Naxçıvan MR Naxçıvan Şəhər Məhkəməsi Qərar — İş №3(078)-92/2024

Azərbaycan Respublikası adından QƏRAR Naxçıvan şəhəri İş № 3(078)-92/2024 16.02.2024 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, X1 məhkəmə iclas katibliyi ilə, 20 mart 1989-cu il tarixdə Şərur rayonu, Düdəngə kəndində doğulmuş, Azərbaycan Respublikasının vətəndaşı, azərbaycanlı, ailəli, iki uşaq atası, ali təhsilli, Çomaxtur kənd tam orta məktəbində fiziki hazırlıq müəllimi, deməsinə görə əvvəllər məhkum olunmamış, ünvan 1 ünvanında qeydiyyatda olmaqla, yaşayan Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə Naxçıvan MR Daxili İşlər Nazirliyindən daxil olmuş inzibati xəta haqqında materiala baxaraq müəyyənetdim: 15 fevral 2024-cü il tarixdə Narkotiklərlə Mübarizə İdarəsinin əməkdaşları tərəfindən həyata keçirilmiş əməliyyat-axtarış tədbirləri nəticəsində qanunsuz olaraq narkotik vasitələrin saxlanmasında, istifadəsində və qanunsuz dövriyyəsində şübhəli bilinən Şəxs 15 fevral 2024-cü il tarixdə, saat 10:00-da Şərur rayonu, Çomaxtur kəndində saxlanılmışdır. O, saat 10:40 radələrində Naxçıvan MR Daxili İşlər Nazirliyinin inzibati binasına gətirilmişdir. Bununla da, o, Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətmişdir. Məhkəmədə Şəxs əməli iş materialına əlavə olunmuş sənədlər və özünün məhkəmədə verdiyi izahatı ilə tam sübuta yetirilmişdir. Belə ki, barəsində inzibati material olan Şəxs məhkəməyə verdiyi izahatında, təxminən 10-13 gün öncə Türkiyə Respublikasının İğdır şəhərinə getdiyini, orada əvvəlcədən tanıdığı Onur adlı şəxslə görüşdüklərini, Onurun motosiklet sürdüyünü və mütəmadi olaraq marixuana satdığını, Onura 100 (yüz) türk lirəsi verib bir büküm marixuana aldığını, yaxınlıqda yerləşən ödənişli ayaqyoluya gedib marixuananı çəkdiyini, qalan marixuananı isə cibində gizlətdiyini, evə bazarlıq edib axşama yaxın evə gəldiyini və özü ilə yarımçıq qalan marixuananı da gətirdiyini, 11 fevral tarixində Naxçıvan şəhərinə getdiyini, Seyrangah adlanan yerdə dostunun gəlməsini gözlədiyini, ətrafda heç kimin olmadığını gördüyünü, həmin vaxt Türkiyədən gətirdiyi yarımçıq qalmış marixuananı bağda siqaretin içərisinə doldurub çəkdiyini, 15 fevral tarixində polis əməkdaşlarının onu saxlayıb Daxili İşlər Nazirliyinin inzibati binasına gətirdiklərini, evinin ərzaq bazarlığını oradan etmək üçün getdiyini, Sədərək gömrüyünə gedib oradan piyada tək keçdiyini, yanında heç kimin olmadığını, uzun illərdir istifadə etdiyini, İğdırda çəkdiyini, çox olduğunu, yarısını da sonra çəkmək məqsədilə özü ilə Naxçıvana gətirdiyini, Naxçıvanda heç kimlə marixuana çəkmədiyini, çünki tutulmaqdan qorxduğunu, gedib İğdırda çəkib gəldiyini, amma bu dəfə artıq qaldığı üçün özü ilə gətirib burada çəkdiyini, əməlindən peşman olduğunu, bir daha bu kimi əməllərə yol verməyəcəyini, ona yüngül cəza verilməsini xahiş etdi. Məhkəmə iş üzrə mühüm əhəmiyyətə malik olan bütün halların araşdırılmasına, həmçinin iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs yuxarıda qeyd olunan əməli ilə Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulan inzibati xətanı törətmişdir. Onun əməlində inzibati xətanın tərkibi vardır və Şəxs həmin xətanı törətməsi məhkəmə araşdırması zamanı özünün etirafı, iş üzrə toplanmış materiallarla tam sübuta yetmişdir. İş materiallarına əlavə olunmuş: Naxçıvan MR Səhiyyə Nazirliyi Y.Budaqov adına X3 tərəfindən 16 fevral 2024-cü il tarixdə verilmiş 53 nömrəli rəyə əsasən, Şəxs epizodik kannabinoid narkomaniyası aşkar edilir. Hal-hazırda abstinensiya əlamətləri olmadığına görə məcburi müalicəyə ehtiyacı yoxdur. Şəxs 15 fevral 2024-cü il tarixdə Y.Budaqov adına Naxçıvan MR X2 sidik narkotest vasitəsiylə müayinə olunub və nəticə THC (tetrahidrokannabinol) müsbət aşkar olunmuşdur. 15 fevral 2024-cü il tarixli inzibati qaydada tutma haqqında protokola əsasən, Şəxs 15 fevral 2024-cü il tarixdə, saat 10:40-da inzibati qaydada tutulmuşdur. İş üzrə icraatın xitam edilməsi və ya dayandırılması üçün əsaslar yoxdur. Məhkəmə inzibati tənbeh tətbiq edərkən Azərbaycan Respublikası İnzibati Xətalar Məcəlləsinin 31.2-ci maddəsinə əsasən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, habelə məsuliyyəti ağırlaşdıran və yüngülləşdirən halları nəzərə almışdır. Məhkəmə inzibati xəta törədən şəxsin etirafını, səmimi peşmançılığını, himayəsində iki uşağının olmasını məsuliyyəti yüngülləşdirici hallar kimi nəzərə alır. İşdə məsuliyyəti ağırlaşdıran hallar müəyyən edilmədi. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini nəzərə alır və belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinib inzibati qaydada cərimə edilməlidir. Belə ki, Azərbaycan Respublikası İnzibati Xətalar Məcəlləsinin: 31.4-1-ci maddəsinə əsasən, inzibati qaydada tutulmuş şəxs barəsində inzibati həbs istisna olmaqla, tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. 206-cı maddəsinə əsasən, qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyətini nəzərə almaqla, bu tədbirin tətbiqi kifayət sayılmadıqda isə, iki ayadək müddətdə inzibati həbs tətbiq edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 118, 128-129, 130-131-ci maddələrini rəhbər tutaraq, qəraraaldım: Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinib, 300 (üç yüz) manat məbləğində inzibati qaydada cərimə edilsin. Qərarın surəti rəsmi qaydada verildiyi vaxtdan 10 (on) gün müddətinə Naxçıvan Şəhər Məhkəməsi vasitəsilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət vermək olar. Hakim Qabil Məmmədov.