Naxçıvan MR Şərur Rayon Məhkəməsi Qərar — İş №3(110)-80/2024

Azərbaycan Respublikası adından QƏRAR Şərur şəhəri İş № 3(110)-80/2024 14.03.2024 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Ceyranova Aytac Ramiz qızının katibliyi barəsində inzibati xəta haqında iş üzrə icraat aparılan şəxs Şəxs iştirakı ilə Şərur Rayon İcra və Probasiya Şöbəsindən daxil olmuş xx.xx.1986-cı ildə Şərur rayon Alışar kəndində doğulmuş, Azərbaycan Respublikasının vətəndaşı, subay, orta təhsilli, sürücülük fəaliyyəti ilə məşğul olan, Şərur rayon Alışar kəndində yaşayan Şəxs barəsində (fin: xxxxxxx) Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh edilməsinə dair inzibati xəta haqqında materiala Şərur Rayon Məhkəməsinin inzibati binasında açıq məhkəmə iclasında baxaraq müəyyən etdim: Şərur Rayon İcra və Probasiya Şöbəsi tərəfindən protokol tərtib olunub ondan ötrü ki, Şərur Rayon Məhkəməsi tərəfindən verilmiş 2(110)-191/2022 saylı xx.xx.2022-ci il tarixli icra sənədinə əsasən Şəxs cəmi 9924,60 manat borc və 119,24 manat dövlət rüsumunun tutularaq iddiaçı "xxxx" ASC-yə ödənilməsi, Şərur Rayon Məhkəməsi tərəfindən verilmiş 2(110)-434/2022 saylı xx.xx.2022-ci il tarixli icra sənədinə əsasən Şəxs cəmi 268,84 manat məbləğində pul və 30,40 manat dövlət rüsumu alınaraq "xxxx" KB ASC-yə ödənilməsinin və eyni zamanda Şərur Rayon Məhkəməsi tərəfindən verilmiş 2(110)- 710/2022 saylı xx.xx.2022-ci il tarixli icra sənədinə əsasən Şəxs 1826,9 manat borc və 38,67 manat dövlət rüsumunun "xxxx" KB ASC-yə ödənilməsinin göstərilməsinə baxmayaraq Şəxs uzun müddət ərzində icra sənədlərinin üzürsüz şəkildə icrasından üzürsüz səbəbdən boyun qaçırmış, icra vərəqələri üzrə cəmi 12201,65 manat borcu yaranmış, edilmiş şifahi və yazılı xəbərdarlıqlara məhəl qoymamışdır. Məhkəmənin nəticəyə gəlməsi üçün əsaslandığı sübutlar Məhkəmədə Şəxs əməlində inzibati xəta tərkibinin olmadığı inzibati xəta haqqında protokola əlavə olunmuş sənədlər, icra məmurunun və özününü izahatı ilə tam sübuta yetirilmişdir. Barəsində inzibati xəta haqqında iş üzrə icraat aparılan şəxsin izahatı: Məhkəmə iclasında iştirak edən barəsində inzibati xəta haqında iş üzrə icraat aparılan şəxs Şəxs izahatında və verilən suallara cavabında icra sənədləri barədə məlumatlı olduğunu, banklardan götürdüyü pulla avtomobilyuma məntəqəsi kirayə götürüb təmir etdirdiyini, lakin Pandemiya zamanı olduğundan işlədə bilmədiyim üçün təhvil verdiyini, sonra qolunun sındığını və bir il də ona görə işləyə bimədiyini, haliyyədə taksi sürücüsü işlədiyini, protokol tərib olunandan sonra icra sənədlərindən ikisi tam olaraq ödədiyini, digər icra sənədi üzrə isə 500 manat ödədiyini, qalan borcu isə hər ay 500 manat olmaqla ödəyəcəyinə sözverdiyini, boşandığını və 2 uşağının ehtiyaclarını qarşıladığını buna görə də izahatında göstərilənləri nəzərə alınmasını məhkəmədən xahiş etmişdir. Protokolu tərtib edən şəxsin izahatı: Məhkəmədə protokolu tərtib edən şəxs Şərur Rayon İcra və Probasiya Şöbəsinin icra məmuru X1 izahatında Şərur Rayon Məhkəməsi tərəfindən verilmiş borcun tutulmasına dair icra sənədinin aidiyyəti üzrə Şərur Rayon İcra və Probasiya Şöbəsinə daxil olduğu andan qanuna müvafiq icra hərəkətləri yerinə yetirildiyini, borcluya məhkəmə tərəfindən təyin olunmuş borcun tam və vaxtında icrası olunması barədə dəfələrlə xəbərdarlıqlar edildiyini, tələbkarın israrla borcun ödənilməsini tələb etdiyini, məhkəmə qərarının icrasından üzürsüz səbəbdən yayınmanın nəticələrinin ona izah olunduğunu, lakin borclunun yenə icra sənədlərinin icrasından boyun qaçırdığını, buna görə də onun barəsində inzibati protokol tərtib edildiyini, protokol tərtib olunandan sonra iki icra sənədi üzrə tam ödəniş etdiyini, digər icra sənədi üzrə isə 500 manat ödədiyini, qalan hissəsini də hər ay 500 manat olmaqla ödəyəcəyinə söz verdiyini bildirmişdir. Sənədlər: İş materiallarında olan olan Şərur Rayon Məhkəməsi tərəfindən verilmiş 2(110)- 191/2022 saylı xx.xx.2022-ci il tarixli icra sənədinə əsasən Şəxs cəmi 9924,60 manat borc və 119,24 manat dövlət rüsumunun tutularaq iddiaçı "xxxx" ASC-yə ödənilməsi, Şərur Rayon Məhkəməsi tərəfindən verilmiş 2(110)-434/2022 saylı xx.xx.2022-ci il tarixli icra sənədinə əsasən Şəxs cəmi 268,84 manat məbləğində pul və 30,40 manat dövlət rüsumu alınaraq "xxxx" KB ASC-yə ödənilməsinin və eyni zamanda Şərur Rayon Məhkəməsi tərəfindən verilmiş 2(110)-710/2022 saylı xx.xx.2022-ci il tarixli icra sənədinə əsasən Şəxs 1826,9 manat borc və 38,67 manat dövlət rüsumunun "xxxx" KB ASC-yə ödənilməsi göstərilmişdir. İş materiallarında olan xx.xx.2022-ci il, xx.xx.2022-ci il və xx.xx.2022-ci il tarixli icraata başlama haqqında qərarlar və tələbin könüllü icrası barədə bildiriş və xəbərdarlıqların surətindən görünür ki, tələbin könüllü icra olunmayacağı təqdirdə tələbin məcburi qaydada icra olunacağı göstərilmişdir. İş materiallarında olan xx.xx.2022-ci il tarixli qərardan görünür ki, Şəxs barəsində axtarış elan olunmuşdur. Elektron Məhkəmə informasiya sistemindən görünür ki, Şərur Rayon Məhkəməsinin xx.xx.2022-ci il tarixli 8(110)-58/2022 nömrəli qərarı ilə Şəxs ölkədən getmək hüququ müvəqqəti məhdudlaşdırılmışdır. Məhkəmənin əsaslandırması Məhkəmə toplanmış sübutları araşdırıb, sübutlara tam, hərtərəfli və obyektiv qiymət verib belə nəticəyə gəlir ki, Şəxs əməli Azərbaycan Respublikası İnzibati Xətalar Məcəlləsinin 528.1-ci maddəsi ilə tövsif oluna bilməz. Azərbaycan Respublikas İnzibati Xətalar Məcəlləsinin 3-cü maddəsinə görə yalnız həmin məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə iş materillarını araşdırarkən müəyyən olunmuşdur ki, borclu Şəxs əməli yuxarıda göstərilən maddənin tövsifedici əlamətlərinə uyğun deyildir. Belə ki, borclu iki icra sənəd üzrə tam ödəniş etmiş, bir icra sənədi üzrə isə 500 manat ödəniş etmişdir, icra sənədlərinin vaxtında və tam icra olunmamasının üzürlü səbəbləri mövcuddur, borclu keçən müddət ərzində işsiz olmuş, tələbin yönəldilə biləcəyi əmlakı yoxdur. Hazırkı vəziyyətdə onun əməlində həmin maddədə nəzərdə tutulan inzibati xəta tərkibinin əlamətləri olmadığından barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikasının İnzibati Xətalar Məcəlləsinin 53.1.1-ci maddəsinə əsasən əməldə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İnzibati Xətalar Məcəlləsinin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin məcəllənin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Məhkəmə Şəxs əməlində inzibati xəta tərkibinin olmadığını əsas gətirərək hesab edir ki, iş üzrə icraata xitam verilməlidir. Yuxarıda göstərilənlərə əsaslanıb, Azərbaycan Respublikası İXM-nin 114-115, 117, 128-130-cu maddələrini rəhbər tutaraq məhkəmə, qərara aldı: Şəxs əməlində İnzibati Xətalar Məcəlləsinin 528.1-ci maddəsində nəzərdə tutulan inzibati xətanın tərkibi olmadığından iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında iş üzrə qərardan Şərur Rayon Məhkəməsi vasitəsilə və ya birbaşa Naxçıvan Muxtar Respublikasının Ali Məhkəməsinin Cinayət Kollegiyasına apellyasiya şikayəti verilə bilər. Hakim: Mehdi Əliyev