Naxçıvan MR Şərur Rayon Məhkəməsi Qərardad — İş №3(110)-115/2025

Azərbaycan Respublikası adından QƏRARDAD Şərur şəhəri İş № 3(110)-115/2025 21.04.2025 NAXÇIVAN MR ŞƏRUR RAYON MƏHKƏMƏSİ Şərur Rayon Məhkəməsinin hakimi Qarayev Seymur Əlfəddin oğlu, Azərbaycan Respublikası Daxili İşlər Nazirliyi Şərur Rayon Polis İdarəsindən daxil olmuş X5 barəsində Azərbaycan Respublikasının İnzibati Xətalar Məcəlləsinin 232.1-ci maddəsi ilə tərtib olunmuş inzibati xəta haqqında protokolu və əlavə olunmuş sənədləri inzibati xəta haqqında işin baxılmağa hazırlanması ilə əlaqədar nəzərdən keçirərək, müəyyən etdi: X1 barəsində Azərbaycan Respublikası Daxili İşlər Nazirliyi Şərur Rayon Polis İdarəsi tərəfindən Azərbaycan Respublikasının İXM-nin 232.1-ci maddəsi ilə xx.xx.2025-ci il tarixli, MN ******* nömrəli inzibati xəta haqqında protokol tərtib olunmuş və baxılması üçün Şərur Rayon Məhkəməsinə göndərilmişdir. Məhkəməyə daxil olmuş inzibati materialdan aydın olur ki, xx.xx.2025 tarixində Alışar kənd sakini X3 həmkəndlisi X2 dam örtüyünə daş ataraq onun əmlakına maddi ziyan vurduğu üçün, onun atası X5 barəsində xx.xx.2025-ci il tarixli, MN ******* nömrəli inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iş üzrə sənədləri nəzərdən keçirib bu qənaətə gəlir ki, inzibati material və ona əlavə edilmiş sənədlər Azərbaycan Respublikasının İnzibati Xətalar Məcəlləsinin tələblərinə uyğun olaraq geri qaytarılmalıdır. Belə ki, inzibati material baxılmağa hazırlanması ilə əlaqədar nəzərdən keçirilərkən müəyyən edilmişdir ki təqdim edilmiş materiallar natamamdır, işə baxılarkən bu natamamlığı tamamlamaq mümkün olmamışdır. Belə ki, X1 barəsində Azərbaycan Respublikasının İnzibati Xətalar Məcəlləsinin 232-1-ci maddəsinə əsasən protokol tərtib edilsədə, əmlaka maddi ziyan vurulmasına dair sübutlar inzibati materiala əlavə olunmamışdır. Azərbaycan Respublikasının İnzibati Xətalar Məcəlləsinin: - 106.0.3-cü hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilibedilməməsi məsələsini həll edir; - 106.0.5-ci maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən mahiyyəti üzrə baxılması üçün işdə kifayət qədər sübutların toplanıb-toplanmaması məsələsini həll edir; - 109.1 və 109.1.6-cı maddəsində göstərilir ki, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda qetyd olunanlara əsasən məhkəmə qeyd edir ki, inzibati xəta haqqında protokol tərtib edilərkən qanunvericiyilin tələblərinə riayət olunmadığına görə inzibati xəta haqqında protokol və ona əlavə edilmiş inzibati materialın icraata qəbul edilməsindən imtina edilməli və inzibati xəta haqqında protokol ona əlavə edilmiş sənədlərlə birlikdə Naxçıvan MR Daxili İşlər Nazirliyi Şərur Rayon Polis İdarəsinə geri qaytarılmalıdır. Yuxarıda qeyd edilənləri və Azərbaycan Respublikasının İnzibati Xətalar Məcəlləsinin 106, 109.1.6 maddələrini rəhbər tutaraq məhkəmə, qərara aldı: X1 barəsində tərtib olunmuş Azərbaycan Respublikasının İnzibati Xətalar Məcəlləsinin 232.1-cü maddəsində nəzərdə tutulmuş inzibati xətanın törədilməsi barədə xx.xx.2025-ci il tarixli, MN ******* nömrəli inzibati xəta haqqında protokol və əlavə edilmiş inzibati materialın icraata qəbul edilməsindən imtina edilsin və inzibati xəta haqqında protokol ona əlavə edilmiş sənədlərlə birlikdə Naxçıvan MR Daxili İşlər Nazirliyi Şərur Rayon Polis İdarəsinə geri qaytarılsın. Hakim: Seymur Qarayev