Gəncə Şəhər Məhkəməsi Qərar — İş №3(125)-3851/2024

Azərbaycan Respublikası adından QƏRAR Gəncə şəhəri İş № 3(125)-3851/2024 05.11.2024 GƏNCƏ ŞƏHƏR MƏHKƏMƏSİ Hakim Əlizadə Elxan Novruz oğlunun sədrliyi, Cəfərova Firəngiz Elçin qızının katibliyi ilə, “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının nümayəndəsi X1 iştirakı ilə, “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının (VÖEN: **********) Azərbaycan Respublikası İnzibati Xətalar Məcəlləsinin 485.2-ci maddəsi ilə inzibati məsuliyyətə cəlb edilməsinə dair Azərbaycan Respublikası Dövlət Gömrük Komitəsi Gəncə Gömrük İdarəsindən daxil olmuş inzibati xəta haqqında materiala açıq məhkəmə iclasında baxaraq, müəyyənetdi: “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının Azərbaycan Respublikası İnzibati Xətalar Məcəlləsinin 485.2-ci maddəsi ilə inzibati məsuliyyətə cəlb edilməsinə dair Gəncə Gömrük İdarəsində 00900-00518/24 nömrəli xx.xx.2024-cü il tarixli inzibati xəta haqqında protokol tərtib edilərək, baxılması üçün material ilə birlikdə Gəncə Şəhər Məhkəməsinə göndərilmişdir. İnzibati xəta haqqında həmin protokoldan görünür ki, Gəncə Gömrük İdarəsindən daxil olmuş xx.xx.2024-cü il tarixli 3-33-1600/012/003328 nömrəli raportunun araşdırılması zamanı müəyyən edilmişdir ki, xx.xx.2024-cü il tarixdə “Qırmızı körpü” gömrük postundan keçməklə Azərbaycan Respublikası, ünvan 1 ünvanında qeydiyyatda olan “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının adına Türkiyə Respublikasından idxal olunan və 34HVV291 nömrə nişanlı nəqliyyat vasitəsi ilə daşınan “Paletli Ekskavatorun hissələri, şpon çiviləri və sancaqlar”, “Kobusvari qırıcıda hissələrin bir-birinə sürtünüb aşımasını önləyən dolğu”, “Tunelmak” betonpüskürtmə texnikasının hissələri və “Qaya dəlici üçün rezindən ötürücü qayşılar” yüklərinə Azərbaycan Respublikası Gömrük Məcəlləsinin 113.1-ci maddəsinin tələblərinə əsasən mallar ölkə ərazisinə daxil olmamışdan öncə elektron qaydada qısa idxal bəyannaməsi təqdim olunmalı olduğu halda yuxarıda qeyd olunan MMC tərəfindən bu təmin olunmamış və bununlada gömrük qanunvericiliyinin tələbləri pozulmuşdur. Məhkəmə iclasında “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının nümayəndəsi X2 izahatında belə bir halın ilk dəfə baş verdiyini, baş verməsinə səbəbin isə yükün daxil olmazdan əvvəl onlara məlumat verilməməsini göstərmişdir. Qanunvericiliyə uyğun qərar qəbul edilməsini xahiş etmişdir. Məhkəmə iclasınınvaxtı və yeri barədə qanunla nəzərdə tutulmuş qaydada məlumat verilməsinə baxmayaraq, Dövlət Gömrük Komitəsinin Gəncə Gömrük İdarəsinin nümayəndəsi məhkəmə iclasına gəlmədiyindən və işə baxılmasını təxirə salmaq haqqında vəsatət daxil olmadığından, məhkəmə səlahiyyətli orqanın nümayəndəsinin iştirakı olmadan inzibati xəta haqqında işə baxılmasını mümkün hesab etmişdir. İş materiallarında olan **********0160 saylı xx.xx.2024-cü il tarixli, **********0264 saylı xx.xx.2024-cü il tarixli, **********0275 saylı xx.xx.2024-cü il tarixli, **********0307 saylı xx.xx.2024-cü il tarixli gömrük bəyənnamələrindən görünür ki, xx.xx.2024-cü il tarixdə “Qırmızı körpü” gömrük postundan keçməklə Azərbaycan Respublikası, ünvan 1 ünvanında qeydiyyatda olan “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının adına Türkiyə Respublikasından idxal olunan və 34HVV291 nömrə nişanlı nəqliyyat vasitəsi ilə daşınan “Paletli Ekskavatorun hissələri, şpon çiviləri və sancaqlar”, “Kobusvari qırıcıda hissələrin bir-birinə sürtünüb aşımasını önləyən dolğu”, “Tunelmak” betonpüskürtmə texnikasının hissələri və “Qaya dəlici üçün rezindən ötürücü qayşılar” yükləri Azərbaycan Respublikasının gömrük ərazisinə gətirilərək Gəncə Gömrük İdarəsində bəyan edilmişdir. Azərbaycan Respublikası Gömrük Məcəlləsinin 113.1-ci maddəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməçinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Barəsində inzibati xəta haqqında icraat aparılan hüquqi şəxsin nümayəndəsi verdiyi izahatında elektron qaydada qısa idxal bəyannaməsinin verilməməsinin səbəbi daşıyıcı şirkətin yükə dair məlumatları vaxtında MMC-yə məlumat verməməsi səbəbindən baş verdiyini və tətbiq olunacaq cərimənin vaxtında ödənilməsinə hazır olduqlarını qeyd etmişdir. Azərbaycan Respublikası İnzibati Xətalar Məcəlləsinin 485.2-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. Həmin Məcəllənin 18.1-ci maddəsinə əsasən hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. “DKT İnşaat Sanayi və Ticaret Anonim Şirketi”nin Azərbaycan Respublikasındakı filialının nümayəndəsi X2 məhkəmə zamanı izahatında qısa idxal bəyannaməsinin verilməməsinin səbəbi kimi yükü onların məlumatı olmadan keçirmələri göstərilsə də bu hal “DKT İnşaat Sanayi və Ticaret Anonim Şirketi”nin Azərbaycan Respublikasındakı filialı tərəfindən qısa idxal bəyannaməsinin verilməmə əsası kimi qiymətləndirilə bilməz. Məhkəmə iclasında tədqiq edilmiş inzibati xəta haqqında protokol, inzibati materialda olan digər sənədlərlə sübuta yetirilmişdir ki, barəsində inzibati xəta haqqında icraat aparılan “DKT İnşaat Sanayi və Ticaret Anonim Şirketi”nin Azərbaycan Respublikasındakı filialı tərəfindən onun ünvanına gələn yük gömrük ərazisinə gətirilməzdən əvvəl elektron qaydada qısa idxal bəyannaməsi gömrük orqanına təqdim olunmamışdır. Bununla da “DKT İnşaat Sanayi və Ticaret Anonim Şirketi”nin Azərbaycan Respublikasındakı filialı Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xətanı törətmişdir. İXM-in 485.2-ci maddəsinin sanksiyasında inzibati tənbeh kimi konkret məbləğ müəyyən edilərək inzibati cərimə nəzərdə tutulmuşdur. Məhkəmə, iş üzrə toplanmış sübutları qiymətləndirərək hesab edir ki, “DKT İnşaat Sanayi və Ticaret Anonim Şirketi”nin Azərbaycan Respublikasındakı filialı Azərbaycan Respublikası İnzibati Xətalar Məcəlləsinin 485.2-ci maddəsi ilə nəzərdə tutulan inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulan həddə cərimə növündə inzibati tənbeh tətbiq edilməlidir. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə qəraraaldı: “DKT İnşaat Sanayi və Ticaret Anonim Şirketi”nin Azərbaycan Respublikasındakı filialı Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xətanı törətməkdə təqsirli bilinərək, 1.500 (min beş yüz) manat cərimə edilsin. Qərardan rəsmi qaydada verildiyi vaxtdan 10 gün müddətində Gəncə Şəhər Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Hakim: Elxan Əlizadə