Naxçıvan MR Şərur Rayon Məhkəməsi Qərar — İş №3(110)-62/2023

Azərbaycan Respublikası adından QƏRAR Şərur şəhəri İş № 3(110)-62/2023 27.03.2023 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Ceyranova Aytac Ramiz qızının katibliyi ilə, Şərur Rayon İcra və Probasiya Şöbəsindən daxil olmuş xx.xx.1984-cü ildə Şərur rayonu Dizə kəndində doğulmuş, Azərbaycan Respublikasının vətəndaşı, subay, iki uşaqlı, orta təhsilli, fərdi təsərrüfatla məşğul olan, Şərur rayonu Dizə kəndində yaşayan Şəxs barəsində (fin: xxxxxxx) Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh edilməsinə dair inzibati xəta haqqında materiala Şərur Rayon Məhkəməsinin inzibati binasında açıq məhkəmə iclasında baxaraq müəyyən etdim: Şərur Rayon İcra və Probasiya Şöbəsində icraatda olan Şərur Rayon Məhkəməsi tərəfindən verilmiş 2(110)-82/2018 saylı xx.xx.2018-ci il tarixli icra sənədinə əsasən Şəxs hər ay bir uşağın saxlanması üçün 90 manat miqdarında sabit pul məbləğində aliment alınaraq X2 xeyrinə ödənilməsi göstərilməsinə baxmayaraq Şəxs icra sənədinin icrasından üzürsüz səbəbdən boyun qaçırmış, bu günə 3880 manat aliment borcu yaranmış, edilmiş şifahi və yazılı xəbərdarlıqlara məhəl qoymamış və bununla da Azərbaycan Respublikası İXM-nin 528.1-ci maddəsində nəzərdə tutulmuş xətanı törətmişdir. Məhkəmənin nəticəyə gəlməsi üçün əsaslandığı sübutlar Məhkəmədə Şəxs əməli inzibati xəta haqqında protokol və protokola əlavə olunmuş sənədlər, icra məmurunun və özününü izahatı ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxsin izahatı: Məhkəmə iclasında iştirak edən barəsində inzibati xəta haqında iş üzrə icraat aparılan şəxs Şəxs izahatında və verilən suallara cavabında 2018-ci ildə boşandıqlarını, uşağın saxlanması üçün 90 manat aliment müəyyən olunduğunu, lakin işi olmadığı üçün alimenti ödəyə bilmədiyini, yenidən ailə qurduğunu, ikinci evliliyindən 1 uşağının olduğunu, birinci uşağını sonuncu dəfə keçən il gördüyünü, indiyədək 1500 manat aliment ödədiyini, işləyib qalan aliment borcunu ödəyəcəyini, buna görə də izahatında göstərilənləri nəzərə alıb məhkəmədən onun barəsində yüngül tənbeh tətbiq edilməsini xahiş etmişdir. Protokolu tərtib edən şəxsin izahatı: Məhkəmədə protokolu tərtib edən şəxs Şərur Rayon İcra və Probasiya Şöbəsinin icra məmuru X1 izahatında Şərur Rayon Məhkəməsi tərəfindən verilmiş icra sənədinin aidiyyəti üzrə Şərur Rayon İcra və Probasiya Şöbəsinə daxil olduğu andan qanuna müvafiq icra hərəkətləri yerinə yetirildiyini, borcluya dəfələrlə xəbərdarlıqlar edildiyini, onun cəmi 1500 manat aliment ödədiyini, qalan 3880 manat borcunu ödəmədiyini, məhkəmə qərarının icrasından üzürsüz səbəbdən yayınmanın nəticələrinin ona izah olunduğunu, lakin borclunun yenə icra sənədinin icrasından boyun qaçırdığını, ilk dəfə 2019-cu ildə borclunun barəsində axtarış elan olunduğunu, 2021-ci ildə şəxsin polis tərəfindən tutulub gətirildiyini, borcundan 500 manat ödədiyini, aylıq 200 manat aliment ödənilməsi barədə öhdəlik götürdüyünü, buna tələbkarın ərizə verərək razı olduğunu, bu səbəbdən şəxsin barəsində protokol tərtib olunmadığını, ondan sonra borclunun Bakı şəhərinə getdiyin, həmin vaxtdan yenə heç bir ödəniş etmədiyini, 2021-ci ildə yenidən onun barəsində axtarış elan olunduğunu, şəxsin tutularaq gətirildiyini və onun barəsində inzibati protokol tərtib edildiyini bildirmişdir. Sənədlər: İş materiallarında olan olan Şərur Rayon Məhkəməsi tərəfindən verilmiş 2(110)- 82/2018 saylı xx.xx.2018-ci il tarixli icra vərəqəsinin surətindən görünür ki, Şəxs hər ay bir uşaq üçün 90 manat miqdarında sabit pul məbləğində aliment alınaraq X2 xeyrinə ödənilməsi göstərilmişdir. İş materiallarında olan xx.xx.2018-ci il tarixli icraata başlama haqqında qərar və tələbin könüllü icrası barədə bildirişin və xəbərdarlığın surətindən görünür ki, tələbin könüllü icra olunmayacağı təqdirdə tələbin məcburi qaydada icra olunacağı göstərilmişdir. İş materiallarında olan Elektron İcra Sistemindən borclunun əmlak və gəlir məlumatlarına dair çıxarışdan görünür ki, Şəxs borcun yönəldilə biləcəyi heç bir əmlakı yoxdur. İş materiallarında olan Şərur Rayon İcra və Probasiya Şöbəsinin xx.xx.2019 və xx.xx.2021-ci il tarixli qərarlardan görünür ki, borclunun barəsində axtarış elan olunmuşdur. Məhkəmənin əsaslandırması Məhkəmə toplanmış sübutları araşdırıb, sübutlara tam, hərtərəfli və obyektiv qiymət verib belə nəticəyə gəlir ki, Şəxs əməli düzgün olaraq Azərbaycan Respublikası İnzibati Xətalar Məcəlləsinin 528.1-ci maddəsi ilə tövsif olunmuşdur. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Şəxs əməli yuxarıda göstərilən maddənin tövsifedici əlamətlərinə uyğundur və iş üzrə toplanmış sübutlar əsasında tam təsdiqini tapır. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İş üzrə Şəxs əməlini ağırlaşdıran və yüngülləşdirən hallar müəyyən olunmadı. İnzibati tənbeh tətbiq edərkən məhkəmə xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini və həmçinin işin hallarını nəzərə alaraq belə nəticəyə gəlir ki, Şəxs barəsində inzibati həbs tənbeh növü tətbiq edilməlidir. İnzibati Xətalar Məcəlləsinin 31.4-cü maddəsinə görə həmin məcəllənin xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Yuxarıda göstərilənlərə əsaslanıb, Azərbaycan Respublikası İXM-nin 114-115, 117, 128-130-cu maddələrini rəhbər tutaraq məhkəmə, qərara aldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 20 (iyirmi) gün müddətinə inzibati qaydada həbs edilsin. Həbs etmənin əvvəli xx.xx.2023-cü il tarixdən hesablansın. Qərar dərhal icra edilsin. Qərarın icrası Naxçıvan MR Daxili İşlər Nazirliyinin X4 həvalə olunsun. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Şərur Rayon Məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin Cinayət Kollegiyasına apellyasiya şikayəti verilə bilər. Hakim: Mehdi Əliyev