Azərbaycan Respublikası adından QƏRAR Naxçıvan şəhəri İş № 3(078)-310/2023 14.07.2023 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, X3 məhkəmə iclas katibliyi ilə, vəkil X7 və qanuni nümayəndə X2 iştirakı ilə, 25 avqust 2005-ci il tarixdə Naxçıvan şəhərində doğulmuş, Azərbaycan Respublikasının vətəndaşı, azərbaycanlı, subay, tələbə, deməsinə görə əvvəllər məhkum olunmamış, ünvan 1 ünvanında qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə Naxçıvan Şəhər Polis İdarəsindən daxil olmuş inzibati xəta haqqında materiala baxaraq müəyyənetdim: Şəxs 11 iyul 2023-cü il tarixdə Naxçıvan şəhəri, Əziz Əliyev küçəsi istiqamətində hərəkətdə olarkən avtoxuliqanlıq edib və həmin hərəkətləri videogörüntüyə çəkərək sosial şəbəkədə paylaşdığı üçün Naxçıvan Şəhər Polis İdarəsinə dəvət olunmuş, valideyninin iştirakı ilə izahatı alınan zaman hal hərəkətlərində şübhə olduğu üçün narko-testdən keçirilmiş, onda Naxçıvan MR Səhiyyə Nazirliyi Yaqub Budaqov adına Naxçıvan MR X4 178 saylı rəyinə əsasən MDMA (metilendioksimetilamfetamin) müsbət aşkar edilmiş və bununla da o, Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətmişdir. Məhkəmədə Şəxs əməli iş materialına əlavə olunmuş sənədlərlə tam sübuta yetirilmişdir. Belə ki, barəsində inzibati material olan Şəxs məhkəməyə verdiyi izahatında, 11 iyul 2023-cü il tarixdə Tiktok sosial şəbəkəsində “Krmv555” adlı səhifədə “Hyundai Elantra” markalı, **-BE-*** dövlət qeydiyyat nişanlı avtomobillə avtoxuliqanlıq etdiyi videogörüntünü paylaşdığı üçün onu və yanında olan dostunu Naxçıvan Şəhər Polis İdarəsinə dəvət etdiklərini, onu və dostu Hüseyni narkotik vasitəsi istifadəsində şübhəli olduqları üçün X5 narko-test müayinədən keçmək üçün apardıqlarını, test nəticəsində onlarda narkotik tərkibli dərman vasitəsinin müsbət aşkar olunduğunu, narkpotik tərkibli dərman vasitəsi qəbul etmədiyini, başağrı dərmanı olaraq “ketanol” qəbul etdiyini, qanuni qərar verilməsini xahiş etdi. Məhkəmə iş üzrə mühüm əhəmiyyətə malik olan bütün halların araşdırılmasına, həmçinin iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs yuxarıda qeyd olunan əməli ilə Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulan inzibati xətanı törətmişdir. Onun əməlində inzibati xətanın tərkibi vardır və Şəxs həmin xətanı törətməsi məhkəmə araşdırması zamanı və iş üzrə toplanmış materiallarla tam sübuta yetmişdir. İş materiallarına əlavə olunmuş Naxçıvan MR Səhiyyə Nazirliyi Y.Budaqov adına X6 tərəfindən 13 iyul 2023-cü il tarixdə verilmiş 178 nömrəli rəyə əsasən, Şəxs 12 iyul 2023cü il tarixdə narko-testdən keçirilmiş, nəticə MDMA (metilendioksimetilamfetamin) müsbət aşkar edilmişdir. İş üzrə icraatın xitam edilməsi və ya dayandırılması üçün əsaslar yoxdur. Məhkəmə inzibati tənbeh tətbiq edərkən Azərbaycan Respublikası İnzibati Xətalar Məcəlləsinin 31.2-ci maddəsinə əsasən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, habelə məsuliyyəti ağırlaşdıran və yüngülləşdirən halları nəzərə almışdır. Məhkəmə inzibati xəta törədən şəxsin yetkinlik yaşına çatmamasını məsuliyyəti yüngülləşdirici hallar kimi nəzərə alır. İşdə məsuliyyəti ağırlaşdıran hallar müəyyən edilmədi. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini nəzərə alır və belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinib, inzibati qaydada cərimə edilməlidir. Belə ki, Azərbaycan Respublikası İnzibati Xətalar Məcəlləsinin: 30.2-ci maddəsinə əsasən, hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, birinci və ya ikinci qrup əlillər, sağlamlıq imkanları məhdud uşaqlar, altmış yaşına çatmış qadınlar və altmış beş yaşına çatmış kişilər, o cümlədən, həqiqi hərbi xidmət hərbi qulluqçuları və hərbi qulluqçu hazırlayan xüsusi təyinatlı təhsil müəssisələrinin kursantları barəsində inzibati həbs tətbiq edilə bilməz. 150.3-cü maddəsinə əsasən, yetkinlik yaşına çatmayanın müstəqil qazancı olmadıqda, inzibati cərimə onun valideynlərindən və ya digər qanuni nümayəndəsindən tutulur. 206-cı maddəsinə əsasən, qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyətini nəzərə almaqla, bu tədbirin tətbiqi kifayət sayılmadıqda isə, iki ayadək müddətdə inzibati həbs tətbiq edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 118, 128-129, 130-131-ci maddələrini rəhbər tutaraq, qəraraaldım:
1. Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinib, 300 (üç yüz) manat məbləğində inzibati qaydada cərimə edilsin.
2. Yetkinlik yaşına çatmayan Şəxs müstəqil qazancı olmadığından 300 (üç yüz) manat inzibati cərimə onun valideyni X1 tutulsun.
3. Qərarın surəti rəsmi qaydada verildiyi vaxtdan 10 (on) gün müddətinə Naxçıvan Şəhər Məhkəməsi vasitəsilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət vermək olar.
Hakim Qabil Məmmədov.