Naxçıvan MR Ordubad Rayon Məhkəməsi Qərardad — İş №3(080)-22/2023

Azərbaycan Respublikası adından QƏRARDAD Ordubad şəhəri İş № 3(080)-22/2023 16.03.2023 NAXÇIVAN MR ORDUBAD RAYON MƏHKƏMƏSİ X1 Haqverdiyev icraatımda olan Ordubad Rayon Polis Şöbəsindən daxil olmuş Şəxs barəsində Azərbaycan Respublikası İnzibati Xətalar Məcəlləsinin 442-ci maddəsi ilə tərtib olunmuş inzibati xəta haqqında protokol və ona əlavə olunmuş sənədlərə işin baxılmağa hazırlanması zamanı baxaraq, müəyyən etdi : Şəxs barəsində Azərbaycan Respublikası İnzibati Xətalar Məcəlləsinin 442-ci maddəsi ilə (bundan sonra mətndə İXM-nin) 15 mart 2023-cü il tarixli № 008552 saylı inzibati xəta haqqında protokol tərtib olunmuşdur ona görə ki, xx.xx.2023-cü il tarixdə Ordubad şəhəri, Ordubad bazarında qanunsuz pirotexnki vasitələrin satışı ilə məşğul olmuşdur. İnzibati xəta haqqında protokol və ona əlavə olunmuş sənədləri nəzərdən keçirərək hesab edirəm ki, inzibati xəta haqqında protokol və ona əlavə olunmuş sənədlər İXM-nin 100, 106.0.3 və 109.1.6-cı maddələrinin tələbinə əsasən onu tərtib etmiş orqana geri qaytarılmalıdır. Belə ki, inzibati xəta haqqında protokolda priotexniki maddələrin satılması qeyd olunmuş, lakin hansı priotexniki vasitələrin olduğu qeyd edilməmişdir. Həmin Məcəllənin 106.0.3-cü madəsinə əsasən hakim inzibati xəta haqqında protokol və işin digər materiallarının bu Məcəllənin tələblərinə müvafiq olaraq tərtib edilib edilməməsini yoxlayır. Həmin məcəllənin 109.1.6-ci maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılmasına dair qərar qəbul edilir. Azərbaycan Respublikası İXM-nin 100.1-ci maddəsinə əsasən bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir, protokolda barəsində inzibati xəta haqqında iş üzrə icraat aparılan şəxs haqqında fərdi identifikasiya nömrəsi inzibati xəta haqqında protokolda göstərilir. İnzibati xəta haqqında protokolda barəsində inzibati xəta haqqında iş üzrə icraat aparılan Şəxs fərdi identifikasiya nömrəsi göstərilməmişdir. Azərbaycan Respublikası İXM-nin 100.1-ci maddəsinə əsasən inzibati xəta haqqında protokolda aşağıdakılar göstərilir: 100.1.1. protokolun tərtib edildiyi tarix və yer; 100.1.2. protokolu tərtib etmiş şəxsin vəzifəsi, soyadı, adı, atasının adı; 100.1.3. barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilir. 15 mart 2023-cü il tarixdə Orddubad rayon Polis Şöbəsinin baş polis sahə inspektoru A.Seyidov tərəfindən tərtib olunmuş № 008552 saylı inzibati xəta haqqında protokolda şahidlərin soyadı, adı, atasının adı və ünvanları göstərilməmişdir. Həmçinin inzibati xəta haqqında protokolda pirotexnik vasitələr, pirotexnik maddələr kimi səhvən yazılmışdır. Bundan əlavə olaraq Şəxs izahatının başlanğıncında 15 mart 2023-cü il tarix göstərilsə də izahatın sonunda A.Seyidov tərəfindən 1 mart 2023-cü il qeyd edilmişdir. Ordubad Rayon Poliş Şöbəsi tərəfindən Məhkəməyə daxil olmuş inzibati materialın müşayət məktubunun qoşmasında inzibati işin neçə vərəqədə olması qeyd olunmamışdır. Beləliklə, təqdim olunmuş sənədlərdən görünür ki, qanunun həmin tələblərinə riayət edilməmiş və həmin çatışmamazlıqlar aradan qaldırılmadan işə mahiyyəti üzrə baxılıb tamamlanması mümkün deyildir. İXM-nin 109-cu maddəsinin İ hissəsinin 6-cı bəndinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda qeyd olunanları nəzərə alaraq hesab edirəm ki, inzibati xəta haqqında protokol və ona əlavə olunmuş sənədlər geri qaytarılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 100, 106, 109-cu maddələrinə əsasən, məhkəmə qərara aldı: Ordubad Rayon Polis Şöbəsindən daxil olmuş Şəxs barəsində tərtib olunmuş 15 mart 2023-cü il tarixli № 008552 saylı inzibati xəta haqqında protokol və protokola əlavə olunmuş sənədlər onu tərtib edən oraqna, yəni Ordubad rayon Polis Şöbəsinə geri qaytarılsın. Hazırkı qərardaddan şikayət verilməsi İnzibati Xətalar Məcəlləsində nəzərdə tutulmamışdır. Sədrlik edən: Tural Haqverdiyev