Naxçıvan MR Naxçıvan Şəhər Məhkəməsi Qərardad — İş №3(078)-295/2023

Azərbaycan Respublikası adından QƏRARDAD Naxçıvan şəhəri İş № 3(078)-295/2023 18.07.2023 NAXÇIVAN MR NAXÇIVAN ŞƏHƏR MƏHKƏMƏSİ İnzibati tənbeh vermə haqqında qərarın ləğv edilməsi barədə şikayətin qaytarılması haqqında Naxçıvan Şəhər Məhkəməsinin hakimi Səfərəliyeva Gülnar Xanlar qızının sədrliyi, Bağırova Nigar Ənvər qızının katibliyi, Barəsində inzibati tənbeh tətbiq edilmiş hüquqi şəxs "xxxx" MMC-nin direktoru X4 və Naxçıvan MR Əmək və Əhalinin Sosial Müdafiəsi Nazirliyi yanında X6 Xidmətinin nümayəndəsi X2 iştirakı ilə, Azərbaycan Respublikası İnzibati Xətalar Məcəlləsinin 192.4-cü maddəsi ilə Naxçıvan MR Əmək və Əhalinin Sosial Müdafiəsi Nazirliyi yanında X6 Xidmətinin 02 may 2023-cü il tarixli 001088 saylı inzibati tənbeh vermə haqqında qərarından barəsində inzibati tənbeh tətbiq edilmiş hüquqi şəxs "xxxx" MMC-nin direktoru X8 tərəfindən verilmiş şikayət və ona əlavə olunmuş sənədlərə açıq məhkəmə iclasında baxaraq müəyyənetdi: Barəsində inzibati tənbeh tətbiq edilmiş hüquqi şəxs "xxxx" MMC-nin direktoru X8 məhkəməyə müraciət edərək Naxçıvan MR Əmək və Əhalinin Sosial Müdafiəsi Nazirliyi yanında X6 Xidmətinin 02 may 2023-cü il tarixli 001088 saylı inzibati tənbeh vermə haqqında qərarının ləğv edilməsi barədə qərar qəbul edilməsini məhkəmədən xahiş etmişdir. Barəsində inzibati tənbeh tətbiq edilmiş hüquqi şəxs "xxxx" MMC-nin direktoru X8 verdiyi izahatında ərizəni müdafiə edərək şikayətin təmin edilməsini xahiş etmişdir. Naxçıvan MR Əmək və Əhalinin Sosial Müdafiəsi Nazirliyi yanında X6 Xidmətinin nümayəndəsi X3 izahatında şikayəti qəbul etmədiyini, təmsil etdiyi qurumun tam qanuni əsaslarla qərar qəbul etdiyini, bununla bağlı lazımi sənədləri məhkəməyə təqdim etdiyini bildirib müvafiq qərar qəbul edilməsini məhkəmədən xahiş etmişdir. Daxil olan sənədləri yoxlayaraq məhkəmə qeyd edir ki, X8 qərardan şikayət verilməsi üçün qanunvericilklə nəzərdə tutulmuş prosessual müddəti buraxmış, müddətin bərpası barədə vəsatətlə qərar qəbul edən orqana müraciət etməmişdir. Şəxsin təqsirləndirildiyi inzibati xəta əməlini yuxarıda qeyd edilən şərtlər daxilində tədqiq edən məhkəmə bildirir ki, protokola əlavə edilmiş 02 may 2023-cü il tarixli 001088 saylı inzibati tənbeh tətbiq etmə haqqında qərarı ilə X4 Azərbaycan Respublikası İnzibati Xətalar Məcəlləsinin 192.4-cü maddəsində nəzərdə tutulmuş inzibati xəta əməlini törətməsi və həmin qərarla onun barəsində 700 (yeddi yüz) manat məbləğində inzibati cərimə tətbiq edilməsi müəyyən olunur. Təqdim edilmiş sənədlərdən aydın olur ki, X8 barəsində inzibati xəta haqqında protokol 02 may 2023-cü il tarixdə tərtib edilmişdir. xx.xx.2023-cü il tarixli şikayət ərizəsi ilə X8 məhkəməyə müraciət etmiş və sözügedən şikayət xx.xx.2023-cü il tarixdə məhkəməyə daxil olmuşdur. Materiallardan aydın olur ki, X4 qərardan şikayət vermə müddəti başa çatmasına baxmayaraq həmin vaxtdan sonra-xx.xx.2023-cü il tarixdə müraciət etmişdir. X1 qərarın 04 may 2023-cü il tarixdə aldığını, müddətin bərpası ilə bağlı qərar qəbul edən orqana müraciət etmədiyini bildirmişdir. Azərbaycan Respublikası İnzibati Xətalar Məcəlləsinin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. Həmin məcəllənin 130.2-ci bəndinə görə Bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Məhkəmə belə nəticəyə gəlir ki, X8 qərardan şikayət vermə müddətini buraxmaqla məhkəməyə müraciət etmişdir ki, hazırki halda şikayətə baxılması qeyri-mümkündür. Yuxarıda qeyd edilənləri ümumiləşdirərək məhkəmə belə nəticəyə gəlir ki, şikayət geri qaytarılmalı, X5 şikayətlə müraciət etməsi üçün buraxılmış prosessual müddətin bərpasına dair qərar qəbul edən orqana vəsatətlə müraciət etmək hüququnun olması izah edilməlidir. Göstərilənləri və Azərbaycan Respublikası İnzibati Xətalar Məcəlləsinin 126, 130-cu maddələrini rəhbər tutaraq q ə r a r a a l d ı: Azərbaycan Respublikası İnzibati Xətalar Məcəlləsinin 192.4-cü maddəsi ilə Naxçıvan MR Əmək və Əhalinin Sosial Müdafiəsi Nazirliyi yanında X6 Xidmətinin 02 may 2023-cü il tarixli 001088 saylı inzibati tənbeh vermə haqqında qərarından barəsində inzibati tənbeh tətbiq edilmiş hüquqi şəxs "xxxx" MMC-nin direktoru X8 tərəfindən verilmiş şikayət geri qaytarılsın. X5 qərardan şikayət verməsi üçün prosessual müddətin bərpasına dair vəsatətlə qərar qəbul edən orqana müraciət etmək hüququnun olması izah edilsin. Hakim: Gülnar Səfərəliyeva