Bakı Hərbi Məhkəməsi Qərar — İş №3-1(093)-57/2025

Azərbaycan Respublikası adından QƏRAR Bakı şəhəri İş № 3-1(093)-57/2025 22.01.2025 BAKI HƏRBİ MƏHKƏMƏSİ X5 Arif oğlunun sədrliyi, Quliyev Ziya İbrahim oğlunun katibliyi ilə, Barəsində inzibati xəta haqqında iş üzrə icraat aparılan şəxs – Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə inzibati xəta haqqında iş üzrə Sumqayıt Hərbi Prokurorluğundan daxil olmuş inzibati xəta haqqında iş üzrə icraatın başlanılması barədə qərar və toplanılmış materiallara Bakı Hərbi Məhkəməsinin inzibati binasında baxaraq Müəyyən etdi: Barəsində inzibati xəta haqqında iş üzrə icraat aparılan şəxs - Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə inzibati xəta haqqında iş üzrə icraatın başlanılması barədə qərar və toplanılmış materiallar Sumqayıt Hərbi Prokurorluğundan baxılması üçün məhkəməyə göndərilmişdir. Məhkəməyə daxil olmuş inzibati xəta haqqında iş üzrə icraatın başlanılması barədə qərar və toplanılmış materiallardan görünür ki Əhmədov X3 Nazirliyinin Xızı rayonunun Yaşma qəsəbəsinin ərazisində yerləşən N nömrəli hərbi hissəsinin rabitə bölüyünün 2-ci komanda qərargah maşınları manqasının sürücü-elektriki vəzifəsində, müddətli həqiqi hərbi xidmət hərbi qulluqçusu kimi əsgər hərbi rütbəsində xidmətdə olan zaman tabelik münasibətlərində olmadığı həmin bölüyünün telefon taqımının radiorelestansiyasının baş mexaniki, müddətli həqiqi hərbi xidmət hərbi qulluqçusu-əsgər X1 xidmət dövründə nöqsanlara yol verməsi ilə əlaqədar müxtəlif vaxtlarda sonuncunun ünvanına nalayiq ifadələr işlətmiş, 17 iyul 2024-cü il tarixdə saat N radələrində hərbi hissənin ərazisində olan N nömrəli postda Coşqun Qədimovun başına, sinəsinə yumruq zərbələri, sağ dizinə isə sağ ayağı ilə təpik zərbələri vurmuş, həmçinin 25 iyul 2024-cü il tarixdə saat 02 radələrində rabitə bölüyünün əsgər yataqxanasının 9 nömrəli otağında sonuncunun üzünün sağ və sol nahiyələrinə müvafiq olaraq sağ və sol əli ilə bir neçə dəfə güclü sillə zərbələri, daha sonra sinəsinə, qarnına və çiyninə sağ və sol əlləri ilə yumruq zərbələri vurmuş, ünvanına təhqiramiz ifadələr işlətmiş və nəticədə Coşqun Qədimov ümumilikdə sağlamlığa zərərvurmayan xəsarətlər olduğundan dərəcəsi təyin edilməyən “döş qəfəsinin ön səthinin, sol bazu oynağının, qarının ön divarının, hər iki qalçaüstü nahiyənin qançırları və sifətin sağ yarısının sıyrığı” xəsarətlərini almışdır. Sübutların qiymətləndirilməsi haqqında 23 sentyabr 2024-cü il tarixli qərara əsasən Şəxs tabelik münasibətlərin nizamnamə qaydalarını pozaraq X2 qarşı zorakılığa və təhqirə yol verməsi əməllərində Azərbaycan Respublikasının CM-nin 332.1-ci maddəsində nəzərdə tutulmuş cinayətin tərkib əlamətləri olmadığından barəsində cinayət təqibinə Azərbaycan Respublikası CPM-nin 39.1.2-ci maddəsinə əsasən xitam verilmişdir. Əsgər Şəxs əməlində Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulmuş inzibati xətanın əlamətləri mövcud olması və inzibati icraatı rədd edən halların olmaması nəzərə alınaraq, Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulan inzibati xəta haqqında iş üzrə icraat başlanılmış və inzibati icraat materialları baxılması üçün Bakı Hərbi Məhkəməsinə göndərilmişdir. Azərbaycan Respublikası İnzibati Xətalar Məcəlləsinin 38.3-cü maddəsinə əsasən cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər. Həmin Məcəllənin 53.1.6-cı maddəsinə əsasən, bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 106-cı maddəsinə əsasən hakim inzibati xəta haqqında işin baxılmağa hazırlanması zamanı işin baxılmasının onun səlahiyyətinə aid olub-olmamasını (m.106.0.1) inzibati xəta haqqında protokol və işin digər materiallarının bu Məcəllənin tələblərinə müvafiq olaraq tərtib edilməsini (m.106.0.3), işin icraatını rədd edən hallar mövcud olub-olmadığını (m.106.0.4), mahiyyəti üzrə baxılması üçün işdə kifayət qədər sübutlar toplanıb-toplanılmamasını (m.106.0.5) həll etməlidir. Həmin Məcəllənin 109.2-ci maddəsinə görə bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Yuxarıda şərh olunanlara əsasən məhkəmə hesab edir ki, Şəxs barəsində olan inzibati xəta haqqında iş üzrə icraata inzibati məsuliyyətə cəlb etmə müddəti keçdiyinə görə xitam verilməlidir. Cinayət işinin başlanmasının rədd edilməsi haqqında qərar qəbul olunduğu gündən üç aydan çox müddət keçmişdir. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.1.6, 106, 109, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə başlanmış inzibati xəta haqqında iş üzrə icraata inzibati məsuliyyətə cəlb etmə müddəti keçdiyinə görə xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı Hərbi Məhkəməsi vasitəsi ilə və ya birbaşa Sumqayıt Apellyasiya Məhkəməsinə şikayət və ya protest verilə bilər. HAKİM ZAUR HACİYEV