Gəncə Şəhər Məhkəməsi Qərar — İş №3(125)-753/2023

Azərbaycan Respublikası adından QƏRAR Gəncə şəhəri İş № 3(125)-753/2023 05.04.2023 GƏNCƏ ŞƏHƏR MƏHKƏMƏSİ Hakim Əlizadə Elxan Novruz oğlunun sədrliyi, Cəfərova Firəngiz Elçin qızının katibliyi, Gəncə şəhər Baş Polis İdarəsinin 4-cü Polis Bölməsinin, polis sahə rəisi X1, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1987-ci il tarixdə Daşkəsən rayonunun, Gülbulaq Kəndində doğulmuş, Azərbaycan Respublikasının vətəndaşı, orta təhsilli, evli, işsiz, Gəncə şəhəri, Cavadxan qəsəbəsində fərdi tikili, nömrəsiz evdə yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati məsuliyyətə cəlb edilməsinə dair Gəncə şəhər Baş Polis İdarəsinin 4-cü Polis Bölməsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati məsuliyyətə cəlb edilməsi ilə bağlı Gəncə şəhər BPİ-nin 4-cü Polis Bölməsində tərtib olunmuş material baxılması üçün 05 aprel 2023-ci il tarixdə Gəncə Şəhər Məhkəməsinə göndərilmişdir. Materiala əlavə edilmiş Gəncə şəhər Baş Polis İdarəsinin 4-cü Polis Bölməsinin, polis sahə rəisi X2 tərəfindən tərtib olunmuş 05 aprel 2023-ci il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs 05.04.23 –cü il tarixdə 4-cü PB-nin əməliyyat qrupunda olan polis əməkdaşlarının qanuni tələblərinə tabe olmamışdır. Beləliklə də, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş şəxs X2 izahatında göstərdi ki, Şəxs polis əməkdaşlarının qanuni tələblərinə qəsdən tabe olmaması barədə raportla E.Daşdiyevin müraciəti əsasında araşdırma aparılmışdır. Araşdırılma zamanı müəyyən edilmişdir ki, Şəxs yaratdığı ailədaxili münaqişə ilə bağlı 102 xidmətinə zəng edilmiş, həmin zəng əsasında polis əməkdaşları ünvana getmiş və X4 nizam intizama dəvət etmişlər, lakin Şəxs buna məhəl qoymayaraq polisin qanuni tələblərinə tabe olmamışdır. Buna görə də, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati xəta haqqında protokol tərtib edilmişdir. Məhkəmə iclasında barəsində inzibati xəta haqqında icraat aparılan şəxs Şəxs özünü təqsirli bilərək izahatında göstərdi ki, sərxoş vəziyyətdə yaşadığı evə gəlmiş, bacısı Naibə evə gec gəldiyi üçün ona irad bildirdikdə aralarında mübahisə yaranmış, evdə yıxılaraq evin qapısına dəymiş və qapıda olan şüşə qiriları əlini kəsmişdir. Ailə üzvüləri polisə müraciət etmiş, polis əməkdaşları hadisə yerinə gələrək onu polis bölməsinə aparmaq istədikdə getməkdən imtina etmiş, polisin tələblərinə tabe olmamışdır.Etdiyi əməldən səmimi peşmandır. Bir daha belə hallara yol verməyəcək. Himayəsində azyaşlı uşaqlarının olmasını nəzərə alaraq bağışlanmasını xahiş etdi. İş materiallarında olan xx.xx.2023-cü il tarixli İnzibati qaydada tutma haqqında protokoldan görünür ki, Şəxs xx.xx.2023-cü il tarixdə saat 02:00-da tutulmuş, xx.xx.2023-cü il tarixdə saat 16:00-da azad edilmişdir . İş materiallarında olan raportdan görünür ki, Gəncə şəhər Baş Polis İdarəsinin 4-cü Polis Bölməsinin YYÇ i.ü inspektoru polis kapitanı E.Daşdiyev raportla müraciə edərək bildirmişdir ki, vətandaş X3 102-xidmətinə zəng edərək bıçaqlanma hadisəsi olduğunu bildirmişdir. Həmin ünvana yollandıqda bıçaqlanma hadisəsi olmadığını sadəcə ailədaxili münaqişə olduğunu, vətəndaş Şəxs zahiri görnüşündən sərxoş olduğu müəyyənləşdikdən sonra həmin şəxsə özlərini təqdim edib onu nizam intizama dəvət etmişlər. lakin Şəxs buna məhəl qoymayaraq polisin qanuni tələblərinə tabe olmamışdır. İş materiallarında olan Sərxoşluq hallarının bütün növlərinin təyini məqsədi ilə aparılan tibbi müayinə 742/2023 saylı xx.xx.2023-cü il tarixli protkoldan görünür ki, Şəxs orta dərəcəli sərxoşdur. Beləliklə, məhkəmə hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanın törədilməsi özünün etiradedici izahatı ilə yanaşı, inzibati xəta haqqında protokol və işin digər materialları ilə tam sübuta yetirilir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İXM-in 31.4-1-ci maddəsinə inzibati qaydada tutulmuş şəxs barəsində inzibati həbs istisna olmaqla, tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Beləliklə, məhkəmə törədilmiş inzibati xətanın xarakterini, inzibati xəta törətmiş şəxsin şəxsiyyətini, məsuliyyəti yüngülləşdirən hal kimi əməlindən səmimi peşmançılığını, himayəsində iki azyaşlı övladının olmasını məsuliyyəti ağırlaşdıran hal kimi inzibati xətanı sərxoş vəziyyətdə törətməsini nəzərə alıb hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının hədləri daxilində inzibati cərimə növündə tənbeh tətbiq edilməlidir. Şərh olunanlara əsaslanaraq və Azərbaycan Respublikası İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək, barəsində həmin Məcəllənin 31.4-1-ci maddəsinin tələbləri nəzərə alınmaqla 150 (yüz əlli) manat miqdarında cərimə tənbehi tətbiq edilsin. Qərardan rəsmi qaydada verildiyi vaxtdan 10 gün müddətində Gəncə Şəhər Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Hakim: Elxan Əlizadə