Naxçıvan MR Babək Rayon Məhkəməsi Qərar — İş №3(079)-21/2023

Azərbaycan Respublikası adından QƏRAR Babək şəhəri İş № 3(079)-21/2023 06.02.2023 NAXÇIVAN MR BABƏK RAYON MƏHKƏMƏSİ Babək Rayon Məhkəməsinin hakimi İsmayıl Günay Mikayıl qızının sədrliyi, X1 məhkəmə iclas katibliyi, zərərçəkmiş şəxslər Zərərçəkmiş şəxs1 və Zərərçəkmiş şəxs2, barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1973-cü ildə Naxçıvan rayonu, Təzəkənd kəndində doğulmuş, Azərbaycan Respublikasının vətəndaşı (FİN KOD: xxxxxxx), evli, orta təhsilli, deməsinə görə əvvəllər məhkum olunmayan, 1 (bir) azyaşlı uşaq anası, İİ dərəcə əlilliyi olan şəxs, ünvan 1 ünvanda yaşayan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsinə dair Babək Rayon Polis İdarəsi tərəfindən tərtib edilmiş inzibati xəta haqqında protokol üzrə inzibati xəta haqqında işə Babək Rayon Məhkəməsinin inzibati binasında açıq məhkəmə iclasında baxaraq, müəyyənetdi: 18 yanvar 2023-cü il tarixdə Zərərçəkmiş şəxs1 və Zərərçəkmiş şəxs2 Babək Rayon Polis İdarəsinə müraciət edərək 18 yanvar 2023-cü il tarixdə baldızı Şəxs Babək şəhərində yaşadığı evə gələrək ona və qızı Laləyə qarşı nalayiq ifadələr işlətməklə, onları döydüyünü, baldızının onu döyməsi nəticəsində sağ gözünün alt hissəsində qızarmış şiş yarandığını, sağ qolunun sağ yuxarı hissəsinin qızardığını, əlavə olaraq baldızının onu təpiklə vurmaq istədiyi zaman qızı Lalənin onu qorumaq üçün sağ əlini qabağa verməsi səbəbindən onun ayağının qızının sağ əlinə dəyməsi nəticəsində şiş yarandığını, qeyd edilənlər nəzərə alınmaqla edilən qanunsuz hərəkətlərə görə şəxsin barəsində qanuni qərar qəbul edilməsini xahiş etmişlər. Müraciət əsasında Babək Rayon Polis İdarəsi tərəfindən Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə 06 fevral 2023-cü il tarixli, 010489 nömrəli protokol tərtib edilərək baxılması üçün Babək Rayon Məhkəməsinə göndərilmişdir. İnzibati xəta haqqında protokoldan belə məlum olur ki, Şəxs 18 yanvar 2023cü il tarixdə Babək şəhəri ərazisində qardaşının arvadı Zərərçəkmiş şəxs1 saçını yolmuş və qardaşının qızı Zərərçəkmiş şəxs2 təpiklə vurmuşdur. Azərbaycan Respublikasının İnzibati Xətalar Məcəlləsinin 157-ci maddəsinə əsasən, döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla iki ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 157-ci maddəsinin “Qeyd” hissəsində göstərilir ki, bu maddədə nəzərdə tutulmuş əməl sağlamlığa ağır, az ağır və ya yüngül zərər vurmaqla törədildikdə, Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olur. İş materiallarına əlavə edilmiş “Cinayət işinin başlanmasının rədd edilməsi haqqında” xx.xx.2023-cü il tarixli qərarla Babək rayon Polis İdarəsinin İstintaq və Təhqiqat Bölməsinin təhqiqatçısı şikayət ərizəsi əsasında toplanmış materiala baxaraq cinayət işinin başlanmasının rədd edilməsi, Şəxs əməlində inzibati xəta tərkibinin əlamətləri olduğundan Azərbaycan Respublikası İnzibati Xətalar Məcəlləsinin 157-ci maddəsi üzrə inzibati məsuliyyətə cəlb edilməsi haqqında qərar qəbul edilmişdir. İş materiallarına əlavə edilmiş Naxçıvan MR Səhiyyə Nazirliyi Məhkəmə Tibbi Ekspertiza və X3 tərəfindən verilmiş 23 yanvar 2023-cü il tarixli, 62 saylı canlı şəxsin ekspertizası üzrə rəydə qeyd edilmişdir ki, Zərərçəkmiş şəxs1 bədənində müəyyən edilmiş xəsarətlər – sifətin sağ yarısında almacıq nahiyəsində qançır, sağ gicgah nahiyəsində tüklərin yolunması və tük diblərinə qansızma, sağ bazusunun qançırıbərk küt əşyanın təsirindən törənmişdir, müddəti qərarda göstərilən tarixə uyğun gəlir, sağlamlığa zərər vurmayan xəsarətlər olduqları üçün dərəcələri təyin edilmir. İş materiallarına əlavə edilmiş Naxçıvan MR Səhiyyə Nazirliyi Məhkəmə Tibbi Ekspertiza və X3 tərəfindən verilmiş 23 yanvar 2023-cü il tarixli, 63 saylı canlı şəxsin ekspertizası üzrə rəydə qeyd edilmişdir ki, Zərərçəkmiş şəxs2 bədənində müəyyən edilmiş xəsarətlər – sağ əlin üst səthində qançır, sol əlin üst səthində dörd ədəd sıyrıq küt əşyanın təsirindən törənmişdir, müddəti qərarda göstərilən tarixə uyğun gəlir, sağlamlığa zərər vurmayan xəsarətlər olduqları üçün dərəcələri təyin edilmir. İş materiallarına əlavə olunmuş qərardadla Zərərçəkmiş şəxs1 və Zərərçəkmiş şəxs2 Şəxs və X2 tərəfindən döyülməsi ilə bağlı olaraq Azərbaycan Respublikasının İnzibati Xətalar Məcəlləsinin 157-ci maddəsi ilə inzibati xəta haqqında iş üzrə icraatın başlanması və inzibati araşdırma aparılması haqqında qərardad qəbul edilmişdir. İş materiallarına əlavə olunmuş 06 fevral 2023-cü il tarixli inzibati qaydada tutma haqqında protokola əsasən Şəxs 06 fevral 2023-cü il tarixdə saat 12:00-da inzibati qaydada tutulmuş, həmin tarixdə 16:40-da azad edilmişdir. Məhkəmə zərərçəkmiş şəxslərin barəsində inzibati xəta haqqında iş üzrə icraat aparılan şəxslə barışmalarına dair məhkəməyə təqdim etdikləri yazılı ərizəni nəzərə alaraq aşağıdakıları qeyd etməyi zəruri sayır. Azərbaycan Respublikası İnzibati Xətalar Məcəlləsinin 39.1-ci maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Azərbaycan Respublikası İnzibati Xətalar Məcəlləsinin 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Azərbaycan Respublikası İnzibati Xətalar Məcəlləsinin 53.1 və 53.1.9-cu maddələrinə əsasən bu Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə başlanmış icraata xitam verilir. Belə olan halda məhkəmə Şəxs zərərçəkmiş şəxslərlə barışmasını, zərərçəkmiş şəxslərin bununla bağlı müvafiq ərizə ilə məhkəməyə müraciət etməsini nəzərə alaraq o nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair inzibati xəta haqqında iş üzrə icraata xitam verilməlidir. Göstərilənləri və Azərbaycan Respublikası İnzibati Xətalar Məcəlləsinin 43.1, 114, 117, 128-130-cu maddələrini rəhbər tutaraq qəraraaldı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi gündən 10 (on) gün müddətində Babək Rayon Məhkəməsi vasitəsi ilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər.