Naxçıvan MR Culfa Rayon Məhkəməsi Qərar — İş №3(089)-26/2022

Azərbaycan Respublikası adından QƏRAR Culfa rayon İş № 3(089)-26/2022 19.10.2022 NAXÇIVAN MR CULFA RAYON MƏHKƏMƏSİ Hakim Məmmədov Mehrab Fərmayıl oğlunun sədrliyi, X1 iclas katibliyi ilə, barəsində inzibati xəta haqqında iş üzrə icraat aparılan şəxs Şəxs-06 avqust 1974-cü il tarixdə Babək rayonunun Qahab kəndində doğulmuş, Azərbaycan Respublikasının vətəndaşı, evli, sürücü işləyən, Babək rayonunun Qahab kəndində yaşayan. Barəsində Azərbaycan Respublikası İnzibati Xətalar Məcəlləsinin (İXM) 480-ci maddəsi ilə Naxçıvan Muxtar Respublikasının Dövlət Gömrük Komitəsindən daxil olmuş inzibati xəta haqqında materiala açıq məhkəmə iclasında baxaraq müəyyən etdi: Şəxs barəsində 04 oktyabr 2022-ci il tarixdə Azərbaycan Respublikası İnzibati Xətalar Məcəlləsinin 480-ci maddəsi ilə DGK-A 119065 nömrəli inzibati xəta haqqında protokol tərtib olunmuşdur, ona görə ki, 21 sentyabr 2022-ci il tarixdə saat 20:44 radələrində X7 vasitəsilə ölkəyə giriş istiqamətində Naxçıvan Muxtar Respublikası ərazisinə gələrkən, idarə etdiyi 99XJ233 dövlət qeydiyyat nişanlı, “MAN” markalı (1993-cü il buraxılışlı, qırmızı rəngli, şassi nömrəsi WMAF02V981M160133 olan, qoşqu nömrəsi: 99ZC219, “PACTON” markalı, 1993-cü il buraxılışlı, şassi nömrəsi XLD3142DX00032248 olan) yük nəqliyyat vasitəsinin dartıcının yataq hissəsinin üst örtüyünün altında aksiz markaları ilə markalanmayan 20 qutu (400 ədəd) qara rəngli “Kent” markalı, dartıcının tavanının ön hissəsindəki panelin açılan hissəsinin içərisindən 10 qutu (200 ədəd) ağ rəngli “Milano tech lock” markalı siqaretlər və 10 qutu (200 ədəd) qara rəngli “Kent” markalı siqaretlər aşkar edilərək götürülmüşdür. Azərbaycan Respublikası İXM-nin 480-ci maddəsində malların və nəqliyyat vasitələrinin Azərbaycan Respublikasının gömrük sərhədindən gömrük nəzarətindən gizlədilməklə keçirilməsinə, yəni gizli saxlanc yerlərindən və ya malların aşkar edilməsini çətinləşdirən digər üsullardan istifadə edilməklə, yaxud bir qəbildən olan malların digər şəklə salınmaqla keçirilməsinə görə, bu az miqdarda olduqda inzibati məsuliyyət müəyyən edilmişdir. Az miqdarda olduqda dedikdə əlli min manatadək olan məbləğ başa düşülür. Məhkəmə iclasında iştirak etmiş Şəxs özünü Azərbaycan Respublikası İXM-in 480ci maddəsi ilə təqsirli bilmiş, izahatında bildrimişdir ki, Babək rayonunun Qahab kəndində yaşayır. Qısa müddətdir ki, Naxçıvan-Bakı və əks istiqamətdə yük daşıyır. 21 sentyabr 2022-ci il tarixdə idarə etdiyi 99XJ233/99ZC219 dövlət nömrə nişanlı yük nəqliyyat vasitəsilə Bakı şəhərindən Naxçıvana gəlmək üçün Biləsuvar GKM-dən İİR-ə keçmiş, İranın Culfa şəhərində 2 blok Milano, 3 blok Kent markalı siqaret almış, 1 blok milano siqaretini aşkara qoymuş, 2 blok Kent markalı siqareti dartıcının yataq hissəsinin üst örtüyünün altında, 1 blok milano, 1 blik Kent markalı siqaretləri isə dartıcının tavanının ön hissəsindəki panelin açılan hissəsinin içərisində gizlətmiş, 21 sentyabr 2022-ci il tarixdə Naxçıvan MR Culfa GKM-də nəqliyyat vasitəsi yoxlanılmış, siqaretlər aşkar edilmiş və götürülmüşdür. Məhkəmə iclasında şahid qismində iştirak etmiş X2 izahatında bildirmişdir ki, Culfa Gömrük idarəsi X6 inspektoru vəzifəsində işləyir. xx.xx.2022-ci il tarixdə xidmətdə olmüşdur. Saat 2044 radələrində X7 vasitəsilə iran islam Respublikasından Naxçıvan Muxtar Respublikasına gələn, Azərbaycan Respublikasına məxsus 99XJ233 dövlət nömrə nişanlı, “MAN” markalı, 1993-cü il buraxılışlı, qırmızı rəngli, (qoşqu nömrəsi 99ZC219,) yük nəqliyyat vasitəsinə əsaslı şübhələr olduğundan gömrük yoxlaması keçirmək barədə qərara gəlmiş, həmkarı X6 böyük inspektoru gömrük xidmət leytenantı Şahid1 və gömrük ərazisində olan Şahid2 və Şahid3 hal şahidi kimi dəvət etmiş, hal şahidlərinə Şəxs nəqliyyat vasitəsinə gömrük yoxlaması keçirəcəyini, onların da hal şahidi qismində iştirak etmələrini xahiş etmiş, onlar etiraz etməmişlər. Hal şahidlərinə hüquq və vəzifələrini izah etmişdir. Əvvəlcə hal şahidlərinə Şəxs təqdim etmiş, nəqliyyat vasitəsinin onun olduğunu bildirmişdir. B.Bağırovdan nəqliyyat vasitəsində qanunla qadağan olunmuş hər hansı əşyanın olub-olmamasını soruşmuş, o, nəqliyyat vasitəsində qadağan olunmuş hər hansı əşya olmadığını bildirmişdir. Nəqliyyat vasitəsinə yoxlama keçirməyə başlamış. Yoxlama zamanı nəqliyyat vasitəsinin dartıcısında olan yataq hissəsinin üst örtüyünün altında aksiz markaları ilə markalanmayan 2 blok (400 ədəd) qara rəngli “Kent” markalı, dartıcının tavanının ön hissəsindəki panelin açılan hissəsinin içərisindən 1 blok (200 ədəd) ağ rəngli 'Milano tech lock” markalı siqaret və 1 blok (200 ədəd) qara rəngli “Kent” markalı aksiz markaları ilə markalanmayan siqaretlər aşkarlanmış, aşkar olunmuş siqaretlər onun, gömrük əməkdaşı Şahid1, sürücü Şəxs və 2 hal şahidinin iştirakı ilə götürülmüş qablaşdırılmış, yoxlamanın nəticələrinə dair yoxlama protokolu tərtib etmiş, gömrük əməkdaşı Şahid1, sürücü Şəxs və 2 hal şahidi ilə birgə imzalamışlar. Məhkəmə iclasında şahid qismində iştirak etmiş Şahid2 izahatında bildirmişdir ki, hazırda işsizdir. X4 ərazisində yüklərin nəqliyyat vasitələrinə doldurulub boşaldılmasında fəhləlik edir. 21 sentyabr 2022-ci il tarixdə Culfa Gömrük idarəsinin ərazisində olmuşdur. Saat təxminən 21 radələrində Sərxan adlı gömrük əməkdaşı onu çağırmış və İrandan gələn bir nəqliyyat vasitəsinə yoxlama keçirəcəyini və onun da orada hal şahidi qismində iştirak etməsini xahiş etmiş, o da etiraz etməmişdir. Daha sonra onunla birlikdə fəhləlik edən Anar adlı şəxsi də oraya hal şahidi qismində çağırmış, nəqliyyat vasitəsinə yoxlama keçiriləcək yerə gemişlər. Sərxan müəllim Şəxs təqdim etmiş, nəqliyyat vasitəsinin ona məxsus olduğunu bildirmişdir. Yoxlamadan əvvəl Sərxan müəllim onlara hüquq və vəzifələrini izah etmiş və nəqliyyat vasitəsini yoxlamağa başlamışdır. Yoxlama zamanı nəqliyyat vasitəsinin dartıcısında olan yataq hissəsinin üst örtüyünün altında aksiz markaları ilə markalanmayan 2 blok (400 ədəd) qara rəngli “Kent” markalı, dartıcının tavanının ön hissəsindəki panelin açılan hissəsinin içərisindən 1 blok (200 ədəd) ağ rəngli “Milano tech lock" markalı siqaretlər və 1 blok (200 ədəd) qara rəngli “Kent” markalı siqaretlər aşkar edilmişdir. Aşkar olunmuş siqaretlər barədə müvafiq sənədlər tərtib edilmiş, sənədləri imzaları ilə təsdiq etmişlər. Məhkəmə iclasında şahid qismində iştirak etmiş Şahid3 Şahid2 ilə eyni məzmunlu izahat vermişdir. Şəxs tərəfindən yuxarıda təsvir olunan inzibati xətanın törədilməsi şahidlərin izahatı, inzibati xəta haqqında işin materialları ilə öz təsdiqinin tapmışdır. İş materillarına əlavə edilmiş 04 oktyabr 2022-cı il tarixli əl yüklərinin yoxlanılması haqqında protokoldan görünür ki, xx.xx.2022-ci il tarixdə saat 20:44 radələrində X7 vasitəsilə İİR-dan Naxçıvan Muxtar Respublikasına gələn, Azərbaycan Respublikasının vətəndaşı, xx.xx.2022-ci il tarixdə verilmiş C03212841 nömrəli pasportun sahibi, xx.xx.1974-cü il təvəllüdlü Şəxs idarə etdiyi 99XJ233 dövlət qeydiyyat nişanlı, “MAN” markalı (1993-cü il buraxılışlı, qırmızı rəngli, şassi nömrəsi WMAF02V981M160133 olan, qoşqu nömrəsi: 99ZC219, “PACTON” markalı, 1993-cü il buraxılışlı, şassi nömrəsi XLD3142DX00032248 olan) yük nəqliyyat vasitəsinə baxış keçirilmiş, baxış zamanı dartıcının yataq hissəsinin üst örtüyünün altında aksiz markaları ilə markalanmayan 2 blok (400 ədəd) qara rəngli “Kent” markalı, dartıcının tavanının ön hissəsindəki panelin açılan hissəsinin içərisindən 1 blok (200 ədəd) ağ rəngli “Milano tech lock” markalı siqaretlər və 1 blok (200 ədəd) qara rəngli “Kent” markalı siqaretlər aşkarlanmışdır. İş materiallarına əlavə edilmiş 30 sentyabr 2022-ci il tarixli, 273 nömrəli məhkəmə ekspertizasının rəyindən görünür ki, ekspertizaya təqdim edilən heç bir aksiz markası olmayan istifadəyə yararlı vəziyyətdə (daşıma, saxlanma zamanı fiziki aşınmaya məruz qalmamış, səthləri bütöv və əzilmə, kəsilmə halları müşahidə olunmamış) siqaretlərin topdan orta bazar qiyməti ilə ümumi dəyəri təxminən 85 manat müəyyən edilir. Bir qutu (20 ədəd) qara rəngli Kent markalı nazik siqaretin topdansatış qiyməti 2.25 manat, 30 qutu- 2.25x30=67 manat 50 qəpik, bir qutu (20 ədəd) aö rəngli Milano tech lock markalı nazik siqaretin topdansatış qiyməti 1.75 manat, 10 qutu-1.75x10=19 manat 50 qəpikdir. Azərbaycan Respublikası İnzibati Xətalar Məcəlləsinin 479-cu maddəsinin qeyd hissəsində qeyd edilmişdir ki, “İnzibati Xətalar Məcəllənin 479-481, 482.1 və 482.2-ci maddələrində “az miqdarda olduqda” dedikdə, əlli min manatadək olan məbləğ başa düşülür. Məhkəmə inzibati xəta törətmiş şəxsə inzibati tənbeh tətbiq etmə ilə bağlı məsələni müzakirə edərək belə nəticəyə gəlir ki, Şəxs Azərbaycan Respublikası İnzibati-Xətalar Məcəlləsinin 480-ci maddəsi ilə təqsirli bilinməli və inzibati xətanın bilavasitə obyekti olan mallar Culfa Gömrük idarəsinin maddi sübutların saxlanc otağında saxlanılan 29 qutu (580 ədəd) qara rəngli “Kent” markalı, 9 qutu (180 ədəd) ağ rəngdə “Milano tech lock” markalı siqaretlər müsadirə edilməlidir. Məhkəmə Şəxs inzibati tənbeh tətbiq edərkən xətanın xarakterini, Şəxs şəxsiyyətini, onun təqsirinin dərəcəsini, nəzərə almışdır. İnzibati məsuliyyəti ağırlaşdıran hallar, icraatı rədd edən hallar müəyyən edilmədi. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati Xətalar Məcəlləsinin 26.1-ci maddsinə əsasən inzibati xəta törətmiş şəxsin xüsusi mülkiyyətində olan, inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi bu Məcəllənin Xüsusi hissəsində nəzərdə tutulmuş hallarda həmin predmetin məcburi qaydada və ödənişsiz dövlətin mülkiyyətinə keçməsindən ibarətdir. İnzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi yalnız hakim tərəfindən tətbiq edilir. Həmin Məcəllənin 151.1-ci maddəsinə əsasən inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi haqqında qərar müsadirə edilmiş predmetin alınması və ödənişsiz, məcburi olaraq, dövlət mülkiyyətinə verilməsi yolu ilə icra edilir. Yuxarıda göstərilənləri və Azərbaycan Respublikası İnzibati Xətalar Məcəlləsinin 43, 114.1.1, 115-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 480-ci maddəsində nəzərdə tutulmuş inzibati xətanın törədilməsində təqsirli bilinsin. İnzibati xətanın bilavasitə obyekti olmuş, Culfa Gömrük idarəsinin maddi sübutların saxlanc otağında saxlanılan 29 qutu (580 ədəd) (1 qutunun qiyməti 2.25 manat) “Kent” markalı, 9 qutu (180 ədəd) (1 qutunun qiyməti 1.75 manat) “Milano tech lock” markalı siqaretlər müsadirə edilsin. Qərardan rəsmi qaydada verildiyi vaxtdan on gün müddətində qərarı qəbul etmiş hakim vasitəsilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər. Sədrlik edən Mehrab Məmmədov.