Naxçıvan MR Ordubad Rayon Məhkəməsi Qərar — İş №3(080)-41/2024

Azərbaycan Respublikası adından QƏRAR Ordubad şəhəri İş № 3(080)-41/2024 15.07.2024 NAXÇIVAN MR ORDUBAD RAYON MƏHKƏMƏSİ X5 Tural Ziyat oğlunun sədrliyi, X4 iclas katibliyi, barəsində inzibati xəta haqqında iş üzrə icraat aparılan şəxs Şəxs iştirakı ilə, Şəxs xx.xx.1981-ci il tarixdə Ordubad rayonu Çapayevka kəndində anadan olmuş, Azərbaycanlı, Azərbaycan Respublikası vətəndaşı, ailəli,2 uşaq atası, orta təhsilli, müvəqqəti işsiz, əvvəllər məhkum olunmamış, Ordubad rayonu Xanağa kəndində qeydiyyatda olan və yaşayan Barəsində Azərbaycan Respublikası İXM-nin 206-cı maddəsi ilə Ordubad Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq müəyyən etdi : Şəxs qanunsuz olaraq narkotik vasitə istifadə etmişdir. Ordubad Rayon Polis Şöbəsinin narkotiklərlə mübarizə qurupunun əməliyyat müvəkkili Asiman İsmayılov tərəfindən Şəxs İnzibati Xətalar Məcəlləsinin 206-cı maddəsi ilə nəzərdə tutulmuş inzibati xəta törətməsi barədə 13 iyul 2024-cü il tarixli protokol tərtib edilərək inzibati xəta haqqında material baxılması üçün məhkəməyə göndərilmişdir. Barəsində inzibati xəta haqqında iş üzrə icraat aparılan şəxs Şəxs özünü təqsirli bilərək ifadəsində qeyd etmişdir ki, 12 iyul 2023-cü il tarixdə 5 gün bundan əvvəl Moskva şəhərində olarkən spirtli içkinin təsiri altında olarkən əslən rus vətəndaşı olan tanışı ona siqaret təklif etmiş, nə siqareti olduğunu soruşduqda isə buyurun keyfini aç neynirsən nə siqaretidir dediyini, həmin siqareti çəkdiklərini, sonradan həmin siqaretin içinə nəşə doldurduqlarını bilmişlər. Sonra Ordubad Rayon Polis Şöbəsinin narkotiklərlə mübarizə qurupunun əməliyyat müvəkkili Asiman İsmayılov tərəfindən Ordubad rayonu ərazisində saxlanılaraq polis şöbəsinə dəvət olunmuş və Polis şöbəsində olan zaman onun sərxoşluğunu və ya narkotik maddələrdən istifadə etməsini müəyyən etmək üçün Naxçıvan Muxtar Respublikası Səhiyyə Nazirliyinin Y.Budaqov adına Naxçıvan MR X2 aparılmış, tibbi müayinədən keçirilən zaman sidiyində narkotik vasitə aşkar edilmişdir. Beləliklə o, əməlindən səmimi peşmançılıq çəkdiyini bildirərək barəsində yüngül inzibati tənbeh tədbirinin tətbiq edilməsini xahiş etmişdir. Məhkəmə iclasında Ordubad Rayon Polis Şöbəsinin narkotiklərlə mübarizə qurupunun əməliyyat müvəkkili Samir İsmayılovun protokolun məzmununa uyğun izahat verərək X3 Azərbaycan Respublikası İXMnin 206-cı maddəsində nəzərdə tutulmuş xətanı törətdiyinə görə barəsində müvafiq olaraq xx.xx.2023-cü il tarixli protokol tərtib olunduğunu, odur ki, Şəxs barəsində inzibati tənbeh tədbirinin tətbiq edilməsini xahiş etmişdir. İş materiallarında olan və məhkəmə baxışında tədqiq edilmiş: Y.Budaqov adına Naxçıvan MR X1 verilmiş 15 iyul 2024-cü il tarixli, 252 nömrəli məktubunda qeyd edilmişdir ki, Şəxs 12 iyul 2023-cü il tarixdə dispanserdə sidik narko-test vasitəsilə müayinə olundu, nəticə THC (marixuana) müsbət aşkar olundu, Şəxs narkomaniyası xəstəliyindən əziyyət çəkmir, məcburi müəlicəyə ehtiyacı yoxdur. Ordubad Rayon Polis Şöbəsinin narkotiklərlə mübarizə qurupunun əməliyyat müvəkkili Asiman İsmayılov tərəfindən tərtib edilmiş 12 iyul 2024-cü il tarixli ******* saylı protokoldan görünür ki, Şəxs 12 iyul 2024-cü il tarixdə Ordubad Rayonunda Ordubad Rayon Polis Şöbəsinin narkotiklərlə mübarizə qurupunun əməliyyat müvəkkili Asiman İsmayılov tərəfindən saxlanılaraq gətirilmiş və narkoloji müayinə nəticəsində onun narkotik vasitə istifadə etməsi müəyyən olunmuşdur. Barəsində inzibati xəta haqqında iş üzrə icraat aparılan şəxs Şəxs təqsiri özünün səmimi etirafı ilə yanaşı, cinayət işinin rədd edilməsi haqqında qərar, inzibai xəta haqqında protokol, habelə işə əlavə edilmiş digər sənədlərlə tam sübuta yetirilmişdir. İnzibati xəta törətmiş Şəxs ilk dəfə inzibati xəta törətməsi və əməlindən peşman olması inzibati xətaya görə məsuliyyəti yüngülləşdirən hallardır. Onun əməlində iş üzrə məsuliyyəti ağırlaşdıran hallar yoxdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Məhkəmə inzibati xəta törətmiş oğluna inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, məsuliyyəti yüngülləşdirən halların olmasını və iş üzrə məsuliyyəti ağırlaşdıran halların olmamasını nəzərə alaraq, barəsində təqsirli bilindiyi maddənin sanksiyasında nəzərdə tutulmuş cərimə növündə inzibati tənbeh tətbiq edilməsini məqsədə məvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 53, 105, 114, 115, 128-130-ci maddələrinə rəhbər tutaraq, məhkəm qərar verdi: Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətməkdə təqsirli bilinib 300 (üç yüz) manat məbləğində cərimə edilsin. Qərardan rəsmi qaydada verildiyi vaxtdan on gün müddətində qərarı qəbul etmiş hakim vasitəsilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər. Sədrlik edən:Tural Haqverdiyev