Gəncə Şəhər Məhkəməsi Qərardad — İş №3(125)-942/2023

Azərbaycan Respublikası adından QƏRARDAD Gəncə şəhəri İş № 3(125)-942/2023 11.05.2023 GƏNCƏ ŞƏHƏR MƏHKƏMƏSİ Hakim Əlizadə Elxan Novruz oğlu, X1 barəsində tərtib edilmiş barəsində tərtib edilmiş 05 may 2023-cü il tarixli TP ******* inzibati xəta haqqında qərardan verdiyi şikayət üzrə işin baxılmağa hazırlanması zamanı materialı nəzərdən keçirərək, müəyyənetdi: X2 şikayət ərizəsi ilə Gəncə Şəhər Məhkəməsinə müraciət edərək, onun barəsində tərtib edilmiş 05 may 2023-cü il tarixli TP ******* inzibati xəta haqqında qərarın ləğv edilməsi barədə qərar qəbul edilməsini xahiş etmişdir. X2 şikayətini onunla əsaslandırmışdır ki, Bakı Qazax yolunun 99-cu kilometrində yerləşən Yol Patrul Xİdməti postunda Yol Patru Xİdməti İnspektoru polis baş serjantı X3 tərəfindən saxlanılmışdır. Polis əməkdaşı dayandırlmasının səbəbini bildirmədən sənədləri tələb etmiş, o isə sənədləri təqdim etmişdir. Sənədlərə baxış zamanı polis əməkdaşı təqdim etdiyi etibarnamə ilə nəqliyyat vasitəsindən istifadə hüququnun olmadığını bildirərək ona 40 manat cərimə yazmışdır. Bildirir ki, onun Gəncə şəhəri 5 saylı notariat ofisində təsdiq edilmiş etibarnaməsi var və həmin etibarnamədə həmin nəqliyyat vasitəsini idarə etmə səlahiyyəti də ona verilmidir. Ona görə də barəsində tərtib edilmiş 05 may 2023-cü il tarixli TP ******* inzibati xəta haqqında qərarın ləğv edilməsini xahiş etmişdir. Məhkəmə, şikayəti nəzərdən keçirərək hesab edir ki, şikayət baxılmadan geri qaytarılmalıdır. Belə ki, məhkəmə qeyd edir ki, X2 tərəfindən mübahisələndirilən inzibati xəta hadisəsi Bakı Qazax yolunun 99-cu kilometrində baş verdiyindən, həmin inzibati xəta hadisəsi üzrə qəbul edilmiş qərardan şikayət həmin yer üzrə müvafiq məhkəməyə verilməlidir. İş Belə ki, Azərbaycan Respublikası İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Konstitusiya Məhkəməsi Plenumunun 4 noyabr 2020-ci il tarixli qərarında göstərilmişdir ki, Azərbaycan Respublikası İnzibati Xətalar Məcəlləsinin 129.1.3cü maddəsində müəyyən edilmiş məhkəmə aidiyyəti qaydasının təkmilləşdirilməsi Azərbaycan Respublikasının Milli Məclisinə tövsiyə edilsin. Qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Konstitusiya Məhkəməsi Plenumunun həmin qərarındakı mövqeyə əsasən səlahiyyətli orqanın inzibati xəta haqqında qərarından şikayətə bir qayda olaraq inzibati xətanın törədildiyi yerin məhkəməsində baxılmalıdır. Yalnız barəsində icraat aparımış şəxsin vəsatəti olduqda, həmin şikayətə onun yaşadığı yer üzrə baxıla bilər. Hazırkı halda isə X1 bu barədə vəsatəti mövcud deyildir. Azərbaycan Respublikası İXM-in 106-cı maddəsinə əsasən hakim inzibati xəta haqqında işin baxılmağa hazırlanması zamanı işin baxılmasının onun səlahiyyətinə aid olub-olmamasını (maddə 106.0.1), inzibati xəta haqqında protokol və işin digər materiallarının İXM-in tələblərinə müvafiq olaraq tərtib edilib-edilmədiyini (maddə 106.0.3), işin icraatını rədd edən hallar mövcud olub-olmadığını (maddə 106.0.4), mahiyyəti üzrə baxılması üçün işdə kifayət qədər sübutlar toplanıb-toplanılmamasını (maddə 106.0.5) həll etməlidir. Həmin Məcəllənin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. İŞ materiallarında əlavə edilən sənədlərdə Bakı-Qazax yolunun 99-cu kilometrinin hansı rayonun ərazisinə düşdüyü müəyyən edilmədiyindən 05 may 2023-cü il tarixli TP ******* inzibati xəta haqqında qərardan verdiyi şikayət şikayət verən şəxsə qaytarılmalı və ona aidiyyatı üzrə müraciət etmə hüququ izah edilməlidir. Qeyd olunanları nəzərə alaraq və İnzibati Xətalar Məcəlləsinin 40, 100 və 109-cu maddələrini rəhbər tutaraq, məhkəmə qəraraaldı: X1 barəsində tərtib edilmiş 05 may 2023-cü il tarixli TP ******* inzibati xəta haqqında qərardan verdiyi şikayət ona əlavə edilmiş sənədlərlə birlikdə geri qaytarılsın. Qərardaddan şikayət verilə bilməz. Hakim: Elxan Əlizadə