Şəki Apellyasiya Məhkəməsi Qərar — İş №3(3-10)-391/2026

Azərbaycan Respublikası adından Qərar Şəki şəhəri İş № 3(3-10)-391/2026 17.07.2026 ŞƏKI APELLYASIYA MƏHKƏMƏSI Şəki Apellyasiya Məhkəməsinin Cinayət Kollegiyasının hakimi Əsgərov Anar Əlifağa oğlunun sədrliyi, Mabudov Faiq Ələşrəf oğlunun katibliyi ilə, Zərdab Rayon Məhkəməsinin ## #### 2026-cı il tarixli, *(*-***)-***/**** nömrəli qərarından barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs tərəfindən verilmiş apellyasiya şikayətinə açıq məhkəmə iclasında baxaraq, məhkəmə müəyyən etdi: Zərdab Rayon Məhkəməsinin ## #### 2026-cı il tarixli, *(*-***)-***/**** saylı qərarı ilə (sədrlik edən hakim C.Abbasov) barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs Azərbaycan Respublikası Inzibati Xətalar Məcəlləsinin (bundan sonra mətndə - IXM) 157-ci maddəsi ilə təqsirli bilinib, 300 (üç yüz) manat məbləğində inzibati qaydada cərimə edilmişdir. Işin halları: Protokolu tərtib edən orqan daxil olmuş ##.##.2026-cı il tarixli, MN seriyalı, ******* saylı inzibati xəta haqqında protokoldan və əlavə edilmiş materiallardan görünür ki, ## ### 2026-cı il tarixdə Barəsində inzibati xəta haqqında icraat aparılan şəxs yaşadığı Zərdab rayonu, Çallı kəndi ərazisində yerləşən otlaq sahədə həmkəndlisi Zərərçəkmiş şəxs döymüşdür. Nəticədə, Barəsində inzibati xəta haqqında icraat aparılan şəxs IXM-in 157-ci maddəsində nəzərdə tutulmuş inzibati xətanı törətmişdir. Birinci instansiya məhkəməsinin məhkəmə iclası zamanı Protokolu tərtib edən orqan ITB-nin rəisi X2 izahatında göstərmişdir ki, ## ### 2026-cı il tarixdə Zərdab rayonu, Çallı kənd sakini Zərərçəkmiş şəxs Zərdab RPŞ-yə ərizə ilə müraciət edərək yaşadığı kəndin ərazisind yerləşən çöl torpaq sahəsində həmkəndliləri Barəsində inzibati xəta haqqında icraat aparılan şəxs və Barəsində inzibati xəta haqqında icraat aparılan şəxs ilə aralarında baş vermiş mübahisə və dava-dalaş zamanı Barəsində inzibati xəta haqqında icraat aparılan şəxs və Sadiq Azər oğlunun müraciəti əsasında Protokolu tərtib edən orqan Təhqiqat Qrupunda araşdırma aparılmış, müvafiq ekspertiza təyin edilmiş və ekspertiza nəticəsində Zərərçəkmiş şəxs bədəni üzərində dərəcəsi müəyyən edilməyən, sağlamlığa zərər vurmayan xəsarət olduğu müəyyən edilmişdir. Təhqiqat qrupu tərəfindən “Cinayət işinin başlanmasının rədd edilməsi” haqqında qərar qəbul edilərək müvafiq material şəxslərin barəsində inzibati tədbir görülməsi üçün aidiyyatı üzrə Zərdab RPŞ-nin ITB-nə göndərilmişdir. Ona görə də ## #### 2026-cı il tarixdə Barəsində inzibati xəta haqqında icraat aparılan şəxs barəsində IXM-in 157-ci maddəsi ilə inzibati xəta haqqında protokol tərtib edilərək baxılması üçün məhkəməyə təqdim edilmişdir. Məhkəmədən protokolun təmin olunmasını xahiş edir. Birinci instansiya məhkəməsinin məhkəmə iclası zamanı barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs izahat verərək göstərmişdir ki, özünü təqsirli bilmir, Zərdab rayonu, Çallı kəndində qeydiyyatda olmaqla həmin ünvanda ailə üzvləri ilə birlikdə yaşayır. ## ### 2026-cı il tarixdə yaşadığı Çallı kəndi ərazisində Sadiq Kərimovla birlikdə nobatda olmuş və bu zaman Zərərçəkmiş şəxs ona mobil telefon vasitəsilə zəng edərək harda olduğunu soruşmuş, o da cavabında örüşdə heyvan otardığını demişdir. Bir müddət sonra Saxladər onun olduğu yerə gəlmiş, gəlib çatan kimi başında olan papağını əli ilə vurub onun yaxasından tutaraq “mən sənin qabağından qaçan deyiləm” demişdir. O da Saxladərin yaxasından tutmuş və həmin an Sadiq Kərimov müdaxilə edərək onları ayırmışdır. Bu zaman Saxladər əynində olan köynəyin yaxasını öz əli ilə dartıb cırmışdır. O, Zərərçəkmiş şəxs vurmamış və heç bir xəsarət yetirməmişdir. Göstərilənlərin nəzərə alınmasını məhkəmədən xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs özünü təqsirli bilməyərək, izahatında bildirmişdir ki, Zərdab rayonu, Çallı kəndində qeydiyyatda olmaqla həmin ünvanda ailə üzvləri ilə birlikdə yaşayır. ## ### 2026-cı il tarixdə yaşadığı Çallı kəndi ərazisində Sadiq Kərimovla birlikdə nobatda olmuş və bu zaman Zərərçəkmiş şəxs ona mobil telefon vasitəsilə zəng edərək harda olduğunu soruşmuş, o da cavabında örüşdə heyvan otardığını demişdir. Bir müddət sonra Saxladər onun olduğu yerə gəlmiş, gəlib çatan kimi başında olan papağını əli ilə vurub onun yaxasından tutaraq “mən sənin qabağından qaçan deyiləm” demişdir. O da Saxladərin yaxasından tutmuş və həmin an Sadiq Kərimov müdaxilə edərək onları ayırmışdır. Bu zaman Saxladər əynində olan köynəyin yaxasını öz əli ilə dartıb cırmışdır. O, Zərərçəkmiş şəxs vurmamış və heç bir xəsarət yetirməmişdir. Göstərilənlərin nəzərə alınmasını məhkəmədən xahiş edir. Birinci instansiya məhkəməsinin məhkəmə iclası zamanı zərərçəkmiş şəxs Zərərçəkmiş şəxs izahatında göstərmişdir ki, Zərdab rayonu, Çallı kəndində qeydiyyatda olmaqla yaşayır. Zərdab rayonu, Çallı kəndi ərazisində yerləşən Çingiz Əzizovun təsərrüfatında işləyir. Barəsində inzibati xəta haqında iş üzrə icraat aparılan şəxslə qohumluq əlaqələri vardır, lakin aralarında ədavət, düşmənçilik olmamışdır. ## ### 2026-cı il tarixdə Zərdab rayon Icra və Probasiya şöbəsi tərəfindən Zərdab rayonu, Çallı kəndi ərazisində yerləşən 24 ha torpaq sahəsi ayrılaraq Çingiz Əzizovun istifadəsinə verilmişdir. Həmkəndliləri Barəsində inzibati xəta haqqında icraat aparılan şəxs və Sadiq Kərimov heyvanları həmin sahədən keçirdikləri üçün gedib onlardan xahiş etmişdir ki, malları həmin sahədə saxlamasınlar. Sonra eşitmişdir ki, həmin şəxslər heyvanları gətirib yenə həmin topaq sahəsinə salmışlar. Ona görə də zəng edərək Eyvazdan heyvanları çıxarmasını xahiş etmiş, o da çıxarmıram deyib imtina etmişdir. O da onların olduğu yerə gedərək Eyvaza yaxınlaşıb niyə heyvanları torpaq sahəsinə saldığını soruşduqda, Sadiq onun üzərinə hücum çəkərək yaxasından tutmuşdur. Daha sonra Eyvaz da yanlarında olan bıçağı götürərək onun yaxasından yapışmış, hər ikisi onu boğmuşdur, boğazında hələ də izlər qalmaqdadır. Ekspertizadan bu barədə müvafiq rəy alıb polis şöbəsinə təqdim etmişdir. Barəsində inzibati xəta haqıqnda iş üzrə icraat aparılan şəxslə barışmamış və onu bağışlamamışdır. Ona görə də Barəsində inzibati xəta haqqında icraat aparılan şəxs barəsində tədbir görülməsini məhkəmədən xahiş edir. Birinci instansiya məhkəməsinin məhkəmə iclası zamanı şahid qismində ifadə verən X3 izahatında göstərmişdir ki, Zərdab rayonunun Çallı kəndində qeydiyyatda olmaqla, həmin kənddə yaşayır. Barəsində inzibati xəta haqqında iş üzrə icraat aparılan şəxslə və zərərçəkmiş şəxslə qohumuq əlaqələri vardır, lakin aralarında ədavət, düşmənçilik olmamışdır. Bildirir ki, 1998-ci ildən dövlət qeydiyyatından keçmiş ailə-fermer təsərrüfatları vardır və həmin təsərrüfatda 6 (altı) ailə birləşərək 23 (iyirmi üç) nəfərdən ibarət üzvü vardır. Zərərçəkmiş şəxs həmin təsərrüfatın üzvüdür, həmçinin təsərrüfata məsul şəxsdir. Işlərin idarə olunmasını Saxladərə həvalə etmiş və təsərrüfatda baş verənlər barədə ona məlumat verməsini tapşırmışdır. Təsərrüfatın ailə üzvlərindən birinin icarəsində olan torpaq sahəsi 19 ildir ki, bələdiyyə tərəfindən maneə yaradılması səbəbindən istifadə edilməmişdir. Zərdab Rayon Məhkəməsinin müvafiq qətnaməsi əsasında aidiyyəti icra və probasiya şöbəsi tərəfindən həmin torpaq sahəsi ayrılaraq onların istifadəsinə verilmişdir. Bələdiyyə və icra nümayəndəsinin xahişi nəzərə alınaraq əhalinin gediş-gəlişi üçün 30 m torpaq sahəsi ayrılmışdır. Hadisə baş verən gün Saxladər ona zəng edərək Eyvazın onu boğduğunu, Sadiqin də onun paltarının yaxasını dartıb çırdığını demişdir. Bu səbəbdən də o DIN 102 zəng mərkəzinə zəng edərək məlumat vermişdir. Birinci instansiya məhkəməsinin məhkəmə iclası zamanı şahid qismində ifadə verən Barəsində inzibati xəta haqqında icraat aparılan şəxs izahatında göstərmişdir ki, Zərdab rayonu, Çallı kəndində qeydiyyatda olmaqla həmin kənddə yaşayır. Barəsində inzibati xəta haqqında icraat aparılan şəxs onun xalası oğludur, Saxladəri isə kənd camaatı kimi tanıyır. Hazırkı vaxtadək aralarında düşmənçilik, ədavət olmamışdır. Dəqiq tarixi xatırlamır, ancaq hadisə baş verən günü yaşadığı Çallı kəndi ərzisində Barəsində inzibati xəta haqqında icraat aparılan şəxsla birlikdə nobatda olmuşdur. Örüşdən qayıdarkən günorta saatlarında, təxminən saat 14 radələrində Əyyub Əzizova verilmiş torpaq sahəsindən keçib getmək istəmişlər. Həmin əraziya çatanda Zərərçəkmiş şəxs gələrək Eyvazın başından itələyib yaxasından tutaraq niyə bura gəldiyini soruşmuşdur. Bu zaman Eyvaz da onun yaxasından tutmuş və aralarında mübahisə yaranmışdır. Onlar yaxalaşsalar da bir-birlərinə xəsarət yetirmədilər, o isə araya girərək, onları sakitləşdirməyə çalışmışdır. Iş üzrə yuxarıda qeyd edilən məhkəmə aktı çıxarılmışdır. Barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs Zərdab Rayon Məhkəməsinin ## #### 2026-cı il tarixli, *(*- ***)-***/**** nömrəli qərarından apellyasiya şikayəti vermişdir. Şikayətin və prosses iştirakçılarının dəlilləri: Barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs şikayətini onunla əsaslandırmışdır ki, məhkəmə işin hallarını tam, hərtərəfli və obyektiv araşdırmamış, sübutlara düzgün hüquqi qiymət verməmişdir. Qərar qəbul edilərkən onun izahatları, müdafiə arqumentləri və hadisənin faktiki halları nəzərə alınmamışdır. Hadisə zamanı baş verənləri görmüş şahidlər olmasına baxmayaraq, onların ifadələri lazımi qaydada araşdırılmamış və məhkəmə tərəfindən nəzərə alınmamışdır. Halbuki həmin şahidlərin ifadələri işin düzgün həlli üçün mühüm əhəmiyyət kəsb edir. Bundan başqa, məhkəmədə şahid qismində ifadə vermiş X4 zərərçəkmiş X6 dayısı nəvəsidir və onların yaxın qohumluq münasibətləri mövcuddur. Bu səbəbdən onun işin nəticəsində maraqlı şəxs olması ehtimalı vardır. Məhkəmə isə bu halı nəzərə almamış və həmin ifadəyə tənqidi yanaşmamışdır. Qərar əsasən zərərçəkmiş şəxsin və onun yaxın qohumunun ifadələrinə istinad edilməklə qəbul edilmiş, digər sübutlar və hadisəni görmüş şahidlərin mövqeyi lazımi səviyyədə araşdırılmamışdır. Bu isə iş üzrə obyektiv həqiqətin müəyyən edilməsinə mane olmuşdur. Iş üzrə araşdırma natamam aparılmış, sübutlar tam qiymətləndirilməmiş və nəticədə qanunsuz və əsassız qərar qəbul edilmişdir. Odur ki, Zərdab Rayon Məhkəməsinin ## #### 2026-cı il tarixli, *(*-***)-***/**** nömrəli qərarının ləğv edilməsini, işin apellyasiya qaydasında yenidən araşdırılaraq ədalətli qərar qəbul olunmasını xahiş etmişdir. Apellyasiya məhkəməsi iclasının vaxtı və yeri barədə lazımi qaydada məlumatlandırılan proses iştirakçıları məhkəmə iclasına gəlməmişlər. Məhkəmə IXM-in 133.2.4-cü maddəsinə əsasən işə onların iştirakları olmadan baxılmasını mümkün hesab etmişdir. Hüquqi məsələlər IXM-in 133.1-ci maddəsinə əsasən, inzibati xəta haqqında iş üzrə qərardan verilən şikayət və ya protest hakim və ya vəzifəli şəxs tərəfindən təkbaşına baxılır. IXM-in 133.2.8-ci maddəsinə görə, inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. IXM-in 134.1.1-ci maddəsinə görə, inzibati xəta haqqında iş üzrə qərardan verilən şikayətə və ya protestə baxılarkən qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilir. Məhkəmə iş materiallarını, apellyasiya şikayətinin dəlillərini tam, hərtərəfli və obyektiv araşdıraraq hesab edir ki, apellyasiya şikayəti təmin edilməməli, Zərdab Rayon Məhkəməsinin ## #### 2026-cı il tarixli, *(*-***)-***/**** nömrəli qərarı dəyişdirilmədən saxlanılmalıdır. Iş materiallarında olan ##.##.2026-cı il tarixli “Cinayət işinin başlanmasının rədd edilməsi haqqında” qərarın surətindən görünür ki, törədilmiş əməldə cinayət tərkibinin əlamətləri təsdiq olunmadığından toplanmış material üzrə cinayət işinin başlanması rədd edilmiş, Barəsində inzibati xəta haqqında icraat aparılan şəxs və Barəsində inzibati xəta haqqında icraat aparılan şəxs əməllərində IXM-in 157-ci maddəsinin tərkibi olduğundan barələrində həmin maddə ilə inzibati tədbir görülməsi qərara alınmışdır. Iş materiallarında olan Azərbaycan Respublikası Səhiyyə Nazirliyi “xxxx” X5 ## ### 2026-cı il tarixli, ** nömrəli ekspert rəyindən (canlı şəxsin məhkəmə-tibbi ekspertizası) görünür ki, 1983-cü il təvəllüdlü Zərərçəkmiş şəxs bədənində olan xəsarətlər - boyunun orta hissəsinin ön səthində qançırlar - küt əşyanın (əşyaların) təsirindən törənmişdir, kənar şəxs tərəfindən əllə (dırnaqla) vurulma zamanı əmələ gələ bilərdi, yetirilmə müddəti ##.##.2026cı il tarixə uyğun gəlir və sağlamlığa zərər vurmayan xəsarətlər olduqları üçün dərəcələri təyin edilmir. IXM-in 157-ci maddəsinə əsasən, döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Apellyasiya instansiyası məhkəməsi şikayətçinin özünü təqsirli bilməməsi, zərərçəkmiş şəxsə qarşı hər hansı zorakı hərəkət etməməsi və hadisənin hallarının tam araşdırılmaması barədə arqumentlərini araşdıraraq hesab edir ki, bu iddialar iş materialları və tədqiq olunmuş sübutların məcmusu ilə təkzib olunur. Belə ki, Barəsində inzibati xəta haqqında icraat aparılan şəxs təqsiri, iş üzrə toplanmış materiallarla, o cümlədən Protokolu tərtib edən orqan tərəfindən tərtib edilmiş ##.##.2026-cı il tarixli, MN seriyalı, ******* saylı inzibati xəta haqqında protokolla, zərərçəkmiş şəxs Zərərçəkmiş şəxs həm ibtidai araşdırmada, həm də birinci instansiya məhkəməsində verdiyi ardıcıl və mötəbər izahatları ilə, cinayət işinin başlanmasının rədd edilməsi haqqında ##.##.2026-cı il tarixli qərarla tam sübuta yetirilir. Şikayətçinin əməli hərəkətləri nəticəsində zərərçəkmiş şəxsin fiziki ağrı və xəsarət alması faktı materiallar arasında olan Azərbaycan Respublikası Səhiyyə Nazirliyi “xxxx” X5 ## ### 2026-cı il tarixli, ** nömrəli ekspert rəyi ilə qəti şəkildə təsdiqlənir. Ekspert rəyinə əsasən, zərərçəkmiş Zərərçəkmiş şəxs boynunun orta hissəsinin ön səthində küt əşyanın (əşyaların) təsirindən törənmiş və kənar şəxs tərəfindən əllə vurulma zamanı əmələ gələ bilən qançırlar aşkar edilmişdir. Bu xəsarətlərin yetirilmə vaxtının bilavasitə hadisə günü olan ##.##.2026-cı il tarixinə uyğun gəlməsi və xəsarətlərin xarakteri, zərərçəkmiş şəxsin Sadiq Kərimov və Barəsində inzibati xəta haqqında icraat aparılan şəxs tərəfindən boğulması və döyülməsi barədə verdiyi izahatları tam təsdiq edir. Məhkəmə şikayətçinin digər şahidlərin dindirilməməsi və iş üzrə dindirilmiş X1 zərərçəkmişlə qohum olaraq işin nəticəsində maraqlı olması barədə iddialarını əsassız hesab edir. IXM-in 76.1-ci və 84.1-ci maddələrinə əsasən, məhkəmə iş üzrə sübutları daxili inamı ilə, onların hərtərəfli və obyektiv araşdırılmasına əsasən qiymətləndirir. X1 izahatları hadisənin dərhal ardınca zərərçəkmiş şəxsin ona müraciət etməsi və hadisə barədə DIN-in “102” xidmətinə məlumat verməsi faktları ilə üst-üstə düşməklə, işin ümumi mənzərəsini tamamlayır. Iş materiallarında mövcud olan digər birbaşa sübutlar xüsusilə məhkəmə-tibbi ekspertizasının obyektiv rəyi Barəsində inzibati xəta haqqında icraat aparılan şəxs zərərçəkmiş şəxsə qarşı fiziki zor tətbiq etməsini şübhəsiz şəkildə təsdiq etdiyi üçün əlavə şahidlərin dindirilməsinə zərurət olmamışdır. Birinci instansiya məhkəməsi tərəfindən sübutların qiymətləndirilməsində prosessual hüquq normalarının pozulmasına yol verilməmişdir. IXM-in 84.1-ci maddəsinin tələbinə müvafiq olaraq, sübutların mötəbərliyi və kifayətliyi həm ayrılıqda, həm də onların qarşılıqlı əlaqəsində tam təsdiqini tapmışdır. Törədilmiş inzibati xətanın xarakteri, xətanı törədən şəxsin şəxsiyyəti və digər hallar nəzərə alınmaqla, Barəsində inzibati xəta haqqında icraat aparılan şəxs IXM-in 157-ci maddəsinin sanksiyası daxilində minimum həddə 300 manat məbləğində inzibati cərimə tənbehindən ibarət ədalətli tənbeh növü təyin edilmişdir. Hazırkı halda yuxarıda iqtibas edilmiş normativ hüquqi aktların işığında işə apellyasiya qaydasında yenidən baxan məhkəmə birinci instansiya məhkəməsinin gəldiyi qənaətlə razılaşır və bu fikirdədir ki, birinci instansiya məhkəməsi qərar çıxararkən IXM-in tələblərinə düzgün əməl etmiş və qanunvericiliyin tətbiqində səhvə yol verməmişdir. Məhkəmənin iş üzrə gəldiyi nəticə məhkəmə iclasında tədqiq edilmiş sübutlarla təsdiq olunur. Sadalanan sübutlar birinci instansiya məhkəməsinin qərarında ətraflı təsvir olunub şərh edildiyindən, məhkəmə həmin sübutların yenidən təsvir və şərh olunmasına zərurət görmür. IXM-in 2-ci maddəsinə görə, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. IXM-in 3-cü maddəsində görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. IXM-in 6.2-ci maddəsinə görə, inzibati xəta haqqında iş üzrə icraatın təmin olunması tədbirləri tətbiq edilərkən qanunvericiliyin tələblərinə əməl olunması yuxarı orqanların və vəzifəli şəxslərin idarə nəzarəti ilə, məhkəmə və prokuror nəzarəti ilə və şikayət etmək hüququ ilə təmin edilir. IXM-in 76.1-ci maddəsinə görə, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. IXM-in 76.2-ci maddəsinə görə, qanuna zidd olaraq əldə edilmiş sübutların istifadə edilməsinə yol verilmir. IXM-in 84.1-ci maddəsinə görə, inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Beləliklə, məhkəmə apellyasiya şikayəti üzrə yekun nəticəyə gələrək hesab edir ki, işə baxarkən birinci instansiya məhkəməsinin istinad etdiyi sübutların mötəbərliyini şübhə altına alınmasına dəlalət edən hallar mövcud deyil. Ona görə də, işə yenidən baxan apellyasiya instansiya məhkəməsi bu qənaətdədir ki, barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs tərəfindən verilmiş apellyasiya şikayəti təmin edilməməli, Zərdab Rayon Məhkəməsinin ## #### 2026-cı il tarixli, *(*-***)-***/**** nömrəli qərarı verilmiş apellyasiya şikayətinə münasibətdə dəyişdirilmədən saxlanılmalıdır. Nəticəvi hissə: Yuxarıda göstərilənlərə əsaslanaraq və IXM-in 133-136-cı maddələrini rəhbər tutaraq, məhkəmə qərara aldı: Barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs tərəfindən verilmiş apellyasiya şikayəti təmin olunmasın. Zərdab Rayon Məhkəməsinin ## #### 2026-cı il tarixli, *(*-***)-***/**** nömrəli qərarı verilmiş apellyasiya şikayətinə münasibətdə dəyişdirilmədən saxlanılsın. Qərar elan olunduğu andan qanuni qüvvəyə minir. Qərardan kassasiya qaydasında şikayət və protest verilə bilməz. Sədrlik edən Anar Əsgərov