Naxçıvan MR Sədərək Rayon Məhkəməsi Qərar — İş №3(088)-50/2023

Azərbaycan Respublikası adından QƏRAR Heydərabad qəsəbəsi İş № 3(088)-50/2023 04.11.2023 NAXÇIVAN MR SƏDƏRƏK RAYON MƏHKƏMƏSİ Zülfüqarov Hüseyn Nadir oğlunun sədrliyi, İsmayılov Çingiz Məhərrəm oğlunun katibliyi, Barəsində İnzibati xəta haqqında iş üzrə icraat aparılan şəxs Şəxs iştirakı ilə. xx.xx.1981-ci ildə Şərur rayon Sədərək kəndində doğulmuş, Azərbaycan Respublikasının vətəndaşı, orta təhsilli, evli, işsiz, Sədərək rayon Qaraağac kəndində qeydiyyatda duran Şəxs Azərbaycan Respublikasının İnzibati Xətalar Məcəlləsinin (İXM) 528.1-ci maddəsi ilə inzibati məsuliyyətə cəlb edilməsinə dair Sədərək Rayon İcra və Probasiya bölməsindən daxil olmuş inzibati xəta haqqında materiala baxaraq m ü ə y y ə n e t d i m: Vətəndaş Şəxs barəsində Sədərək Rayon İcra və Probasiya bölməsinin icra məmuru tərəfindən Azərbaycan Respublikasının İXM-nin 528.1-ci maddəsi ilə inzibati xəta haqqında protokol tərtib edilmişdir ona görə ki, o məhkəmənin qərarının icrası ilə əlaqədar icra məmurunun tələblərinin yerinə yetirilməsinə maneçilik törətmiş, icra sənədinin icrasından boyun qaçırmış və məhkəmə qərarının icrasını təmin etməyərək inzibati xəta törətmişdir. Məhkəmə baxışı iclasında iştirak edən barəsində inzibati xəta haqqında iş üzrə icraat aparılan şəxs Şəxs vermiş olduğu izahatında bildirmişdir ki, barəsində tərtib edilmiş inzibati protokolla razılaşdığını, həqiqətəndə Sədərək rayon Məhkəməsinin xx.xx.2023-cü il tarixli e-2(088)-1/2023 saylı qətnaməsində xx.xx.2022-ci il tarixli GTZK4621335A299 saylı kredit müqaviləsi üzrə 5000 manat əsas borc və 718.01 manat faiz borcu olmaqla cəmi 5718.01 manat pul və məhkəmədə iddia qaldırılması üçün ödənilmiş 77.18 manat pulla birlikdə ümumilikdə 5795.19 manat məbləğində pulun ondan alınıb tələbkar "xxxx" ASC-nin xeyrinə ödənilməsinin qət edildiyini, icra məmuru Kamal müəllimin dəfələrlə onunla telefon əlaqəsi saxlayaraq kredit borcunu ödəməsini bildirsədə maddi vəziyyətinin aşağı olması səbəbindən həmin kredit borcunu ödəyə bilmədiyini, kredit borcunu ödəməkdən yayındığına görə icra məmuru tərəfindən axtarışa verildiyini və ona görə polisin onu tutaraq Sədərək rayonu İcra və Probasiya bölməsinə təhvil verdiyini, bu günə kimi icra vərəqəsində göstərilən məbləğdən bir manat da olsun ödəmədiyini, vaxt verilərsə icra vərəqəsini hissə-hissə icra edəcəyini bildiridi. Məhkəmədə şahid qismində dindirilən Sədərək rayon İcra və Probasiya bölməsinin icra məmuru X1 vermiş olduğu izahatında bildirmişdir ki, tələbkar "xxxx" ASC-nin, borclu Şəxs pul tələbinə dair xx.xx.2023-cü il tarixli icra sənədi xx.xx.2023-cü il tarixdə icraatına daxil olduğunu, icra sənədinə əsasən borclu Şəxs xx.xx.2022-ci il tarixli GTZK4621335A299 saylı kredit müqaviləsi üzrə 5000 manat əsas borc və 718.01 manat faiz borcu olmaqla cəmi 5718.01 manat pul və məhkəmədə iddia qaldırılması üçün ödənilmiş 77.18 manat pulla birlikdə ümumilikdə 5795.19 manat məbləğində pulun borcludan alınaraq tələbkar "xxxx" ASC-nin xeyrinə ödənilməsinin qət edildiyini, həmin icra sənədi Sədərək rayon İcra və Probasiya bölməsinə daxil olduğu andan qanuna müvafiq icra hərəkətləri yerinə yetirildiyini, borclu Şəxs dəfələrlə yazılı və şifahi formada, eyni zamanda mobil telefon vasitəsilə xəbərdarlıqlar edilərək, icra sənədi üzrə pul borcunun olduğunu bildirdiyini, məhkəmə qərarının icrasında qərəzli olaraq yayınmanın nəticələri izah etdiyini, lakin borclunun, bu xəbərdarlıqlara məhəl qoymadığını, həmin icra vərəqəsinə əsasən borclu Şəxs, tələbkar "xxxx" ASC qarşısında 5795.19 manat borcun icra edilməmiş qaldığını, borclunun hər hansı əmlakının olub-olmamasını sorğu etdiklərini, lakin borclunun heç bir əmlakının olmadığının müəyyən edildiyini, bu səbəbdən də borclu Şəxs barəsində xx.xx.2023-cü il tarixdə “borclunun axtarılması haqqında” qərar qəbul edildiyini və borclu həmin axtarışa əsasən xx.xx.2023-cü il tarixində Sədərək rayon Polis şöbəsi tərəfindən tutulub gətirilərək Sədərək rayon İcra və Probasiya bölməsinə təhvil verildiyini, bu zaman borclu şəxslə proflaktik söhbət aparıldığını və onun məhkəmə qərarını icra etmək niyyətinin olmaması qənaətinə gəlindikdən sonra borclu Şəxs barəsində Sədərək rayon İcra və Probasiya bölməsi tərəfindən inzibatı protokolun tərtib edilməsi məqbul hesab edildiyini və zəruri tədbirin görülməsini məhkəmədən xahiş etdi. Məhkəmə toplanmış sübutlara qiymət verərək belə nəticəyə gəlir ki, Şəxs yuxarıda göstərilən inzibati xətanı törətməsi onun özünün və şahidin izahatları, eyni zamanda iş materiallarındakı sənədlərlə kifayət qədər sübuta yetirilir. Belə ki, icra sənədi üzrə tələbkar "xxxx" ASC-nin, borclu Şəxs qarşı pul tələbinə dair xx.xx.2023-cü il tarixli icra sənədinə əsasən Şəxs xx.xx.2022-ci il tarixli GTZK4621335A299 saylı kredit müqaviləsi üzrə 5000 manat əsas borc və 718.01 manat faiz borcu olmaqla cəmi 5718.01 manat pul və məhkəmədə iddia qaldırılması üçün ödənilmiş 77.18 manat pulla birlikdə ümumilikdə 5795.19 manat məbləğində pulun borcludan alınaraq iddiaçı "xxxx" ASC-nin xeyrinə ödənilməsi qət edilmiş, həmin icra sənədi Sədərək rayon İcra və Probasiya bölməsinin icratına daxil olduğu andan qanuna müvafiq icra hərəkətləri yerinə yetirildiyini, borclu Şəxs dəfələrlə yazılı və şifahi formada, eyni zamanda mobil telefon vasitəsilə xəbərdarlıqlar edilərək, icra sənədi üzrə borcunun olduğu bildirildiyini, məhkəmə qərarının icrasından qərəzli olaraq yayınmanın nəticələri izah edildiyi, lakin borclunun, bu xəbərdarlıqlara məhəl qoymadığını, həmin icra vərəqəsinə əsasən borclu Şəxs tələbkar "xxxx" ASC qarşısında 5795.19 manat pul borcunun icra edilməmiş qaldığını, bu səbəbdən də borclu Şəxs barəsində xx.xx.2023-cü il tarixdə “borclunun axtarılması haqqında” qərar qəbul edildiyini və borclu həmin axtarışa əsasən xx.xx.2023-cü il tarixində Sədərək rayon Polis şöbəsi tərəfindən tutulub gətirilərək Sədərək rayon İcra və Probasiya bölməsinə təhvil verildiyini, əlavə olaraq icra sənədi üzrə borclu olan Şəxs borcunu ödəməsi təklif olunduğunu, borclu icra vərəqəsini icra etmədiyini, icra sənədi icra edilmədiyinə görə icra məmuru protokol tərtib edərək aidiyəti üzrə baxılması üçün məhkəməyə göndərmişdir. Sədərək rayon İcra və Probasiya bölməsinin icra məmuru Şəxs törətdiyi inzibati xətanı düzgün olaraq Azərbaycan Respublikası İXM-nın 528.1-ci maddəsi ilə tövsif etmişdir. Ona görə də barəsində inzibati xəta haqqında iş üzrə icraat aparılan şəxs Şəxs həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, baxılan inzabati material üzrə Azərbaycan Respublikası İXM-nın 104 - 105-ci maddələrində nəzərdə tutulmuş, icraatın dayandırılması və ya ona xitam verilməsi üçün əsasların olmadığını bildirir, eyni zamanda, həmin məcəllənin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halların müəyyən edilmədiyini qeyd edir. Məhkəmə inzibati xəta törətmiş Şəxs barəsində inzibati tənbeh növü tətbiq edərəkən belə hesab edir ki, onun Azərbaycan Respublikası İXM-nın 528.1-ci maddəsinin sanksiyası həddində inzibati qaydada həbs edilməsi məqsədə uyğundur. Yuxarıda göstərilənlərə əsaslanıb, Azərbaycan Respublikası İXM-nın 114-115, 117, 128- 130-cu maddələrini rəhbər tutaraq məhkəmə, Qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nın 528.1-ci maddəsi ilə təqsirli bilinib 20 (iyirmi) gün müddətində inzibati qaydada həbs edilsin. İnzibati qaydada həbs etmənin əvvəli 04 noyabr 2023-cü il tarixdən hesablansın. Qərar dərhal icra edilsin. Şəxsin inzibati həbsin icrası yerinə çatdırılması Sədərək rayonu Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Sədərək rayon məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin Cinayət Kollegiyasına apellyasiya şikayəti verilə bilər. Hakim: Hüseyn Zülfüqarov