Naxçıvan MR Kəngərli Rayon Məhkəməsi Qərar — İş №3(111)-14/2021

Azərbaycan Respublikası adından QƏRAR Qıvraq qəsəbəsi İş № 3(111)-14/2021 20.10.2021 NAXÇIVAN MR KƏNGƏRLİ RAYON MƏHKƏMƏSİ Hakim Əhmədov Zülfüqar Əziz oğlunun sədrliyi, X1 məhkəmə iclas katibliyi ilə, xx.xx.1987-ci ildə Naxçıvan şəhərində doğulmuş, Bakı şəhəri, Y\Günəşli qəsəbəsi ev 27, mənzil 18-də qeydiyyatda olan Şəxs haqqında Kəngərli Rayon Polis şöbəsindən daxil olmuş inzibati xəta haqqında materiala baxaraq müəyyən etdi: Şəxs barəsində 11 sentyabr 2021-ci il tarixdə Kəngərli Rayon Polis şöbəsinin DYP Qrupu tərəfindən Azərbaycan Respublikasının İnzibati Xətalar Məcəlləsinin 343.1-ci maddəsində nəzərdə tutulan inzibati xəta əməlini törətdiyinə görə AP ******* nömrəli inzibati xəta haqqında protokol tərtib olunmuş və protokol baxılması üçün Azərbaycan Respublikasının İnzibati Xətalar Məcəlləsinin 43.1-ci maddəsinə əsasən Naxçıvan Şəhər Məhkəməsinə göndərilmiş, Naxçıvan Şəhər Məhkəməsinin 29.09.2021-ci il tarixli 3(078)- 114/2021 nömrəli qərardadına əsasən isə inzibati materiallar baxılması üçün Kəngərli Rayon Məhkəməsinə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəməyə dəvət olunmuş, məhkəmə iclasını yeri və vaxtı barədə xəbərdar olunmuş, lakin heç bir üzürlü səbəb olmadan məhkəməyə gəlməmiş və bu barədə məhkəməyə heç bir məlumat verməmiş, işə baxılmasını təxirə salmaq haqqında ondan vəsatət daxil olmamışdır. Azərbaycan Respublikasının İnzibati Xətalar Məcəlləsinin 61.3-cü maddəsinə əsasən onun iştirakı olmadan işə baxılmışdır. İş materiallarını nəzərdən keçirərək məhkəmə belə nəticəyə gəlir ki, inzibati xəta haqqında iş üzrə icraata xitam verilməlidir. Belə ki, iş materiallarından görünür ki, vət.Şəxs barəsində 11 sentyabr 2021-ci il tarixdə Kəngərli Rayon Polis şöbəsinin DYP Qrupu tərəfindən Azərbaycan Respublikasının İnzibati Xətalar Məcəlləsinin 343.1-ci maddəsində nəzərdə tutulan inzibati xəta əməlini törətdiyinə görə AP ******* nömrəli inzibati xəta haqqında protokol tərtib edildikdən sonra səlahiyyətli orqan - Kəngərli Rayon Polis şöbəsinin DYP Qrupu tərəfindən həmin inzibati protokol üzrə Şəxs barəsində 11.09.2011-ci il tarixdə MN ******* nömrəli inzibati tənbeh etmək haqqında qərarla 400 (dörd yüz) manat cərimə edilmişdir. Azərbaycan Respublikası İnzibati Xətalar Məcəlləsinin 53.1 və 53.1.7-ci maddələrinə əsasən barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 110.1-ci maddəsinə əsasən inzibati xəta haqqında işə onun törədildiyi yerdə baxılır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 105, 114,115,128-130-cu maddələrini rəhbər tutaraq məhkəmə qərar verdi: Şəxs Azərbaycan Respublikasının İnzibati Xətalar Məcəlləsinin 343.1-ci maddəsi ilə inzibati xəta törətməsinə dair iş üzrə icraata xitam verilsin. Qərarın surəti rəsmi qaydada verildiyi vaxtdan 10 gün müddətində Kəngərli Rayon Məhkəməsi vasitəsi ilə və ya birbaşa Naxçıvan MR Ali Məhkəməsinə şikayət vermək olar. Sədrlik edən Zülfüqar Əhmədov