Gəncə Şəhər Məhkəməsi Qərar — İş №3(125)-55/2024

Azərbaycan Respublikası adından QƏRAR Gəncə şəhəri İş № 3(125)-55/2024 18.01.2024 GƏNCƏ ŞƏHƏR MƏHKƏMƏSİ Hakim Əliyev Asif Əmrah oğlunun sədrliyi, Süleymanlı Süleyman Rəşid oğlunun katibliyi, protokolu tərtib etmiş şəxs Gəncə şəhər BPİ-nin 1-ci Polis Şöbəsinin polis sahə rəisi, polis mayoru X1 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1994-cü il tarixdə Samux rayonunda doğulmuş, subay, orta təhsilli, işləməyən, Samux rayonu, Ağasıbəyli kəndində qeydiyyatda olan və ünvan 1 ünvanında yaşayan Şəxs Azərbaycan Respublikasının İnzibati Xətalar Məcəlləsinin 442-ci maddəsi ilə nəzərdə tutulmuş inzibati xətanı törətməsi barədə Gəncə şəhər Baş Polis İdarəsinin 1-ci Polis Şöbəsindən daxil olmuş inzibati xəta haqqında protokol üzrə işə məhkəmənin binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Şəxs xx.xx.2023-cü il tarixdə Gəncə şəhəri Nizami küçəsində satışı qadağan olunan pirotexniki vasitələrin satışı ilə məşğul olmuşdur. Bununla da o, İXM-nin 442-ci maddəsində nəzərdə tutulmuş inzibati xətanı törətmişdir. Onun barəsində Gəncə şəhər Baş Polis İdarəsinin 1-ci Polis Şöbəsinin polis sahə rəisi, polis mayoru X2 tərəfindən MN ******* nömrəli, xx.xx.2023-cü il tarixli inzibati xəta haqqında protokol tərtib edilmişdir. Məhkəmə iclasında iştirak edən Gəncə şəhər BPİ-nin 1-ci Polis Şöbəsinin polis sahə rəisi, polis mayoru X2 izahatında göstərdi ki, Şəxs xx.xx.2023-cü il tarixdə Gəncə şəhəri Nizami küçəsində satışı qadağan olunan pirotexniki vasitələrin satışı ilə məşğul olmuşdur. Bununla da o, İXM-in 442-ci maddəsində nəzərdə tutulan inzibati xətanı törətmiş və onun barəsində inzibati tənbeh tətbiq edilməsini məhkəmədən xahiş etdi. Barəsində inzibati xəta haqqında iş üzrə icraat aparılan şəxs Şəxs məhkəməyə verdiyi izahatında inzibati xəta törətməsini səmimi etiraf edərək bildirdi ki, inzibati xəta haqqında protokolda qeyd edilmiş əməl onun tərəfindən törədilmişdir. Hazırda əməlindən peşmandır və bir daha belə pozuntulara yol verməyəcəkdir. Buna görə də barəsində yüngül inzibati tənbeh tədbiri tətbiq edilməsini məhkəmədən xahiş etdi. İş materiallarına əlavə edilmiş 26 dekabr 2023-cü il tarixli aktdan görünür ki, Şəxs 10 ədəd böyük fişəng, 23 ədəd kiçik fişəng, 15 qutu – 900 ədəd petards markalı, 2 qutu - 100 ədəd football salute markalı, 2 qutu – 50 ədəd kopocap 4 markalı, 3 qutu – 53 ədəd black widow markalı, 3 qutu – 60 ədəd P 750 markalı, 2 qutu – 60 ədəd EK 4 markalı, 3 qutu – 60 ədəd P 500 markalı, 1 qutu – 20 ədəd zenga markalı, 2 qutu – 72 ədəd silver cracker markalı, 2 qutu 40 ədəd explosive markalı, 2 qutu 40 ədəd explosive p 20 markalı, 2 qutu – 40 ədəd big triangle cracker markalı, 2 qutu – 40 ədəd mini triangle markalı, 1 qutu – 10 ədəd cround bloom flower markalı, 2 qutu – 50 ədəd bracker 20 PCS markalı pirotexniki vasitələr aşkar edilərək götürülmüşdür. Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında Azərbaycan Respublikasının Qanunu ilə (9-cu bənd) partlayıcı maddələr və qurğular, tez alışan maddələr və pirotexniki məmulatlar Azərbaycan Respublikasının Mülki Məcəlləsinə uyğun olaraq mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların sırasına aid edilmişdir. Azərbaycan Respublikasının İnzibati Xətalar Məcəlləsinin 442-ci maddəsinə əsasən istehsalı və ya satılması qadağan olunmuş malların istehsalına və ya satılmasına, yaxud qadağan olunmuş işlərin (xidmətlərin) yerinə yetirilməsinə (göstərilməsinə) görə inzibati xətanın bilavasitə obyekti olmuş mallar müsadirə edilməklə, fiziki şəxslər üç yüz əlli manatdan beş yüz manatadək məbləğdə, vəzifəli şəxslər min altı yüz əlli manatdan iki min iki yüz manatadək məbləğdə, hüquqi şəxslər dörd min manatdan beş min manatadək məbləğdə cərimə edilir. Məhkəmə baxışında müəyyən edilmişdir ki, Şəxs tərəfindən xx.xx.2023-cü il tarixdə Gəncə şəhəri Nizami küçəsində tez alışan pirotexniki vasitələrin qeyri-qanuni olaraq satışının həyata keçirilməsi aşkar edilmişdir. Onun barəsində Azərbaycan Respublikasının İnzibati Xətalar Məcəlləsinin 442-ci maddəsi ilə nəzərdə tutulmuş inzibati xətanı törətməsinə dair protokol tərtib edilmiş, protokolda Şəxs qeyd olunan inzibati xətanı törətdiyini etiraf etmişdir. Eyni zamanda aşkar olunmuş pirotexniki vasitələr onun iştirakı ilə akt tərtib olunaraq götürülmüşdür. Azərbaycan Respublikasının İnzibati Xətalar Məcəlləsinin 26.1 və 26.2-ci maddələrinə əsasən inzibati xəta törətmiş şəxsin xüsusi mülkiyyətində olan, inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi bu Məcəllənin Xüsusi hissəsində nəzərdə tutulmuş hallarda həmin predmetin məcburi qaydada və ödənişsiz dövlətin mülkiyyətinə keçməsindən ibarətdir. İnzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi yalnız hakim tərəfindən tətbiq edilir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan şəxs Şəxs əməlindən peşman olmasını məsuliyyətini yüngülləşdirən hal kimi nəzərə alır və onun məsuliyyətini ağırlaşdıran hal müəyyən edilməmişdir. Məhkəmə toplanmış və məhkəmə baxışında tədqiq edilmiş sübutları araşdırıb, onlara məcmu halda hüquqi qiymət verərək hesab edir ki, barəsində inzibati xəta haqqında iş üzrə icraat aparılan Şəxs Azərbaycan Respublikasının İXM-in 442-ci maddəsində nəzərdə tutulan inzibati xətanı törətməsi onun etirafı ilə yanaşı iş materialları ilə tam sübuta yetirilmişdir. Məhkəmə baxışı zamanı inzibati məsuliyyəti və inzibati tənbehin tətbiq edilməsini istisna edən hallar müəyyən edilməmişdir. Məhkəmə hesab edir ki, Şəxs əməli düzgün olaraq Azərbaycan Respublikasının İXM-in 442-ci maddəsi ilə tövsif edilmişdir və o, həmin maddə ilə təqsirli bilinib inzibati tənbeh edilməlidir. Məhkəmə yuxarıda göstərilənlərə əsasən və Azərbaycan Respublikasının İXM-in 40, 43, 48-51, 114, 115 128-130-cu maddələrini rəhbər tutaraq, QƏRARA A L D İ: Şəxs Azərbaycan Respublikasının İnzibati Xətalar Məcəlləsinin 442-ci maddəsi ilə nəzərdə tutulmuş inzibati xətanı törətməkdə təqsirli bilinərək, 350 (üç yüz əlli) manat məbləğində inzibati cərimə edilsin. Şəxs mülkiyyətində olan, hazırda məhkəmənin inzibati binasında saxlanılan, inzibati xətanın bilavasitə obyekti olmuş 10 ədəd böyük fişəng, 23 ədəd kiçik fişəng, 15 qutu – 900 ədəd petards markalı, 2 qutu - 100 ədəd football salute markalı, 2 qutu – 50 ədəd kopocap 4 markalı, 3 qutu – 53 ədəd black widow markalı, 3 qutu – 60 ədəd P 750 markalı, 2 qutu – 60 ədəd EK 4 markalı, 3 qutu – 60 ədəd P 500 markalı, 1 qutu – 20 ədəd zenga markalı, 2 qutu – 72 ədəd silver cracker markalı, 2 qutu 40 ədəd explosive markalı, 2 qutu 40 ədəd explosive p 20 markalı, 2 qutu – 40 ədəd big triangle cracker markalı, 2 qutu – 40 ədəd mini triangle markalı, 1 qutu – 10 ədəd cround bloom flower markalı, 2 qutu – 50 ədəd bracker 20 PCS markalı pirotexniki vasitələr müsadirə olunsun. Qərarın icrası Gəncə şəhəri üzrə İcra İdarəsinə həvalə olunsun. Qərardan rəsmi qaydada verildiyi vaxtdan 10 (on) gün müddətində Gəncə Şəhər Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Sədrlik edən: Asif Əliyev