Bakı Apellyasiya Məhkəməsi Qərar — İş №3(3-6)-2304/2026

Azərbaycan Respublikası adından Qərar Bakı şəhəri İş № 3(3-6)-2304/2026 31.07.2026 BAKI APELLYASIYA MƏHKƏMƏSI Hakim Hüseynov Elməddin Mirpaşa oğlunun sədrliyi, məhkəmə iclasının katibi X6 və Azərbaycan Respublikası Əmək və Əhalinin Sosial Müdafiəsi Nazirliyi yanında X4 Xidmətinin nümayəndəsi X1 iştirakı ilə, Bakı Şəhəri Xətai Rayon Məhkəməsinin ## ### 2026-cı il tarixli, *(*-**)-****/**** nömrəli qərarından barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs Məhdud Məsuliyyətli Cəmiyyəti (bundan sonra - Barəsində inzibati xəta haqqında icraat aparılan şəxs MMC) tərəfindən verilən şikayətə Bakı Apellyasiya Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN E T D İ: Azərbaycan Respublikası Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi (bundan sonra – səlahiyyətli orqan) Barəsində inzibati xəta haqqında icraat aparılan şəxs MMC barəsində Azərbaycan Respublikası İnzibati Xətalar Məcəlləsinin (bundan sonra - Azərbaycan Respublikası İXM-in) 539.3-cü maddəsi ilə tərtib etdiyi ## ##### 2026-cı il tarixli, MN seriyalı, ******* nömrəli inzibati xəta haqqında protokolu ona əlavə edilmiş sənədlərlə birlikdə baxılması üçün Bakı Şəhəri Xətai Rayon Məhkəməsinə göndərmişdir. Bakı Şəhəri Xətai Rayon Məhkəməsinin ## ### 2026-cı il tarixli, *(*-**)-****/**** nömrəli qərarı ilə (hakim X2) Barəsində inzibati xəta haqqında icraat aparılan şəxs MMC Azərbaycan Respublikası İXM-in 539.3-cü maddəsində nəzərdə tutulmuş inzibati xətanı törətməkdə təqsirli bilinib, barəsində 2000,00 manat məbləğində inzibati cərimə tənbeh tədbiri tətbiq edilmişdir. Barəsində inzibati xəta haqqında icraat aparılan şəxs MMC həmin məhkəmə qərarından şikayət verib, onun ləğv edilməsi və iş üzrə icraata xitam verilməsi barədə qərar qəbul edilməsini xahiş etmişdir. Şikayətin dəlilləri, etiraz və tərəflərin çıxışları: Şikayət onunla əsaslandırılmışdır ki, iş üzrə inzibati məsuliyyətin yaranması üçün zəruri şərtlər tam şəkildə mövcud olmamışdır. Hacıyeva Dilbər İsmayıl qızı ilk olaraq Barəsində inzibati xəta haqqında icraat aparılan şəxs MMC-yə qarşı Xətai Rayon Məhkəməsində iddia qaldıraraq, ödənilmədiyini iddia etdiyi son haqq-hesab məbləğinin cavabdehdən tutulmasını tələb etmişdir. Həmin mülki işə baxılarkən tərəfimizdən dəfələrlə məhkəməyə bildirilib ki, cəmiyyət faktiki olaraq aktiv təsərrüfat fəaliyyətini həyata keçirmədiyindən və fəaliyyətin dayanması ilə əlaqədar zəruri sənədlərin əhəmiyyətli hissəsi mövcud olmadığından, mövqeyimizin müdafiəsi üçün əhəmiyyət kəsb edən bütün sübuti sənədlər belə məhkəməyə təqdim edilməsi obyektiv səbəblərdən mümkün olmamışdır. Bununla əlaqədar məhkəmənin sorğusuna cavab olaraq nümayəndəmiz tərəfindən Elektron Məhkəmə sistemi vasitəsilə müvafiq izahat xarakterli məlumat təqdim edilmişdir. Bundan əlavə, mübahisə predmeti üzrə qanunla müəyyən edilmiş iddia müddətinin keçməsi əsas gətirilərək iddia müddətinin tətbiqinə dair yazılı mülahizə də məhkəməyə təqdim edilmişdir. Belə olan halda, artıq məhkəmə qaydasında həll edilmiş əmək mübahisəsinə dair sənədlərin təqdim edilməməsinə görə cəmiyyətin inzibati məsuliyyətə cəlb edilməsi hüquqi müəyyənlik və yekun məhkəmə aktının sabitliyi prinsipləri ilə uzlaşmır. Bundan əlavə, tələb olunan sənədlərin cəmiyyətdə mövcud olduğu halda onların səlahiyyətli dövlət orqanına təqdim edilməsində tərəfimizin hər hansı marağı və ya yayınma niyyəti olmamışdır. Əksinə, həmin sənədlərin təqdim edilməməsi yalnız onların müəssisədə faktiki olaraq mövcud olmaması ilə əlaqədar olmuşdur. Eyni zamanda, Hacıyeva Dilbər İsmayıl qızı ilə bağlanmış əmək müqaviləsinə ##.##.2022-ci il tarixində xitam verilmiş və son haqq-hesab da məhz həmin tarixə hesablanmışdır. Həmin dövrdə cəmiyyətin direktoru Hacıyeva Dilbər İsmayıl qızının həyat yoldaşı, hazırda isə onun nümayəndəsi qismində çıxış edən Hacıyev Pərviz olmuşdur. Tərəflər arasında mövcud olmuş ailə münasibətləri, əmək münasibətlərinə xitam verildiyi tarixdən uzun müddət keçməsi və həmin dövrdə müəssisənin idarə edilməsinin məhz Hacıyev Pərvizin səlahiyyətində olması, son haqq-hesabın əmək müqaviləsinə xitam verilərkən tam şəkildə ödənilmiş olmasını ehtimal etməyə əsas verən mühüm hallardandır və bu xüsusatlar məhkəmə tərəfindən qiymətləndirilmişdir. Birinci instansiya məhkəməsi isə təqdim edilmiş sübutları tam, hərtərəfli və obyektiv araşdırmadan inzibati tənbeh vermişdir. Apellyasiya məhkəməsi iclasında səlahiyyətli orqanın nümayəndəsi X1 verdiyi izahatında şikayətin təmin edilməməsi və birinci instansiya məhkəməsinin qərarının dəyişdirilmədən saxlanılmasını xahiş etmişdir. Apellyasiya məhkəmə iclasına Barəsində inzibati xəta haqqında icraat aparılan şəxs MMCnin nümayəndəsi vaxtı və yeri barədə lazımi qaydada məlumat verilməsinə baxmayaraq gəlməmiş, bunun səbəbi barədə məhkəməyə məlumat verilməmişdir. Buna görə də məhkəmə şikayətə həmin Cəmiyyətin nümayəndəsinin iştirakı olmadan baxılmasını mümkün hesab etmişdir. İşin halları və hüquqi məsələlər: Azərbaycan Respublikası İXM-in 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Məhkəmə iş üzrə şikayətin dəlillərinə hüquqi qiymət verilməsi ilə əlaqədar aşağıdakıların qeyd edilməsini zəruri hesab edir. Azərbaycan Respublikası Əmək Məcəlləsinin 15.2-ci maddəsinə əsasən əmək qanunvericiliyinə əməl olunmasına dövlət nəzarətini həyata keçirən orqan fəaliyyət istiqamətlərinə uyğun olaraq işəgötürənlərdən zəruri olan məlumatların tam, düzgün və vaxtında təqdim edilməsini, habelə əmək qanunvericiliyinin pozulmasında təqsirkar şəxslərdən yol verdikləri hüquq pozuntularının aradan qaldırılmasını tələb etmək, onları Azərbaycan Respublikasının İXM ilə müəyyən olunmuş hallarda və qaydada inzibati məsuliyyətə cəlb etmək və digər məsuliyyətə cəlb olunması üçün müvafiq orqanlar qarşısında məsələ qaldırmaq hüququna malikdir. Azərbaycan Respublikası İXM-nin 539.3-cü maddəsinə əsasən əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının tələbi ilə bu Məcəllənin 539.1-1-ci maddəsində nəzərdə tutulan hallarla bağlı zəruri olan məlumatların (sənədlərin) təqdim edilməməsinə, yaxud tam, düzgün və ya vaxtında təqdim edilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olmaqla) görə hüquqi şəxslər iki min manatdan iki min beş yüz manatadək məbləğdə cərimə edilir. İş üzrə inzibati xəta haqqında protokol Barəsində inzibati xəta haqqında icraat aparılan şəxs MMC-nin ona çatdırılmış səlahiyyətli orqanın ## #### 2026-cı il tarixli, *-**-*/*-*****/**** nömrəli məktubunda işçi olmuş Hacıyeva Dilbər İsmayıl qızı ilə bağlı təqdim edilməsi tələb edilmiş sənədləri həmin məktubu almasından 7 iş günü ərzində səlahiyyətli orqana təqdim etməməsinə görə tərtib edilmişdir. Apellyasiya instansiyası məhkəməsi hesab edir ki, birinci instansiya məhkəməsi iş materialları əsasında cəmiyyətin Azərbaycan Respublikası İXM-in 539.3-cü maddəsində nəzərdə tutulmuş inzibati xətanı törətməkdə təqsirli bilinməsi barədə düzgün nəticəyə gəlmiş, həmin Cəmiyyətə tətbiq etdiyi inzibati cərimə tənbeh tədbirinin həddini təyin edərkən Azərbaycan Respublikası İXM-in 9.1, 21 və 31.2-ci maddələrinin tələblərinə əməl etmişdir. Azərbaycan Respublikası İXM-in 134.1.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq qərarın dəyişdirilmədən, şikayətin və ya protestin isə təmin edilmədən saxlanılması haqqında qərar qəbul edilə bilər. Məhkəmə göstərilənlərə əsasən belə nəticəyə gəlir ki, Barəsində inzibati xəta haqqında icraat aparılan şəxs MMC-nin verdiyi şikayət əsassız olduğuna görə təmin edilməməli, Bakı Şəhəri Xətai Rayon Məhkəməsinin ## ### 2026-cı il tarixli, *(*-**)-****/**** nömrəli qərarı verilmiş şikayətə münasibətdə dəyişdirilmədən saxlanılmalıdır. Məhkəmə şərh olunanlara əsaslanaraq, Azərbaycan Respublikası İXM-in 131, 133, 134.1.1, 136 və 138.1.3-cü maddələrini rəhbər tutaraq, QƏRARA A L D İ: Barəsində inzibati xəta haqqında iş üzrə icraat aparılan şəxs Barəsində inzibati xəta haqqında icraat aparılan şəxs MMC-nin verdiyi şikayət təmin edilməsin. Bakı Şəhəri Xətai Rayon Məhkəməsinin ## ### 2026-cı il tarixli, *(*-**)-****/**** nömrəli qərarı verilmiş şikayətə münasibətdə dəyişdirilmədən saxlanılsın. Qərar elan olunduğu andan qanuni qüvvəyə minir. Qərar qətidir, ondan şikayət verilə bilməz.