Naxçıvan MR Şərur Rayon Məhkəməsi Qərar — İş №3(110)-45/2021

Azərbaycan Respublikası adından QƏRAR Şərur şəhəri İş № 3(110)-45/2021 25.06.2021 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Xəlilova Aytac Ramiz qızının katibliyi, barəsində inzibati xəta haqqında iş üzrə icraat aparılan şəxs X5 iştirakı ilə Şərur Rayon Polis Şöbəsi tərəfindən daxil olmuş, xx.xx.1981-ci il tarixdə Şərur rayon Mahmudkənd kəndində doğulmuş, Azərbaycan Respublikasının vətəndaşı, orta təhsilli, evli, iki uşaqlı, futbolçu, əvvəllər məhkum olunmayan, Şərur rayon Mahmudkənd kəndində yaşayan X5 barəsində Azərbaycan Respublikası İnzibati Xətalar Məcəlləsinin 510-cu maddəsi ilə tənbeh edilmələrinə dair inzibati xəta haqqında materiala Şərur Rayon Məhkəməsinin inzibati binasında açıq məhkəmə iclasında baxaraq müəyyən etdi: X9 25.06.2021-ci il tarixdə saat 23:30 radələrində “Sahil” restoranında olan zaman uca səslə qışqır-bağır salmaqla yanaşı nalayiq ifadələr işlədərək ictimai qaydanı pozmuşdur. Bununla da Azərbaycan Respublikası İXM-nin 510-cu maddəsində nəzərdə tutulmuş xətanı törətmişdir. Məhkəmənin nəticəyə gəlməsi üçün əsaslandığı sübutlar Məhkəmədə X5 əməli inzibati xəta haqqında protokola əlavə olunmuş sənədlər, şahidlərin və özünün izahatı ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxsin izahatı: Məhkəmə iclasında iştirak edən barəsində inzibati xəta haqında iş üzrə icraat aparılan şəxs X9 izahatında və verilmiş suallara cavabında 25.06.2021-ci il tarixdə saat 21:30 radələrində pivə içmək üçün Yuxarı Daşarx kəndində yerləşən “Sahil” restoranına getdiyini, orada tək oturub pivə içməyə başladığını, təxminən saat 23:00 radələrində qardaşı X3 restorana gəldiyini gördüyünü, qardaşını öz masasına çağırdığını, qardaşı ilə birlikdə oturub pivə içdiklərini, bu zaman ofisiantın onların masalarına yaxınlaşdığını, Niyaməddini kənara gəlməyə çağırdığını və onunla işi olduğunu bildirdiyini, onun ofisianta Niyaməddinin onun qardaşı olduğunu bildirdiyini, bu zaman ofisiantla onun arasında mübahisə çıxdığını, içkili olduqları üçün səs-küy saldığını, ona görə də restoranda olanların onların hərələtlərinə etiraz etdiyini, sonra oraya gələn polis əməkdaşlarının onları polis şöbəsinə dəvət etdiklərini, tutduğu əməldən peşman olduğunu bildirərək, məhkəmədən onun barəsində yüngül tənbeh tədbirinin tətbiq edilməsini xahiş etmişdir. Şahidlərin izahatları: Məhkəmədə şahid qismində dindirilən X4 izahatında 25.06.2021-ci il tarixdə saat 23:20 radələrində dostu Səfərov Həmid ilə birlikdə “Sahil” restoranında yemək yediklərini, bu zaman 2 nəfər tanımadığı şəxsin səs-küy saldığını və nalayiq ifadələr işlətdiklərini gördüyünü, polis əməkdaşlarının onlara yaxınlaşaraq onları sakitləşdirdiklərini, sonra onları polis şöbəsinə apardıqlarını, bu zaman onların da polis şöbəsinə getdiklərini bildirdi. Məhkəmədə şahid qismində dindirilən X1 Mirsani Mirmehdi oğlu ilə eyni məzmunda izahat verərək onun dediklərini təsdiq etmişdir. Sənədlər: İş materiallarında olan 25.06.2021-ci il tarixli 03000 nömrəli inzibati qaydada tutma haqqında protokoldan görünür ki, X9 25.06.2021-ci il tarix saat 01:30-da inzibati qaydada tutulmuşdur. İş materiallarında olan 25.06.2021-ci il tarixli, 87 nömrəli tibbi müayinə protokolundan görünür ki, X2 vəziyyətdədir. İş materiallarında olan 25.06.2021-ci il tarixli 516 nömrəli tibbi arayışdan görünür ki, X9 praktiki sağlamdır Məhkəmənin əsaslandırması: Məhkəmə toplanmış sübutları araşdırıb, sübutlara tam, hərtərəfli və obyektiv qiymət verib belə nəticəyə gəlir ki, X5 əməli düzgün olaraq Azərbaycan Respublikası İnzibati Xətalar Məcəlləsinin 510-cu maddəsi ilə tövsif olunmuşdur. Azərbaycan Respublikasının İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə-əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. X5 əməli yuxarıda göstərilən maddənin tövsifedici əlamətlərinə uyğundur və iş üzrə toplanmış sübutlar əsasında tam təsdiqini tapır. Azərbaycan Respublikasıİnzibati Xətalar Məcəlləsinin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikasıİnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın sərxoş halda törədilməsini məsuliyyəti ağırlaşdıran hal, şəxsin səmimi peşmançılığını, ilk dəfə inzibati xəta törətməsini, himayəsində azyaşlı uşaqlarının olmasını isə yüngülləşdirən hal kimi nəzərə alır. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini və həmçinin işin hallarını nəzərə alaraq belə nəticəyə gəlir ki, X5 barəsində inzibati cərimə tənbeh növü tətbiq edilməlidir. Məhkəmə belə hesab edir ki, inzibati xəta törətmiş şəxs X9 Azərbaycan Respublikası İXM-nın 510-cu maddəsi ilə təqsirli bilinib 60 (altmış) manat miqdarında inzibati cərimə edilməlidir. Yuxarıda göstərilənlərə əsaslanıb, Azərbaycan Respublikası İXM-nin 114-115, 117, 128-130-cu maddələrini rəhbər tutaraq məhkəmə, qərara aldı: Barəsində inzibati xəta haqqında iş üzrə icraat aparılan şəxs X9 Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 60 (altmış) manat miqdarında inzibati cərimə edilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Şərur Rayon Məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin cinayət kollegiyasına apellyasiya şikayəti verilə bilər. Hakim: Mehdi Əliyev