Naxçıvan MR Ordubad Rayon Məhkəməsi Qərardad — İş №3(080)-10/2024

Azərbaycan Respublikası adından QƏRARDAD Ordubad şəhəri İş № 3(080)-10/2024 27.02.2024 NAXÇIVAN MR ORDUBAD RAYON MƏHKƏMƏSİ Ordubad Rayon Məhkəməsinin hakimi Haqverdiyev Tural Ziyat oğlunun sədrliyi X13 iclas katibliyi,Naxçıvan MR Ekoloğiya və Təbii Sərvətlər Nazirliyinin qərarından şikayət verən X6 və Naxçıvan MR Ekoloğiya və Təbii Sərvətlər Nazirliyinin nümayəndəsi X2 iştirakı ilə Naxçıvan MR Ekoloğiya və Təbii Sərvətlər Nazirliyinin Azərbaycan Respublikası İnzibati Xətalar Məcəlləsinin 272.3-cü maddəsi ilə təqsirli bilinməsinə dair xx.xx.2024-ci il tarixli, 009030 nömrəli qərarından barəsində inzibati xəta haqqında iş üzrə qərar qəbul edilmiş şəxs X9 tərəfindən verilmiş şikayəti nəzərdən keçirib MÜƏYYƏN ETDİ: Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, 009029 nömrəli qərarı ilə X9 Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanı törətməkdə təqsirli bilinərək, 1000 manat məbləğində cərimə və 44 manat məbləğində isə təbiətə dəymiş ziyana görə ümumilikdə 1044 manat məbləğində cərimə təyin edilmişdir. Həmin qərardan barəsində inzibati xəta haqqında iş üzrə qərar qəbul edilmiş şəxs X14 şikayət vermişdir. Məhkəmə şikayətə barəsində inzibati xəta haqqında iş üzrə qərar qəbul edilmiş şəxs X6 və Naxçıvan MR Ekoloğiya və Təbii Sərvətlər Nazirliyinin nümayəndəsi X2 iştirakı ilə baxmışdır. Məhkəmə iclasında barəsində inzibati xəta haqqında iş üzrə qərar qəbul edilmiş şəxs X9 izahatında bildirmişdir ki, 10 iyun 2023- cü il tarixdə Ordubad Rayon Aza kənd ərazisində yerləşən Aza çayında X14 ilə qarmaqla balıq tutarkən Ordubad rayon polis Şöbəsinin əməkdaşları gəlmiş və onların tutduqları onların əlindən almış, nöbəti gün isə isə polis şöbəsinə çağırılaraq izahatları alınmış, Ordubad rayon polis Şöbəsinində onarın barəsində inzibati protokol tərtib edilmişdir təxminən bir ay sonra Naxçıvan MR Ekoloğiya və Təbii Sərvətlər Nazirliyindən məktub gəlmiş və cərimələndiklərini və cəriməni ödəməli olduqları göstərilmişdir. Azərbaycan Respublikası İnzibati Xətalar Məcəlləsinin 272.3-cü maddəsi ilə təqsirli bilinərək onun barəsində protokol tərtib olunmuşdur. Təxminən bir ay sonra ona Naxçıvan MR Ekoloğiya və Təbii Sərvətlər Nazirliyində məktub gəlmiş və məktubda cərimələndiyi və cəriməni ödəməli olması göstərilmişdir. X14 ifadəsində bildirmişdir ki,inzibati xəta törətməsi ilə bağlı Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, 009030 saylı qərarı ona təqdim olunmamışdır. Bu inzibati pozuntunu törətmədiyi üçün Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, 009030 nömrəli inzibati tənbeh vermə haqqında qərarının ləğv edilməsi barədə qərar qəbul edilməsini məhkəmədən xahiş edir. Məhkəmə iclasında iştirak etmiş Naxçıvan MR Ekoloğiya və Təbii Sərvətlər Nazirliyinin nümayəndəsi X5 izahatında bildirmişdir ki, Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanı törətməkdə təqsirli bilinən X14 Azərbaycan Respublikasının Nazirlər Kabinetinin 2017-ci il tarixli qərarı ilə Azərbaycan Respublikası ərazisində olan çaylar, göllər, və digər su hövzələrində balıqların may ayının 1-dən iyun ayının 30-a qədər kürüyə yatdığı üçün istənilən vasitə ilə balıq ovlamaq qadağan olunmuşdur. X9 qərarın qüvvədə olduğu tarixdə, yəni 10 iyun tarixində balıq ovlamış və polis əməkdaşları tərəfindən saxlanılaraq barəsində protokol tərtib edilmiş və həmin protokol əsasında Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, 009030 saylı qərarı ilə Azərbaycan Respublikası İnzibati Xətalar Məcəlləsinin 272.3-cü maddəsində nəzərdə tutulmuş inzibati xətanı törətməkdə təqsirli bilinərək, 1000 manat məbləğində cərimə və 44 manat məbləğində isə təbiətə dəymiş ziyana görə ümumilikdə 1044 manat məbləğində cərimə təyin edilmişdir.X1 inzibati qərarla bağlı məhkəməyə sənədlər təqdim edərək ifadəsində bildirmişdir ki, Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, N 009030 saylı qərarı X7 05 iyul tarixində rəsmi qaydada göndərilmiş lakin X4 MR Ekoloğiya və Təbii Sərvətlər Nazirliyinin xx.xx.2024-ci il tarixli, N 009030 saylı qərarını xx.xx.2024-cü il tarixdə qəbul etməkdən imtina etmişdir. Məhkəmə şikayət ərizəsini və ona əlavə edilmiş sənədləri nəzərdən keçirərək hesab edir ki, şikayət ərizəsi qanunla şikayət verilməsi üçün nəzərdə tutulmuş prossesual müddət ötürülməklə verilmişdir. Belə ki, AR İXM-nin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Göründüyü kimi, şikayət vermə müddətinin axımı qərarın surətinin rəsmi qaydada verildiyi andan başlayır. Qeyd olunan maddənin mənasına görə qanunvericilik 10 günlük müddətin axımını qərarın surətinin rəsmi qaydada verildiyi anla əlaqələndirmişdir. İş materiallarında olan Naxçıvan MR Ekoloğiya və Təbii Sərvətlər Nazirliyinin nümayəndəsinin məhkəməyə təqdim etdiyi sənədlərdən görünür ki, Naxçıvan MR Ekoloğiya və Təbii Sərvətlər Nazirliyinin xx.xx.2024-ci il tarixli, N 009030 saylı qərarı 05 iyul 2023-cü il tarixdə X7 rəsmi qaydada göndərilmiş lakin X9 qərarı 12 iyul 2023-cü il tarixdə almaqdan imtina etmişdir. AR İXM-nin 130.1-ci maddəsinə əsasən ünvan sahibi və ya onunla birlikdə yaşayan yetkinlik yaşına çatmış ailə üzvləri inzibati xəta haqqında işlər üzrə sənədi qəbul etməkdən imtina etdikdə onu təqdim edən şəxs sənədə müvafiq qeydlər etdikdən sonra onu göndərən hakimə və yaxud səlahiyyətli orqana (vəzifəli şəxsə ) qaytarır. Bu halda halda inzibati xəta haqqında iş üzrə sənəd rəsmi qaydada verilmiş hesab olunur. Qüvvədə olan qanunvericiliyə əsasən həmin qərardan şikayət verilməsi üçün qanunla müəyyən olunmuş 10 günlük prosessual müddətin axımı xx.xx.2023-ci il tarixdən başlamış, xx.xx.2023-ci il tarixdə başa çatmışdır. X3 şikayəti poçt vasitəsilə xx.xx.2024-cü il tarixdə Ordubad Rayon Məhkəməsinə göndərilmiş və xx.xx.2024-cü il tarixdə isə məhkəməyə daxil olmuşdur. Beləliklə, müəyyən olunur ki, Naxçıvan MR Ekologiya və Təbii Sərvətlər Nazirliyinin xx.xx.2024-ci il tarixli, N 009030 nömrəli qərarından şikayət qanunla müəyyən edilmiş 10 gün müddət buraxıldıqdan sonra verilmişdir. Azərbaycan Respublikası İnzibati Xətalar Məcəlləsinin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Azərbaycan Respublikası İXM-də səlahiyyətli orqanın inzibati xəta haqqında iş üzrə qərarından məhkəməyə şikayət verilərkən qanunla müəyyən olunmuş müddət ötürüldükdə və müddətin bərpası haqqında vəsatət verilmədikdə, birinci instansiya məhkəməsi tərəfindən hansı prosessual hərəkətlər edilməsini tənzimləyən norma yoxdur. «Azərbaycan Respublikası İnzibati Xətalar Məcəlləsinin 128.1-ci maddəsinin şərh edilməsinə dair» Azərbaycan Respublikası Konstitusiya Məhkəməsi Plenumunun 02 noyabr 2016-cı il tarixli Qərarında göstərilmişdir ki, «cinayət-prosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. İnzibati Xətalar Məcəlləsinin 6.3-cü maddəsi inzibati xətalar qanunvericiliyinin analogiya üzrə tətbiqinə məhdudiyyət qoysa da, bu həmin hüquq sahəsinin maddi hüquq normalarına (məsuliyyəti müəyyən edən normalara) aiddir. Lakin qanunun analogiya üzrə tətbiqi o zaman mümkündür ki, oxşar prosessual münasibətlər inzibati xətalar qanunvericiliyində müvafiq norma ilə tənzimlənməsin». Eləcə də, «Azərbaycan Respublikası İnzibati Xətalar Məcəlləsinin 132.1.2 və 53-cü maddələrinin əlaqəli şəkildə şərh edilməsinə dair» Azərbaycan Respublikası Konstitusiya Məhkəməsi Plenumunun 11 noyabr 2021-ci il tarixli Qərarında qeyd olunmuşdur ki, «inzibati xətalar qanunvericiliyində inzibati xəta haqqında iş üzrə qərardan şikayət və ya protestvermə müddətinin buraxılıb-buraxılmamasının müəyyən edilməsi, habelə şikayət və ya protestin mümkünlüyü ilə əlaqədar digər prosessual məsələlər (şikayətin səlahiyyəti olan şəxs tərəfindən verilib-verilməməsi, imzalanıb-imzalanmaması) kifayət qədər tənzimlənməmişdir. Odur ki, Konstitusiya Məhkəməsinin Plenumu mövcud qanunvericilik normalarından, həmçinin özünün əvvəlki hüquqi mövqeyindən çıxış edərək hesab etmişdir ki, inzibati xəta haqqında iş üzrə məhkəmə qərardan verilmiş şikayət və ya protest vermə müddətinin buraxılıb-buraxılmamasının yoxlanılması ilə əlaqədar prosessual məsələlərin tənzimlənməsi zamanı cinayət-prosessual qanunvericiliyinin müvafiq normaları qanunun analogiyası üzrə tətbiq edilməlidir». Konstitusiya Məhkəməsinin Plenumu qeyd olunan Qərarında yekun nəticəyə gələrək göstərmişdir ki, bu Qərarın təsviri-əsaslandırıcı hissəsində əks olunmuş hüquqi mövqeyə uyğun olaraq, inzibati xəta haqqında iş üzrə qərardan şikayət və ya protestin verilməsi ilə bağlı məsələlər cinayət-prosessual qanunvericiliyinin analoji normaları əsasında həll edilməlidir. Belə ki, AR İXM-də inzibati xəta haqqında iş üzrə qərardan qanunla nəzərdə tutulmuş müddətin ötürülməsi ilə verilmiş şikayətin birinci instansiya məhkəməsi tərəfindən icraata qəbul edilməsindən imtina edilməsini və yaxud qaytarılmasını tənzimləyən prosessual hüquq normaları olmadığından, inzibati xəta haqqında iş üzrə qərardan verilmiş şikayətin qaytarılması AR CPM-in müvafiq analoji normaları əsasında həll edilməlidir. Belə ki, Azərbaycan Respublikası CPM-in 386.1-ci maddəsinə əsasən apellyasiya şikayətinin və ya apellyasiya protestinin verilməsi müddəti üzrlü səbəblərə görə buraxıldıqda, bu Məcəllənin 383-cü maddəsində göstərilən şəxslər hökm və ya qərarı çıxarmış birinci instansiya məhkəməsi qarşısında buraxılmış müddətin bərpa edilməsi haqqında vəsatət qaldırmaq hüququna malikdirlər. Həmin Məcəllənin 391.3.5-ci maddəsinə əsasən apellyasiya şikayətinə və ya apellyasiya protestinə ilkin baxılması zamanı apellyasiya instansiyası məhkəməsi apellyasiya şikayətinin və ya apellyasiya protestinin öz icraatına qəbul edilməsindən imtina haqqında qərar qəbul edir. Həmin Məcəllənin 391.3.6-ci maddəsinə əsasən apellyasiya şikayətinə və ya apellyasiya protestinə ilkin baxılması zamanı apellyasiya instansiyası məhkəməsi cinayət işinin, məhkəməyədək sadələşdirilmiş icraat materiallarının və ya xüsusi ittiham qaydasında şikayət üzrə, icraat materiallarının birinci instansiya məhkəməsinə qaytarılması haqqında qərar qəbul edir. Həmin Məcəllənin 391.2.2-ci maddəsinə əsasən apellyasiya şikayətinə və ya apellyasiya protestinə ilkin baxılması qaydası apellyasiya instansiyası məhkəməsi tərəfindən müəyyən edilir. Bu zaman hər bir halda apellyasiya instansiyası məhkəməsi tərəfindən apellyasiya şikayəti və ya apellyasiya protesti verilərkən bu Məcəllənin 381— 390-cı maddələrinin tələblərinə riayət olunub-olunmadığını araşdırmalıdır. Məhkəmə qeyd olunanlara məcmu halında qiymət verərək hesab edir ki, səlahiyyətli orqanın inzibati xəta haqqında iş üzrə qərarından verilmiş şikayət qanunla müəyyən edilmiş prosessual müddət buraxılmaqla verildiyindən şikayət və əlavə edilmiş sənədlər şikayət verən şəxsə geri qaytarılmalıdır. Yuxarıda göstərilənlərə əsasən və Azərbaycan Respublikası İXM-in 130-cu və CPM-in 391-ci maddəsini rəhbər tutaraq QƏRARA ALDİ X6 Azərbaycan Respublikası İnzibati Xətalar Məcəlləsinin 272.3-cü maddəsi ilə təqsirli bilinməsinə dair Naxçıvan Muxtar Respublikası Ekoloğiya və Təbii Sərvətlər Nazirliyinin xx.xx.2024-ci il tarixli, 009030 nömrəli qərarından barəsində inzibati xəta haqqında iş üzrə qərar qəbul edilmiş şəxs X11 tərəfindən verilmiş şikayət ərizəsi əlavə edilmiş sənədlərlə birlikdə şikayət verən şəxsə qaytarılsın. Qərardaddan, rəsmi qaydada verildiyi gündən 10 (on) gün müddətinə həmin qərardadı qəbul etmiş hakim vasitəsilə və ya birbaşa apellyasiya instansiya məhkəməsinə şikayət və ya protest verilə bilər. Hakim: Tural Haqverdiyev