Naxçıvan MR Sədərək Rayon Məhkəməsi Qərar — İş №3(088)-31/2023

Azərbaycan Respublikası adından QƏRAR Heydərabad qəsəbəsi İş № 3(088)-31/2023 12.07.2023 NAXÇIVAN MR SƏDƏRƏK RAYON MƏHKƏMƏSİ Sədərək rayon məhkəməsinin hakimi Zülfüqarov Hüseyn Nadir oğlunun sədrliyi, məhkəmə iclas katibi İsmayılov Çingiz Məhərrəm oğlunun katibliyi, Sədərək rayon Polis Şöbəsinin İTB-nin polis sahə rəisi, polis kapitanı X4, zərərçəkmiş şəxs X1 və barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.1984-cü ildə Şərur rayon Dəmirçi kəndində anadan olmuş, Sədərək rayon Dəmirçi kəndində qeydiyyatda olan, Azərbaycan Respublikası vətəndaşı Şəxs barəsində Sədərək rayon Polis Şöbəsindən daxil olmuş inzibati xəta haqqında materiallara baxaraq məhkəmə müəyyən etdi: Şəxs xx.xx.2023-cü il tarixdə həmkəndlisi X3 ilə dalaşaraq biri-birlərinə xəsarətlər yetirmişdirlər. Tərəflərin ərizəsi əsasında cinayət işi başlanmışdır 11 iyul 2023-cü ildə cinayət işinin başlanmasının rədd edilməsi barədə qərar qəbul edilərək, Azərbaycan Respublikasının İnzibati Xətalar Məcəlləsinin 157- maddəsinin tələbləri pozulduğuna görə həmin maddə ilə məsuliyyətə cəlb edilməsi üçün Sədərək Rayon Polis X2 Bölməsinə material göndərlmişdir. Sədərək rayon Polis Şöbəsinin İTB-si isə 12 iyul 2023-cü il tarixdə Şəxs barəsində inzibati xəta haqqında protokol tərtib edərək baxılması üçün Sədərək rayon məhkəməsinə göndərmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında törətdiyi inzibati xətada özünü təqsirli bilərək verdiyi izahatında göstərmişdir ki, Sədərək rayon Dəmirçi kəndində yaşadığını və həmin ünvanda pasport qeydiyyatında durduğunu bildirərək təxminən 2021-ci il mart ayında Sədərək rayon Sədərək kənd sakini X1 ondan Türkiyə Respublikasında istehsal edilən 150 manatlıq yorğan aldığını və pulunu verəcəyini bildirdiyini, əlavə olaraq da həyat yoldaşının ərzaq mağazasından aylıq olaraq ərzaq alıb pulunu mütəmadi olaraq verdiyini, 20 iyun 2023-cü il tarixdə Vüsalə Qədimovanın övladlarına analarının ona olan borcunu gətirib verməsini bildirdiyini, həmin vaxtdan təxminən iki saat sonra Vüsalə Qədimovanın övladları ilə birlikdə onun yaşadığı evin önünə gəldiyini, çöl qapısında olan zaman onu həyətə dəvət etdiyini, söhbətlərini həyətdə etmələrini uyğun olduğunu, ona olan borcunu qaytarmasını bildirdiyini, o evin sənədlərinin anasında olduğunu və sənədləri verdikdən sonra pulunu verəcəyini bildirdiyini, Vüsaləyə anası ilə arasında olan məsələyə onu qatmamasını bildirdiyini və 150 manat pulunu istədiyini, sonra Vüsalə Qədimovanın onun üzərinə gələrək sinəsindən tutduğunu onun isə Vüsalənin boynundan yapışıb itələdiyini və əlindən çıxmağa cəhd etdiyini, həmin vaxt onların həyətində ot presi boşaldan iki nəfər şəxsin onları aralaşdırdığını və Vüsalə Qədimovanın çıxıb getdiyini, hazırda X3 ilə aralarında heç bir mübahisə olmadığını, barışdıqlarını bildiriərək iş üzrə icraata xitam verilməsini xahiş etdi. Barəsində inzibati xəta haqqında iş üzrə icraat aparılan şəxs Şəxs əlavə olaraq məhkəməyə Vüsalə Qədimova ilə barışması barədə yazılı ərizə təqdim etdi. Məhkəmə iclasında zərərçəkmiş X3 izahatında 20 iyun 2023-cü il tarixdə saat təxminən 18:30 radələrində söhbət etmək üçün Sədərək rayon Dəmirçi kənd sakini Şəxs həyət qapılarına getdiyini, İlkanəni çölə çağırdığını və o həyət qapısından çölə çıxdığını, çöldə olarkən ilkanənin ona həyətə gəlməyini bildirdiyini, onların həyətində olanda o Şəxs evinin sənədlərini verməsini, övladının müalicəsi üçün Naxçıvan şəhərinə gedəcəyini bildirdiyini, Şəxs ona 4200 manat borcunu gətirib evin sənədlərini anası Qənirədən almasını dediyini, bundan sonra o İlkanəyə ombudsmanda işləyən Günay xanıma müraciət edəcəyini bildirdiyini, İlkanə anasını onun başına oyun açacağını demiş və üzərinə gələrək onu döyməyə başladığını, həmin vaxt həyətdə olan ot presi boşaldan iki nəfər şəxsin gəlib onları aralaşdırdığını və oradan çıxıb evlərinə getdiyini, hal-hazırda Şəxs ilə barışdıqlarını və iş üzrə icraata xitam verilməsini xahiş etdimişdir. Məhkəmə iclasında Sədərək rayon Polis Şöbəsinin İTB-nin polis sahə rəisi, polis kapitanı X6 izahatında bildirdi ki, 20 iyun 2023-cü il tarixində Sədərək rayon Dəmirçi kənd sakini Şəxs yaşadığı evdə X1 Şəxs ilə aralarında olan mübahisə nəticəsində bədən xəsarət yetirməsi ilə bağlı X3 tərəfindən 21 iyun 2023-cü il tarixində Sədərək RPŞ-nə ərizə daxil olmuş və araşdırma nəticəsində bir-biri ilə mübahisə zamanı almış olduqları bədən xəsarətlərinin dərəcəsi təyin edilməyən olduğuna görə cinayət işinin başlanılmasının rədd edilməsi və X3 ilə Şəxs hərəkətləri ilə Azərbaycan Respublikası İXM-nin 157-ci maddəsi ilə inzibati xəta törətmələri barədə qərar qəbul edildiyini və onun tərəfindən protokol tərtib edildiyini və aidiyyəti üzrə məhkəməyə göndərdiyini bildirdi. Məhkəmə iclasında şahid kimi dindirilən Şahid2 izahatında göstərdi ki, Sədərək rayonu Dəmirçi kəndində qeydiyyatda olmaqla orada yaşadığını, 20 iyun 2023-cü il tarixdə təxminən saat 17:30 radələrində Sədərək rayonu Dəmirçi kənd sakini Şəxs həyətində Şahid1 ilə birlikdə ot presi boşaltdıqlarını, həyətdən səs-küy gəldiyini eşitdiyini və həmin istiqamətə gedən zaman Şəxs ilə Vüsalə Qədimovanın bir-birlərinə nalaiq ifadələr işlətdiyini, onları sakitləşdirdiklərini və Vüsalə Qədimovanın evlərinə getdiyini sonra öz işlərini görməyə davam etdiklərini bildirdi. Məhkəmə iclasında şahid kimi dindirilən Şahid1 Şahid2 izahatına tam uyğun izahat verərək, Şahid2 bildirdiklərini bir daha təsdiq etdi. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İş materiallarında olan xx.xx.2023-cü il tarixli 733 nömrəli Naxçıvan MR Səhiyyə Nazirliyi MTE və PA Birliyi tərəfindən verilmiş ekspert rəyinə əsasən vətəndaş X1 məhkəmə tibbi ekspertizası zamanı aşkar edilmiş xəsarətlər burunda sıyrıq bərk küt əşyanın (əşyaların) təsirindən dörədilmişdir. Eləcə də qərarın təsviri hissəsində göstərilən şəraitdə də törənmələri istisna olunmur. Xəsarətlərin yetirilmə müddəti qərarda göstərilən tarixə uyğun gəlir. Ağırlıq dərəcəsinə görə sağlamlığa zərər vurmayan xəsarətlər olduğundən dərəcələri təyin edilməmişdir. Məhkəmə Sədərək rayon X8 və Təhqiqat Qrupunun təhqiqatçısı X5 11 iyul 2023-cü il tarixli “Cinayət işinin başlanmasının rədd edilməsi barədə” qərarını, Sədərək rayon Polis Şöbəsinin İTB-nin polis sahə rəisi, polis kapitanı X6 tərəfindən tərtib edilmiş 12 iyul 2023-ci il tarixli, 002115 nömrəli inzibati xəta haqqında protokolu nəzərdən keçirib, məhkəmə iclasında iştirak edən şəxsləri və şahidləri dinləyib, zərərçəkmiş şəxsin barışıq ərizəsini, iş materiallarını araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulan əməli törətməsi toplanmış sübutlarla təsdiqini tapır. Bununla da o, Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətmişdir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İnzibati Xətalar Məcəlləsinin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 39.1-ci maddəsinə əsasən Bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Azərbaycan Respublikası İnzibati Xətalar Məcəlləsinin 53.1.9-cu bu Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda ( başlanmış iş üzrə) iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 157-ci maddəsinə əsasən Döymə və sair zorakı hərəkətlərlə qəsdən fiziki ağrı yetirməyə görə -üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq edilir. Bununla yanaşı məhkəmə, Şəxs məsuliyyətə cəlb edilməsi məsələsini müzakirə edərək hesab edir ki, Şəxs zərərçəkmiş şəxslə barışması, zərərçəkmiş şəxsin bununla bağlı müvafiq izahatı və yazılı ərizəsi nəzərə alınmaqla, Şəxs barəsində Azərbaycan Respublikası İnzibati Xətalar Məcəlləsinin 39-cu maddəsi tətbiq edilərək o, inzibati məsuliyyətdən azad edilməli və inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 39, 40, 43, 48-51, 53.1.9, 114, 128- 130-cu maddələrini rəhbər tutaraq, məhkəmə qərara aldım : Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanılmış inzibati xəta haqqında iş üzrə icraata xitam verilsin. Qərardan, qərarın surəti təqdim edildiyi və ya alındığı gündən 10 (on) gün müddətində qərarı qəbul etmiş hakim vasitəsi ilə və ya birbaşa Naxçıvan Muxtar Respublikası Ali Məhkəməsinin Cinayət kollegiyasına apelyasiya şikayəti və ya protesti verilə bilər. Hakim: Hüseyn Zülfüqarov.