Naxçıvan MR Sədərək Rayon Məhkəməsi Qərar — İş №3(088)-37/2024

Azərbaycan Respublikası adından QƏRAR Heydərabad qəsəbəsi İş № 3(088)-37/2024 14.06.2024 NAXÇIVAN MR SƏDƏRƏK RAYON MƏHKƏMƏSİ Sədərək Rayon Məhkəməsinin hakimi Zülfüqarov Hüseyn Nadir oğlunun sədrliyi, X1 iclas katibliyi, Barəsində inzibati xəta haqqında iş üzrə icraat aparılan Şəxs iştirakı ilə xx.xx.1989-ci ildə Şərur rayonu Dəmirçi kəndində anadan olmuş, Azərbaycan Respublikası vətəndaşı, orta təhsilli, işsiz, evli, 3 uşaq atası, Sədərək rayonu Dəmirçi kəndində qeydiyyatda olan Şəxs barəsində Azərbaycan Respublikası İXM-nin 206-cı maddəsi ilə Sədərək rayon Polis şöbəsindən daxil olmuş inzibati xəta haqqında işə baxaraq, müəyyən etdi: xx.xx.2024-cü il tarixdə, Sədərək rayonu Dəmirçi kənd sakini Xəlilov X5 Rayonu Dəmirçi kəndində özünü şübhəli apardığından həmin şəxsin Sədərək rayon Polis şöbəsinə dəvət edilərək narko-testdən keçirilməsi üçün Naxçıvan MR Səhiyyə Nazirliyi Y.Budaqov adına X2 sidik narko-test vasitəsilə THC (tetrahidrokannabinol) müayinə edilmiş 14 iyun 2024-cü il tarixli tibbi komisiyanın rəyinə əsasən, nəticədə THC (tetrahidrokannabinol) istifadə etməsi aşkar edilmişdir. Bununla da o, Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs özünü Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanın törədilməsində tam təqsirli bilmiş, xx.xx.2024-cü il tarixində Turkiyə Respublikasının İğdır şəhərinə getdiyini, həmin vaxt Türkiyənin İstanbul şəhərindən olan tanışı X7 şəhərində əmisinin mağazası olduğunu, mağazadan alver edən zaman Taner Bulutu gördüyünü, gedib birlikdə çay içdiklərini, əlində narkotik vasitə deyilən ot olduğunu, Tanerin özünün istifadə etdiyini, yarısının qaldığını, və ona təklif etdiyini, onun da qəbul edib çəkdiyini, 2 saat sonra yükləri yükləyib Naxçıvana gəldiyini, xx.xx.2024-cü il tarixində polis əməkdaşlarının onu çağıraraq Sədərək Rayon Polis şöbəsinə apardıqlarını, üzərində şəxsi yoxlama apardıqlarını lakin üzərindən heç bir qanunsuz əşyanın çıxmadığını, sonra Naxçıvan şəhərinə apardıqlarını və testdən keçirildiyini, sidik -narko testi müayinəsi zaman THC (tetrahidrokannabinol) qəbul etdiyi aşkar olduğunu bildirdi. Şəxs izahatında əvəllər də bir neçə dəfə narkotik qəbul etdiyini, həmçinin hərəkətindən çox peşman olduğunu, məhkəmədən azyaşlı uşaqları olduğuna görə ona köməklik edilməsini xahiş etmişdir. Məhkəmə iclasında şahid qismində dindirilən Şahid1 izahatında xx.xx.2024-cü il tarixdə səhər saat 9:30-da Sədərək Rayon Dəmirçi kəndində onun və CAB-nin əməliyyat müvəkkili Şahid2 və NMQ-nun əməliyyat müvəkkili Musayev Yasin ilə birlikdə xidməti ərazidə olan vaxt Sədərək Rayon Dəmirçi kənd sakini Şəxs kənd ərazisində özünü şübhəli apardığına dair NMQ-nun əməliyyat müvəkkili, polis leytenantı Yasin Musayevə məlumat daxil olduğunu, və birlikdə dərhal Şəxs məhəllələrində saxlayaraq Sədərək Rayon polis şöbəsinə dəvət etdiklərini bildiridi. Məhkəmə iclasında Şahid2 İdiris oğlu Şahid1 ilə eyni məzmunlu izahat verərək Şahid1 izahatında dediklərini təsdiq etdi. İnzibati materiala əlavə olunmuş inzibati qaydada tutma haqqında 14 iyun 2024-cü il tarixli 0796 nömrəli protokolundan müəyyən edilir ki, Şəxs xx.xx.2024-cü il tarixdə saat 09:35- də inzibati qaydada tutulmaqla saxlanmışdır. İş materiallarına əlavə olunmuş Y.Budaqov adına Naxçıvan MR X3 14 iyun 2024-cü il tarixli 219 saylı rəyindən müəyyən olunur ki, barəsində inzibati xəta haqqında iş üzrə icraat aparılan şəxs Şəxs narkomaniya xəstəliyindən əziyyət çəkmir, lakin psixi və fiziki asılılıq olmadan narkotik maddə faktı inkar olunmur. hal-hazırda abstinensiya əlamətləri olmadığına görə məcburi müalicəyə ehtiyacı yoxdur. Şəxs xx.xx.2024-cü il tarixdə Y.Budaqov adına Naxçıvan MR X4 sidik narko-test vasitəsilə müayinə olunmuş və nəticədə onda THC (tetrahidrokannabinol) müsbət aşkar olunmuşdur. 28 iyun 2005-ci il tarixli Azərbaycan Respublikası Qanunu ilə təstiq edilmiş Azərbaycan Respublikasının ərazisində dövriyyəsi qadağan edilən psixotrop maddələrin siyahısına THC (tetrahidrokannabinol) (İ siyahı; İİ bənd sıra № 44) daxildir “Şəxsin cinayət məsuliyyətinə cəlb edilməsi üçün kifayət edən narkotik vasitələrin və psixotrop maddələrin miqdarına, habelə onların külli miqdarına görə siyahıların təsdiq edilməsi haqqında” Azərbaycan Respublikasının 28 iyun 2005-ci il tarixli Qanunu ilə təsdiq edilmiş İİ siyahısının 167 sıra nömrəsinə əsasən psixotrop maddə olan THC (tetrahidrokannabinol) 0.05 qramadək olan miqdarı şəxsi istehlak miqdarına aiddir. Məhkəmə toplanmış sübutları araşdırıb, sübutlara tam, hərtərəfli və obyektiv qiymət verib belə nəticəyə gəlir ki, Şəxs əməli düzgün olaraq Azərbaycan Respublikası İnzibati Xətalar Məcəlləsinin 206-cı maddəsi ilə tövsif olunmuşdur. Belə ki, toplanmış sübutlarla təsdiq olunur ki, Şəxs THC (tetrahidrokannabinol) istifadə etmişdir. Ona görə də o, həmin maddə ilə təqsirli bilinməli və inzibati qaydada həbs edilməlidir. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə Şəxs inzibati tənbeh tətbiq edərkən işin hallarını və inzibati xəta törətmiş şəxsin şəxsiyyətini, təqsirinin dərəcəsini nəzərə alır. İnzibati xətaya görə məsuliyyətini ağırlaşdıran, iş üzrə icraatı rədd edən hallar müəyyən edilmədi. Məhkəmə Şəxs peşman olmasını, əvvəllər inzibati xəta törətməməsini məsuliyyəti yüngülləşdirən hal kimi nəzərə alır. İş üzrə maddi sübut yoxdur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48, 114-115-ci maddələrini rəhbər tutaraq məhkəmə qərar verdi: xx.xx.1989-ci il təvəllüdlü Sədərək rayonu Dəmirçi kənd sakini Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanın törədilməsində təqsirli bilinsin, 25 (iyirmi beş) gün müddətinə inzibati qaydada həbs edilsin. Qərar dərhal icra edilsin. İnzibati həbsin əvvəli onun inzibati qaydada tutulduğu gündən yəni, xx.xx.2024-cü il tarixdən saat 9:35-dən hesablansın. Şəxsin inzibati həbsin icrası yerinə çatdırılması Sədərək rayonu Polis şöbəsinə həvalə edilsin. Qərardan rəsmi qaydada verildiyi vaxtdan on gün müddətində qərarı qəbul etmiş hakim vasitəsilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər. Sədrlik edən: Hüseyn Zülfüqarov