Naxçıvan MR Şərur Rayon Məhkəməsi Qərar — İş №3(110)-100/2023

Azərbaycan Respublikası adından QƏRAR Şərur şəhəri İş № 3(110)-100/2023 01.05.2023 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Ceyranova Aytac Ramiz qızının katibliyi, barəsində inzibati xəta haqqında iş üzrə icraat aparılan şəxs Şəxs iştirakı ilə Şərur Rayon Polis İdarəsi tərəfindən daxil olmuş, xx.xx.1992-ci ildə Şərur rayonu, Çərçiboğan kəndində doğulmuş, Azərbaycan Respublikasının vətəndaşı, orta təhsilli, evli, 2 uşaqlı, Şərur rayon “Aviakassasında” mühafizəçi işləyən, Şərur rayon Çərçiboğan kəndində qeydiyyatda duran və yaşayan Şəxs (fin: xxxxxxx) barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə tənbeh edilmələrinə dair inzibati xəta haqqında materiala Şərur Rayon Məhkəməsinin inzibati binasında açıq məhkəmə iclasında baxaraq müəyyən etdi: Şərur rayon Çərçiboğan kənd sakini Şəxs xx.xx.2023-cü il tarixdə saat 23:00 radələrində Şərur rayon Çərçiboğan kəndində xidmət göstərən polis əməkdaşının xidməti avtomobilinin qapısını açaraq ona qarşı nalayiq ifadələr işlətmiş və polis əməkdaşlarının qanuni tələbinə tabe olmamış, bununla da Azərbaycan Respublikası İXM-nin 535.1-ci maddəsində nəzərdə tutulmuş xətanı törətmişdir. Məhkəmənin nəticəyə gəlməsi üçün əsaslandığı sübutlar Məhkəmədə Şəxs əməli inzibati xəta haqqında protokola əlavə olunmuş sənədlər, şahidlərin və özünün izahatı ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxsin izahatı: Məhkəmə iclasında iştirak edən barəsində inzibati xəta haqında iş üzrə icraat aparılan şəxs Şəxs izahatında və verilmiş suallara cavabında xx.xx.2023-cü il tarixdə Şərur şəhərində tanışları ilə birlikdə futbola baxmaq üçün yığışdıqlarını, birlikdə vaxt keçirdikdən sonra özünün spirtli içki qəbul etdiyini, buna görə də həmkəndlisi X1 onu kəndə aparması üçün çağırdığını, kəndə çatan zaman yolun üstündə YPX əməkdaşlarını gördüyünü, Şahmara onların yanında maşını saxlamasını bildirdiyini, onlardan qardaşı Ümidi sərxoş vəziyyətdə kimin tutduğunu soruşduğunu, əməkdaşlardan birinin Abdulla adlı əməkdaşı göstərdiyini, ondan haqq-hesab soruşduqda onun tutduğunu təsdiq etdiyini, ona işi ilə məşğul olmasını bildirdiyini, onun cavabında “yaxşını get özün elə, qələt eləmisən” dediyini, aralarında mübahisə yarandığını, PPX əməkdaşlarının həmin yerə gəldiyini, onlara qarşı söyüş söydüyünü, polisə tabe olmadığını, onu Şərur Rayon Polis İdarəsinə apardıqlarını, əməlindən peşman olduğunu bildirib məhkəmədən yüngül tənbeh tədbirinin tətbiq edilməsini xahiş etmişdir. Məhkəmədə şahid qismində dindirilən X5 izahatında və verilmiş suallara cavabında xx.xx.2023-cü il tarixdə Naxçıvan Sədərək avtomagistralında xidmət aparan zaman ** BX *** dövlət qeydiyyat nişanlı avtomobilin sürücüsünün sərxoş vəziyyətdə Şərur rayon Çərçiboğan kəndi istiqamətində getməsi barədə məlumat daxil olduğunu, özü və post yoldaşı X2nun komandirə məruzə edərək ** YP *** dövlət qeydiyyat nişanlı avtomobillə həmin istiqamətə getdiklərini, Aralıq kənd məscidinin yanında həmin maşına saxla əmrini verdiklərini, lakin onun saxlamayıb Çərçiboğan kəndi istiqamətində getdiyini, onun gedəcəyi istiqaməti bildikləri üçün Çərçiboğan-Arbatan yolu ilə getdiklərini, qarşıdan gələn nəqliyyat vasitəsinin həminki olduğuna ehtimal verdikləri üçün saxladıqlarını, lakin o olmadığını görüb yola saldıqlarını, bu zaman ** BX *** dövlət qeydiyyat nişanlı avtomobilin saxladığını, içindən Şəxs düşərək onların yanına gəldiyini, onlardan qarşı Ümidi sərxoş vəziyyətdə hansı YPX əməkdaşının tutduğunu soruşduğunu, ona Abdulla və özünün olduğunu dediklərini, onun Abdulla tərəfə gedib maşınının qapısını açdığını, Abdulla ilə mübahisə etməyə başladığını, onlara qarşı müqavimət göstərdiyini, ucadan nalayiq ünvansız ifadələr işlətdiyini, Abdulla ilə birlikdə onu intizama dəvət etdiklərini, lakin onların qanuni tələbinə qəsdən tabe olmadığını, Şərur RPİ-nin əməkdaşları gələrək Rahimi Şərur RPİ-yə gətirdiklərini bildirdi. Məhkəmədə şahid qismində dindirilən X2 izahatında və verilmiş suallara cavabında şahid X5 ilə eyni məzmunlu izahat vermişdir. Məhkəmədə şahid qismində dindirilən X3 izahatında və verilmiş suallara cavabında şahid X5 ilə oxşar məzmunlu izahat vermişdir. Sənədlər: İş materiallarında olan xx.xx.2023-cü il tarixli 0346 nömrəli tutma protokolundan görünür ki, Şəxs xx.xx.2023-cü il tarixdə saat 00:25-də inzibati qaydada tutulmuş, xx.xx.2023-cü il tarixdə saat 16:30-da azad edilmişdir. İş materiallarında olan xx.xx.2023-cü il tarixli 99 nömrəli sərxoşluq halını təyin edən tibbi müayinə protokolundan görünür ki, Şəxs qanında alkoqolun konsentrasiyası 0,35 promil olmaqla orta ağır sərxoşdur. İş materiallarında olan xx.xx.2023-cü il tarixli 349 nömrəli tibbi arayışdan görünür ki, Şəxs praktiki sağlamdır. Məhkəmənin əsaslandırması: Məhkəmə toplanmış sübutları araşdırıb, sübutlara tam, hərtərəfli və obyektiv qiymət verib belə nəticəyə gəlir ki, Şəxs əməli düzgün olaraq Azərbaycan Respublikası İnzibati Xətalar Məcəlləsinin 535.1-ci maddəsi ilə tövsif olunmuşdur. Azərbaycan Respublikasının İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Şəxs əməli yuxarıda göstərilən maddənin tövsifedici əlamətlərinə uyğundur və iş üzrə toplanmış sübutlar əsasında tam təsdiqini tapır. Azərbaycan Respublikasıİnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmişşəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iş üzrə şəxsin əməlindən səmimi peşman olmasını məsuliyyəti yüngülləşdirən hal, xətanı sərxoş halda törətməsini isə məsuliyyəti ağırlaşdıran hal kimi nəzərə alır. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini və həmçinin işin hallarını nəzərə alaraq belə nəticəyə gəlir ki, Şəxs barəsində inzibati həbs tənbeh növü tətbiq edilməlidir. Həbsetmənin əvvəli şəxsin inzibati qaydada tutulduğu tarixdən hesablanmalıdır. İnzibati Xətalar Məcəlləsinin 31.4-cü maddəsinə görə həmin məcəllənin xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Yuxarıda göstərilənlərə əsaslanıb, Azərbaycan Respublikası İXM-nin 114-115, 117, 128-130-cu maddələrini rəhbər tutaraq məhkəmə, qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib 10 (on) gün müddətinə inzibati həbs edilsin. Həbs etmənin əvvəli şəxsin tutulduğu xx.xx.2023-cü il tarixdən hesablansın. Qərar dərhal icra edilsin, qərarın icrası Naxçıvan Muxtar Respublikası Daxili İşlər Nazirliyinin X4 həvalə olunsun. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Şərur Rayon Məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin cinayət kollegiyasına apellyasiya şikayəti verilə bilər. Hakim: Mehdi Əliyev