Pirallahı Rayon Məhkəməsi Qərar — İş №3(094)-77/2024

Azərbaycan Respublikası adından QƏRAR Bakı şəhəri İş № 3(094)-77/2024 05.09.2024 PİRALLAHI RAYON MƏHKƏMƏSİ X13 Adil oğlunun sədrliyi, Əbilov Ülvi Adişirin oğlunun katibliyi, İnzibati xəta haqqında protokol tərtib etmiş şəxs Pirallahı Rayon Polis İdarəsinin polis sahə inspektoru X1, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs X3 iştirakı ilə, xx.xx.1973-cü il tarixdə Bakı şəhərində doğulmuş, Azərbaycan Respublikasının vətəndaşı, orta təhsilli, subay, ünvan 1 ünvanında qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra İXM) 510-cu maddəsi ilə nəzərdə tutulmuş inzibati xətanı törətməsinə dair Bakı şəhəri Pirallahı Rayon Polis İdarəsindən daxil olmuş materiala baxaraq m ü ə y y ə n e t d i: İnzibati xəta haqqında MN seriyalı ******* saylı, 05 sentyabr 2024-cü il tarixli protokola əsasən xx.xx.2024-cü il tarixdə günorta radələrində ünvan 1 ünvanında X5, qonşuları Həmzətova İradəyə və Əhmədova Həyata qarşı nalayiq ifadəni işlədərək ictimai yerdə ictimai qaydanı pozaraq xırda xuliqanlıq etmişdir. Bununla da Şəxs İXM-in 510-cu maddəsində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokol tərtib etmiş şəxs - Bakı şəhəri Pirallahı Rayon Polis İdarəsinin polis sahə inspektoru X4 göstərdi ki, xx.xx.2024-cü il tarixdə günorta radələrində ünvan 1 ünvanında X5, qonşuları Həmzətova İradəyə və Əhmədova Həyata qarşı nalayiq ifadəni işlədərək ictimai yerdə ictimai qaydanı pozmuşdur. Bununla bağlı müvafiq protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilmədi. Lakin bildirdi ki, hadisə vaxtı biraz içkili olmuşdur həmin vaxtı hirslənmişdir. O, özünə qarşı xuliqanlığı etmişdir. Həmin vaxtı evə girmiş anası evdə olması barədə gəlinləri Solmazdan anasını soruşmuş dedi anası ölüb yoxdu. O, sonra çölə çıxmış telefonla danışmdır. Əməlindən peşman olduğunu bildirərək barəsində yüngül inzibati tənbeh tətbiq edilməsini xahiş etdi. Zərərçəkmiş şəxs X7 məhkəmədə bildirdi ki, xx.xx.2024-cü il tarixdə qaynı Şəxs yaşadığı binanın qarşısında ictimai yerdə sərxoş halda onu və qonşuları Həmzətova İradə və Əhmədova Həyatı uca səslə nalayiq ifadələrlə təhqir etmişdir. Aydın mütamadi olaraq telefona zəng edərək yaşadıqları mənzili satılmasını tələb etmiş və nəlayiq ifadələr işlətmişdir. Aralarında barışıq yoxdur, şikayətçidir. Məhkəmə iclasında şahid qismində iştirak edən X8 ifadəsində göstərdi ki, o, ünvan 2 ünvanında yaşayır və Solmaz Mahmudova onun qonşusudur. Şəxs Solmazın qaynıdır Aydın dəfələrlə Solmaza qarşı nalayiq ifadələr işlədib. xx.xx.2024-cü il tarixdə Aydın Solmazın qapısına gələrək qapını çox bərk formada döydü Solmazda qorxduğu üçün qapını açmadı. Bu səbəbdən Aydın onu nəlayiq ifadələrlə söyərək təhqir etdi. Sonra Aydın çölə çıxaraq ictimai yerdə onun yan qonşusu Həyat Əhmədovnın və digər qonşuların qarşısında Solmazı söyərək ünvanına nəlayiq ifadələr işlətmişdir. Aydın hamını narahat etdiyini bildirib, amma xeyri olmur. Digər şahid X6 ifadəsində göstərdi ki, o, ünvan 3 ünvanında yaşayır və Solmaz Mahmudova onun qonşusudur. Şəxs Solmazın qaynıdır Aydın dəfələrlə Solmaza qarşı nalayiq ifadələr işlədib. xx.xx.2024-cü il tarixdə Aydın Solmazın qapısına gələrək qapını çox bərk formada döydü Solmazda qorxduğu üçün qapını açmadı. Bu səbəbdən Aydın onu nəlayiq ifadələrlə söyərək təhqir etdi. Sonra Aydın çölə çıxaraq ictimai yerdə onun yan qonşusu İradə Həmzətova və digər qonşuların qarşısında Solmazı söyərək ünvanına nəlayiq ifadələr işlətmişdir. Aydın hamını narahat etdiyini bildirib, amma xeyri olmur. Məhkəmə proses iştirakçılarını dinləyərək və iş materiallarını araşdıraraq müəyyən etdi ki, Şəxs həmin hərəkəti ilə xırda xuliqanlıq etmişdir, buna görə də onun hərəkəti İXMin 510-cu maddəsi ilə tövsif olunmalı və ona həmin maddənin sanksiyası həddində inzibati tənbeh tədbiri tətbiq edilməlidir. İXM-in 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-in 31.2-ci maddəsinə əsasən inzibati xəta törətmiş şəxsə qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə Şəxs əməlindən səmimi peşman olmasını onun məsuliyyətini yüngülləşdirən hal kimi nəzərə alır. Məhkəmə tərəfindən Şəxs məsuliyyətini ağırlaşdıran hallar müəyyən edilməmişdir. Qeyd olunanları nəzərə almaqla məhkəmə, barəsində inzibati xəta haqqında iş üzrə icraat aparılan şəxsə inzibati tənbeh tətbiq etmə məsələsini müzakirə edib, törədilmiş xətanın xarakterini və hallarını, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, Şəxs İXM-nin 510-cu maddəsi ilə təqsirli bilinməli və ona həbs növündə inzibati tənbeh tədbiri tətbiq olunduğu təqdirdə inzibati tənbehin məqsədi təmin edilə bilər, qeyd olunan inzibati tənbeh tədbiri qanuni və ədalətli olmaqla yanaşı, həm də inzibati tənbehin məqsədinə uyğundur. Məhkəmə həmçinin hesab edir ki, inzibati həbsdə saxlama müddətinin əvvəli şəxsin faktiki hüquqlarının məhdudlaşdırıldığı andan, yəni 04 sentyabr 2024-cü il tarixdən hesablanmalıdır. Qeyd olunanlara əsasən və İXM-in 30, 25, 114, 115, 128-130-cu maddələrini rəhbər tutaraq, məhkəmə q ə r a r a a l d ı: Şəxs İXM-in 510-cu maddəsi ilə təqsirli bilinib 15 (on beş) gün müddətə inzibati qaydada həbs edilsin. Şəxs məhkəmə iclas zalından həbs edilsin və həbsetmənin əvvəli 04 sentyabr 2024cü il tarixdən hesablansın. Qərarın icrası X10 X2 həvalə edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Pirallahı Payon Məhkəməsi vasitəsi ilə (elektron məhkəmə sistemi vasitəsilə) Bakı Apellyasiya Məhkəməsinə apellyasiya şikayəti verilə bilər. X14