Naxçıvan MR Naxçıvan Şəhər Məhkəməsi Qərardad — İş №3(078)-52/2021

Azərbaycan Respublikası adından QƏRARDAD Naxçıvan şəhəri İş № 3(078)-52/2021 07.04.2021 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Səfərəliyeva Gülnar Xanlar qızı Şəxs barəsində Azərbaycan Respublikası DİN Bakı şəhər Nərimanov Rayon Polis İdarəsindən daxil olmuş inzibati xəta haqqında protokolu və ona əlavə olunmuş sənədləri nəzərdən keçirərək, müəyyən etdim: Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati məsuliyyətə cəlb olunması barədə protokol Azərbaycan Respublikası DİN Bakı şəhər Nərimanov Rayon Polis İdarəsi tərəfindən baxılması üçün Naxçıvan Şəhər Məhkəməsinə göndərilmiş, xx xxxxx 2021-ci il tarixdə məhkəmənin icraatına daxil olmuşdur. Həmin protokolda qeyd olunmuşdur ki, Şəxs barəsində Azərbaycan Respublikası İnzibati Xətalar Məcəlləsinin 327.6-ci maddəsi ilə tərtib edilmiş protokol əsasında qəbul edilmiş inzibati xəta haqqında iz üzrə qərarı icra etməmişdir. Azərbaycan Respublikası İnzibati Xətalar Məcəlləsinin müvafiq maddələrinin tələblərinə əsasən vətəndaş Şəxs barəsində daxil olmuş protokolu və ona əlavə olunmuş sənədləri nəzərdən keçirərək müəyyən etdim ki, inzibati xəta haqqında protokol ona əlavə olunmuş sənədlərlə birlikdə geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 110-cu maddəsinin tələblərinə əsasən inzibati xəta haqqında protokolda əks etdirilməsi zəruri olan məlumatlar və protokola aid tələblər sadalanmışdır. İşin göndərilməsi məktubundan inzibati xəta törətmiş şəxs vətəndaş X3 olaraq, tərtib edilmiş protokol isə İXP-3820290 saylı protokol olaraq qeyd edilmiş, protokollar isə tamamilə başqa şəxs Şəxs barəsində tərtib edilmişdir. Elektron sistemdən çıxarışdan X2 Naxçıvan şəhərində qeydiyyatı olmasına baxmayaraq ona aid hər hansı protokol və qərar məktuba əlavə edilməmişdir. Protokol və qərarın aid olduğu şəxs Şəxs şəxsiyyət vəsiqəsi məlumatları araşdırılan zaman vətəndaşın Göyçay rayonunda qeydiyyatda olduğu aydın olmuşdur. Bu halda inzibati xəta materiallarının natamamlığı ilə əlaqədar onun vətəndaş Şəxs qeydiyyatda olduğu yer üzrə Göyçay Rayon Məhkəməsinə göndərilməsi və ya vətəndaş X2 qeydiyyatda olduğu yer üzrə hazırki məhkəmədə baxılması bu şəxsə dair protokol və ya qərar əlavə edilmədiyindən işin icraata götürülməsi qeyri-mümkündür. Qeyd edilənlər hazırlıq mərhələsində müəyyənləşdirilmədən işə baxmaq mümkün deyildir. Çünki Azərbaycan Respublikası İnzibati Xətalar Məcəlləsinin 110-cu maddəsinə əsasən hakim inzibati xəta haqqında işin baxılmağa hazırlanması zamanı işin onun səlahiyyətrlərinə aid olub-olmamasını, inzibati xəta haqqında protokol və işin digər materiallarının İnzibati Xətalar Məcəlləsinin tələblərinə müvafiq olaraq tətbiq edilibedilmədiyini, işin icraatını rədd edən halların mövcud olub-olmadığını, mahiyyəti üzrə baxılması üçün işdə kifayət qədər sübutlar toplanıb-toplanmamasını həll etməlidir. Azərbaycan Respublikası İnzibati Xətalar Məcəlləsinin 109.1.6-cı maddəsinə görə protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılır. Yuxarıda qeyd olunan xüsusatları nəzərə alaraq hesab edirəm ki, Azərbaycan Respublikası DİN Bakı şəhər Nərimanov Rayon Polis İdarəsi tərəfindən Şəxs barəsində tərtib edilmiş, İXP ******* nömrəli protokol və ona əlavə olunmuş sənədlər Azərbaycan Respublikası İnzibati Xətalar Məcəlləsinin 109.1.6-cı maddəsinin tələbinə əsasən geri qaytarılmalıdır. Göstərilənlərə əsasən Azərbaycan Respublikası İnzibati Xətalar Məcəlləsinin 109.1.6-cı maddəsinin tələbinə əsasən qərara aldım: Azərbaycan Respublikası DİN Bakı şəhər Nərimanov Rayon Polis İdarəsi tərəfindən Şəxs barəsində tərtib edilmiş, İXP ******* nömrəli protokol və ona əlavə olunmuş sənədlərlə birlikdə Azərbaycan Respublikası DİN Bakı şəhər Nərimanov Rayon Polis İdarəsinə geri qaytarılsın. Hakim: Gülnar Səfərəliyeva