvvəli 19 aprel 2024-cü il tarixdən hesablansın. Qərarın icrası Azərbaycan Respublikası Dövlət Sərhəd Xidmətinin Sərhəd Qoşunları “Naxçıvan” X7 həvalə edilsin. Qərarın surəti rəsmi qaydada verildiyi vaxtdan 10 (on) gün müddətinə Naxçıvan Şəhər Məhkəməsi vasitəsilə və ya birbaşa Naxçıvan Muxtar Respublikası Ali Məhkəməsinə şikayət vermək olar. Hakim Qabil Məmmədov.