Şəki Apellyasiya Məhkəməsi Qərar — İş №3(3-10)-519/2026

Azərbaycan Respublikası adından Qərar Şəki şəhəri İş № 3(3-10)-519/2026 18.09.2026 ŞƏKI APELLYASIYA MƏHKƏMƏSI Şəki Apellyasiya Məhkəməsinin Cinayət Kollegiyası Hakim Tahirov Zamin Cəbrayıl oğlunun sədrliyi, məhkəmə iclasının katibi Xəlilov Ramin Ramiz oğlunun katibliyi ilə, Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarından barəsində inzibati xəta haqqında iş üzrə qərar qəbul edilmiş hüquqi şəxs “xxxx” MMC tərəfindən verilmiş şikayətə açıq məhkəmə iclasında baxaraq, Müəyyən etdi: Qəbələ Rayon Məhkəməsinin (hakim N.Abbaszadə) ## ###### 2026-cı il tarixli *(*-***)- ***/**** saylı qərarı ilə, “xxxx” Məhdud Məsuliyyətli Cəmiyyəti Azərbaycan Respublikası Inzibati Xətalar Məcəlləsinin (bundan sonra Azərbaycan Respublikası IXM) 464-cü maddəsi ilə təqsirli bilinərək, 1500 (bir min beş yüz) manat məbləğində inzibati qaydada cərimə edilmişdir. Işin halları: Protokolu tərtib edən orqan “xxxx” Məhdud Məsuliyyətli Cəmiyyəti barəsində Azərbaycan Respublikası IXM-nin 464- cü maddəsi ilə MN ******* nömrəli, ## ### 2026-cı il tarixli inzibati xəta haqqında protokol tərtib edərək, baxılması üçün məhkəməyə göndərmişdir. Inzibati xəta haqqında həmin protokol və ona əlavə edilmiş sənədlərdən müəyyən edilir ki, “xxxx” Məhdud Məsuliyyətli Cəmiyyəti 2024-cü il üzrə maliyyə hesabatlarının auditinin 2025ci ildə qanunla nəzərdə tutulmuş hallarda həyata keçirilməməsi ilə əlaqədar məcburi auditdən yayınmışdır. Nəticədə “xxxx” MMC tərəfindən Azərbaycan Respublikası IXM-nin 464-cü maddəsində nəzərdə tutulan inzibati xəta törədilmişdir. Qəbələ Rayon Məhkəməsinin ##.##.2026-cı il tarixli, *(*-***)-***/**** saylı qərarı ilə “xxxx” MMC Azərbaycan Respublikası IXM-nin 464-cü maddəsində nəzərdə tutulan inzibati xətanı törətməkdə təqsirli bilinərək 1500 (min beş yüz) manat cərimə edilmişdir. Şəki Apellyasiya Məhkəməsinin *(*-**)-***/**** saylı, ##.##.2026-cı il tarixli qərarına əsasən birinci instansiya məhkəməsi tərəfindən işə baxılarkən mühüm əhəmiyyət kəsb edən bütün faktiki halların araşdırılmaması əsası ilə barəsində inzibati xəta haqqında iş üzrə qərar qəbul edilmiş hüquqi şəxs “xxxx” MMC tərəfindən verilmiş şikayət qismən təmin edilmiş, Qəbələ Rayon Məhkəməsinin ## #### 2026-cı il tarixli, *(*-***)-***/**** saylı qərarı ləğv edilərək inzibati xəta haqqında qərar və materiallar üzrə olan inzibati xəta haqqında iş mahiyyəti üzrə yenidən araşdırılaraq baxılması üçün Qəbələ Rayon Məhkəməsinə qaytarılmışdır. Iş üzrə yuxarıda qeyd edilən məhkəmə aktı qəbul edilmişdir. Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarından barəsində inzibati xəta haqqında iş üzrə qərar qəbul edilmiş hüquqi şəxs “xxxx” MMC tərəfindən apellyasiya şikayəti verilmişdir. Şikayətin dəlilləri: “xxxx” MMC apellyasiya şikayətində verilmiş şikayətin təmin edilməsini, Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarının ləğv edilməsini və iş üzrə icraat xitam verilməsini xahiş etmişdir. Apellyasiya məhkəməsi iclasının vaxtı və yeri barədə lazımi qaydada məlumatlandırılan inzibati xəta haqqında protokol tərtib etmiş Azərbaycan Respublikası Maliyyə Nazirliyinin və hüquqi şəxs “xxxx” MMC-nin nümayəndəsi məhkəmə iclasına gəlməmişdir. Аzərbаycаn Respublikаsı IXM-in 133.2.4-cü maddəsinə əsasən məhkəmə işə onların iştirakı olmadan baxılmasını mümkün hesab etdi. Hüquqi məsələlər: Аzərbаycаn Respublikаsı IXM-in 133.1-ci maddəsinə görə inzibati xəta haqqında iş üzrə qərardan verilən şikayət və ya protest hakim və ya vəzifəli şəxs tərəfindən təkbaşına baxılır. Аzərbаycаn Respublikаsı IXM-in 133.2.8-ci maddəsinə görə inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Işdə olan Protokolu tərtib edən orqan ##.##.2025- ci il tarixli sorğusuna əsasən Azərbaycan Respublikasının Iqtisadiyyat Nazirliyi yanında Dövlət Vergi Xidməti tərəfindən təqdim edilmiş ##.##.2026-cı il tarixli məktubdan görünür ki, “xxxx” MMC vergi ödəyicisidir (VÖEN **********), Iqtisadiyyat Nazirliyi yanında Dövlət Vergi Xidmətinin ## ###### 2026-cı il tarixli *-**-*-*/*-***/**** nömrəli məktubu ilə təqdim edilmiş 2024-ci ilin göstəricilərinə əsasən orta və iri sahibkarlıq subyektlərinin bölgüsü meyarlarına uyğun gələn açıq səhmdar cəmiyyətləri, qapalı səhmdar cəmiyyətləri və məhdud məsuliyyətli cəmiyyətləri barədə məlumat (siyahıya) daxildir. Işdə olan Azərbaycan Respublikası Maliyyə Nazirliyi tərəfindən məcburi audit subyektlərinə ünvanlanan ##.##.2025-ci il tarixli bildirişdə Azərbaycan Respublikası IXM-nin 464-cü maddəsinə əsasən “Auditor Xidməti haqqında” Azərbaycan Respublikası Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər və hüquqi şəxslər barəsində inzibati məsuliyyətin nəzərdə tutulduğu bildirilmişdir. Işdə olan Protokolu tərtib edən orqan ##.##.2026- cı il tarixli bildirişi ilə “xxxx” Məhdud Məsuliyyətli Cəmiyyəti barəsində olan inzibati xəta haqqında işə ## ### 2026-cı il tarixdə, saat 10:50-də Maliyyə Nazirliyinin Uçot siyasəti şöbəsində baxılacağı barədə xəbərdar edilmişdir. Işdə olan Protokolu tərtib edən orqan ## ### 2026-cı il tarixli *-**/*-****/**** saylı məktubu ilə 2024-cü il üzrə maliyyə hesabatlarının auditinin 2025-ci ildə qanunla nəzərdə tutulmuş hallarda həyata keçirilməməsi ilə əlaqədar məcburi auditdən yayınmağa görə inzibati xəta barədə Maliyyə Nazirliyi tərəfindən tərtib edilmiş ## ### 2026-cı il tarixli MN ******* nömrəli "Inzibati xəta haqqında Protokol"un surəti “xxxx” Məhdud Məsuliyyətli Cəmiyyətinə göndərilmişdir. Işdə olan ##.##.2026-cı il tarixli təhvil-qəbul Aktından görünür ki, Icraçı - "xxxx" MMC-nin tərəfindən sifarişçi - "xxxx" MMC-nin sifarişinə əsasən ## #### 2026-ci il tarixli müqavilənin şərtlərinə uyğun olaraq audit aparılmışdır. Işdə olan Azərbaycan Respublikası Auditorlar Palatasının saytından əldə edilmiş çıxarışdan da görünür ki, “xxxx” Məhdud Məsuliyyətli Cəmiyyəti tərəfindən maliyyə hesabatlarının auditi ##.##.2026-cı ildə aparılmışdır. Iş materiallarında olan “xxxx” Məhdud Məsuliyyətli Cəmiyyətinin Qəbələ Rayon Məhkəməsinə ünvanladığı ##.##.2026-cı il tarixli məktubdan görünür ki, Maliyyə Nazirliyinin şirkətlərinə göndərdiyi məktub Qəbələ rayon Zarağan poçt şöbəsinə gecikmə ilə, yəni ##.##.2026 tarixdə saat 15:18-də daxil olmuş, bu səbəbdən də Maliyyə Nazirliyinə dəvət olunmaqları barədə göstərilən saatdan gec məlumatları olub və üzrlü səbəb olaraq dəvət olunduqları vaxtda gedə bilməmişlər. Işdə olan "Azərpoçt"-un "Göndərişlərin izlənməsi" portalında olan məlumatdan görünür ki, SX*********AZ saylı göndəriş ##.##.2026-cı ildə alıcıya çatdırılmışdır. Məhkəmə şikayətin dəlillərini araşdırıb, inzibati xəta haqqında işin materiallarını tədqiq edib hesab edir ki, aşağıda şərh olunan əsaslara görə şikayət təmin edilməməli, inzibati xəta haqqında iş üzrə Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarı dəyişdirilmədən saxlanılmalıdır. Hazırkı halda işə apellyasiya qaydasında yenidən baxan məhkəmə birinci instansiya məhkəməsinin gəldiyi qənaətlə razılaşır və bu fikirdədir ki, birinci instansiya məhkəməsi qərar çıxararkən IXM-in tələblərinə düzgün əməl etmiş və qanunvericiliyin tətbiqində səhvə yol verməmişdir. Аzərbаycаn Respublikаsı IXM-in 464-cü maddəsinə əsasən “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir. Apellyasiya məhkəməsi qeyd edir ki, işdə olan sübutlarla “xxxx” MMC-nin IXM-nin 464-cü maddəsində nəzərdə tutulmuş inzibati xətanı törətməsi təsdiqini tapmışdır. Bununlа dа “xxxx” MMC-nin Azərbaycan Respublikası IXM-in 464-cü maddəsində nəzərdə tutulan inzibati xətanı törətməsi yuxarıda təsvir edilmiş sübutlarla tam təsdiq olunur. Azərbaycan Respublikası IXM-nin 2-ci maddəsinə görə, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Azərbaycan Respublikası IXM-nin 3-cü maddəsində görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası IXM-nin 6.2-ci maddəsinə görə, inzibati xəta haqqında iş üzrə icraatın təmin olunması tədbirləri tətbiq edilərkən qanunvericiliyin tələblərinə əməl olunması yuxarı orqanların və vəzifəli şəxslərin idarə nəzarəti ilə, məhkəmə və prokuror nəzarəti ilə və şikayət etmək hüququ ilə təmin edilir. Azərbaycan Respublikası IXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası IXM-nin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Azərbaycan Respublikası IXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası Konstitusiya Məhkəməsi Plenumunun “Azərbaycan Respublikası Inzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” # ######## 2018-ci il tarixli qərarında qeyd edilmişdir ki, Konstitusiya Məhkəməsinin Plenumu hazırkı müraciətlə bağlı vurğulayır ki, Inzibati Xətalar Məcəlləsinin 9-cu maddəsində təsbit edilmiş ədalətlilik prinsipinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Inzibati Xətalar Məcəlləsində təsbit edilən ədalətlilik prinsipi özünün fərqləndirici meyarı ilə inzibati xəta sayılan əməl və başqa hüquq pozuntuları arasında sərhəd müəyyən edir. Bu prinsip inzibati xəta sayılan əmələ görə qanun qarşısında xəta törətmiş hər bir şəxsin məsuliyyətini müəyyən etməklə, inzibati məsuliyyətin həcminin mütənasibliyini müəyyənləşdirir. Inzibati xətanın növlərinə görə tənbeh nəzərdə tutan maddələr isə ədalətlilik prinsipini rəhbər tutaraq fərdiləşdirici ölçüləri müəyyən edir. Göstərilənləri nəzərə alaraq Konstitusiya Məhkəməsinin Plenumu qeyd etməyi vacib hesab etmişdir ki, məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsinə görə şəxsin inzibati məsuliyyətə cəlb edilməsi məsələsinə baxılarkən hüquqtətbiqedici işin faktiki hallarını hərtərəfli araşdırmalı, bundan əvvəl onun barəsində bu əmələ görə inzibati tənbeh tətbiq edilib-edilməməsini, inzibati tənbehin məqsədlərinə nail olunub-olunmamasını, əməlin məhz qərəzli olaraq törədilib-törədilməməsini və digər mühüm halları araşdırmalıdır. Məhkəmələr nəzərə almalıdırlar ki, tənbeh və ya cəzanın tətbiqi tərbiyəvi xarakter daşıyır. Hər hansı bir sanksiyanın tətbiqi isə mütənasib və ədalətli olmalıdır. Məhkəmə aktlarının icra edilməməsi ilə əlaqədar hər hansı inzibati tənbeh və ya cəza tətbiq edilərkən, ilk növbədə, borclu şəxs tərəfindən icra məmurunun tələblərinin yerinə yetirilməsi üçün mümkün vasitələrdən istifadə edilib-edilməməsi obyektiv qiymətləndirilməlidir. Öyrənilən işdən aydın olur ki, birinci instansiya məhkəməsinin iş üzrə gəldiyi nəticə məhkəmə iclasında tədqiq edilmiş sübutlarla təsdiq olunur. Sadalanan sübutlar birinci instansiya məhkəməsinin qərarında və yuxarıda ətraflı təsvir olunub şərh edildiyindən, məhkəmə həmin sübutların yenidən təsvir və şərh olunmasına zərurət görmür. Azərbaycan Respublikası Mülki Məcəlləsinin 91.4-cü maddəsinə uyğun olaraq Məhdud məsuliyyətli cəmiyyət (mikro və kiçik sahibkarlıq subyektləri istisna olmaqla) illik maliyyə hesabatlarının düzgünlüyünü yoxlatmaq üçün hər il müstəqil auditor cəlb etməlidir. Həmin Məcəllənin 107.6-cı maddəsinə uyğun olaraq Bu Məcəllənin 99-cu maddəsində göstərilən sənədlərin dərci zamanı səhmdar cəmiyyəti illik maliyyə hesabatlarının yoxlanılması üçün müstəqil auditoru cəlb etməyə borcludur. “Auditor xidməti haqqında” Azərbaycan Respublikasının Qanununun 2-ci maddəsində əsasən audit yoxlaması məcburi və ya könüllü (təsərrüfat subyektinin öz təşəbbüsü ilə) ola bilər. Qanuna görə öz maliyyə hesabatlarını dərc etdirməli olan təsərrüfat subyektləri üçün, habelə qanunla bilavasitə nəzərdə tutulmuş hallarda həyata keçirilməli olan audit məcburi, digər hallarda isə könüllüdür. “Mühasibat uçotu haqqında” Azərbaycan Respublikası Qanununun 12.1-ci maddəsinə əsasən kommersiya təşkilatları illik maliyyə hesabatlarını və birləşdirilmiş (konsolidə edilmiş) maliyyə hesabatlarını müvafiq qurumlara qanunvericilik aktları ilə, digər şəxslərə isə nizamnamələri ilə müəyyən olunmuş hallarda, qaydada və müddətlərdə təqdim edirlər. Bu Qanunun 5.3-cü maddəsində göstərilən mühasibat uçotu subyektləri tərəfindən maliyyə hesabatlarının təqdim edilməsi və dərc olunması qaydası Azərbaycan Respublikasının müvafiq sahəvi qanunları ilə tənzimlənir. Digər kommersiya təşkilatlarının illik maliyyə hesabatlarının və birləşdirilmiş (konsolidə edilmiş) maliyyə hesabatlarının təqdim edilməsi və dərc olunması qaydaları müvafiq icra hakimiyyəti orqanı tərəfindən müəyyən edilir. Azərbaycan Respublikası Mülki Məxəlləsinin 91.4-cü maddəsinə əsasən məhdud məsuliyyətli cəmiyyət (mikro və kiçik sahibkarlıq subyektləri istisna olmaqla) illik maliyyə hesabatlarının düzgünlüyünü yoxlatmaq üçün hər il müstəqil auditor cəlb etməlidir (kənar audit). Cəmiyyətin illik maliyyə hesabatlarının auditor yoxlanışı hər hansı iştirakçının tələbi ilə də aparıla bilər. Bu halda auditor yoxlanışı həmin yoxlamanı tələb edən iştirakçının hesabına aparılır. Cəmiyyətin fəaliyyətinin auditor yoxlanışlarının aparılması qaydası qanunvericilik və cəmiyyətin nizamnaməsi ilə müəyyənləşdirilir. Həmin Məcəllənin 91.5-ci maddəsinə əsasən qanunvericilikdə nəzərdə tutulan hallar istisna olmaqla, cəmiyyətin işlərinin aparılması nəticələri haqqında cəmiyyət tərəfindən məlumatların dərc edilməsi (açıq hesabat) tələb olunmur. Göründüyü kimi, əmtəə istehsalı və satışı, xidmət göstərilməsi və iş görülməsi ilə məşğul olan təsərrüfat subyektləri öz maliyyə hesabatlarını dərc etdirməli olan təsərrüfat subyektləri sırasına daxildirsə və ya qanunvericilikdə birbaşa olaraq məcburi audit yoxlamasının keçirilməsinə dair göstəriş mövcuddursa, həmin təsərrüfat subyektlərində imperativ qaydada məcburi audit yoxlaması keçirilməlidir. Bu cür məcburi audit yoxlamasından yayınma isə Аzərbаycаn Respublikаsı IXM-in 464-cü maddəsi ilə müəyyən edilmiş inzibati xəta tərkibi yaradır. Apellyasiya məhkəməsi qeyd edir ki, iş materiallarında olan sənədlərdən də göründüyü kimi “xxxx” Məhdud Məsuliyyətli Cəmiyyətinin illik maliyyə hesabatlarının düzgünlüyünü yoxlatmaq üçün hər il müstəqil auditor cəlb etmə öhdəliyi daşıyır. Kommersiya təşkilatlarının illik maliyyə hesabatlarının və birləşdirilmiş (konsolidə edilmiş) maliyyə hesabatlarının təqdim edilməsi və dərc edilməsi Qaydaları”nın təsdiq edilməsi haqqında Azərbaycan Respublikası Nazirlər Kabinetinin ## ### 2010-cu il tarixli, ** nömrəli qərarının 3.1-ci bəndinə əsasən Kommersiya təşkilatları illik maliyyə hesabatlarını və birləşdirilmiş (konsolidə edilmiş) maliyyə hesabatlarını hesabat dövrü başa çatdıqdan sonra, müvafiq olaraq sonrakı ilin aprel ayının 30dan və iyun ayının 30-dan gec olmayaraq təqdim etməlidirlər. Qаnunvericiliyin tələbinə görə hər ötən il üçün tərtib edilmiş mаliyyə hesаbаtlаrının düzgünlüyünün yоxlаnılmаsı üçün müstəqil аuditоrun cəlb edilməsi növbəti ilə ərzində, ilin sоnunаdək həyаtа keçirilməlidir. Əgər bu edilməyibsə Аzərbаycаn Respublikаsı IXM-nin 464-cü mаddəsi ilə nəzərdə tutulаn inzibаti xətаnın törədilməsi vаxtı növbəti ilin yаnvаr аyının 1-i tаrixinə təsаdüf edir. Iş materiallarında olan “xxxx” Məhdud Məsuliyyətli Cəmiyyəti tərəfindən təqdim edilən audit rəyindən və Azərbaycan Respublikası Auditorlar Palatasının saytından edilmiş çıxarışdan da müəyyən edilir ki, 2024-cü il üzrə maliyyə hesabatlarının auditi qanunvericiliyin tələbinə uyğun olaraq 2025-ci ildə deyil 2026-cı ildə aparılmışdır. Nəticədə “xxxx” Məhdud Məsuliyyətli Cəmiyyəti Azərbaycan Respublikası IXM-nin 464-cü maddəsində nəzərdə tutulan inzibati xətanı törətmişdir. Eyni zаmаndа qeyd edilməlidir ki, hаzırki iş üzrə inzibаti məsuliyyətə cəlb etmə müddəti də keçməmişdir. Belə ki, Аzərbаycаn Respublikаsı IXM-nin 38.1-ci mаddəsinə əsаsən mаliyyə, vergilərin və rüsumlаrın ödənilməsi qаydаlаrı əleyhinə оlаn inzibаti xətаlаrа görə inzibаti tənbeh inzibаti xətаnın törədildiyi gündən ən geci bir il keçənədək verilə bilər. “xxxx” Məhdud Məsuliyyətli Cəmiyyəti tərəfindən IXM-nin 464-cü mаddəsində nəzərdə tutulmuş inzibаti xətаnın törədilməsi müvаfiq оlаrаq 2026-cı ilin yаnvаr аyının 1-nə təsаdüf edir ki, IXMnin vergilərin, rüsumlаrın ödənilməsi, mаliyyə və sığоrtа qаydаlаrı əleyhinə оlаn inzibаti xətаlаrı əhаtə edən 36-cı fəslinə dаxil оlаn qeyd оlunаn inzibаti xətа üzrə qаnunverici tərəfindən inzibаti məsuliyyətə cəlb edilmə müddəti inzibаti xətаnın törədildiyi gündən ən geci bir il keçənədək verilə bilər. Belə оlаn hаldа “xxxx” Məhdud Məsuliyyətli Cəmiyyəti tərəfindən ##.##.2026-cı il tаrixdə IXM-nin 464-cü mаddəsində nəzərdə tutulmuş inzibаti xətа üzrə məsuliyyətə cəlb edilmə müddəti ##.##.2027-ci il tаrixdə bitir. Iş üzrə xxxx” Məhdud Məsuliyyətli Cəmiyyəti barəsində inzibаti xətа hаqqındа prоtоkоl isə 21 mаy 2026-cı il tаrixdə tərib edilməklə inzibаti xətа hаqqındа iş üzrə icrааt bаşlаnmışdır. Belə оlаn hаldа hаzırki iş üzrə inzibаti məsuliyyətə cəlb etmə müddəti keçməmişdir. Odur ki, “xxxx” Məhdud Məsuliyyətli Cəmiyyəti tərəfindən apellyasiya şikayətində qeyd edilmiş mülahizə xarakterli dəlillər birinci instansiya məhkəməsinin qanuni və əsaslı olan qərarının ləğv edilməsi üçün əsas ola bilməz. Azərbaycan Respublikası IXM-nin 76.1-ci maddəsinə görə inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Azərbaycan Respublikası IXM-nin 76.2-ci maddəsinə görə qanuna zidd olaraq əldə edilmiş sübutların istifadə edilməsinə yol verilmir. Azərbaycan Respublikası IXM-nin 84.1-ci maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Beləliklə, məhkəmə apellyasiya şikayəti üzrə yekun nəticəyə gələrək hesab edir ki, işə baxarkən birinci instansiya məhkəməsinin istinad etdiyi sübutların mötəbərliyini şübhə altına alınmasına dəlalət edən hallar mövcud deyildir. Eyni zаmаndа birinci instаnsiyа məhkəməsi hüquqi şəxs «xxxx” Məhdud Məsuliyyətli Cəmiyyəti bаrəsində inzibаti tənbeh tətbiq edərkən IXM-nin 31.3-cü mаddəsinə əsаsən törədilmiş inzibati xətanın xarakterini, inzibati xəta nəticəsində hüquqi şəxsin əldə etdiyi xeyrin həcmi və onun maraqlarının təmin edilməsinin xarakteri və dərəcəsini, hüquqi şəxsi xarakterizə edən halları, o cümlədən onun maliyyə və əmlak vəziyyətini, məsuliyyətini yüngülləşdirən və ağırlaşdıran halların оlmаmаsını nəzərə almış və оnun bаrəsində IXM-nin 464-cü mаddəsinin sаnksiyаsındа nəzərdə tutulmuş həddə cərimə növündə inzibаti tənbeh tətbiq etmişdir. Ona görə də, işə yenidən baxan apellyasiya instansiya məhkəməsi bu qənaətdədir ki, Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarından barəsində inzibati xəta haqqında iş üzrə qərar qəbul edilmiş hüquqi şəxs “xxxx” MMC tərəfindən verilmiş şikayət təmin edilməməli, Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarı baxılmış şikayətə münasibətdə dəyişdirilmədən saxlanılmalıdır. Nəticəvi hissə: Azərbaycan Respublikası IXM-in 134.1.1-ci maddəsinə əsasən, inzibati xəta haqqında iş üzrə qərardan verilən şikayətə və ya protestə baxılarkən qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilə bilər. Göstərilənlərə əsasən və Azərbaycan Respublikası IXM-in 133-136-cı mаddələrini rəhbər tutаrаq, məhkəmə Qərara aldı: Barəsində inzibati xəta haqqında iş üzrə qərar qəbul edilmiş hüquqi şəxs “xxxx” MMC tərəfindən verilmiş şikayət təmin edilməsin. Qəbələ Rayon Məhkəməsinin ## ###### 2026-cı il tarixli *(*-***)-***/**** saylı qərarı baxılmış şikayətə münasibətdə dəyişdirilmədən saxlanılsın. Qərar qəbul edildiyi andan qanuni qüvvəyə minir. Qərardan kassasiya qaydasında şikayət və protest verilə bilməz.