Bakı Hərbi Məhkəməsi Qərar — İş №3-1(093)-803/2025

Azərbaycan Respublikası adından QƏRAR Bakı şəhəri İş № 3-1(093)-803/2025 24.09.2025 BAKI HƏRBİ MƏHKƏMƏSİ Bakı Hərbi Məhkəməsinin hakimi Hacıyev Zaur Arif oğlunun sədrliyi, Quliyev Ziya İbrahim oğlunun katibliyi ilə, Barəsində inzibati xəta haqqında iş üzrə icraat aparılan şəxs –Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə inzibati xəta haqqında iş üzrə Bakı Hərbi Prokurorluğundan daxil olmuş inzibati xəta haqqında iş üzrə icraatın başlanılması barədə qərar və toplanılmış materiallara Bakı Hərbi Məhkəməsinin inzibati binasında baxaraq Müəyyən etdi: Barəsində inzibati xəta haqqında iş üzrə icraat aparılan şəxs - Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə inzibati xəta haqqında iş üzrə icraatın başlanılması barədə qərar və toplanılmış materiallar Bakı Hərbi Prokurorluğundan baxılması üçün məhkəməyə göndərilmişdir. Məhkəməyə daxil olmuş inzibati xəta haqqında iş üzrə icraatın başlanılması barədə qərar və toplanılmış materiallardan görünür ki, xx.xx.2025-ci il tarixdə saat 22:00 radələrində Bakı şəhəri Səngəçal qəsəbəsində ərazisində yerləşən N nömrəli hərbi hissənin yol-texniki taborunun əsgər yataqxanasında, yol-texniki taborunun qərargah və təchizat bölüyünün, maddi-texniki təminat taqımının, təxliyə manqasının sürücüsü vəzifəsində xidmət edən müddətli həqiqi hərbi xidmət hərbi qulluqçusu, əsgər X3 axşam yoxlanışı zamanı bədən baxışı keçirilməsi üçün düzülüş yerinə gedərkən, yol-texniki taborunun qərargah və təchizat bölüyünün, rabitə taqımının, radio manqasının radiotelefonçusu vəzifəsində xidmət edən müddətli həqiqi hərbi xidmət hərbi qulluqçusu əsgər Şəxs, zarafat məqsədilə arxadan yaxınlaşaraq əsgər X1 hər iki çiyin nahiyəsinə yüngül şəkildə vurmuş, əsgər R.E.Abbasov isə qarşılığında əsgər Şəxs ünvanına nalayiq ifadələr işlətmişdir. Daha sonra axşam “yat” komandasından bir qədər sonra isə əsgər Şəxs əsgər R.E.Abbasovdan istilik hiss etmirsən sualını vermiş qarşlığında isə istiliyi sən hiss edərsən demişdir. Əsgər R.E.Abbasov əsgər Şəxs sözünə əsəbiləşərək onun yatdığı yerə gələrək söhbət etmək üçün əsgər Şəxs yataqxanadan çölə çıxarmaq istəmiş, əsgər Şəxs isə getməkdən imtina etmiş, hər iki hərbi qulluqçu bir-birilərinin ünvanına nalayiq ifadələr işlədərək mübahisə etmiş, mübahisə zamanı əsgər Şəxs əsgər R.E.Abbasovun boyun nahiyəsindən tutaraq aşağıya dartmış, dartan zaman əsgər Şəxs sol qolundakı dəmir saat əsgər R.E.Abbasovun sol boyun nahiyəsini cızaraq xəsarət yetirmiş, əsgər Şəxs isə əsgər R.E.Abbasovun boyun nahiyəsindən tutaraq özünə tərəf çəkən zaman sonuncunun üz nahiyəsinə xəsarət yetirmiş, tabor üzrə növbətçi müddətdən artıq həqiqi hərbi xidmət hərbi qulluqçusu, çavuş X4 əsgər yataqxanasından səs küy gəldiyini eşidərək həmin yerə yaxınlaşmış, əsgər R.E.Abbasovla əsgər Şəxs mübahisə etdiyini aşkar etmiş, hər iki hərbi qulluqçuya bədən baxışı keçirərək yuxarı komandanlığa məruzə etmişdir. xx.xx.2025-ci il tarixdə əsgər R.E.Abbasov və əsgər Şəxs hərbi hissənin tibb məntəqəsinə müayinə olunmaq üçün yollanmış, müayinə zamanı əsgər R.E.Abbasova “Sağ boyun nahiyəsinin qançırı və cızılmış yaraları, sol gözaltı nahiyəsinin postravmatik şişkinliyi” diaqnozu, əsgər Şəxs isə “Sağ almacıq nahiyəsinin qançırı postravmatik şişkinliyi” diaqnozu qoyulmuşdur. Cinayət işinin başlanmasının rədd edilməsi barədə 13 may 2025-ci il tarixli qərara əsasən Müdafiə Nazirliyinin N nömrəli hərbi hissənin hərbi qulluqçusu, əsgər Şəxs xx.xx.2025-ci il tarixdə Silahlı Qüvvələrin Daxili Xidmət Nizamnaməsinin 38-ci və 42-ci maddələrində təsbit olunmuş hərbi nəzakət və davranış qaydalarını pozaraq müddətli həqiqi hərbi xidmət hərbi qulluqçusu, əsgər X2 qarşı nalayiq ifadə işlədərək zor tətbiq etməsi əməlində Azərbaycan Respublikası Cinayət Məcəlləsinin 332.1-ci maddəsinin tərkib əlamətləri olmadığından barəsində Azərbaycan Respublikası CPM-nin 39.1.2-ci maddəsinə əsasən həmin fakt üzrə cinayət işinin başlanması rədd edilmişdir. Əsgər Şəxs nizamnamə qaydalarını pozması faktı üzrə araşdırma aparılmış, əməlində Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulmuş inzibati xətanın əlamətləri mövcud olması və inzibati icraatı rədd edən halların olmaması nəzərə alınaraq Azərbaycan Respublikası İnzibati Xətalar Məcəlləsinin 612.1-ci maddəsində nəzərdə tutulan inzibati xəta haqqında iş üzrə icraat başlanılmış və inzibati icraat materialları baxılması üçün Bakı Hərbi Məhkəməsinə göndərilmişdir. Azərbaycan Respublikası İnzibati Xətalar Məcəlləsinin 38.3-cü maddəsinə əsasən cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər. Həmin Məcəllənin 53.1.6-cı maddəsinə əsasən bu Məcəllənin 38-ci maddəsində nəzərdə tutulmuş müddətlər başa çatdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 106-cı maddəsinə əsasən hakim inzibati xəta haqqında işin baxılmağa hazırlanması zamanı işin baxılmasının onun səlahiyyətinə aid olub-olmamasını (m.106.0.1) inzibati xəta haqqında protokol və işin digər materiallarının bu Məcəllənin tələblərinə müvafiq olaraq tərtib edilməsini (m.106.0.3), işin icraatını rədd edən hallar mövcud olub-olmadığını (m.106.0.4), mahiyyəti üzrə baxılması üçün işdə kifayət qədər sübutlar toplanıb-toplanılmamasını (m.106.0.5) həll etməlidir. Həmin Məcəllənin 109.2-ci maddəsinə görə bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Yuxarıda şərh olunanlara əsasən məhkəmə hesab edir ki Şəxs barəsində olan inzibati xəta haqqında iş üzrə icraata inzibati məsuliyyətə cəlb etmə müddəti keçdiyinə görə xitam verilməlidir. Cinayət işinin başlanmasının rədd edilməsi haqqında qərar qəbul olunduğu gündən üç aydan çox müddət keçmişdir. Yuxarıdakılara əsasən və Azərbaycan Respublikası İnzibati Xətalar Məcəlləsinin 53.1.6, 106, 109, 115, 129-130-cu maddələrini rəhbər tutaraq məhkəmə, qərara aldı: Şəxs barəsində Azərbaycan Respublikası İnzibati Xətalar Məcəlləsinin 612.1-ci maddəsi ilə başlanmış inzibati xəta haqqında iş üzrə icraata inzibati məsuliyyətə cəlb etmə müddəti keçdiyinə görə xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı Hərbi Məhkəməsi vasitəsi ilə və ya birbaşa Bakı Apellyasiya Məhkəməsinə şikayət və ya protest verilə bilər. X7