Naxçıvan MR Sədərək Rayon Məhkəməsi Qərar — İş №3(088)-5/2023

Azərbaycan Respublikası adından QƏRAR Heydərabad qəsəbəsi İş № 3(088)-5/2023 31.01.2023 NAXÇIVAN MR SƏDƏRƏK RAYON MƏHKƏMƏSİ Zülfüqarov Hüseyn Nadir oğlunun sədrliyi, İsmayılov Çingiz Məhərrəm oğlunun katibliyi, Barəsində İnzibati xəta haqqında iş üzrə icraat aparılan şəxs Şəxs iştirakı ilə. xx xxxxxx 1991-ci ildə Şərur rayon Sədərək kəndində doğulmuş, Azərbaycan Respublikasının vətəndaşı, orta təhsilli, subay, işsiz, Sədərək rayon Qaraağac kəndində qeydiyyatda duran Şəxs Azərbaycan Respublikasının İnzibati Xətalar Məcəlləsinin (İXM) 528.1-ci maddəsi ilə inzibati məsuliyyətə cəlb edilməsinə dair Sədərək Rayon İcra və Probasiya bölməsindən daxil olmuş inzibati xəta haqqında materiala baxaraq m ü ə y y ə n e t d i m: Vətəndaş Şəxs barəsində Sədərək Rayon İcra və Probasiya bölməsinin icra məmuru tərəfindən Azərbaycan Respublikasının İXM-nin 528.1-ci maddəsi ilə inzibati xəta haqqında protokol tərtib edilmişdir ona görə ki, o Məhkəmənin qərarının icrası ilə əlaqədar icra məmurunun tələblərinin yerinə yetirilməsinə maneçilik törətmiş, icra sənədinin icrasından boyun qaçırmış və məhkəmə qərarının icrasını təmin etməyərək inzibati xəta törətmişdir. Məhkəmə baxışı iclasında iştirak edən barəsində inzibati xəta haqqında iş üzrə icraat aparılan şəxs Şəxs vermiş olduğu ifadəsində bildirmişdir ki, barəsində tərtib edilmiş inzibati protokolla razılaşdığını, həqiqətəndə Sədərək rayon Məhkəməsinin xx.xx.2019-cu il tarixli İK0411/11 saylı kredit müqaviləsi üzrə 3977.66 manat məbləğində kredit borcunun "xxxx" ASC-nin xeyrinə ödənilməsi barədə çıxarılmış qətnamədən məlumatının olduğunu, icra məmuru Kamal müəllimin dəfələrlə onunla telefon əlaqəsi saxlayaraq kredit borcunu ödəməsini bildirsədə maddi vəziyyətinin aşağı olması səbəbindən həmin kredit borcunu ödəyə bilmədiyini, kredit borcunu ödəməkdən yayındığına görə icra məmuru tərəfindən axtarışa verildiyini və ona görə polis onu tutaraq Sədərək rayonu İcra və Probasiya bölməsinə təhvil verdiyini, icra məmuru Kamal müəllimin ondan iltizam alaraq icra vərəqəsinin icra edilməsi üçün əlavə vaxt verdiyini, müəyyən edilmiş vaxt ərzində də icra vərəqəsini icra etmədiyini, bu günə kimi icra vərəqəsində göstərilən məbləğdən bir manat da olsun ödəmədiyini, nə vaxt işləyərsə onda icra vərəqəsini icra edəcəyini bildiridi. Məhkəmədə şahid qismində dindirilən Sədərək rayon İcra və Probasiya bölməsinin icra məmuru Şahid vermiş olduğu ifadəsində bildirmişdir ki, tələbkar "xxxx" ASC-nin, borclu Şəxs pul tələbinə dair xx.xx.2022-ci il tarixli icra sənədi 29 avqust 2022-ci il tarixdə icraatına daxil olduğunu, icra sənədinə əsasən borclu Şəxs xx.xx.2019-cu il tarixli İK0411/11 saylı kredit müqaviləsi üzrə 3977.66 manat məbləğində kredit borcunun tələbkar "xxxx" ASC-nin xeyrinə ödənilməsinin qət edildiyini, həmin icra sənədi Sədərək rayon İcra və Probasiya bölməsinə daxil olduğu andan qanuna müvafiq icra hərəkətləri yerinə yetirildiyini, borclu Şəxs dəfələrlə yazılı və şifahi formada, eyni zamanda mobil telefon vasitəsilə xəbərdarlıqlar edilərək, icra sənədi üzrə borcunun olduğu bildirdiyini, məhkəmə qərarının icrasında qərəzli olaraq yayınmanın nəticələri izah etdiyini, lakin borclunun, bu xəbərdarlıqlara məhəl qoymadığını, həmin icra vərəqəsinə əsasən borclu Şəxs, tələbkar "xxxx" ASC-nin qarşısında 3977.66 (üç min doqquz yüz yetmiş yeddi manat, altmış altı qəpik) manat borcun icra edilməmiş qaldığını, Bu səbəbdən də borclu Şəxs barəsində xx.xx.2022-ci il tarixdə “borclunun axtarılması haqqında” qərar qəbul edildiyini və borclu həmin axtarışa əsasən xx.xx.2023-cü il tarixində Sədərək rayon Polis şöbəsi tərəfindən tutulub gətirilərək Sədərək rayon İcra və Probasiya bölməsinə təhvil verildiyini, bu zaman borclu şəxslə proflaktik söhbət aparıldığını və onun məhkəmə qərarını icra etmək niyyətinin olmaması qənaətinə gəlindikdən sonra borclu Şəxs barəsində Sədərək rayon İcra və Probasiya bölməsi tərəfindən inzibatı protokolun tərtib edilməsi məqbul hesab edildiyini və zəruri tədbirin görülməsini məhkəmədən xahiş etdi. Məhkəmə toplanmış sübutlara qiymət verərək belə nəticəyə gəlir ki, Şəxs yuxarıda göstərilən inzibati xətanı törətməsi onun özünün və şahidin ifadəsi, eyni zamanda iş materiallarındakı sənədlərlə kifayət qədər sübuta yetirilir. Belə ki, "xxxx" ASC-nin, borclu Şəxs qarşı pul tələbinə dair xx.xx.2022-ci il tarixli icra sənədinə əsasən xx.xx.2019-cu il tarixli İK0411/11 saylı kredit müqaviləsinə üzrə 3977.66 manat məbləğində kredit borcunun tutularaq tələbkar "xxxx" ASC-nin xeyrinə ödənilməsi qət edilmiş, həmin icra sənədi Sədərək rayon İcra və Probasiya bölməsinin icratına daxil olduğu andan qanuna müvafiq icra hərəkətləri yerinə yetirildiyini, borclu Şəxs dəfələrlə yazılı və şifahi formada, eyni zamanda mobil telefon vasitəsilə xəbərdarlıqlar edilərək, icra sənədi üzrə borcunun olduğu bildirildiyini, məhkəmə qərarının icrasından qərəzli olaraq yayınmanın nəticələri izah edildiyi, lakin borclunun, bu xəbərdarlıqlara məhəl qoymadığını, həmin icra vərəqəsinə əsasən borclu Şəxs tələbkar "xxxx" ASC qarşısında 3977.66 (üç min doqquz yüz yetmiş yeddi manat, altmış altı qəpik) manat pul borcunun icra edilməmiş qaldığını, bu səbəbdən də borclu Şəxs barəsində xx.xx.2022-ci il tarixdə “borclunun axtarılması haqqında” qərar qəbul edildiyini və borclu həmin axtarışa əsasən xx.xx.2023cü il tarixində Sədərək rayon Polis şöbəsi tərəfindən tutulub gətirilərək Sədərək rayon İcra və Probasiya bölməsinə təhvil verildiyini, əlavə olaraq icra sənədi üzrə borclu olan Şəxs iltizam alınaraq vaxt verildiyi bu müddətdə də borclu icra vərəqəsini icra etmədiyini, icra sənədi icra edilmədiyinə görə icra məmuru protokol tərtib edərək aidiyyatı üzrə baxılması üçün məhkəməyə göndərmişdir. Sədərək rayon İcra və Probasiya bölməsinin icra məmuru Şəxs törətdiyi inzibati xətanı düzgün olaraq Azərbaycan Respublikası İXM-nın 528.1-ci maddəsi ilə tövsif etmişdir. Ona görə də barəsində inzibati xəta haqqında iş üzrə icraat aparılan şəxs Şəxs həmin maddə ilə təqsirli bilinərək inzibati məsuliyyətə cəlb edilməlidir. Məhkəmə, baxılan inzabati material üzrə Azərbaycan Respublikası İXM-nın 104 -105-ci maddələrində nəzərdə tutulmuş, icraatın dayandırılması və ya ona xitam verilməsi üçün əsasların olmadığını bildirir, eyni zamanda, həmin məcəllənin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halların müəyyən edilmədiyini qeyd edir. Məhkəmə inzibati xəta törətmiş Şəxs barəsində inzibati tənbeh növü tətbiq edərəkən belə hesab edir ki, onun Azərbaycan Respublikası İXM-nın 528.1-ci maddəsinin sanksiyası həddində inzibati qaydada həbs edilməsi məqsədə uyğundur. Yuxarıda göstərilənlərə əsaslanıb, Azərbaycan Respublikası İXM-nın 114-115, 117, 128- 130-cu maddələrini rəhbər tutaraq məhkəmə, Qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nın 528.1-ci maddəsi ilə təqsirli bilinib 10(on) gün müddətində inzibati qaydada həbs edilsin. İnzibati qaydada həbs etmənin əvvəli 31 yanvar 2023-cü il tarixdən hesablansın. Qərar dərhal icra edilsin. Şəxsin inzibati həbsin icrası yerinə çatdırılması Sədərək rayonu Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Sədərək rayon məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin Cinayət Kollegiyasına apellyasiya şikayəti verilə bilər. Hakim: Hüseyn Zülfüqarov