Gəncə Şəhər Məhkəməsi Qərar — İş №3(125)-1330/2025

Azərbaycan Respublikası adından QƏRAR Gəncə şəhəri İş № 3(125)-1330/2025 18.04.2025 GƏNCƏ ŞƏHƏR MƏHKƏMƏSİ Hakim Səfərli Xədicə Əlicabbar qızının sədrliyi, Sadıxov Rəşad Şahin oğlunun katibliyi, İnzibati xəta haqqında protokolu tərtib etmiş şəxs-Gəncə şəhər BPİ-nin 2-ci Polis Şöbəsinin İTB-nin polis sahə rəisi, polis leytenantı X1, Zərərçəkmiş şəxs X3, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1994-cü ildə Gəncə şəhərində doğulmuş, subay, Azərbaycan Respublikası vətəndaşı, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsi barədə Gəncə şəhər Baş Polis İdarəsinin 2-ci polis şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Gəncə şəhər BPİ-nin 2-ci Polis Şöbəsinin İTB-nin polis sahə rəisi, polis leytenantı X2 tərəfindən Şəxs barəsində Azərbaycan Respublikası İnzibati Xətalar Məcəlləsinin 157ci maddəsi ilə nəzərdə tutulmuş əməllərin törədilməsi barədə 18 aprel 2025-ci il tarixli protokol tərtib edilərək məhkəməyə təqdim edilmişdir. Protokolda qeyd edilir ki, xx.xx.2025-ci il tarixdə saat təxminən 21 radələrində ünvan 2 ünvanında Şəxs ilə mərhum X11 həyat yoldaşı X8 arasında ailə-məişət münaqişəsi zəminində yaranmış mübahisə zamanı Şəxs əli ilə qəsdlə sonuncunun sağ qolundan tutub sıxaraq sağlamlığına zərər vurmayan xəsarət yetirib fiziki ağrılar yetirməklə Azərbaycan Respublikası İXM-nin 157-ci maddəsində nəzərdə tutulan inzibati xətanı törətmişdir. Məhkəmə iclasında Gəncə şəhər BPİ-nin 2-ci Polis Şöbəsinin İTB-nin polis sahə rəisi, polis leytenantı X2 oğlu protokolda qeyd olunanlarla eyni məzmunlu izahat verərək Şəxs Azərbaycan Respublikası İXM-in 157-ci maddəsi ilə təqsirli bilinib inzibati tənbeh olunmasını məhkəmədən xahiş etdi. Məhkəmə iclasında iştirak edən zərərçəkmiş şəxs X8 izahat verərək bildirdi ki, Şəxs ögey nəvəsi olduğunu, o, İradənin mərhum babası X10 ilə rəsmi evli olduğunu, Əlirzanın 2005-ci ildən vəfat etdiyini, vəfat etdikdən sonra ona miras qalmış evdə yaşadığını, buna baxmayaraq ögey oğlu Həsənin evi öz adına sənədləşdirdiyini, onların mülk üstündə narazılıqlarının olduğunu, hazırda həmin ev barədə məhkəmədə prosesin davam etdiyini, xx.xx.2025-ci il tarixdə saat 21 radələrində ögey nəvəsi İradənin onun yaşadığı mənzilə gəldiyini, ona evdən çıxmasını dediyini, bu səbəbdən aralarında mübahisə yarandığım, İradənin onun qolundan tutub sıxaraq silkələdiyini, İradəyə polis çağıracağını bildirdiyini, bundan sonra İradənin getdiyini, oda bu barədə qızı Nazlıya məlumat verdiyini, İradə ilə onun arasında olan mübahisənin şahidinin heç kəs olmadığını bildirmişdir. O, Şəxs barəsində inzibati tənbeh tədbiri tətbiq edilməsini məhkəmədən xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verib bildirdi ki, Dürdanə Sarıyevanın onun mərhum babası X5 həyat yoldaşı olduğunu, Əlirzanın 2005-ci ildən vəfat etdiyini, vəfat etdikdən sonra mərhum babasının yaşadığı evi məhkəmə qaydasında atası Həsənin adına çıxarış aldıqlarını, hazırda həmin ev üstündə Dürdanə və onların aralarında mübahisə olduğunu, mübahisənin Gəncə şəhər məhkəməsində araşdırıldığını, Dürdanənin qızı X4 onun haqqımda ortaq tanışları arasında xoşagəlməz sözlər danışdığını, xx.xx.2025-ci il tarixdə saat 21 radələrində paltarlarını götürmək üçün atasına məxsus olan Dürdanənin yaşadığı evə getdiyini, orada Dürdanəyə qızı Nazlının onun haqqında yalan məlumatlar verməməsini bildirdiyini, bu səbəbdən aralarında mübahisə yarandığını, mübahisə zamanı Dürdanəni döymədiyini, sadəcə qolundan tutduğunu bildirmişdir. İş materiallarında olan və məhkəmə baxışında tədqiq olunmuş “Cinayət işinin başlanmasının rədd edilməsi haqqında” xx.xx.2025-ci il tarixli qərardan görünür ki, toplanmış materialda Şəxs əməlində cinayət tərkibi olmadığından, onun əməlində Azərbaycan Respublikası İXM-in 157-ci maddəsinin tərkibi olduğundan qanuna müvafiq tədbir görülməsi üçün qərarın surəti Gəncə şəhər BPİ-nin 2-ci Polis Şöbəsinin İTB-nə göndərilmiş, toplanmış materal üzrə cinayət işinin başlanılması rədd edilmişdir. İş materiallarında olan Azərbaycan Respublikası Səhiyyə Nazirliyi “Məhkəmə-Tibbi Ekspertiza və X9” X15 tərəfindən verilmiş xx.xx.2025-ci il tarixli 194 nömrəli rəydən görünür ki, 1961-ci il təvəllüdlü X3 bədəni üzərində müəyyən edilmiş xəsarət – sağ bazu nahiyəsinin qançırı küt əşyanın təsiri nəticəsində əmələ gəlmişdir, qərarın təsviri hissəsində göstərilən tarixdə, yəni xx.xx.2025-ci il tarixdə əmələ gələ bilər, sağlamlığa zərər vurmayan xəsarət olduğu üçün dərəcəsi təyin edilmir. Məhkəmə proses iştirakçılarını dinləyib toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, barəsində inzibati xəta haqqında iş üzrə icraat aparılan Şəxs Azərbaycan Respublikası İXM-in 157-ci maddəsində nəzərdə tutulan inzibati xətanı törətməsi iş materialları ilə tam sübuta yetirilmişdir. Belə ki, Azərbaycan Respublikası Səhiyyə Nazirliyi “Məhkəmə-Tibbi Ekspertiza və X9” X15 tərəfindən verilmiş xx.xx.2025-ci il tarixli 194 nömrəli rəyə əsasən Şəxs 1961-ci il təvəllüdlü X6 qarşı döymə və sair zorakı hərəkətlərlə qəsdən fiziki ağrı yetirməsi Azərbaycan Respublikası İXM-in 157-ci maddəsi ilə tövsif edilmişdir və o, həmin maddə ilə təqsirli bilinib inzibati tənbeh edilməlidir. İnzibati məsuliyyəti istisna edən və icraatı rədd edən halların mövcud olması məhkəmə iclasında aşkar edilməmişdir. Azərbaycan Respublikası İXM-nin 157-ci maddəsinə əsasən Döymə və sair zorakı hərəkətlərlə qəsdən fiziki ağrı yetirməyə görə-üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Bu maddədə nəzərdə tutulmuş əməl sağlamlığa ağır, az ağır və ya yüngül zərər vurmaqla törədildikdə, Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Araşdırma zamanı barəsində inzibati xəta haqqında icraat aparılan şəxsin məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə inzibati xətanın xarakterini, inzibati xəta törətmiş şəxsin şəxsiyyətini, onun təqsirinin dərəcəsini, inzibati xətanın törədilməsi səbəblərini və törədilmiş inzibati xətaya münasibətini nəzərə alaraq hesab edir ki, Şəxs törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədlərinə nail oluna bilər. Məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Şərh olunanlara əsasən və Azərbaycan Respublikası İXM-nin 43, 115, 128-130 və 528.1-ci maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsində təqsirli bilinsin və 300 (üç yüz) manat məbləğində inzibati cərimə edilsin. Qərarın surəti verildiyi gündən 10 (on) gün müddətində Gəncə Şəhər Məhkəməsi vasitəsilə və ya bilavasitə Gəncə Apellyasiya Məhkəməsinə şikayət verilə bilər. Hakim: Xədicə Səfərli