Naxçıvan MR Kəngərli Rayon Məhkəməsi Qərar — İş №3(111)-31/2023

Azərbaycan Respublikası adından QƏRAR Qıvraq qəsəbəsi İş № 3(111)-31/2023 18.08.2023 NAXÇIVAN MR KƏNGƏRLİ RAYON MƏHKƏMƏSİ Hakim Əhmədov Zülfüqar Əziz oğlunun sədrliyi, X1 məhkəmə iclas katibliyi, Kəngərli Rayon İcra və Probasiya Bölməsinin icra məmuru Nümayəndə və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1990-cı ildə Şərur rayon Şahtaxtı kəndində doğulmuş, orta təhsilli, işsiz, Kəngərli rayonu Şahtaxtı kəndində qeydiyyatda olan Şəxs haqqında Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsinə dair Naxçıvan MR Kəngərli Rayon İcra və Probasiya Bölməsindən daxil olmuş inzibati xəta haqqında protokola və ona əlavə edilmiş sənədlərə Kəngərli Rayon Məhkəməsinin binasında açıq məhkəmə iclasında baxaraq müəyyən etdi: Naxçıvan MR Kəngərli Rayon İcra və Probasiya Bölməsinin icra məmuru Nümayəndə tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta haqqında 18 avqust 2023-cü il tarixli 012355 saylı protokol tərtib olunaraq baxılması üçün Kəngərli Rayon Məhkəməsinə göndərilmişdir. Tərtib edilmiş inzibati xəta haqqında protokola əsasən Babayev X2 Rayon Məhkəməsinin 13 dekabr 2022-ci il tarixli 2(111)-195/2022 saylı icra sənədinin icrası ilə əlaqədar icra məmurunun qanuni tələbini yerinə yetirməyərək borcun ödənilməsini üzrsüz səbəbdən icra etməmişdir. Bununla da o, Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta əməlini törətmişdir. Məhkəmə iclasında protokolu tərtib edən Kəngərli Rayon İcra və Probasiya Bölməsinin icra məmuru Nümayəndə izahatında borclu Şəxs Kəngərli Rayon Məhkəməsinin 13 dekabr 2022-ci il tarixli 2(111)-195/2022 saylı icra sənədi üzrə tələbkar X3 ödəməli olduğu aliment borcunu vaxt-vaxtında ödəmədiyini, sonuncu dəfə 2023-cü ilin fevral ayında ödəniş etdiyini, işləmədiyinə görə aliment ödəməyəcəyini bildirdiyini, bu günə onun 2340 manat aliment borcu olduğunu, qərarın icrası ilə əlaqədar onun qanuni tələblərini yerinə yetirilmədiyini bildirdi. Barəsində inzibati xəta haqqında iş üzrə icraat aparılan şəxs Şəxs izahatında işləmədiyi üçün aliment borcunu ödəyə bilmədiyini, özünə iş tapan kimi ödəyəcəyini, borcun ödənilməsi barədə icra məmurları tərəfindən xəbərdar olunduğunu, əməlindən heç də peşman olmadığını bildirdi. İş materiallarına əlavə edilmiş Kəngərli Rayon Məhkəməsinin 13 dekabr 2022-ci il tarixli 2(111)-195/2022 saylı icra sənədinin, Kəngərli Rayon İcra və Probasiya bölməsinin 14 dekabr 2022-ci il tarixli icraata başlamaq haqqında qərarının, 14 dekabr 2022-ci il tarixli tələbin könüllü icrası barədə bildirişin, 31 mart 2023-cü il tarixli borcluya edilmiş xəbərdarlığın surətindən görünür ki, Şəxs hər ay 2 uşağın yetkinlik yaşına çatanadək saxlanılması üçün cəmi 260 manat pul məbləğində aliment tutularaq tələbkar X3 ödənilməsi qət olunmuş, həmin icra sənədi müvafiq qaydada icraya yönəlmiş, borcluya borcunu ödəməsi barədə xəbərdarlıq olunmuş və borclu tərəfindən borclar qərəzli olaraq ödənilməmişdir. Belə ki, iş materiallarına əlavə olunmuş Kəngərli Rayon İcra və Probasiya Bölməsinin 18 avqust 2023-cü il tarixli, 685 nömrəli arayışına əsasən Kəngərli Rayon Məhkəməsinin 13 dekabr 2022-ci il tarixli 2(111)-195/2022 saylı icra sənədi üzrə borclu Şəxs tələbkar X3 aliment ödənişləri ilə bağlı qəbzlərə əsasən xx.xx.2023-cü il tarixə 2340 manat borcu vardır. Məhkəmə barəsində inzibati xəta haqqında iş üzrə icraat aparılan şəxsin izahatına və iş materiallarına əlavə edilmiş Kəngərli Rayon Məhkəməsinin 13 dekabr 2022-ci il tarixli 2(111)-195/2022 saylı icra sənədinə, Kəngərli Rayon İcra və Probasiya bölməsinin 14 dekabr 2022-ci il tarixli icraata başlamaq haqqında qərarına, 14 dekabr 2022-ci il tarixli tələbin könüllü icrası barədə bildirişə, 31 mart 2023-cü il tarixli borcluya edilmiş xəbərdarlığa və Kəngərli Rayon İcra və Probasiya Bölməsi tərəfindən tərtib edilmiş 18 avqust 2023-cü il tarixli 012355 nömrəli inzibati xəta haqqında protokola hüquqi qiymət verərək belə nəticəyə gəlir ki, Şəxs əməli düzgün olaraq Azərbaycan Respublikası İnzibati Xətalar Məcəlləsinin 528.1-ci maddəsi ilə tövsif olunmuşdur. Ona görə də, o, həmin maddə ilə təqsirli bilinib tənbeh olunmalıdır. Azərbaycan Respublikasının İnzibati Xətalar Məcəlləsinin: 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə nəzərdə tutulmuşdur. 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir. 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İş üzrə inzibati xəta törətmiş şəxsin məsuliyyətini yüngülləşdirən hallar müəyyən olunmamışdır. İş üzrə inzibati xəta törətmiş şəxsin məsuliyyətini ağırlaşdıran hallar müəyyən olunmamışdır. Beləliklə, məhkəmə yuxarıda qeyd edilənləri və törədilmiş inzibati xətanın xarakterini, inzibati xətanı törətmiş şəxsin şəxsiyyətini, iş üzrə məsuliyyəti yüngülləşdirən və məsuliyyəti ağırlaşdıran halların müəyyən edilməməsini nəzərə alıb iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində həmin maddənin sanksiyasında nəzərdə tutulmuş inzibati həbs növündə inzibati tənbeh tətbiq edilməlidir. Məhkəmə yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 115, 128-130-cu maddələrini rəhbər tutaraq, qərara aldı: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib barəsində 20 (iyirmi) gün müddətinə inzibati həbs tətbiq edilsin. Həbs olunma müddətinin əvvəli 18 avqust 2023-ci il tarixdən saat 16:40-dan hesablansın. Qərar dərhal icra edilsin. Qərarın icrası Naxçıvan MR Daxili İşlər Nazirliyinin X5 həvalə olunsun. Şəxs X5 çatdırılıb, təhvil verilməsi Kəngərli Rayon Polis şöbəsinə tapşırılsın. Qərarın surəti təqdim edildiyi və ya alındığı gündən 10 gün müddətində Kəngərli Rayon Məhkəməsi vasitəsi ilə və ya birbaşa Naxçıvan Muxtar Respublikası Ali Məhkəməsinin cinayət kollegiyasına şikayət verilə bilər. Sədrlik edən: Zülfüqar Əhmədov