Azərbaycan Respublikası adından QƏRAR Naxçıvan şəhəri İş № 3-1(092)-118/2025 06.10.2025 NAXÇIVAN MUXTAR RESPUBLİKASININ HƏRBİ MƏHKƏMƏSİ Hakim: Həsənov Polad Vəli oğlunun sədrliyi, Məhkəmə iclas katibi: Zeynalov Əbəlfəz Kazım oğlunun katibliyi, Zərərçəkmiş şəxs: Kursant Zərərçəkmiş şəxs Barəsində inzibati xəta haqqında iş üzrə icraat aparılan şəxs: Kursant Şəxs, Müdafiəçi: Naxçıvan şəhər Asan Vəkil Bürosunun vəkili, Vəkil iştirakları ilə xx xxxxxx 2008-ci il tarixdə Babək rayonunda anadan olmuş, Azərbaycan Respublikasının vətəndaşı, azərbaycanlı, subay, orta təhsilli, əvvəllər inzibati xəta törətməmiş, Babək rayonunda qeydiyyatda olmaqla, Naxçıvan Hərbi Kollecinin kursant yataqxanasında yaşayan, hal hazırda Naxçıvan Hərbi Kollecinin 2-ci kursant taborunun kursantı FİN (xxxxxxx) Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulan inzibati xətanın törədilməsinə dair Naxçıvan Hərbi Kollecindən daxil olmuş inzibati xəta haqqında materiala açıq məhkəmə iclasında baxaraq, müəyyənetdi: Naxçıvan Hərbi Kollecinin kursantı Şəxs 25 sentyabr 2025-ci il tarixində, saat 14:00 radələrində şəxsi heyətin düzülməsi tapşırığını kollecin yataqxanasının arxasında olan kursantlara çatdırıb geri qayıdarkən qarşısında kursant Zərərçəkmiş şəxs görmüş, həmin zaman nalayiq ifadə ilə kursant Zərərçəkmiş şəxs sıraya getməsini bildirmiş, bunu eşidən kursant Şahid bu barədə aidiyyəti üzrə məruzə etmişdir. Bununla da kursant Şəxs qarşılıqlı münasibətlərin nizamnamə qaydalarını, yəni Azərbaycan Respublikası Silahlı Qüvvələrinin Daxili Xidmət Nizamnaməsinin 38-ci maddəsində nəzərdə tutulan “hərbi qulluqçular bir-birinə münasibətdə həmişə nəzakətli və təmkinli olmalıdırlar” tələbini pozub Zərərçəkmiş şəxs nalayiq ifadələr işlədərək Zərərçəkmiş şəxs şərəf və ləyaqətini alçaltmışdır. Məhkəmə iclasında barəsində inzibati xəta haqqında iş üzrə icraat aparılan şəxs, kursant Şəxs izahatında 25 sentyabr 2025-ci il tarixində, saat 14:00 radələrində baş leytenant Samir Dostiyevin tapşırığı əsasında şəxsi heyətin yataqxananın “B” blokunun qarşısında düzülməsi barədə kursant yataqxanasının arxasına gedərək çatdırdığını, həmin zaman orada olan kursant Zərərçəkmiş şəxs gördüyünü, ona nalayiq ifadə ilə sıraya getməsini bildirdiyini, bunu kursant Şahid eşitdiyini və bu barədə aidiyyəti üzrə məruzə etdiyini bildirmişdir. Törətdiyi əməldən peşman olduğunu, zərərçəkmiş şəxsdən üzr istədiyini göstərmişdir. Məhkəmə iclasında zərərçəkmiş şəxs qismində dindirilmiş kursant Zərərçəkmiş şəxs izahatında, 25 sentyabr 2025-ci il tarixdə, saat 14:00 radələrində yataqxananın arxasında olan siqaret çəkmək üçün təyin olunan yerdən yataqxananın qarşısına getdiyini, həmin zaman kursant Şəxs ona nalayiq ifadə işlədərək sıraya getməsini dediyini, bundan sonra sıraya getdiyini bildirdi. Ondan üzr istəmiş, kursant yoldaşı Şəxs bağışladığını göstərmışdir. Məhkəmə iclasında şahid qismində dindirilmiş kursant Şahid izahatında, 25 sentyabr 2025-ci il tarixində kursant Şəxs kursant Zərərçəkmiş şəxs nalayiq ifadə işlədərək sıraya getməsini bildirməsinin şahidi olmuş və bu barədə aidiyyəti üzrə məruzə etdiyini bildirmişdir. Materiala əlavə edilmiş 06 oktyabr 2025-ci il tarixli, 118 nömrəli arayışdan görünür ki, kursant Şəxs ilə kursant Zərərçəkmiş şəxs arasında tabelik münasibətləri yoxdur. Materiala əlavə edilmiş 06 oktyabr 2025-ci il tarixli, 119 nömrəli arayışdan aydın olur ki, kursant Zərərçəkmiş şəxs və kursant Şəxs Hərbi Kollecə yeni qəbul olunduğundan xidməti xasiyyətnamənin verilməsi mümkün olmamışdır. Məhkəmə iş üzrə mühüm əhəmiyyətə malik olan bütün halların araşdırılmasına, həmçinin iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, kursant Şəxs yuxarıda qeyd olunan əməlləri ilə Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulan inzibati xətanı törətmişdir. Onun inzibati xətanı törətməkdə təqsirli olması toplanmış sübutlarla tam sübuta yetir və onun törətdiyi əməl düzgün olaraq, Azərbaycan Respublikası İnzibati Xətalar Məcəlləsinin 612.1-ci maddəsi ilə tövsif olunmuşdur. Məhkəmə Azərbaycan Respublikası İnzibati Xətalar Məcəlləsinin 32-ci maddəsinə əsasən kursant Şəxs səmimi peşmançılığını, ilk dəfə inzibati xəta törətməsini və zərərçəkmiş şəxsin onu bağışlamasını iş üzrə yüngülləşdirici hallar kimi qiymətləndirir. Məhkəmədə Azərbaycan Respublikası İnzibati Xətalar Məcəlləsinin 33-cü maddəsinə əsasən kursant Şəxs məsuliyyətini ağırlaşdıran hallar müəyyən edilməmişdir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 612.1-ci maddəsinə əsasən tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma, yəni bir hərbi qulluqçunun digərinin şərəf və ləyaqətini alçatması və ya ona zor tətbiq etməsi - on gündən bir ayadək müddətə inzibati həbs tətbiq olunur. İnzibati məsuliyyətə cəlb edilmiş şəxs kursant Şəxs 18 yaşı tamam olmadığından onun barəsində inzibati həbs tətbiq edilə bilməz. Belə ki, Azərbaycan Respublikası İnzibati Xətalar Məcəlləsinin 30.2-ci maddəsinə əsasən ”Hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, orqanizmin funksiyalarının 61-80 faiz və ya 81- 100 faiz pozulmasına görə əlilliyi müəyyən edilmiş şəxslər, əlilliyi olan uşaqlar, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz.” Odur ki, məhkəmə qanunvericiliyin yuxarıda qeyd edilən müddəalarına istinad edərək və işin faktiki hallarını, o cümlədən törədilən inzibati xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, kursant Şəxs törətdiyi əməldən peşman olmasını, zərərçəkmiş şəxsin ondan şikayət və tələbinin olmamasını, eləcə də iş üzrə məsuliyyəti ağırlaşdıran halların olmamasını nəzərə alaraq, belə nəticəyə gəlir ki, İnzibati Xətalar Məcəlləsinin 612.1-ci maddəsi ilə başlanmış inzibati xəta haqqında iş üzrə icraata məhkəmədə baxılmasına xitam verilməli və barəsində Azərbaycan Respublikası İnzibati Xətalar Məcəlləsinin 16.4-cü maddəsi tətbiq edilərək, intizam məsuliyyətinə cəlb etmək barədə qərar qəbul edilməsi üçün materiallar xidmət etdiyi Naxçıvan Hərbi Kollecinin komandanlığına göndərilməlidir. Azərbaycan Respublikası İnzibati Xətalar Məcəlləsinin 114.2.2-ci maddəsinə əsasən bu Məcəllənin 16.4-cü maddəsinə müvafiq olaraq intizam məsuliyyətinə cəlb etmək barədə qərar qəbul edilməsi üçün materiallar müvafiq icra hakimiyyəti orqanına göndərildikdə inzibati xəta haqqında iş üzrə icraata xitam verilməsi haqqında qərar çıxarılır. İş üzrə icraatın dayandırılması üçün əsaslar yoxdur. İş üzrə məhkəmə xərci kursant Şəxs hüquqlarının müdafiəsini dövlət büdcəsi vəsaiti hesabına həyata keçirən müdafiəçi, Naxçıvan şəhər Asan Vəkil Bürosunun vəkili Vəkil göstərdiyi hüquqi yardıma görə ödəniləcək məbləğdən ibarətdir. Məhkəmə belə qənaətə gəlir ki, həmin məbləğ Naxçıvan şəhər Asan Vəkil Bürosunun vəkili Vəkil təqdim edəcəyi hesabata uyğun olaraq dövlət büdcəsi vəsaiti hesabına ödənilməlidir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 16, 30.2, 40, 43, 48, 114-115, 117, 128-130-cu maddələrini rəhbər tutaraq, məhkəmə qəraraaldı:
1. Kursant Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə başlanmış inzibati xəta haqqında iş üzrə icraata məhkəmədə baxılmasına xitam verilsin və onun barəsində Azərbaycan Respublikası İnzibati Xətalar Məcəlləsinin 16.4-cü maddəsi tətbiq edilməklə, intizam məsuliyyətinə cəlb etmək barədə qərar qəbul edilməsi üçün materiallar xidmət etdiyi Naxçıvan Hərbi Kollecinin komandanlığına göndərilsin.
2. İş üzrə məhkəmə xərci olan kursant Şəxs hüquqlarının müdafiəsini dövlət vəsaiti hesabına həyata keçirən müdafiəçi, Naxçıvan şəhər Asan Vəkil Bürosunun vəkili Vəkil göstərdiyi hüquqi yardıma görə ödəniləcək məbləğ Naxçıvan şəhər Asan Vəkil Bürosunun vəkili Vəkil təqdim edəcəyi hesabata uyğun olaraq dövlət vəsaiti hesabına ödənilsin.
3. Qərarın surəti rəsmi qaydada verildiyi vaxtdan 10 (on) gün müddətində Naxçıvan Muxtar Respublikası Hərbi Məhkəməsi vasitəsilə və ya birbaşa Naxçıvan Muxtar Respublikası Ali Məhkəməsinə şikayət və ya protest verilə bilər.
Sədr Polad Həsənov