Naxçıvan MR Şərur Rayon Məhkəməsi Qərardad — İş №3(110)-36/2020

Azərbaycan Respublikası adından QƏRARDAD Şərur şəhəri İş № 3(110)-36/2020 17.07.2020 NAXÇIVAN MR ŞƏRUR RAYON MƏHKƏMƏSİ Şərur Rayon Məhkəməsinin hakimi Qarayev Seymur Əlfəddin oğlu, X1 barəsində tərtib edilmiş İnzibati tənbeh vermə haqqında qərardan verdiyi şikayətə baxılmağa hazırlanma ilə əlaqədar nəzərdən keçirərək, müəyyən etdi: X3 şikayət ərizəsi ilə məhkəməyə müraciət edərək Azərbaycan Respublikası Daxili İşlər Nazirliyinin İXP ******* saylı Qərarının ləğv edilməsi barədə qərar çıxarılmasını xahiş etmişdir. Məhkəmə şikayət ərizəsini araşdıraraq hesab edir ki, şikayət geri qaytarılmalıdır. Belə ki, şikayətçi X3 mübahisələndirdiyi İnzibati tənbeh vermə haqqında qərarın ləğv edilməsini xahiş etsə də, barəsində tərtib edilmiş inzibati xəta haqqında protokolun və həmin protokol əsasında çıxarılmış şikayət etdiyi qərarın surətini şikayət ərizəsinə əlavə etməmişdir. Belə olan halda da şikayətçinin qeyd etdiyi qərarın həqiqətən də mövcud olub-olmamasını müəyyən etmək mümkün olmadığından şikayət geri qaytarılmalıdır. Azərbaycan Respublikası İnzibati Xətalar Məcəlləsinin 106-cı maddəsinə əsasən hakim inzibati xəta haqqında işin baxılmağa hazırlanması zamanı işin onun səlahiyyətrlərinə aid olubolmamasını, işin hakim, kollegial orqanın üzvü, vəzifəli şəxs tərəfindən baxılmasını istisna edən halların mövcud olub olmamasını, inzibati xəta haqqında protokol və işin digər materiallarının İnzibati Xətalar Məcəlləsinin tələblərinə müvafiq olaraq tərtib edilib-edilmədiyini, işin icraatını rədd edən halların mövcud olub-olmadığını, mahiyyəti üzrə baxılması üçün işdə kifayət qədər sübutlar toplanıb-toplanmamasını, işə baxılmasının yeri və vaxtı barədə işdə iştirak edən şəxslərin məlumatlandırılıb-məlumatlandırılmamasını, iş üzrə vəsatətlər və etiraz etmənin olubolmamasını həll etməlidir. Göstərilənlərə əsasən məhkəmə hesab edir ki, hazırki iş üzrə məhkəməyə təqdim edilmiş sənədlərə əsasən inzibati xəta haqqında işin baxılmağa hazırlanması mümkün deyil, ona görə də X1 şikayəti geri qaytarılmalı, həmçinin şikayətçiyə izah edilməlidir ki, qərardadda qeyd edilmiş nöqsanlar aradan qaldırıldıqdan sonra yenidən məhkəməyə müraciət edə bilər. Yuxarıda qeyd edilənləri və Azərbaycan Respublikası İnzibati Xətalar Məcəlləsinin 106, 109.1.6 maddələrini rəhbər tutaraq, məhkəmə qərara aldı: X1 inzibati tənbeh vermə qərarından verdiyi şikayət ərizəsi geri qaytarılsın. Qərardadda qeyd edilmiş nöqsanlar aradan qaldırıldıqdan sonra yenidən məhkəməyə müraciət etmək hüququnun olması şikayətçi X2 izah edilsin. Hakimi: Seymur Qarayev