Bakı Apellyasiya Məhkəməsi Qərar — İş №3(3-6)-2007/2026

Azərbaycan Respublikası adından Qərar Bakı şəhəri İş № 3(3-6)-2007/2026 21.07.2026 BAKI APELLYASIYA MƏHKƏMƏSI Hakim Hüseynov Elməddin Mirpaşa oğlunun sədrliyi, məhkəmə iclasının katibi X2 və barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs İldrım oğlunun iştirakları ilə, Zərərçəkmiş şəxs Zərərçəkmiş şəxs Bakı Şəhəri Qaradağ Rayon Məhkəməsinin ## #### 2026-cı il tarixli, *(*-**)-****/**** nömrəli qərarından verdiyi şikayətə Bakı Apellyasiya Məhkəməsinin binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Bakı Şəhəri Qaradağ Rayon Məhkəməsinin ## #### 2026-cı il tarixli, *(*-**)-****/**** nömrəli qərarı ilə (hakim X1) Barəsində inzibati xəta haqqında icraat aparılan şəxs İldrım oğlu Azərbaycan Respublikası İnzibati Xətalar Məcəlləsinin (bundan sonra - Azərbaycan Respublikası İXM-in) 528.1-ci maddəsində nəzərdə tutulmuş inzibati xətanı törətməkdə təqsirli bilinərək, barəsində 500 (beş yüz) manat məbləğində inzibati cərimə tənbeh tədbiri tətbiq edilmişdir. Zərərçəkmiş şəxs Zərərçəkmiş şəxs əvvəlcə həmin qərardan şikayət verərək, ləğv edilməsini xahiş etsə də, məhkəməyə ünvanladığı yazılı müraciətində verdiyi şikayətdən imtina etdiyini göstərərək, şikayəti üzrə apellyasiya icraatına xitam verilməsini xahiş etmişdir. Apellyasiya məhkəmə iclasında iştirak edən barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs İldrım oğlu zərərçəkmiş şəxs ilə aralarında barışıq olduğunu, borc məbləğinin çox hissəsini ödədiyini yalnız 1200 manat borcunun qaldığını bildirib, zərərçəkmiş şəxsin vermiş olduğu şikayətdən imtinasının məhkəmə tərəfindən qəbul edilməsini, apellyasiya şikayətinə baxılmasına xitam verilməsini xahiş etmişdir. Azərbaycan Respublikası İXM-də birinci instansiya məhkəməsinin qərarından şikayət və ya protest vermiş şəxsin öz şikayətindən imtina etdiyi halda, bununla bağlı prosessual münasibətləri tənzimləyən norma yoxdur. “Normativ hüquqi aktlar haqqında” Azərbaycan Respublikası Konstitusiya Qanununun: - 13.1-ci maddəsinə əsasən konkret ictimai münasibətləri tənzimləyən qanunvericilik normaları olmadıqda, hüququn analogiyasından və ya qanunun analogiyasından istifadə oluna bilər. - 13.2-ci maddəsinə əsasən əvvəlcə qanunun analogiyasından istifadə olunur. Konkret ictimai münasibətləri tənzimləyən qanunvericilik normaları olmadıqda, həmin ictimai münasibətlərə oxşar ictimai münasibətləri tənzimləyən qanunvericilik normaları tətbiq edilir. - 13.5-ci maddəsinə əsasən cinayət, inzibati xətalar və vergi qanunvericiliyində, məsuliyyətə cəlb olunma, hüquqların məhdudlaşdırılması və vəzifələrin müəyyən edilməsi hallarında hüququn analogiyasından və ya qanunun analogiyasından istifadə oluna bilməz. Azərbaycan Respublikası Cinayət-Prosessual Məcəlləsinin 391.11-ci maddəsinə əsasən apellyasiya şikayətini və ya apellyasiya protestini vermiş şəxs öz apellyasiya tələblərindən imtina etdikdə və cinayət prosesinin digər iştirakçılarının apellyasiya şikayəti və ya apellyasiya protesti olmadığı halda, məhkəmə apellyasiya şikayətinə və ya apellyasiya protestinə baxılmasına xitam verilməsi haqqında qərar çıxarır. Apellyasiya şikayətinə və ya apellyasiya protestinə baxılmasına xitam verildiyi andan birinci instansiya məhkəməsinin hökm və ya digər yekun qərarı qanuni qüvvəyə minir. Azərbaycan Respublikası Konstitusiya Məhkəməsi Plenumunun “Azərbaycan Respublikası İXM-in 128.1-ci maddəsinin şərh edilməsinə dair” ## ###### 2016-cı il tarixli Qərarında göstərilmişdir ki, cinayət-prosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. Azərbaycan Respublikası İXM-in 6.3-cü maddəsi inzibati xətalar qanunvericiliyinin analogiya üzrə tətbiqinə məhdudiyyət qoysa da, bu həmin hüquq sahəsinin maddi hüquq normalarına (məsuliyyəti müəyyən edən normalara) aiddir. Lakin qanunun analogiya üzrə tətbiqi o zaman mümkündür ki, oxşar prosessual münasibətlər inzibati xətalar qanunvericiliyində müvafiq norma ilə tənzimlənməsin. Məhkəmə göstərilənlərə əsasən hesab edir ki, zərərçəkmiş şəxs Zərərçəkmiş şəxs yazılı ərizəsində Bakı Şəhəri Qaradağ Rayon Məhkəməsinin ## #### 2026-cı il tarixli, *(*-**)-****/**** nömrəli qərarından verdiyi şikayətindən imtina etdiyini göstərərək, həmin şikayəti üzrə apellyasiya icraatına xitam verilməsini xahiş etdiyinə, Azərbaycan Respublikası İXM-də bununla bağlı prosessual münasibətləri tənzimləyən norma olmadığına görə Azərbaycan Respublikası CPM-in 391.11-ci maddəsi hazırki işin müvafiq prosessual halına qanunun analogiyası qaydasında tətbiq edilməklə, onun həmin şikayətindən imtina etməsi qəbul edilməli və şikayətinə baxılmasına xitam verilməlidir. Məhkəmə şərh olunanlara əsaslanaraq, Azərbaycan Respublikası CPM-in 391.11-ci maddəsini rəhbər tutaraq, QƏRARA A L D İ: Zərərçəkmiş şəxs Zərərçəkmiş şəxs Bakı Şəhəri Qaradağ Rayon Məhkəməsinin ## #### 2026-cı il tarixli, *(*-**)-****/**** nömrəli qərarından verdiyi şikayətindən imtina etməsi qəbul edilsin və həmin şikayətə baxılmasına xitam verilsin. Qərar qətidir, ondan şikayət və ya protest verilə bilməz. Qərar elan olunduğu andan dərhal sonra qanuni qüvvəyə minir.