Gəncə Şəhər Məhkəməsi Qərar — İş №3(125)-160/2023

Azərbaycan Respublikası adından QƏRAR Gəncə şəhəri İş № 3(125)-160/2023 01.02.2023 GƏNCƏ ŞƏHƏR MƏHKƏMƏSİ Hakim Əliyev Asif Əmrah oğlunun sədrliyi, Süleymanlı Süleyman Rəşid oğlunun katibliyi ilə, Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X9 Gəncə Regional İdarəsinin nümayəndəsi, kiçik inspektoru X1 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1986-cı ildə Gəncə şəhərində doğulmuş, Gəncə şəhəri, Gülüstan qəsəbəsi 28/28 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 552-ci maddəsi ilə nəzərdə tutulmuş inzibati xətanı törətməsi barədə Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X9 Gəncə Regional İdarəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyənetdi: “CHERY” markalı, **-BB-*** dövlət qeydiyyat nişanlı avtomobilin sürücüsü, yəni avtomobil nəqliyyatı ilə sərnişin və yük daşımalarını yerinə yetirən şəxs Şəxs Gəncə şəhəri, Şəmkir Avtovağzalında xx.xx.2023-cü il tarixdə saat 09:00-da aparılan yoxlama zamanı müvafiq icra hakimiyyəti orqanının müəyyən etdiyi orqanın əməkdaşlarına qanunvericiliklə müəyyən olunmuş tələb olunan sənədləri - “Fərqlənmə nişanı”nı təqdim etməmişdir. Bununla da o, İXM-nin 552-ci maddəsində nəzərdə tutulmuş inzibati xətanı törətmişdir. Onun barəsində Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X9 Gəncə Regional İdarəsinin kiçik inspektoru X4 tərəfindən xx.xx.2023-cü il tarixli, MN ******* saylı inzibati xəta haqqında protokol tərtib edilmişdir. Məhkəmə iclasında Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X9 Gəncə Regional İdarəsinin nümayəndəsi, kiçik inspektor X4 protokolun məzmununa uyğun çıxış edərək, protokolda qeyd olunan inzibati xətanın həqiqətən Şəxs tərəfindən törədildiyini və buna görə də onun inzibati məsuliyyətə cəlb edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək, bildirdi ki, onun idarə etdiyi avtomobilin üzərində taksi şirkətinin reklamı olduğu üçün Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X9 Gəncə Regional İdarəsinin əməkdaşları ona yaxınlaşıb taksi fəaliyyəti ilə məşğul olmasını bildirib və ondan fərqlənmə nişanı tələb etmişlər. Lakin o, sərnişin daşıma fəaliyyəti ilə məşğul olmur və bu səbəbdən də “Fərqlənmə nişanı” almağa ehtiyac yoxdur. Belə ki, onun avtomobilinin üzərində qeyd olunan həmin taksi şirkəti ilə müqaviləsi vardır və o, sadəcə reklam daşıyıcısıdır. Bütün bunları nəzərə alaraq barəsində olan inzibati xəta haqqında iş üzrə icraata xitam verilməsini xahiş etdi. Məhkəmə protokolu və əlavə edilmiş sənədləri araşdıraraq hesab edir ki, məhkəmə araşdırması zamanı Şəxs əməlində Azərbaycan Respublikası İXM-nin 552-ci maddəsində nəzərdə tutulan inzibati xəta tərkibinin olması sübuta yetirilməmişdir. İş materiallarına əlavə edilmiş Azərbaycan Yerüstü Nəqliyyat X3 Proqram Təminatının çıxarışından görünür ki, Şəxs idarə etdiyi “CHERY” markalı, **-BB-*** dövlət qeydiyyat nişanlı avtomobilə həmin vaxt “Fərqlənmə nişanı” verilməsi mövcud deyil. İş materiallarına əlavə edilmiş xx.xx.2023-cü il tarixli aktdan görünür ki, Şəxs heç bir səbəb göstərmədən Gəncə şəhəri, Şəmkir Avtovağzalında aparılan yoxlama zamanı sərnişin daşıma fəaliyyəti göstərən “CHERY” markalı, **-BB-*** dövlət qeydiyyat nişanlı avtomobili idarə edən Şəxs qanunvericilikdə müəyyən olunmuş tələb olunan sənədləri – “Fərqlənmə nişanı”nı təqdim etməmişdir. İş materiallarına əlavə edilmiş xx.xx.2022-ci il tarixli xarici reklamın yerləşdirilməsi üçün nəqliyyat vasitələrinin səthinin icarəyə verilməsi haqqında müqavilədən görünür ki, “İcarəyə vərən” Şəxs nəqliyyat vasitəsinin səthini reklam yerləşdirilməsi üçün “İcarəçi” "xxxx" MMC-yə, direktor X6 icarəyə vermişdir. Müqavilə Tərəflərin səlahiyyətli nümayəndələri tərəfindən imzalandığı tarixdən qüvvəyə minir və 1.3-bəndi nəzərə alınmaqla tərəflərin öz öhdəliklərini tam surətdə yerinə yetirdiyi ana qədər etibarlı sayılır. İş materiallarına əlavə edilmiş nəqliyyat vasitələrində yerləşdirilən reklama dair 23 fevral 2022-ci il tarixli, AB 004132 nömrəli texniki şərtlər pasportunun surətindən görünür ki, “CHERY T11” markalı, **-BB-*** dövlət qeydiyyat nişanlı avtomobildə “MAXİM” *2244 məzmununda, sahəsi 09 kv.m olmaqla nəqliyyat vasitəsində reklam yerləşdirilməsinə dair X2 xx.xx.2022-ci il tarixdən xx.xx.2023-cü il tarixədək Azərbaycan Respublikası DİN Baş DYP İdarəsindən nəqliyyat vasitələrində yerləşdirilən reklama dair texniki şərtlər pasportu verilmişdir. Azərbaycan Respublikası İnzibati Xətalar Məcəlləsinin 76-cı maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qanuna zidd olaraq əldə edilmiş sübutların istifadə edilməsinə yol verilmir. Azərbaycan Respublikası İnzibati Xətalar Məcəlləsinin 552-ci maddəsinə əsasən avtomobil nəqliyyatı ilə sərnişin və yük daşımalarını yerinə yetirən şəxslər tərəfindən müvafiq icra hakimiyyəti orqanın müəyyən etdiyi orqanın (qurumun) əməkdaşının xidməti vəzifəsinin yerinə yetirilməsinə mane olmağa, o cümlədən qanunvericiliklə müəyyən olunmuş tələb olunan sənədlərin təqdim edilməməsinə görə əlli manat məbləğində cərimə edilir. “Azərbaycan Respublikasında avtomobil nəqliyyatı vasitələri ilə sərnişin və yük daşımalarına görə verginin ödənilməsi xüsusiyyətləri, habelə “Fərqlənmə nişanı” və “Xüsusi fərqlənmə nişanı”nın tətbiq edilməsi Qaydaları”nın 1.3-cü bəndinə əsasən Avtomobil nəqliyyatı vasitələri ilə sərnişin və yük daşımalarını həyata keçirən vergi ödəyicilərinə (Bakı şəhərinin inzibati ərazisində avtomobil nəqliyyatı ilə müntəzəm şəhərdaxili sərnişindaşımanı və taksi minik avtomobilləri ilə sərnişindaşımanı həyata keçirən vergi ödəyiciləri istisna olmaqla) “Fərqlənmə nişanı” və “Xüsusi fərqlənmə nişanı” Azərbaycan Respublikasının Nəqliyyat Rabitə və Yüksək Texnologiyalar Nazirliyi tərəfindən verilir. Avtomobil nəqliyyatı vasitələri ilə sərnişin və yük daşımalarını həyata keçirən şəxslər hər bir avtomobil nəqliyyatı vasitəsi üçün Bakı şəhərinin inzibati ərazisində avtomobil nəqliyyatı ilə müntəzəm şəhərdaxili sərnişindaşımanı və taksi minik avtomobilləri ilə sərnişindaşımanı həyata keçirən vergi ödəyicilərinə münasibətdə Bakı Nəqliyyat Agentliyindən, digər hallarda isə Azərbaycan Respublikasının Nəqliyyat Rabitə və Yüksək Texnologiyalar Nazirliyindən təqvim ayının sonunadək öz istəklərinə uyğun olaraq növbəti ay, rüb, yarım il və ya il üçün ciddi hesabat blankı olan “Fərqlənmə nişanı” almalıdırlar. Göründüyü kimi, İnzibati Xətalar Məcəlləsinin 552-ci maddəsində nəzərdə tutulan inzibati xətanın subyekti qismində yalnız sərnişin və yük daşımalarını həyata keçirən şəxs çıxış edə bilər. Lakin, nə inzibati xəta haqqında protokolda, nə də iş materiallarında olan digər sənədlərdə Şəxs **-BB-*** dövlət qeydiyyat nömrəli “CHERY” markalı minik avtomobili ilə sərnişin daşıması faktını təsdiq edən heç bir sübut göstərilməmiş, məhkəmə baxışı zamanı da bu barədə sübutlar məhkəməyə təqdim edilməmişdir. Əksinə barəsində inzibati xəta haqqında iş üzrə icraat aparılan şəxs tərəfindən təqdim edilmiş xarici reklamın yerləşdirilməsi üçün nəqliyyat vasitələrinin səthinin icarəyə verilməsi haqqında müqavilədən və nəqliyyat vasitələrində yerləşdirilən reklama dair texniki şərtlər pasportundan göründüyü kimi Şəxs idarə etdiyi sözügedən nəqliyyat vasitəsinin səthini icarəyə vermiş və həmin nəqliyyat vasitəsinin səthində “MAXİM”, onun aşağısında “*2244” yazıları və taksi şirkətinin loqosu yerləşdirilmişdir. İş materiallarına əlavə edilmiş xx.xx.2022-ci il tarixli xarici reklamın yerləşdirilməsi üçün nəqliyyat vasitələrinin səthinin icarəyə verilməsi haqqında müqavilədən və nəqliyyat vasitələrində yerləşdirilən reklama dair 23 fevral 2022-ci il tarixli, AB 004132 nömrəli texniki şərtlər pasportundan aydın şəkildə görünür ki, Şəxs hər hansı sərnişin daşıma fəaliyyəti ilə məşğul olmamış, sadəcə müqavilə bağladığı şirkətin reklam daşıyıcısı olmuşdur. Yuxarıda qeyd olunanları nəzərə alaraq məhkəmə hesab edir ki, Şəxs Azərbaycan Respublikası İXM-in 552-ci maddəsi ilə nəzərdə tutulmuş inzibati xətanın törədilməsi ilə əlaqədar inzibati məsuliyyətə cəlb edilməsi əsassızdır. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İşin təsvir edilmiş hallarını və onlara tətbiq ediləcək maddi hüquq normalarının tələblərini nəzərə alaraq məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 552-ci maddəsi ilə başlanmış inzibati xəta haqqında iş üzrə icraata xitam verilməlidir. Məhkəmə şərh olunanlara əsasən və Azərbaycan Respublikası İnzibati Xətalar Məcəlləsinin 31, 43, 53, 105, 111-112, 114-115, 128, 130-cu maddələrini rəhbər tutaraq, QƏRARAALDİ: Şəxs barəsində Azərbaycan Respublikasının İnzibati Xətalar Məcəlləsinin 552-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada təqdim edildiyi gündən 10 (on) gün müddətində Gəncə Şəhər Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Sədrlik edən: Asif Əliyev