Gəncə Şəhər Məhkəməsi Qərar — İş №3(125)-3156/2024

Azərbaycan Respublikası adından QƏRAR Gəncə şəhəri İş № 3(125)-3156/2024 02.09.2024 GƏNCƏ ŞƏHƏR MƏHKƏMƏSİ hakim Xanməmmədova Liza Əliəşrəf qızının sədrliyi, Musayev Musa Tofiq oğlunun katibliyi, inzibati xəta haqqında protokolu tərtib etmiş X3, barəsində inzibati xəta haqqında iş üzrə icraat aparılan şəxs Şəxs, şahidlər X4 və X2 iştirakı ilə, Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaları törətməsi barədə Gəncə ŞBPİ-nin 2-ci polis şöbəsindən daxil olmuş inzibati xəta haqqında iş materiallarına baxaraq, məhkəmə MÜƏYYƏN ETDİ: Gəncə ŞBPİ 2-ci polis şöbəsinin polis sahə rəisi X5 tərəfindən Şəxs barəsində Azərbaycan Respublikası İXM-in 510 və 535.1-ci maddələri ilə nəzərdə tutulmuş inzibati xətaların törədilməsi barədə protokol tərtib edilərək baxılması üçün məhkəməyə göndərilmişdir. İş materiallarına əlavə edilmiş xx.xx.2024-cü tarixli, MN ******* nömrəli inzibati xəta haqqında protokolda qeyd edilmişdir ki, Şəxs xx.xx.2024-cü il tarixdə, Gəncə şəh., F.Əmirov küç., bina 16, mənzil 7-də X1 ünvanına nalayiq ifadələr işlətmiş və polisin qanuni tələbinə tabe olmamış, nəticədə Azərbayan Respublikası İXM-in 510 və 535.1-ci maddələrində nəzərdə tutulmuş inzibati xətanı törətmişdir. Məhkəmə iclasında Gəncə ŞBPİ-nin 2-ci polis şöbəsinin polis sahə rəisi X5 çıxışında bildirmişdir ki, barəsində icraat aparılan şəxs Şəxs xx.xx.2024-cü il tarixdə 102 xidmətinə zəng edərək qonşusu Natəvan Hüseynovanın yüngül həyat tərzi keçirdiyini və aralarında yaranmış mübahisə ilə əlaqədar sonuncunun kirayədən çıxarılmasını istəmişdir. Daha sonra polis əməkdaşları hadisə yerinə getmiş və Şəxsla Natəvan Hüseynovanın arasında münaqişənin olduğunu və Şəxs sonuncuya nalayiq ifadələr işlətdiyini görərək onu dəfələrlə nizam-intizama dəvət etmişlər. Lakin o, polis əməkdaşlarının qanuni tələblərinə məhəl qoymayaraq öz hərəkətlərinə davam etmiş və polislərin ünvanına nəlayiq ifadələr işlətmişdir. Bununla əlaqədar olaraq o, 2-ci polis şəbəsinə gətirilərək barəsində protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs çıxışında yaşadığı həyətdə avtomobil saxlamaq üçün yerin az olmasına görə qonşuluqda kirayə yaşayan Natəvan Hüseynovanın yanına gəlmiş və ona avtomobilini həyətdə saxlamamasını bildirmişdir. Həmin vaxt Natəvan Hüseynova onunla kobud danışmış və öz telefonu ilə onun çiyninə zərbə vurmuşdur. Daha sonra o, hadisə ilə bağlı 102 xidmətinə zang edərək N. Hüseynovanın şəxsin yüngül həyata tərzi keçirdiyini və binadan çıxarılması ilə bağlı müraciət etmişdir. Bir az sonra hadisə yerinə polislər gəlmişlər və o, yenidən həmin şəxsin binadan çıxarılmasını xahiş etmişdir. O, polislərə müqavimət göstərmədiyini, əksinə polislərin ona qarşı kobud şəkildə davranmasını, onu döydüklərini bildirmişdir. Sonda o, hadisə zamanı yüngül sərxoş olduğunu və əməlindən peşman olduğunu məhkəmənin nəzərinə çatdıraraq onun barəsində yüngül inzibati təhbeh verilməsini məhkəmədən xahiş etmişdir. Məhkəmə iclasında 2-ci PŞ-nin polis mayoru X6 çıxışında bildirmişdir ki, xx.xx.2024-cü il tarixdə Şəxs DİN-nin 102 xidmətinə müraciəti əsasında polis əməkdaşları onun yaşadığı ünvana gedərək Şəxsla Natəvan Hüseynova ilə aralarında münaqişənin olduğunu və Şəxs sonuncunun ünvanına nəlayiq ifadələr işlətməsini görmüşlər. Həmin vaxt polis əməkdaşları sərxoş vəziyyətdə olan Şəxs yaxınlaşaraq şikayətin nə ilə bağlı olmasını soruşmuşlar, o isə cavabında qonşuda kirayədə yaşayan Natəvan Hüseynovanın əxlaqsızlıq etdiyi üçün binadan çıxarılmasını istəmişdir. Daha sonra isə o, qeyri-adekvat hərəkətlərinə davam edərək polisin qanuni tələblərinə qəsdən tabe olmamış və agressiv davranaraq söyüşlər söymüşdür. O, həmçinin R. Rüstəmovun narkoloji dispanserdə müayinədən keçən zaman ona “səni doğrayacam” ifadəsini işlətdiyi və polis şöbəsində də polis əməkdaşlarına qarşı hörmətsizliyə davam etdirərək nəlayiq ifadələr işlətməsini nəzərə çatdırmış və şəxsin inzibati məsuliyyətə cəlb edilməsini məhkəmədən xahiş etmişdir. Məhkəmə iclasında 2-ci PŞ-nin əməliyyat müvəkkili, polis kapitanı Əvəz Mustafayev çıxışında Xəlil Əhmədov ilə eyni məzmunlu ifadə vermiş və onun göstərmiş olduğu xüsusatları tam təsdiq etmişdir. İş materiallarında olan və məhkəmə baxışında tədqiq olunmuş: - xx.xx.2024-cü il tarixli, 3085/2024 saylı “Sərxoşluq hallarının bütün növlərinin təyini məqsədi ilə aparılan tibbi müayinə” protokolundan görünür ki, Şəxs alkoqol sərxoşluq vəziyyəti orta dərəcəli alkoqol sərxoşluğudur. Məhkəmə işdə iştirak edən şəxsləri dinləyib, iş materiallarındakı sübutları tədqiq edərək hesab edir ki, toplanmış sübutlarla Şəxs inzibati xətaları törətməsində təqsiri tam sübuta yetir və onun törətdiyi əməllər Azərbaycan Respublikası İXM-in 510 və 535.1-ci maddələri ilə düzgün tövsif olunmuşdur. Belə ki, İXM-in 510-cu maddəsinə xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Şəxs nalayiq ifadələr işlədərək ictimai qaydanı pozması və polisin qanuni tələblərinə qəsdən tabe olmaması, beləliklə İXM-in 510 və 535.1-ci maddələri ilə nəzərdə tutulmuş inzibati xətaları törətməsi özünün etirafedici izahatı, barəsində tərtib edilmiş protokol və sənədlərlə tam şəkildə sübuta yetirilir. Şəxs eyni vaxtda öz hərəkətləri ilə İXM-in iki müxtəlif maddəsi ilə nəzərdə tutulmuş inzibati xətaları törətdiyindən məhkəmə İXM-in 34.2-ci və 34.3-cü maddələrini hazırkı işin baxılmasında tətbiq edir. İXM-in 34.2 və 34.3-cü maddələrinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlini etiraf etməsini və əməlindən peşmancılığını vəziyyətini yüngülləşdirən hallar hesab edir. Məhkəmə Şəxs vəziyyətini ağırlaşdıran hallar müəyyən etməmişdir. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyətini yüngülləşdirən halların olmasını və ağırlaşdıran halların olmamasını nəzərə alıb, iş üzrə toplanmış sübutları qiymətləndirərək hesab edir ki, Şəxs İXM-in 510 və 535.1-ci maddələrinin sanksiyalarında nəzərdə tutulmuş inzibati həbs növündə inzibati tənbeh tətbiq etməklə inzibati tənbehin məqsədlərinə nail olmaq olar. Bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. İş materiallarına əlavə edilmiş xx.xx.2024-cü il tarixli inzibati qaydada tutma protokolundan məlum olur ki, Şəxs həmin gün saat 00:55-də inzibati qaydada tutulmuşdur. Buna görə də həbsetmənin əvvəli həmin tarixdən hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu və 535.1-ci maddələri ilə nəzərdə tutulmuş inzibati xətanın törədilməsində təqsirli bilinərək 10 (on) gün müddətində inzibati həbs edilsin. İnzibati həbsdə olmanın əvvəli xx.xx.2024-cü il tarixdən saat 00:55-dən hesablansın. Qərarın icrası Gəncə Şəhər Baş Polis İdarəsinin müvəqqəti saxlama yerinə həvalə edilsin. Qərardan təqdim edildiyi gündən 10 gün müddətində Gəncə Şəhər Məhkəməsi vasitəsilə və ya bilavasitə Gəncə Apellyasiya Məhkəməsinə şikayət verilə bilər. Sədrlik edən: Liza xanməmmədova