Gəncə Şəhər Məhkəməsi Qərardad — İş №3(125)-1177/2023

Azərbaycan Respublikası adından QƏRARDAD Gəncə şəhəri İş № 3(125)-1177/2023 22.06.2023 GƏNCƏ ŞƏHƏR MƏHKƏMƏSİ Hakim Cəfərli Orxan Nazim oğlunun sədrliyi, Allahverdiyev Səxavət İmran oğlunun katibliyi ilə, X1 07 iyun 2023-cü il tarixli EQ 14948256 nömrəli protokolun ləğv edilməsinə dair şikayət ərizəsinə Gəncə Şəhər Məhkəməsinin inzibati binasında açıq məhkəmə iclasında baxaraq, müəyyən etdim: Gəncə Şəhər Məhkəməsinə X1 07 iyun 2023-cü il tarixli EQ 14948256 nömrəli protokolun ləğv edilməsinə dair şikayət ərizəsi daxil olmuşdur. Məhkəmə iclası zamanı şikayət ərizəsini nəzərdən keçirərək məhkəmə hesab edir ki, şikayət ərizəsi onu göndərmiş şəxsə geri qaytarılmalıdır. Belə ki, material yalnız verilmiş şikayət Ərizəsindən ibarətdir. İş materiallarına barəsində şikayət verilən inzibati tənbehvermə haqqında Qərarın surəti, onun rəsmi alınmasını təsdiq edən sənədlərin surətləri əlavə edilməmişdir. Belə olan halda məhkəmə təqdim edilmiş materialları natamam hesab edir. Azərbaycan Respulikasının İnzibati Xətalar Məcəlləsinin 109.1.6-cı maddəsinin mahiyyətindən görünür ki, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokol və ya digər sənədlər onu tərtib etmiş orqana, vəzifəli şəxsə geri qaytarılır. Yuxarıda göstərilənlərə əsasən və Azərbaycan Respulikasının İnzibati Xətalar Məcəlləsinin 109.1.6-cı maddəsini rəhbər tutaraq, qərara aldım: X1 07 iyun 2023-cü il tarixli EQ 14948256 nömrəli protokolun ləğv edilməsinə dair şikayət ərizəsi şikayətçiyə geri qaytarılsın. Sədrlik edən: Orxan Cəfərli