Gəncə Şəhər Məhkəməsi Qərar — İş №3(125)-3644/2024

Azərbaycan Respublikası adından QƏRAR Gəncə şəhəri İş № 3(125)-3644/2024 20.11.2024 GƏNCƏ ŞƏHƏR MƏHKƏMƏSİ Hakim Əliyev Asif Əmrah oğlunun sədrliyi, İbrahimov İbrahim Yasin oğlunun katibliyi ilə, Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X15 Gəncə Regional İdarəsinin nümayəndəsi, mütəxəssis X1 və barəsində inzibati xəta haqqında protokol tərtib edilmiş hüquqi şəxs Şəxs X16 Cəmiyyətinin direktoru X4 iştirakları ilə, Şəxs ATSC barəsində Azərbaycan Respublikası İnzibati Xətalar Məcəlləsinin (bundan sonra - İXM) 326-cı maddəsi ilə Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X15 Gəncə Regional İdarəsindən daxil olmuş inzibati xəta haqqında protokol üzrə işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X15 Gəncə Regional İdarəsindən Şəxs ATSC barəsində İXM-in 326-cı maddəsi ilə xx.xx.2024-cü il tarixli, MN ******* nömrəli inzibati xəta haqqında protokol tərtib olunaraq baxılması üçün məhkəməyə göndərilmişdir. İnzibati xəta haqqında xx.xx.2024-cü il tarixli, MN ******* nömrəli protokoldan görünür ki, Şəxs ATSC-nin müvəqqəti istismarında olan nəqliyyat vasitələrinin şəhərdaxili marşrut xətləri üzrə sürücülərin reysqabağı tibbi müayinədən keçirilməsinin həyata keçirilməməsi aşkar edilmişdir. Nəticədə Şəxs ATSC tərəfindən Azərbaycan Respublikası İXM-nin 326-cı maddəsi ilə nəzərdə tutulmuş inzibati xətanın törədilməsinə dair protokol tərtib edilmişdir Məhkəmə iclasında inzibati xəta haqqında protokolu tərtib etmiş Azərbaycan Respublikasının Rəqəmsal İnkişaf və Nəqliyyat Nazirliyi tabeliyində “Azərbaycan Yerüstü Nəqliyyat Agentliyi” X15 Gəncə Regional İdarəsinin nümayəndəsi X5 izahatında bildirdi ki, Şəxs ATSC-in müvəqqəti istismarında olan nəqliyyat vasitələrinin şəhərdaxili marşrut xətləri üzrə sürücülərin yoxlama zamanı reysqabağı tibbi müayinədən keçirilməsinin həyata keçirilməməsi aşkar edilmişdir. Nəticədə Şəxs ATSC tərəfindən Azərbaycan Respublikası İXM-nin 326-cı maddəsi ilə nəzərdə tutulmuş inzibati xəta törədilmişdir. Azərbaycan Respublikası Nazirlər Kabinetinin 2009-cu il 24 aprel tarixli, 71 nömrəli Qərarı ilə təsdiq edilmiş “Avtomobil nəqliyyatı ilə sərnişin və yük daşımalarını yerinə yetirən daşıyıcılar tərəfindən mülkiyyət, icarə və ya istifadəsində olan avtonəqliyyat vasitələrinin texniki vəziyyətinin reysqabağı yoxlanılması, sürücülərin reysqabağı tibbi müayinəsinin keçirilməsi Qaydası”nın tələblərinə əməl olunmamış, Azərbaycan Respublikası İnzibati Xətalar Məcəlləsinin 326-cı maddəsinin tərkib əlamətləri yaranmışdır. Qeyd olunanlara əsasən Şəxs ATSC-nin inzibati məsuliyyətə cəlb olunması haqqında qərar qəbul edilməsini xahiş etdi. Məhkəmə iclasında iştirak edən Şəxs ATSC-nin direktoru X9 bildirmişdir ki, xx.xx.2024-cü il tarixdə Şəxs ATSC-də avtobus sürücülərinin bir çoxu Şəmkir Avtovağzalında təşkil olunmuş "xxxx" tibb məntəqəsində tibbi müayinədən keçmiş, digər sürücülər isə Şəxs ATSC-də fəaliyyət göstərən tibb işçisi tərəfindən tibbi müayinədən keçirilmişlər. Həmin gün digər sürücülər "xxxx" tibb məntəqəsində tibbi müayinədən keçməmişdir. Artıq onlar xx.xx.2024-cü il tarixdə "xxxx" MMC ilə sürücülərin reysqabağı tibbi müayinəsini həyata keçirmək ilə bağlı tibbi xidmət müqaviləsi bağlamışlar. Qeyd olunanlara əsasən hüquqi şəxs barəsində ədalətli qərar qəbul edilməsini məhkəmədən xahiş etdi. İş materiallarına əlavə edilmiş: - Azərbaycan Respublikasının Rəqəmsal İnkişaf və Nəqliyyat Nazirliyi tabeliyində Azərbaycan Yerüstü Nəqliyyat X8 İdarəsinin müdiri X6, inspektor X11 və inspektor X7 tərəfindən tərtib edilmiş xx.xx.2024-cü il tarixli aktdan müəyyən edilir ki, xx.xx.2024-cü il tarixində şəhərdaxili sərnişindaşıma fəaliyyəti göstərən avtonəqliyyat vasitələrinə nəzarət məqsədi ilə Gəncə şəhərində aparılan yoxlama zamanı Şəxs ATSC-nin müvəqqəti istismarında olan marşrut xətti üzrə işləyən nəqliyyat vasitələrinin qanunvericiliyə əsasən reysqabağı tibbi müayinədən keçmədən marşrut xəttinə buraxılması aşkar edilmişdir. -19 iyul 2024-cü il tarixdə Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində olan Azərbaycan Yerüstü X2 Regional İdarəsi tərəfindən Şəxs ATSC-yə ünvanlanmış məktubdan görünür ki, onlar tərəfindən Simurq Kompani” ATSC sürücülərin reysqabağı tibbi müayinədən keçirilməsi ilə bağlı xəbərdarlıq edilmiş və bununla bağlı olaraq Gəncə şəhəri “Referans” klinikasında, "xxxx" MMC və “Memorial” hospitalda reysqabağı tibbi müayinənin təşkili Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində Azərbaycan Yerüstü Nəqliyyat X8 İdarəsi tərəfindən təmin olunmuş və göstərilən ünvanlarda yerləşən tibb müəssisələri ilə müqavilə bağlayaraq reysqabağı tibbi müayinənin təşkili üçün göstərilmiş tapşırıqların qısa müddət ərzində İdarəyə təqdim olunması ilə bağlı Şəxs ATSC-yə xəbərdarlıq göndərilmişdir. Əlavə olaraq Şəxs ATSC-in istismarında olan avtobus sayının çoxluğunu nəzərə alaraq avtobus parklarının daxilində reysqabağı tibbi müayinə üçün uyğun yer təşkil edilərək müvafiq icazəsi olan klinikalardan biri ilə qarşılıqlı müqavilə əsasında sürücülərin tibbi müayinəsini təmin etməkləri tövsiyyə olunmuşdur. Əks təqdirdə cərimə olunacaqları ilə bağlı xəbərdarlıq olunmuşdur. -xx.xx.2024-cü il tarixli arayışın surətindən görünür ki, Şəmkir Avtovağzalında təşkil olunmuş "xxxx" tibb məntəqəsində xx.xx.2024-cü il tarixində Şəxs ATSC-nin cəmi 16 sürücüsü (23 nömrə 6 sürücü, 9 nömrə 10 sürücü) tibbi müayinədən keçmişdir. -05 noyabr 2024-cü il tarixli "xxxx" MMC Texniki müayinənin təşkili şöbəsinin Gəncə 9 saylı Regional məntəqəsinin mütəxəssisi Bəxtiyar Kərimli tərəfindən verilmiş arayışın surətindən görünür ki, 03 oktyabr 2024-cü il tarixində Gəncə şəhəri, Heydər Əliyev prospekti 17 ünvanında yerləşən avtobus qarajında Şəxs ASC müntəzəm daşımalarla məşğul olan 44 (qırx dörd) avtonəqliyyat vasitəsi reysqabağı texniki müayinədən keçirilmişdir. Reysqabağı texniki müayinə olunan nəqliyyat vasitələrinin siyahısı Sizə təqdim edilir (surət əlavə olunur). Arayış Azərbaycan Yerüstü X2 Regional İdarəsinə təqdim olunmaq üçün verilir. Məhkəmə iş materiallarını araşdıraraq hesab edir ki, Şəxs ATSC tərəfindən Azərbaycan Respublikası İnzibati Xətalar Məcəlləsinin 326-cı maddəsində nəzərdə tutulmuş inzibati xətanın törədilməsi tam sübuta yetirilir. Buna görə də qurum həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası Prezidentinin 24 aprel 2009-cü il tarixli Fərmanı ilə təsdiq edilmiş “Avtomobil nəqliyyatı ilə sərnişin və yük daşımalarını yerinə yetirən daşıyıcılar tərəfindən mülkiyyət, icarə və istifadəsində olan nəqliyyat vasitələrinin texniki vəziyyətinin reysqabağı yoxlanılması, sürücülərin reysqabağı tibbi müayinəsinin keçirilməsi” Qaydasının 3.3 və 3.4-cü bəndlərinə əsasən sürücülərin reysqabağı tibbi müayinəsi müvafiq tibb müəssisələri tərəfindən qanunvericiliyə uyğun olaraq həyata keçirilir. Azərbaycan Respublikası İnzibati Xətalar Məcəlləsinin 326-cı maddəsi sərnişin və yük daşımalarını yerinə yetirən avtonəqliyyat vasitələrinin texniki vəziyyətinin reysqabağı yoxlanılmasının, həmin avtonəqliyyat vasitələrinin sürücülərinin reysqabağı və digər zəruri tibbi müayinəsinin təşkil edilməməsinə görə məsuliyyət nəzərdə tutur. Azərbaycan Respublikası Nazirlər Kabinetinin 2009-cu il 24 aprel tarixli, 71 nömrəli Qərarı ilə təsdiq edilmiş “Avtomobil nəqliyyatı ilə sərnişin və yük daşımalarını yerinə yetirən daşıyıcılar tərəfindən mülkiyyət, icarə və ya istifadəsində olan avtonəqliyyat vasitələrinin texniki vəziyyətinin reysqabağı yoxlanılması, sürücülərin reysqabağı tibbi müayinəsinin keçirilməsi Qaydası”na əsasən: • Avtomobil nəqliyyatı ilə sərnişin və yük daşımalarını yerinə yetirən daşıyıcılar onların mülkiyyət, icarə və ya istifadəsində olan avtonəqliyyat vasitələrinin texniki vəziyyətinin reysqabağı yoxlanılmasını təmin etməlidirlər (2.2-ci bənd); • Avtonəqliyyat vasitələrinin texniki vəziyyətinin reysqabağı yoxlanılması Azərbaycan Respublikası Rəqəmsal İnkişaf və Nəqliyyat Nazirliyinin təyin etdiyi hüquqi və ya fiziki şəxslər tərəfindən təşkil edilmiş məntəqələrdə qanunvericiliyə uyğun olaraq həyata keçirilir (2.3-cü bənd); • Avtonəqliyyat vasitələrinin texniki vəziyyətinin reysqabağı yoxlanılmasının nəticələrinə əsasən daşıyıcıya və ya avtonəqliyyat vasitələrinin sürücülərinə müayinə məntəqəsinin möhürü ilə təsdiq edilmiş arayış verilir. Arayışın forması Azərbaycan Respublikasının Rəqəmsal İnkişaf və Nəqliyyat Nazirliyi tərəfindən müəyyən edilir (2.8-ci bənd); • Texniki vəziyyətinin reysqabağı yoxlanılması barədə arayış olmadan avtonəqliyyat vasitələri daşımalara buraxılmır (2.10-cu bənd); • Avtomobil nəqliyyatı ilə sərnişin və yük daşımalarını yerinə yetirən daşıyıcılar onların mülkiyyət, icarə və ya istifadəsində olan avtonəqliyyat vasitələrinin sürücülərinin reysqabağı tibbi müayinədən keçmələrini təmin etməlidirlər (3.2-ci bənd); • Sürücülərin reysqabağı tibbi müayinəsinin nəticələrinin qeydiyyatı forması Azərbaycan Respublikasının Səhiyyə Nazirliyi tərəfindən müəyyən edilən Sürücülərin reysqabağı tibbi müayinə jurnalı”nda aparılır (3.8-ci bənd); • Sağlamlıq vəziyyəti tibbi tələblərə uyğun olmayan sürücülər nəqliyyat vasitəsinin idarə edilməsinə buraxılmırlar (3.10-cu bənd). Məhkəmə araşdırması zamanı Şəxs ATSC tərəfindən sürücülərin reysqabağı tibbi müayinəsinin müvafiq icra hakimiyyəti orqanı tərəfindən müəyyən edilmiş qaydada təşkil edilməməsi öz təsdiqini tapmış və bununla da Şəxs ATSC tərəfindən İXM-in 326-cı maddəsi ilə nəzərdə tutulmuş inzibati xətanın törədilməsi tam şəkildə sübuta yetirilmişdir. İnzibati xətaya görə məsuliyyəti istisna edən və icraatı rədd edən hallar yoxdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur, Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 84-cü maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs ATSC-nin məsuliyyətini yüngülləşdirən və ya ağırlaşdıran hallar müəyyən edilmədi. Həmin Məcəllənin 18.5-ci maddəsinə əsasən, bu Məcəllənin 127-4.5-ci maddəsində nəzərdə tutulmuş hal istisna olmaqla, hüquqi şəxs barəsində inzibati tənbeh yalnız hakim tərəfindən tətbiq edilir. Məhkəmə qanunvericiliyin yuxarıda qeyd olunan maddələrini, işin hallarını, inzibati xətanın xarakterini və hüquqi şəxsi xarakterizə edən halları, o cümlədən İXM-in 31.3-cü maddəsi ilə nəzərdə tutulmuş digər halları nəzərə alaraq hesab edir ki, hüquqi şəxsə təqsirli bilindiyi maddənin sanksiyasında nəzərdə tutulmuş inzibati cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 18.5, 40, 43, 48-50, 114-115 və 128-130-cu maddələrini rəhbər tutaraq, məhkəmə QƏRARA ALDİ: Şəxs ATSC (VÖEN **********, hüquqi şəxsin ünvanı – ünvan 4 Məcəlləsinin 326-cı maddəsində nəzərdə tutulmuş əməli törətməkdə təqsirli bilinərək 2000 (iki min) manat məbləğində inzibati cərimə edilsin Qərardan rəsmi qaydada verildiyi vaxtdan 10 (on) gün müddətində Gəncə Şəhər Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Sədrlik edən hakim: Asif Əliyev