Naxçıvan MR Babək Rayon Məhkəməsi Qərar — İş №3(079)-97/2024

Azərbaycan Respublikası adından QƏRAR Babək şəhəri İş № 3(079)-97/2024 27.09.2024 NAXÇIVAN MR BABƏK RAYON MƏHKƏMƏSİ İnzibati xəta haqqında işin icraatına xitam verilməsi haqqında Babək Rayon Məhkəməsinin hakimi Əliyev X1 Muxtar Respublikası Daxili İşlər Nazirliyinin Babək Rayon Polis İdarəsi Cəhri polis bölməsinin 27 sentyabr 2024-cü il tarixli, 4/737 nömrəli məktubu ilə daxil olmuş xx xxxxxx 1972-ci ildə Naxçıvan Muxtar Respublikası, Naxçıvan rayonu, Aşağı Uzunoba kəndində anadan olan, Azərbaycan Respublikasının vətəndaşı, orta təhsilli, ailəli, (Fin kod–xxxxxxx) Babək rayonu, Aşağı Uzunoba kəndində qeydiyyatda olan və yaşayan, fəhləliklə məşğul olan, "Elektron Məhkəmə" informasiya sistemində olan məlumata əsasən Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar İİ qrup əlil Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair inzibati xəta haqqında protokolu və ona əlavə olunmuş sənədləri işin baxılmağa hazırlanması ilə əlaqədar nəzərdən keçirərək müəyyənetdi: Babək Rayon Məhkəməsinə “27” sentyabr 2024-cü ildə Naxçıvan Muxtar Respublikası Daxili İşlər Nazirliyinin Babək Rayon Polis İdarəsi Cəhri polis bölməsinin 27 sentyabr 2024-cü il tarixli, 4/737 nömrəli məktubu ilə Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair “27” sentyabr 2024-cü il tarixli, ******* nömrəli inzibati xəta haqqında protokol və ona əlavə olunmuş sənədlər daxil olmuşdur. Məhkəməyə təqdim edilmiş sənədlərdən Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xəta əməlini törətməkdə təqsirləndirilməsi aydın olur. Şəxs barəsində olan inzibati xəta haqqında işi inzibati xətalar qanunvericiliyinin tələbləri daxilində nəzərdən keçirən məhkəmə aşağıdakıları qeyd edir. Şəxs təqsirləndirildiyi maddənin dispozitiv şərtlərindən aydın olur ki, döymə və sair zorakı hərəkətlərlə qəsdən fiziki ağrı yetirmə inzibati xəta tərkibinin yaranmasına səbəb olan əməldir. X4 Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Həmin Məcəllənin 39.1-ci maddəsində qeyd edilir ki, bu Məcəllənin 157 və 158ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. İnzibati xəta haqqında iş materiallarına əlavə edilmiş 01 avqust 2024-cü il tarixli ərizədən aydın olur ki, Zərərçəkmiş şəxs Naxçıvan Muxtar Respublikası Daxili İşlər Nazirliyinin Babək Rayon Polis İdarəsinə şikayət ərizəsi ilə müraciət etmişdi. Azərbaycan Respublikası İnzibati Xətalar Məcəlləsinin 157-ci maddəsinin “Qeyd” hissəsində göstərilir ki, bu maddədə nəzərdə tutulmuş əməl sağlamlığa ağır, az ağır və ya yüngül zərər vurmaqla törədildikdə, Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olur. Bununla bağlı məhkəmə bildirir ki, iş materiallarına əlavə edilmiş “Cinayət işinin başlanmasının rədd edilməsi haqqında” 30 avqust 2024-cü il tarixli qərarda Babək Rayon Polis İdarəsinin İstintaq və Təhqiqat Bölməsinin şikayət ərizəsi əsasında toplanmış materiala baxaraq cinayət işinin başlanmasının rədd edilməsi, Şəxs əməlində cinayət tərkibinin əlamətlərinin olmaması qeyd edilmişdi. Naxçıvan Muxtar Respublikası Səhiyyə Nazirliyi Məhkəmə Tibbi Ekspertiza və X3 tərəfindən verilmiş 05 avqust 2024-cü il tarixli, 69 saylı canlı şəxsin ekspertizası üzrə rəydə qeyd edilmişdi ki, Zərərçəkmiş şəxs məhkəmə-tibbi müayinəsi zamanı bədən səthi üzərində aşkar edilmiş xəsarətlərin sağ bazu nahiyəsinin qançırı və boyun nahiyəsinin sağ-bayır səthinin sıyrığı bərk küt əşya (əşyalar) təsirindən törənmişdi, müddəti qərarın təsviri hissəsində göstərilən 01 avqust 2024-cü il tarixdə və şəraitdə əmələ gəlmələri mümkündür, sağlamlığa zərər vurmayan xəsarətlər olduğundan dərəcələri təyin edilmir. İnzibati xəta haqqında protokola əlavə edilən sənədlərdən isə aydın olur ki, zərər çəkmiş şəxs Zərərçəkmiş şəxs ərizə ilə müraciət edərək Şəxs ondan üzrxahlıq etdiyini və aralarında barışıq əldə edildiyindən şikayətindən imtina etdiyini və buna uyğun qərar qəbul edilməsini məhkəmədən xahiş etmişdi. Barəsində inzibati xəta haqqında iş üzrə icraat aparılan şəxs Şəxs məhkəməyə təqdim etdiyi ərizədə Zərərçəkmiş şəxs üzrxahlıq etdiyini, sərxoş olduğu üçün hadisəni törətdiyini, əməlindən peşman olduğunu, bir daha təkrarlandığı halda özünün cəzalanmasına razı olduğunu qeyd etmişdi Azərbaycan Respublikası İnzibati Xətalar Məcəlləsinin 39.1-ci maddəsinin tələbindən görünür ki, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Həmçinin həmin Məcəllənin 53.1-ci və 53.1.9-cü maddələrinin mahiyyətindən də aydın olur ki, Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İnzibati Xətalar Məcəlləsinin 109.2-ci maddəsinin məzmununa əsasən inzibati xəta haqqında işin baxılmağa hazırlanması zamanı Azərbaycan Respublikası İnzibati Xətalar Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Azərbaycan Respublikasının İnzibati Xətalar Məcəlləsinin 105.1-ci maddəsinə əsasən, həmin Məcəllənin 53-cü maddəsində nəzərdə tutulmuş hallardan hər hansı biri olduqda icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda qeyd edilən hüquq normalarına əsaslanmaqla məhkəmə belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair inzibati xəta haqqında iş üzrə icraata xitam verilməlidir. Göstərilənləri və Azərbaycan Respublikası Konstitusiyasının 129, “Məhkəmələr və Hakimlər haqqında Qanun”un 5-ci, Azərbaycan Respublikası İnzibati Xətalar Məcəlləsinin 43.1, 115, 117, 128-130-cu maddələrini rəhbər tutaraq, məhkəmə qəraraaldı: Naxçıvan Muxtar Respublikası Daxili İşlər Nazirliyinin Babək Rayon Polis İdarəsi Cəhri polis bölməsinin “27” sentyabr 2024-cü il tarixli, ******* nömrəli inzibati xəta haqqında protokolu ilə Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirləndirilməsinə dair inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Babək Rayon Məhkəməsi vasitəsi ilə və ya birbaşa Naxçıvan Muxtar Respublikası Ali Məhkəməsinin cinayət kollegiyasina şikayət verilə bilər. Bu qərar rəsmi qaydada verildiyi vaxtdan 10 (on) gün müddətində şikayət verilməzsə şikayətin verilməsinin bitdiyi gün qüvvəyə minir Hakim:- Zamiq Əliyev